ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ بەيجيڭ قالاسىندا جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى

来源:جۇڭگو قازاق راديو تورابى     |责编:达吾力别克 |     发布日期: 2020-02-12 02:27

شي جينپيڭ بەيجيڭ قالاسىندا جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندە: ءتىپتى دە بەرىك سەنىم، ءتىپتى دە قايسار ەرىك – جىگەر ارقىلى ءتىپتى دە باتىل شارالار قولدانىپ جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، جۇقپالى اۋرۋ تارالۋىن توسۋ شايقاسىنىڭ جەڭىسىنە باتىل قول جەتكىزۋ كەرەك،-دەپ باسا دارىپتەدى


ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 ـ ايدىڭ 10 ـ كۇنى بەيجيڭدە جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنە تەكسەرۋ ـ زەرتتەۋ جۇرگىزىپ، جەتەكشىلىك ەتكەندە مىنانى باسا دارىپتەدى: قازىر جۇقپالى اۋرۋ جاعدايى ءالى دە توتەنشە اۋىر، ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ جۇقپالى اۋرۋدان ساقتانۋ جانە ونى تىزگىندەۋ جونىندەگى شەشىمدەرى مەن ورنالاستىرۋلارىن باتىل دايەكتەندىرۋ كەرەك. سەنىمدى بەكەمدەۋ، تاعدىرلاس ـ تىنسىتاس بولۋ، عىلمي جولمەن ساقتانۋ، دالمە ـ ءدال شارا قولدانۋ جالپى تالابىن باتىل دايەكتەندىرىپ، جالعاستى قۇلشىنىپ، ەرلىكپەن كۇرەس جۇرگىزىپ، اناعۇرلىم بەرىك سەنىم، اناعۇرلىم قايسار ەرىك ـ جىگەر ارقىلى اناعۇرلىم باتىل شارالارقولدانىپ، حالىق بۇقاراسىنا تىعىز سۇيەنىپ، جۇقپالى اۋرۋدىڭ تارالۋ، ءورشۋ جاعدايىن باتىل تەجەپ، جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ سىندى حالىقتىق شايقاستىڭ، جالپى تۇلعالىق شايقاستىڭ، جۇقپالى اۋرۋ تارالۋىن توسۋ شايقاسىنىڭ جەڭىسىنە باتىل قول جەتكىزۋ كەرەك.


1 ـ ايدىڭ 10 ـ كۇنى تۇستەن كەيىن شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي مەن قالا باستىعى چىن جي نيڭنىڭ سەرىك بولۋىندا، الەۋمەتتىك رايوندارعا، دوحترحانالارعا، اۋرۋدى تىزگىندەۋ ورتالىعىنا بارىپ، نەگىزگى ساتىنىڭ جۇقپالى اۋرۋدان ساقتانۋ جانە ونى تىزگىندەۋ قىزمەت جاعدايىن ۇعىستى ءارى حۋبي ولكەسىنىڭ ۋحان قالاسىنداعى جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ الدىڭعى شەبىمەن ەكران ارقىلى بايلانىس جاساپ، بۇكىل ەلدەگى جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋدىڭ ءبىرىنشى شەبىندە شايقاس جاساپ جاتقان ەمدەۋ قىزمەتكەرلەرىنە، قالىڭ كادرلار مەن جۇمىسشى ـ قىزمەتكەرلەرگە پارتيا ورتالىق كوميتەتىنىڭ قامقورلىعى مەن حال سۇرايتىندىعىن جەتكىزدى.


