ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ءشۇيىنشى! زەينەتكەرلەردىڭ زەينەتاقىسى 16 رەت جالعاستى وسىرىلەدى

来源:央广网     |责编:阿依娜|     发布日期: 2020-01-14 14:55

ءشۇيىنشى! زەينەتكەرلەردىڭ زەينەتاقىسى 16 رەت جالعاستى وسىرىلەدى

2020- جىلدان باستاپ، جاڭا كەزەكتى زەينەتاقىنى جوعارىلاتۋ قىزمەتى تاعى دا جاپپاي ورىستەتىلەدى. ءتىلشىنىڭ ۇعىسۋىنشا، زەينەتكە شىققانداردىڭ زەينەتاقىسى الداعى جەردە، جالعاستى 16 رەت ءوسىرىلىپ، قالا، اۋىل تۇرعىندارىنىڭ زەينەتاقىسى ۇزدىكسىز جوعارىلايدى. كوپتەگەن جەرلەر بۇل جونىندە ناقتى جوبالاردى شىعارعان. سونىمەن بىرگە، 2020- جىلى، زەينەتكەرلىك قامسىزداندىرۋ ءتۇزىمى رەفورماسى دا شەشۋشى جىلدى قارسى الىپ وتىر. الداعى جەردە، كوپ ساتىلى زەينەتكەرلىك قامسىزداندىرۋ جۇيەسىن قۇرۋدا تاعى دا تىڭ ناتيجەلەر جاراتىلىپ، كوپتەگەن سالماقتى ناقتى شارالار قولدانىلادى.

 

ۇعىسۋعا قاراعاندا، قارتتاردىڭ نەگىزدىك زەينەتكەرلىك قامسىزداندىرۋ ءتۇزىمى رەفورماسى شۇعىل جوسپارلانۋدا. زەينەتاقىنى ۇيلەسىمدى ورنالاستىرۋ مەحانيزمى مەن كاسىپتىك جىلدىق قارجى قوسۋدى باسقارۋ ءادىسى نەمەسە جەدەل شىعارۋ قارقىنى تەزدەتىلەدى ەكەن. 2020- جىلى جىل ىشىندە، زەينەتكەرلىك قامسىزداندىرۋ قورىنا ورتالىقتىڭ رەتتەۋ سالىستىرماسى ۇزدىكسىز جوعارىلاتىلىپ، زەينەتاقىنى ولكە دارەجەلى ءبىر تۇتاس جوسپارلاۋ، قالا- اۋىل تۇرعىندارىنىڭ زەينەتاقىسىن قارجىلاندىرۋ جاپپاي جيناقتالادى. جەكەلەردىڭ زەينەتاقى تۇزىمىندە، «ءۇشىنشى تايانىش» جالپى بەتتىك كۇش سالۋ كەزەڭىنە وتۋگە نازار اۋدارىلادى.

2019- جىلى، ەلىمىزدە زەينەتكە شىققانداردىڭ زەينەتاقىسى ٪5 جوعارىلاعاننان كەيىن، 2020- جىلى، قالا- قالاشىق كاسىپورىندارى مەن ورگان، ءىسورىندارىنداعى جۇمىسشى- قىزمەتكەرلەردىڭ زەينەتاقىسى جالعاستى 16 رەت ءوسىپ، زەينەتاقىنى جوعارىلاتۋ جوباسى ازىرلەنگەن نەمەسە جۋىقتا جەدەل اتقارىلادى.

 