شي جينپيڭ الدىمەن بەيجيڭ قالاسى چاۋياڭ رايونى انجىن كوشەسى انحۋالي الەۋمەتتىك رايونىنا كەلىپ، نەگىزگى ساتىنىڭ ءبىرىنشى شەبىندەگى جۇقپالى اۋرۋدان بىرلەسىپ ساقتانۋ، بىرلەسىپ تىزگىندەۋ جاعدايىن ۇعىستى. الەۋمەتتىك رايون تۇرعىندار كوميتەتىنىڭ جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قولباسشىلىق شتابىندا شي جينپيڭ انجىن كوشە باسقارماسى مەن انحۋالي الەۋمەتتىك رايونىنىڭ بىرلەسىپ ساقتانۋ، بىرلەسىپ تىزگىندەۋ جاعدايى جونىندەگى تانىستىرۋدى تىڭدادى. شي جينپيڭ الەۋمەتتىك رايوننىڭ كوپ ءتۇرلى شارا قولدانىپ، ساقتانۋ ـ تىزگىندەۋ جاۋاپكەرشىلىگىن تياناقتاندىرىپ، وتباسىلارىن ارالاپ ءبىر ـ بىرلەپ تەكسەرۋ، ءتۇيىندى قاۋىمدى باقىلاۋ ـ تىزگىندەۋ سىندى « ەكىنى جالپى بەتتىك قامتۋ قاتارلى ادىستەردى قولدناۋ ناتيجەلەرىن تۇراقتاندىردى. ول مىنالاردى باسا دارىپتەدى: الەۋمەتتىك رايوندار جۇقپالى اۋرۋدان بىرلەسىپ ساقتانۋدىڭ، بىرلەسىپ تىزگىندەۋدىڭ ءبىرىنشى شەبى، سونداي ـ اق سىرتتان اۋرۋ كىرۋدەن قورعانۋدىڭ، ىشكى جاقتا اۋرۋ تارالاۋىنان ساقتانۋدىڭ ەڭ ءونىمدى قورعانىس شەبى. الەۋمەتتىك رايون سىندى وسى قورعانىس شەبىن مىعىم ۇستاي الساق، جۇقپالى اۋرۋدىڭ تارالۋ، ءورشۋ ارناسىن ءونىمدى تۇردە ءۇزىپ تاستاۋعا بولادى. مەملەكەت بويىنشا الەۋمەتتىك رايونداردىڭ جۇقپالى اۋرۋدان ساقتانۋ جانە ونى تىزگىندەۋ بارىسىنداعى توسقاۋىلداۋ رولىن تولىق ساۋلەلەندىرىپ، ساقتانۋ، تىزگىندەۋ كۇشتەرىن الەۋمەتتىك رايوندارعا قاراي تومەنگە ءتۇسىرىپ، الەۋمەتتىك رايونداردىڭ ءتۇرلى ساقتانۋ، تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك رايونداردى جۇقپالى اۋرۋدان ساقتانۋ جانە ونى تىزگىندەۋدىڭ بەرىك قامالىنا اينالدىرۋ كەرەك. جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنىڭ ونىمدىلىگى ارقىلى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ » نەگىزگى تاقىرىپتىق تاربيەسىنىڭ جەتىستىكتەرىن سىننان وتكىزۋ جانە كەڭەيتۋ، نەگىزگى ساتى پارتيا ۇيىمدارىنىڭ ساياسي جەتەكشىلىك رولى مەن پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرۋ، الەۋمەتتىك رايون تۇرعىندارىن اتتانىسقا كەلتىرىپ، جۇقپالى اۋرۋدان ساقتانۋ جانە ونى تىزگىندەۋدىڭ حالىقتىق قورعانىس شەبىن قۇرۋ كەرەك.


بيىل 1 ـ ايدىڭ 12 ـ كۇنىنەن باستاپ استانا مەديتسينا ۋنيۆەرسيتەتىنە قاراستى بەيجيڭ ديتان دوحترحاناسى جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىققانداردى ەمدەۋ ـ قۇتقارۋ، تەكسەرۋ، اۋاشالاۋ قىزمەتىن ۇستىنە الىپ، بەيجيڭ قالاسىنداعى ەڭ العاشقى دياگنوزدالعان ناۋقاستى قابىلدادى. شي جينپيڭ ديتان دوحترحاناسىنىڭ امبالاتوريا عيماراتىنىڭ 1 ـ قاباتىنداعى جۇمىس جۇرگىزۋدى باقىلاۋ ـ مەڭگەرۋ ورتالىعىنا كەلىپ، باقىلاۋ ـ تەكسەرۋ ارقىلى ناۋقاستىڭ بالنيتساعا جاتىپ ەمدەلۋ جاعدايىن كوردى ءارى بەينە ـ ەكران ارقىلى كەزەكشىلىك ىستەپ جاتقان ەمدەۋ قىزمەتكەرلەرىمەن بايلانىس جاساپ، ولاردى ەمدەۋ جوباسىن ۇزدىكسىز كەمەلدەندىرىپ، ناۋقاستى ۇزدىكسىز قابىلداپ ەمدەۋ مولشەرىن جانە ەمدەپ ساۋىقتىرۋ سالىستىرماسىن بار كۇشپەن جوعارىلاتۋعا، جۇعىمدالۋ مولشەرى مەن ءولۋ مولشەرىن تومەندەتۋگە شابىتتاندىردى ءارى ولارعا ءوزىن قورعاۋدى قاداعالاي تاپسىردى.

 


شي جينپيڭ حۋبي جانە ۋحانداعى جۇقپالى اۋرۋ جاعدايىنا ايرىقشا كوڭىل ءبولدى. ديتان دوحترحاناسىنىڭ الىس ارالىقتى دياگنوز قويۋ ـ ەمدەۋ ورتالىعىندا شي جينپيڭ بەينە ەكران ارقىلى ۋحان قالاسىنىڭ جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىققانداردى ەمدەيتىن جينيىنتان دوحترحاناسى، شيەحى دوحترحاناسى، حوشىنشان دوحترحاناسى ارقىلى جۇقپالى اۋرۋدان ساقتانۋدىڭ ءبىرىنشى شەبىندەگى ەمدەۋ قىزمەتكەرلەرىنەن، جۇمىسشى ـ قىزمەتكەرلەردەن جانە حالىق ازاتتىق ارمياسىنىڭ كوماندير ـ جاۋىنگەرلەرىنەن جاعداي ۇعىسىپ، پىكىر جانە ۇسىنىستاردى تىڭدادى. ول بىلاي دەپ باسا دارىپتەدى: بۇكىل ەلدەگى قالىڭ ەمدەۋ قىزمەتكەرلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ۇندەۋىنە ءۇن قوسىپ، ەشتەڭەدەن تايىنباي، جۇقپالى اۋرۋدان ساقتانۋدىڭ ءبىرىنشى شەبىنە بارىپ، ۋاقىتپەن جارىسىپ، اۋرۋمەن ايقاسىپ، قايسارلىقپەن شايقاس جاساپ، كۇندى ـءتۇنگە جالعاي كۇرەس جۇرگىزىپ، پارتياعا، حالىققا وسكەلەڭ جاۋاپتى بولاتىن رۋحاني بەت ـ بەينەنى ايگىلەدى. ول بىلاي دەپ انىق ايتتى: قازىر جۇقپالى اۋرۋدان ساقتانۋ جانە ونى تىزگىندەۋ تىرەسۋ جاعدايىندا تۇر، قالىڭ ەمدەۋ قىزمەتكەرلەرى، ءسوز جوق، جاپا ـ ماشاقات شەگۋدەن قورىقپاۋ، ەرلىكپەن كۇرەس جۇرگىزۋ رۋحىن ساۋلەلەندىرىپ، قاتەرلى مايداندا تىرەكتىك رول اتقارىپ، حالىق بۇقاراسىنىڭ باس اماندىعى مەن دەنساۋلىعىن باستان ـ اياق ماڭداي الدى ورىنعا قويىپ، ناۋقاستاردى بار كۇشپەن ەمدەپ قۇتقارىپ، ۋحاندى قورعاۋ شايقاسىن، حۋبيدى قورعاۋ شايقاسىن ويداعىداي جۇرگىزۋ كەرەك.


وسىدان كەيىن، شي جينپيڭ الىس ارالىقتى دياگنوز قويۋ ـ ەمدەۋ ورتالىعىندا بەينە ـ ەكران ءماجىلىسىن باسقارىپ اشىپ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، ورتالىق جەتەكشىلىك گرۋپپاسىنىڭ باستىعى سۇن چۇنلان، حۋبي ولكەلىك پارتكومنىڭ شۋجيى جياڭ چاۋلياڭنىڭ ورتالىق كوميتەتتىڭ جەتەكشىلىك گرۋپپاسى، حۋبي قولباسشىلىق شتابى اتىنان جەكە ـ جەكە جاساعان مالىمەتىن تىڭدادى. شي جينپيڭ ماڭىزدى ءسوز سويلەدى. شي جينپيڭ الدىمەن پارتيا ورتالىق كوميتەتى اتىنان حۋبيداعى قالىڭ پارتيا مۇشەلەرىنە، كادرلارعا، بۇقاراعا شىنايى سالەم جولداپ، جۇقپالى اۋرۋدان ساقتانۋ جانە ونى تىزگىندەۋدىڭ ءبىرىنشى شەبىندە شايقاس جاساپ جاتقان قالىڭ ەمدەۋ قىزمەتكەرلەرىنە، حالىق ازاتتىق ارمياسىنىڭ قولباسشىلارى مەن جاۋىنگەرلەرىنە جانە جولداستارعا شىن جۇرەكتەن العىس ايتتى، وسى رەتكى جۇقپالى اۋرۋ جاعدايىندا باقىتقا قارسى قايتىس بولعان بۇقارانىڭ وتباسىنداعىلارعا شىنايى كوڭىل ايتتى، ناۋقاستاردان، ولاردىڭ وتباسىنداعىلاردان، اۋرۋدان قايتىس بولعانداردىڭ وتباسىنداعىلاردان شىنايى حال سۇرادى. شي جينپيڭ بىلاي دەدى: حۋبي، اسىرەسە، ۋحانداعى قالىڭ پارتيا مۇشەلەرى، كادرلار مەن بۇقارا پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، سەنىمدى بەكەمدەپ، جالپى جاعدايمەن ساناسىپ، سانالى ارەكەت جاساپ، قايسارلىقپەن كۇرەس جۇرگىزدى ؛ بۇكىل ەلدىڭ جەر - جەرى قيىنشىلىققا ۇشىراعاندارعا جالپى بولىپ جۇمىلا كومەكتەسۋدە تاباندى بولىپ، جەر - جەردەن حۋبي مەن ۋحانعا كومەككە بارعان قالىڭ ەمدەۋ قىزمەتكەرلەرى، حالىق ازاتتىق ارمياسىنىڭ قولباسشىلارى مەن جاۋىنگەرلەرى، سونداي - اق ءار جاقتاعى قىزمەتكەرلەر نەعۇرلىم جاپا - ماشاقاتقا تولى بولعان سايىن العا باساتىن توڭكەرىستىك رۋحتى ساۋلەلەندىرىپ، بۇيرىقتى ەستي سالا ارەكەتتەنىپ، قاجىماي – تالماي كۇرەس جاساپ، بوداۋلار بەرىپ، قيىندىقتاردان قامال الدى. كوپشىلىك قىرۋار جاپالى قىزمەتتەر ىستەپ، وراسان زور تىرىسشاڭدىقتار كورسەتىپ، جۇقپالى اۋرۋدان ساقتانۋ جانە ونى ەمدەۋ قىزمەتىنە ايانباي كۇش سالدى.