قالا- اۋىل تۇرعىندارىنىڭ زەينەتاقىسىن رەتتەۋ جوباسى دا شىعارىلىپ بولعان. گۋاڭدۇڭ، ىشكى موڭعۇل سياقتى جەرلەردىڭ جوباسى بىرتىندەپ جارىققا شىقتى ءارى وسى ايدا رەسىمي اتقارىلادى. مىسالى: گۋاڭدۇڭ ولكەسى 2020- جىلعى اقى تاپسىرۋ جىل شەگى 15 جىلدان اسقان قامسىزداندىرۋعا قاتىناسۋشىلارعا، ءبىر جىلدان اسقاندارىنا، اي سايىن نەگىزدىك زەينەتكەرلىك قامسىزداندىرۋ قاراجاتىنا قوسىلاتىن قارجىسى 3 يۋاننان كەم بولمايدى؛ 65 جاستان اسقان جانە جاسى ۇلعايعان قامسىزداندىرۋعا قاتىناسۋشىلارعا اي سايىن نەگىزدىك زەينەتاقىسى قوسىپ بەرىلەدى. سونىمەن بىرگە، جەكەلەردىڭ بۇرىنعى تاپسىرعان قاراجاتى جىلىنا 180 يۋاننان 4800 يۋانعا دەيىن تەڭشەلگەن. ىشكى موڭعۇل قالا- اۋىل تۇرعىندارىنىڭ نەگىزگى زەينەتكەرلىك قامسىزداندىرۋ اقىسىن تاپسىرۋ ولشەمىن 200 يۋاننان 7000 يۋانعا دەيىنگى ارالىقتا، 12 كەزەڭدە تەڭشەۋگە رەتتەگەن. ءارقايسى اقى تاپسىرۋ كەزەڭىندە، ۇكىمەت قوساتىن قوسىمشا قاراجات جونىندە ايقىن بەلگىلەمە شىعارعان. 3000 يۋانعا 90 يۋان قوسىمشا قاراجات قوسۋدى، 5000 يۋانعا 95 يۋان قوسىمشا قاراجات قوسۋدى، 7000 يۋانعا 100 يۋان قوسىمشا قاراجات قوسۋدى بەلگىلەگەن.

 

قازىنا مينيسترلىگى جۇڭگو قازىنا عىلىمىن زەرتتەۋ ورنى قوعامدىق دامۋدى زەرتتەۋ ورتالىعىنىڭ زەرتتەۋشىسى جۋ شياۋيۇي تىلشىگە بىلاي دەدى: پارتيا 19- كەزەكتى ورتالىق كوميتەتىنىڭ ءتورتىنشى جالپى ماجىلىسىندە، نەگىزگى زەينەتكەرلىك قامسىزداندىرۋىن قامتاماسىزداندىرۋ دەڭگەيىن ورنىقتى جوعارىلاتۋ كەرەك،- دەپ ايقىن تالاپ ەتىلدى. 2020- جىلى، قالا- قالاشىق جۇمىسشى- قىزمەتكەرلەرىنىڭ نەگىزدىك زەينەتكەرلىك قامسىزداندىرۋ مامىلەسى ۇزدىكسىز جوعارىلاتىلىپ، رەتتەۋ ءتاسىلى جاعىندا «بىركەلكى» رەتتەۋ مەن «رەتتى جۇرگىزۋدى» ءتۇيىندى تۇردە بەيىمدەپ تەڭشەۋ ءوزارا ۇشتاستىرىلىپ ويلاستىرىلادى. بۇدان سىرت، الەۋمەتتىك قازىنا قالا- اۋىل تۇرعىندارىنىڭ زەينەتكەرلىك قامسىزداندىرۋ مامىلەسىنە قوسىمشا قاراجات بەرۋدى كۇشەيتىپ، زەينەتكەرلىك قامسىزداندىرۋ ءتۇزىمى تۇسىنداعى مامىلە دەڭگەيىندەگى پارىقتى اناعۇرلىم ازايتادى.

 

جۇڭگو قوعامدىق عىلىمدار اكادەمياسى قازىنا- ەكونوميكا ستراتەگياسىن زەرتتەۋ ورنىنىڭ زەرتتەۋشىسى ۋاڭ دىحۋا بىلاي دەپ اتاپ كورسەتتى: قازىنالىق قوسىمشا قاراجات ولشەمىنىڭ جوعارىلاۋىنا، سونداي- اق، ساياساتتىق جاقتان كوپ تاپسىرۋعا شابىتتاندىرۋعا بايلانىستى، ەلىمىزدىڭ قالا- اۋىل تۇرعىندارىنىڭ زەينەتكەرلىك قامسىزداندىرۋ مامىلەسى جالپى تۇلعالىق جاقتان ءۇرتىس جوعارىلايدى. بۇدان سىرت، قازىر قازىنالىق قوسىمشا قاراجات نەگىزىنەن جەرگىلىكتى قازىنانىڭ جاعدايىنا قاراي بەرىلەدى. بولاشاقتا تاعى دا ولشەم مەن پرينسيپ جاقتان اناعۇرلىم ايقىندالادى.

 

ءتىلشىنىڭ ۇعىسۋىنشا، زەينەتكەرلىك مامىلەسىنىڭ ورنىقتى جوعارىلاۋىنا كەپىلدىك ەتۋ ءۇشىن، 2020- جىلعى زەينەتكەرلىك قامسىزداندىرۋ ءتۇزىمى رەفورماسىندا تىك تابىستارعا قول جەتكىزىلەدى. 2020- جىل— زەينەتكەرلىك قامسىزداندىرۋ ءتۇزىمى رەفورماسىنىڭ شەشۋشى جىلى. قوعامدىق قامسىزداندىرۋ اقىسىن تومەندەتۋ ونىمدىلىگى جىل باسىنان باستاپ كورىلە باستادى. زەينەتكەرلىك قامسىزداندىرۋىن ولكە دارەجەلى ءبىر تۇتاس جوسپارلاۋ ءتۇزىمى بۇكىل ەل كولەمىندە جاپپاي ورناتىلادى. ورتالىقتىڭ رەتتەۋ ءتۇزىمىنىڭ تەبىنى ۇزدىكسىز ارتادى. سونىمەن بىرگە، «13- بەسجىلدىق» جوبا اياقتالۋ قارساڭىندا، الداعى جەردە قوعامدىق قامسىزداندىرۋ نەگىزىنەن تولىق قامتىلادى. «14- بەسجىلدىق» نىساناسىندا بەلگىلەنەدى،- دەدى جۇڭگو قوعامدىق عىلىمدار اكادەمياسى دۇنيە جۇزىلىك قوعامدىق قامسىزداندىرۋدى زەرتتەۋ ورتالىعىنىڭ باس حاتشىسى فاڭ ليانچۋان.

 

قازىنا مينيسترلىگى قوعامدىق قامتاماسىزداندىرۋ مەڭگەرمەسىنىڭ باستىعى فۋ جينليڭ: جۋىقتا، ج ك پ ورتالىق كوميتەتى مەن مەملەكەتتىك كەڭەستىڭ تالابىنا ساي، كەزەكتە، قاتىستى تاراۋلار نەگىزدىك زەينەتكەرلىك قامسىزداندىرۋ ءتۇزىمى جۇيەسىن رەفورمالاۋدى جانە كەمەلدەندىرۋدى مىقتى يگەرۋدە- دەدى.

 

نەگىزدىك زەينەتكەرلىك قامسىزداندىرۋ تۇزىمىنە رەفورما جاساۋدىڭ جانە ونى كەمەلدەندىرۋدىڭ ماڭىزدى ءتۇيىنى جونىندە، جۇڭگو ەڭبەك جانە قوعامدىق قامتاماسىزداندىرۋ عىلمي ورنىنىڭ باستىعى جين ۋيگاڭ بىلاي دەدى: ەلىمىز نەگىزدىك زەينەتكەرلىك قامسىزداندىرۋ قورىن بۇكىل ەل بويىنشا ءبىرتۇتاس جوسپارلاۋ جەدەل ىلگەرىلەتىلەدى. 2019- جىلى، زەينەتكەرلىك قامسىزداندىرۋ قورىندا، ورتالىقتىڭ رەتتەۋ سالىستىرماسى 2018- جىلعى ٪3 تىك نەگىزدەن جوعارىلاپ، ٪3.5 كە كوتەرىلدى. 2020- جىلى، زەينەتكەرلىك قامسىزداندىرۋ قورىنا ورتالىقتىڭ رەتتەۋ سالىستىرماسى تاعى دا جوعارىلاي تۇسەدى. بۇدان سىرت، ورگان، ءىسورىنداردىڭ زەينەتكەرلىك قامسىزداندىرۋ ءتۇزىمى رەفورماسى جاپپاي ىلگەرىلەتىلىپ، رەفورمانىڭ الدى- ارتىنداعى زەينەتكەرلىك مامىلەسىنىڭ ورنىقتى ۇشتاسۋىن جۇزەگە اسىرۋ ءارى قاتىستى كاسىپتىك جىلدىق قاراجاتقا قارجى قوسۋدى باسقارۋ ءادىسىن تەز ارادا شىعارادى. جۇمىسشى- قىزمەتكەرلەردىڭ زەينەتكەرلىك قامسىزداندىرۋىنىڭ جەكەلەر ەسەپ ءتۇزىمى دە كەمەلدەندىرىلەدى.