شي جينپيڭ مىنالاردى باسا دارىپتەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى حۋبي جانە ۋحان حالقىمەن بىرگە تۇرادى. پارتيا ورتالىق كوميتەتىنىڭ جەتەكشىلىك گرۋپپاسىن ۋحانعا جىبەرۋى جۇقپالى اۋرۋدان ساقتانۋ جانە ونى تىزگىندەۋدىڭ ءبىرىنشى شەبىندەگى قىزمەتتى جالپى بەتتىك كۇشەيتۋگە تىكەلەي جەتەكشىلىگى ءارى حۋبي حالقىمەن جانە ۋحان حالقىمەن تىزە قوسا شايقاس جاساۋى بولىپ تابىلادى. ۋحان ـ قاھارمان قالا، حۋبي حالقى، ۋحان حالقى ـ قاھارمان حالىق، تاريحتا ەجەلدەن تار جول، تايعاق كەشۋلەردە مۇقالىپ كورگەن ەمەس، جولداستار ءبىر جاعادان باس، ءبىر جەڭنەن قول شىعارىپ، ەرلىكپەن كۇرەس جۇرگىزىپ، قيىنشىلىقتاردى بىرلىكتە جەڭۋگە ايانباساق،بولعانى، ءبىز، ءسوز جوق، جۇقپالى اۋرۋدان ساقتانۋ جانە ونى تىزگىندەۋ كۇرەسىنىڭ جالپى بەتتىك جەڭىسىنە قول جەتكىزە الامىز.

 


شي جينپيڭ مىنالاردى انىق ايتتى: حۋبي مەن ۋحان جۇقپالى اۋرۋدان ساقتانۋ جانە ونى تىزگىندەۋدەگى ەڭ ماڭىزدى ءتۇيىن، جۇقپالى اۋرۋدان ساقتانۋ جانە ونى تىزگىندەۋ، جۇقپالى اۋرۋ تارالۋىن توسۋ شايقاسىنىڭ شەشۋشى جەڭىسىنە قول جەتكىزەتىن جەر. ۋحان جەڭسە حۋبىي جەڭەدى، حۋبي جەڭسە بۇكىل مەملەكەت جەڭەدى. قازىر حۋبي مەن ۋحاندا جۇقپالى اۋرۋ جاعدايى ءالى دە توتەنشە قيىن، ءتىپتى دە زور سەرپىن، ءتىپتى دە باتىل شارالار قولدانىپ، جۇقپالى اۋرۋدىڭ تارالۋ، ءورشۋ جاعدايىن باتىل تەجەۋ كەرەك. ءبىرىنشى، ناۋقاستاردىڭ جيناپ الۋعا تيىستىلەرىن تۇگەل جيىپ الۋدى باتىل ورىنداۋ كەرەك. قاينار كوزىن تىزگىندەۋ، تارالۋ جولىن ءۇزىپ تاستاۋ ـ جۇقپالى اۋرۋدان ساقتانۋ جانە ونى تىزگىندەۋدىڭ ءتۇبىرلى شاراسى. ءتىپتى دە پارمەندى شارالار قولدانىپ، ەمدەۋ قۇرىلىمدارىنىڭ توسەك ورنىن تەز ارادا مولايتىپ، شارشى بولمەلى جىلجىمالى دوحترحانادان ويداعىداي پايدالانىپ، قوناق ءۇي، تاربيەلەۋ ورتالىعى سياقتى ورىندار ارقىلى وڭاشالاۋ ورىن ـ توسەكتەردى كوبەيتىپ، ناۋقاستاردى مۇمكىندىكتىڭ بارىنشا كۇش سالا قابىلداپ ەمدەۋ كەرەك. ەكىنشى، قۇتقارۋ، ەمدەۋ قىزمەتىن بار كۇشپەن جاقسى ىستەۋ كەرەك. ناۋقاستى، مامانداردى، بايلىقتى، ەمدەۋ - قۇتقارۋدى شوعىرلاندىرۋ پرينسيپى بويىنشا، دياگنوز قويۋ - ەمدەۋ جوباسىن ۇزدىكسىز ساپالاندىرۋ، جۇڭگوشا ەمدەۋ مەن باتىسشا ەمدەۋدى ۇشتاستىرۋعا تاباندى بولۋ، عىلمي زەرتتەۋدەن قامال الۋ تەبىنىن ارتتىرۋ، ءبىرشاما جاقسى كلينيكالىق ەمدەۋ ونىمىنە يە ءدارى - دارمەكتى سۇرىپتاۋ ـ تاپقىرلاۋدى تەزدەتۋ كەرەك. ءۇشىنشى، قوعامدىق باسقارۋ ـ مەڭگەرۋدى جالپى بەتتىك كۇشەيتۋ كەرەك. قوعامدىق باسقارۋدى كۇشەيتىپ، جۇقپالى اۋرۋدان ساقتانۋ جانە ونى تىزگىندەۋ بارىسىندا جارىققا شىعۋى مۇمكىن بولعان ءتۇرلى ماسەلەلەردى ۇيلەسىمدى ءبىر جاقتى ەتۋ، ءتۇرلى قىزمەتتەردى ەگجەي ـ تەگجەيلى، دەن قويا ىستەۋ، تۇرمىستى قامتاماسىزداندىرۋ، ەمدەۋ ـ قۇتقارۋ، پسيحولوگيالىق كومەكتەسۋ قاتارلى قىزمەتتەردى تىڭعىلىقتى ىستەپ، قوعامدىق جالپى جاعدايدىڭ ورنىقتىلىعىن قورعاۋ كەرەك. ءتورتىنشى، جۇرتشىلىق پىكىرىنە جەتەكشىلىك ەتۋ قىزمەتىن كۇشەيتۋ كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن، حۋبي مەن ۋحانعا كوڭىل ءبولۋدى، ءمان بەرۋدى ىشكەرىلەي ۇگىتتەۋ ؛ قيىنشىلىققا ۇشىراعاندارعا جان جاقتان كومەك بەرەتىن ۇلى سۇيىسپەنشىلىك رۋحىن ۇگىتتەۋ ؛ ءبىرىنشى شەپتەگى ەمدەۋ قىزمەتكەرلەرىنىڭ، نەگىزگى ساتى كادرلارىنىڭ، قوعام حاۋىپسىزدىگى حالىق ساقشىلارىنىڭ، الەۋمەتتىك رايون قىزمەتكەرلەرىنىڭ، ەرىكتىلەر قاتارلىلاردىڭ اسەرلى ىزگى ىستەرىن ىشكەرىلەي ۇگىتتەۋ ؛ بۇكىل ەلدەگى ءار ۇلت حالقىنىڭ سەنىمدى بەكەمدەپ، ءبىر جاعادان باس، ءبىر جەڭنەن قول شىعاراتىن بەرىك جىگەرىن ايگىلەۋ كەرەك. بەدەلدى ينفورماتسيالاردى دەر كەزىندە جاريالاۋ، بۇقارا كوڭىل ءبولىپ وتىرعان ماسەلەلەرگە اشىق جاۋاپ قايتارۋ، جۇرتشىلىق پىكىرىنە جەتەكشىلىك ەتۋدىڭ باعىتتامالىلىعى مەن ونىمدىلىگىن كۇشەيتۋ كەرەك. جۇقپالى اۋرۋدان ساقتانۋ جانە ونى تىزگىندەۋ جونىندەگى ۇگىت - تاربيەنى كۇشەيتۋ ؛ بۇكىل قوعامدى زاڭ بويىنشا ساقتانۋ جانە ونى تىزگىندەۋگە جەتەكتەۋ؛ حالىق بۇقاراسىنىڭ ءوزىن - ءوزى قورعاۋ قابىلەتىن جوعارىلاتۋ كەرەك. بەسىنشى، جۇقپالى اۋرۋدان ساقتانۋ جانە ونى تىزگىندەۋ قىزمەتىنە ءبىر تۇتاس قولباسشىلىق ەتۋدى كۇشەيتۋ كەرەك. ورتالىقتىڭ جاڭا ءتيىپتى ايدارشا ۆيروسپەن جۇعىمدالعان وكپە قابىنۋ اۋرۋى جاعدايىنا توتەپ بەرۋ قىزمەت باسشىلىق گرۋپپاسى پارتيا ورتالىق كوميتەتىنىڭ تالابىن جالپى بەتتىك تياناقتاندىرىپ، ءتۇيىندى وڭىرلەردىڭ جۇقپالى اۋرۋدان ساقتانۋ جانە ونى تىزگىندەۋ قىزمەتىن كورنەكتى تۇردە ويداعىداي يگەرۋ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىن سايكەستىرۋدى، ورنالاستىرۋدى كۇشەيتىپ، ۋحان سياقتى ءتۇيىندى وڭىرلەردىڭ جۇقپالى اۋرۋدان ساقتانۋ جانە ونى تىزگىندەۋ قىزمەتىن الدىمەن قامتاماسىزداندىرۋ كەرەك. ورتالىقتىڭ جەتەكشىلىك گرۋپپاسى حۋبي مەن ۋحانداعى ساقتانۋ ـ تىزگىندەۋ قىزمەتىنە جەتەكشىلىك ەتۋمەن بىرگە، باقىلاۋ ـ تەكسەرۋدى كۇشەيتۋى كەرەك. حۋبي مەن ۋحان جۇقپالى اۋرۋدىڭ الدىن الۋدى كەزەكتەگى ماڭداي الدى ءىرى ءىس رەتىندە قاراپ، ءارقايسى قالا، وبلىس جانە اۋدان، اۋىلداردىڭ جۇقپالى اۋرۋدىڭ الدىن الۋ قىزمەتىن ءبىر تۇتاس جوسپارلاپ كۇشەيتۋ، قولباسشىلىق جۇيەسىن اقاۋسىزداندىرۋ، باتىل، تەز اڭىس ەتۋ، جۇمىستى ءونىمدى، ءتارتىپتى جۇرگىزۋ، شارالاردى باتىل، پارمەندى اتقارۋ كەرەك.
شي جينپيڭ بىلاي دەپ باسا دارىپتەدى: قالىڭ ەمدەۋ قىزمەتكەرلەرىنە كوڭىل ءبولۋ، قامقورلىق جاساۋ كەرەك، ولار كۇندى تۇنگە جالعاپ، ۇزدىكسىز شايقاس جاساپ، توتەنشە جاپالى ىستەۋدە. كوپتەگەن ەمدەۋ قىزمەتكەرلەرى باقىتقا قارسى ۆيرۋسپەن جۇعىمدالىپ، كەيبىرەۋى ءتىپتى ومىرلەرىن ارناپ، دوحترلاردىڭ مەيىرىمدى قاستەرلى رۋحىن ايگىلەدى. ءار دارەجەلى پارتكومدار مەن ۇكىمەتتەر ولارعا كوڭىل ءبولۋ، قامقورلىق جاساۋ، تاڭداۋلى تيپتەر مەن ىزگى ىستەردى كۇش سالا ۇگىتتەۋ، ناقتىلى قيىنشىلىقتارىمەن ماسەلەلەرىن شەشۋگە كومەكتەسۋ، تۇرمىس، حاۋىپسىزدىك، گۋمانيتارلىق جاقتارداعى قامقورلىقتى تولىق قامتاماسىز ەتۋ كەرەك.