 

«ۇيلەسىمدى زەينەتاقى مەحانيزمىن جەدەل ورناتۋ كەرەك. زەينەتكەرلەردىڭ نەگىزگى تۇرمىسىن قامتاماسىز ەتىپ جانە نىق قاداممەن جوعارىلاتىپ، ەكونوميكانىڭ دامۋ جەتىستىكتەرىنەن لايىقتى يگىلىكتەندىرۋمەن بىرگە، مامىلەنى رەتتەۋدى قور مەن قازىنا كوتەرە الاتىن كولەمدە تىزگىندەۋ كەرەك»،- دەدى جين ۋيگاڭ.

 

زەينەتكەرلىك قامسىزداندىرۋىن مەملەكەت بويىنشا ءبىر تۇتاس جوسپارلاۋدىڭ ماڭىزدى وتكەرمەسى رەتىندە، ولكە دارەجەلى ءبىر تۇتاس جوسپارلاۋ جەدەل ىلگەرىلەتىلۋدە. 13 ولكە وتكەن جىلدىڭ سوڭىنا دەيىن، قوردىڭ ولكە دارەجەلى ءبىر تۇتاس كىرىسىن، ءبىر تۇتاس شىعىسىن جۇزەگە اسىردى. شاندۇڭ، انحۇي، گۋاڭشي، سانشي قاتارلى جەرلەر جۋىقتا، مىنانى ارت- ارتىنان جاريالادى: 2020- جىلى 1- ايدىڭ 1- كۇنىنەن باستاپ، كاسىپورىن جۇمىسشى- قىزمەتكەرلەرىنىڭ نەگىزگى زەينەتكەرلىك قامسىزداندىرۋى ولكە دارەجەلى ءبىرتۇتاس جوسپارلاۋ ءتۇزىمى بويىنشا رەسىمي اتقارىلادى.

 

بۇدان سىرت، زەينەتكەرلىك قامسىزداندىرۋ قورىنىڭ قۇنىن ساقتاۋ، ارتتىرۋ جاعىندا، 2020- جىلدىڭ سوڭىندا، قالا- اۋىل تۇرعىندارىنىڭ نەگىزدىك زەينەتكەرلىك قامسىزداندىرۋ قورىنا قارجى قوسۋعا اماناتتاۋ قىزمەتى جاپپاي اتقارىلادى. زەينەتكەرلىك قامسىزداندىرۋىنداعى «ەكى تايانىش» پەن «ءۇش تايانىش» تان قامال الۋ جەلدەتىلەدى.

 

جين ۋيگاڭ بىلاي دەپ اتاپ كورسەتتى: قالا- قالاشىقتارداعى جۇمىسشى- قىزمەتكەرلەردىڭ نەگىزدىك زەينەتاقىسى بۇكىل ەل بويىنشا ءبىر تۇتاس جوسپارلانعاننان كەيىن جانە نەگىزدىك زەينەتكەرلىك قامسىزداندىرۋ قورىنا قارجى قوسىپ اينالىمعا سالىنعاننان كەيىن، بۇكىل ەلدەگى قالا- قالاشىقتارداعى جۇمىسشى- قىزمەتكەرلەردىڭ نەگىزدىك زەينەتكەرلىك قامسىزداندىرۋ قور كولەمىنىڭ تەز ۇلعايۋىنا، قوردى رەتتەۋ جانە حاۋىپ- قاتەرگە توتەپ بەرۋ قۋاتىنىڭ ارتۋىنا بايلانىستى، كاسىپورىنداردىڭ نەگىزدىك زەينەتكەرلىك قامسىزداندىرۋ اقىسىن تاپسىرۋ مولشەرىن دەر كەزىندە لايىقتى تومەندەتىپ، ساياساتتىق سۇيەمەلدەۋ ارقىلى ءتىپتى دە كوپ كاسىپورىنداردىڭ كاسىپورىن جىلدىق قورىن قۇرۋىنا جەتەكشىلىك ەتىلەدى جانە دەم بەرىلەدى. سونىمەن بىرگە، باجىدا تيىمدىلىك جاساۋ تەبىنىن شىنايى كۇشەيتۋ ارقىلى «ۇشىنشى تايانىشتى» ياعني جەكەلەردىڭ زەينەتاقى ءتۇزىمىنىڭ دامۋى جەبەلەدى.

 

جۋ شياۋيۇي دا بىلاي دەپ اتاپ كورسەتتى: ەلىمىز جان سانىنىڭ قارتتانۋ قارقىنىنىڭ تەزدەۋىنە بايلانىستى، كوپ ساتىلى قوعامدىق قامتاماسىزداندىرۋ ءتۇزىمى قۇرىلىسىنا جاپپاي كۇش سالىنۋدا. 2-، 3- تايانىشتىڭ دامۋى ساياساتتىق يگىلىك مەزگىلىن بىرتىندەپ قارسى الادى. كەزەكتە، ءۇشىنشى تايانشتىق ءتۇزىم قۇرىلىسىنىڭ جوعارى دەڭگەيلى جوباسى ىلگەرىلەتىلۋدە.

 

بانكە قامسىزداندىرۋىن باقىلاپ- باسقارۋ كوميتەتىنىڭ قاتىسى جاۋاپتىسى بىرنەشە كۇننىڭ الدىندا، مەملەكەتتىك كەڭەستىڭ ساياساتتىق حابارلاندىرۋ ماجىلىسىندە بىلاي دەدى: قوعامدىق سالاداعى ساۋدا قامسىزداندىرۋىنىڭ دامۋىن جەبەۋ جاعىندا، جەكەلەر تابىس باجىسىن كەشەۋىلدەتەتىن ساۋدا كاسىپورىندارىنىڭ زەينەتكەرلىك قامسىزداندىرۋ ساياساتىن كەمەلدەندىرىپ، زەينەتكەرلىك قامسىزداندىرۋىنىڭ ءۇشىنشى تايانىش دامۋىن قولداۋ كەرەك. جۇڭگو بانكە قامسىزداندىرۋىن باقىلاۋ- باسقارۋ كوميتەتىنڭ بانكە كاسىبى مەن قامسىزداندىرۋ كاسىبىنىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىرىندە، كاسىپورىنداردىڭ جىلدىق قورى، كاسىپتىك جىلدىق قورى، ءتۇرلى دەنساۋلىق ساقتاۋ جانە زەينەتكەرلىك قامسىزداندىرۋ كاسىبى زەينەتكەرلىك قامسىزداندىرۋىنىڭ 3- تايانىشتى قۇرىلىسىن كۇشەيتۋ سياقتىلارى العا قويىلدى.

 

ەلىمىزدىڭ زەينەتكەرلىك قامسىزداندىرۋ ءتۇزىمى رەفورماسى ۇزدىكسىز جۇرىلۋدە. دوڭگەلەك داۋلەتتى قوعامدى جاپپاي قۇرۋ قارساڭىندا، قوعامدىق قامتاماسىزداندىرۋ تۇزىمىندەگى ءتۇزىم قۇرىلىم نەگىزگى اناعۇرلىم پىسىپ- جەتىلگەن، كەمەلدەنگەن دامۋدىڭ جاڭا كەزەڭىنە قادام تاستايدى. قامسىزداندىرۋعا تيستىلەرىن مۇمكىندىگىنشە قامتاماسىزداندىرۋ نىساناسى نەگىزىنەن جۇزەگە اسقاننان كەيىن، ءبىر تۇتاس جوسپارلاۋدى جەبەۋ، ادىلدىككە كەپىلدىك ەتۋ، باياندى بولۋدى ءتۇزىمدى كەمەلدەندىرۋدىڭ تۇيىنىنە اينالدىرادى،- دەدى جۋ شياۋيۇي.

 

中央广播电视总台 央广网 版权所有

ءشۇيىنشى! زەينەتكەرلەردىڭ زەينەتاقىسى 16 رەت جالعاستى وسىرىلەدى

2020- جىلدان باستاپ، جاڭا كەزەكتى زەينەتاقىنى جوعارىلاتۋ قىزمەتى تاعى دا جاپپاي ورىستەتىلەدى.