 


شي جينپيڭ مىنالاردى باسا دارىپتەدى: جۇقپالى اۋرۋدان ساقتانۋ جانە ونى تىزگىندەۋ ـ حالىق بۇقاراسىنىڭ باس اماندىعى مەن دەنساۋلىعىن قورعاۋداعى قاتاڭ كۇرەس. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتەندىرىپ، جۇقپالى اۋرۋدان ساقتانۋ جانە ونى تىزگىندەۋ قىزمەتىن ەگجەي ـ تەگجەيلى، ناقتى يگەرۋ كەرەك. ءار دارەجەلى پارتيا، ۇكىمەت باسشى كادرلارى الدىڭعى شەپكە قولباسشىلىق ەتۋ، جاۋاپكەرشىلىكتى كۇشەيتۋ، قالىڭ پارتيا مۇشەلەرى، كادرلار ءبىرىنشى شەپكە بارىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتىپ، بار ىنتا ـ پەيىلىمەن ءاربىر قىزمەتتى، ءاربىر بۋىندى تياناقتى ورىنداۋ كەرەك. زور سىن سايىستار كادرلاردى تەكسەرىپ پارىقتايتىن سىن ساعات ەسەپتەلەدى. بەينەسى كورنەكتى بولعانداردى ماداقتاپ سيلاۋ، جۇرەكتىلىكپەن ىستەتۋ ؛ ستيلدە تۇرلاۋسىزدىق، جاۋاپكەرسىزدىك ىستەۋ، ءبىر ـ بىرىنە يتەرمەلەۋ جايتتەرىن قاتاڭ جاۋاپقا تارتۋ كەرەك. بۇقارانى كەڭ كولەمدە جۇمىلدىرىپ جانە ولارعا سۇيەنىپ، ءبىر نيەت، ءبىر تىلەكتە بولىپ، جۇدىرىقتاي جۇمىلىپ، جۇقپالى اۋرۋدان ساقتانۋ جانە ونى تىزگىندەۋ حالىقتىق شايقاسىنىڭ جەڭىسىنە باتىل قول جەتكىزۋ كەرەك.


ديتان دوحترحاناسىنان اتتانعان سوڭ، شي جينپيڭ چاۋياڭ رايونىنداعى اۋرۋدان ساقتانۋ جانە ونى تىزگىندەۋ ورتالىعىنا بارىپ تەكسەرۋ ـ زەرتتەۋ جۇرگىزىپ، چاۋياڭ رايونىنداعى جۇقپالى اۋرۋدان ساقتانۋ جانە ونى تىزگىندەۋ قىزمەت جاعدايى جونىندەگى تانىستىرۋدى تىڭدادى. شي جينپيڭ بىلاي دەپ انىق ايتتى: بۇل جولعى جۇقپالى اۋرۋ بۇكىل ەلدەگى ءار دارەجەلى اۋرۋدى تىزگىندەۋ ورتالىقتارىنىڭ شۇعىل جاعدايعا توتەپ بەرۋ، ءبىر جاقتى ەتۋ قابىلەتى جونىنەن زور سىن ەسەپتەلەدى. بۇل رەتكى جۇقپالى اۋرۋعا توتەپ بەرۋ كۇرەسى تاماشا رۋحاني كۇي مەن كورنەكتى ءتۇزىم ابزالدىلىعىن ايگىلەدى، ءارى كوپتەگەن جەتەرسىزدىكتەردى دە كورسەتتى. مەملەكەت بويىنشا اۋرۋدى تىزگىندەۋ جۇيەسى قۇرىلىسىن ءتۇبىرلى قۇرىلىس رەتىندە يگەرۋ، ءار دارەجەلى ساقتانۋ ـ تىزگىندەۋ دارىندىلارى، عىلمي زەرتتەۋ كۇشتەرى، زاڭ شىعارۋ قۇرىلىمدارى سياقتى قۇرىلىستاردى كۇشەيتۋ، اۋرۋدى تىزگىندەۋ جۇيەسىنىڭ وسىزاماندانۋىن ىلگەرىلەتۋ كەرەك.


اۋرۋدان ساقتانۋ جانە ونى تىزگىندەۋ ورتالىعىنىڭ ءماجىلىس زالىندا شي جينپيڭ ءماجىلىستى باسقارىپ اشىپ، بەيجيڭ قالاسىنىڭ جۇقپالى اۋرۋدان ساقتانۋ جانە ونى ەمدەۋ قىزمەت دوكلاتىن تىڭدادى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: بەيجيڭ استانا رەتىندە، جۇقپالى اۋرۋدان ساقتانۋ جانە ونى تىزگىندەۋ قىزمەتىن ويداعىداي ىستەۋدە جاۋاپكەرشىلىگى اۋىر، تيتتەي دە بوساڭسۋعا استە بولمايدى. پارتيا ورتالىق كوميتەتىنىڭ جاڭا ءتيىپتى ايدارشا ۆيروسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ جونىندەگى شەشىمدەرى مەن ورنالاستىرۋلارىن باتىل دايەكتەندىرۋ، ءتۇرلى ساقتانۋ ـ تىزگىندەۋ شارالارىن ەگجەي ـ تەگجەيلى تياناقتاندىرۋ، سىرتتان اۋرۋ كىرۋىنەن قورعانۋ، ىشكى جاقتان الدىن الۋ ـ تىزگىندەۋ سىندى ەكى ۇلكەن بۋىندى باتىل ويداعىداي يگەرىپ، جۇعىمدالۋ قاينارىن مۇمكىندىكتىڭ بارىنشا ءۇزىپ، جۇقپالى اۋرۋدىڭ تارالۋ كولەمىن مۇمكىندىكتىڭ بارىنشا تىزگىندەۋ كەرەك. كوز الداعى كەزەك كۇتتىرمەيتىن مىندەت ـ شاعاننان كەيىن بەيجيڭگە قايتىپ كەلۋشىلەردىڭ بىرتىندەپ كوبەيۋى، جۇقپالى اۋرۋدىڭ ءورشۋ قاتەرى قاۋىرت ارتۋ جاعدايىنا باعىتتاي وتىرىپ، توتەپ بەرۋ شارالارىن باعىتتامالى تۇردە بەلگىلەۋ كەرەك. ەرتە بايقاۋعا، ەرتە مالىمدەۋگە، ەرتە وڭاشالاۋعا، ەرتە ەمدەۋگە تاباندى بولۋ، ءجيى ارالاسقاندارعا مۇمكىندىكتىڭ بارىنشا ءبىر تۇتاس، شوعىرلى تۇردە مەديتسينالىق باقىلاۋ جۇرگىزۋ كەرەك. الەۋمەتتىك رايونداردىڭ بىرلەسىپ ساقتانۋ، بىرلەسىپ تىزگىندەۋ جۇيەسىن كەمەلدەندىرۋ، بايقالعان ماسەلەلەردى دەر كەزىندە مالىمدەۋ كەرەك. ءىرى ساندى مالىمەت سياقتى تاسىلدەردەن پايدالانىپ، جۇعىمدالۋ قاينارىن قۋزاستىرۋدى جانە باقىلاۋدى كۇشەيتۋ كەرەك. جۇقپالى اۋرۋدان ساقتانۋ زاتتىق ماتەريالدارىن قامتاماسىزداندىرۋدى كۇشەيتۋ، ءتۇيىندى ساقتانۋ، تىزگىندەۋ ورىندارىنداعى قىزمەتكەرلەر مەن زاتتىق ماتەريالداردى تولىق قامتاماسىزداندىرۋ كەرەك. مەملەكەتتىك كەڭەستىڭ بىرلەسىپ قورعانۋ، بىرلەسىپ تىزگىندەۋ مەحانيزمىن قولداۋ كەرەك.


شي جينپيڭ بىلاي دەپ انىق ايتتى: ەمدەۋ ـ قۇتقارۋدى كۇشەيتۋ، تابىستاردى ۇزدىكسىز بەكەمدەۋ، جۇڭگوشا ـ باتىسشا ەمدەۋدى تەڭ قولدانۋعا تاباندى بولۋ، باسىمدىلىققا يە ەمدەۋ كۇشتەرىن ۇيىمداستىرۋ، جۇعىمدالۋ مولشەرى مەن ناۋقاستان ءولۋ مولشەرىن تومەندەتۋ جاعىندا ءتىپتى دە كوپ ءونىمدى ەمدەۋ جوباسىن جاساۋ كەرەك. دارەجەگە، تۇرگە ءبولىپ دياگنوز قويىپ ەمدەۋدى جولعا قويىپ، دياگنوزى تۇراقتاندىرىلعانداردىڭ ءبارىن جيىپ الۋدى جۇزەگە اسىرۋ، سالماقتى ناۋقاستاردى، قاتەرلى اۋرۋلاردى شوعىرلى ەمدەۋ، بار كۇشپەن ەمدەۋ، اسىرەسە جۇكتى انالار، بوسانعان انالار، ءسابي بالالار قاتارلى جۇعىمدالعان ناۋقاستارعا ەرەكشە كوڭىل ءبولۋ كەرەك. تۋىلۋى مۇمكىن بولعان ۇشقارى جاعدايلارعا تولىق دايىندىق جاساۋ، دوحترحانانى كەڭەيتىپ، وزگەرتىپ سالۋ، توسەك ورنىن كوبەيتۋ سياقتى تاسىلدەر ارقىلى ناۋقاستاردى قابىلداۋ - ەمدەۋ قابىلەتىن جوعارىلاتۋ كەرەك. جوعارى مەكتەپتەردى، عىلمي زەرتتەۋ ورىندارىن، كاسىپورىندارىن عىلمي زەرتتەۋدەن قامال الۋعا ۇيىمداستىرۋ، قاتىستى سىناق دارىلەرىن، ۆاكسينالاردى، ءدارى ـ دارمەكتەردى زەرتتەۋ ـ تاپقىرلاۋ تەبىنىن ارتتىرىپ، ەرتەرەك قامال الۋعا قول جەتكىزۋ كەرەك.


شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي ۇگىتتەۋ، ءبىر نيەت، ءبىر تىلەكتە بولا وتىرىپ جۇقپالى اۋرۋ تارالۋ جاعدايىن توساتىن جۇرتشىلىق پىكىرى ورتاسىن قالىپتاستىرۋ، جۇدىرىقتاي جۇمىلىپ، قيىنشىلىقتاردى بىرلىكتە جەڭەتىن قۇدىرەتتى وڭ ەنەرگيا ۇيىستىرۋ كەرەك. عىلمي قورعانۋ بىلىمدەرىن كەڭ كولەمدە جالپىلاستىرۋ، بۇقارانى اۋرۋ جاعدايىنا دۇرىس، سانالى مامىلە جاساۋعا جەتەكتەۋ، ءوزىن - ءوزى قورعاۋ تانىمى مەن قورعانۋ قابىلەتىن كۇشەيتۋ كەرەك. قوعام نازار اۋدارىپ وتىرعان ماسەلەلەر مەن جۇرتشىلىق پىكىرىنىڭ نازارىنا دەر كەزىندە جاۋاپ قايتارۋ كەرەك. سۋمەن، ەلەكترمەن، گازبەن، جىلۋمەن قامداۋ قاتارلى قالا تۇرمىسىنىڭ «جان تامىرىن» قورعاۋدى كۇشەيتۋ، قالانىڭ قالىپتى اينالىمىن قامتاماسىز ەتۋ كەرەك. زات باعاسىن قىمباتتاتۋ، باسىپ قويۋ، ورايدان پايدالانىپ بۇلاپ - تالاۋ سياقتى زاڭعا قايشى قىلمىستىق ارەكەتتەرگە باتىل سوققى بەرۋ، جۇقپالى اۋرۋدان ساقتانۋ جانە ونى تىزگىندەۋ بارىسىندا جارىققا شىققان ءتۇرلى قايشىلىقتار مەن ماسەلەلەردى ۇيلەسىمدى ءبىر جايلى ەتۋ كەرەك.


شي جينپيڭ مىنالاردى انىق ايتتى: ەكونوميكالىق، قوعامدىق دامۋدىڭ ءتۇرلى مىندەتتەرىن ءبىر تۇتاس جوسپارلاپ ىلگەرىلەتۋ، جۇقپالى اۋرۋدان ساقتانۋدى، ونى تىزگىندەۋدى بار كۇشپەن ويداعىداي يگەرۋمەن بىرگە، «التىنى ورنىقتىرۋ» قىزمەتىن ءبىر تۇتاس ويداعىداي ىستەۋ كەرەك. سەنىمدى بەكەمدەپ، ەلىمىز ەكونوميكاسىنىڭ ۇزاق ۋاقىت جاقسارعان نەگىزگى جاعدايى وزگەرمەگەنىن، جۇقپالى اۋرۋ جاعدايىنىڭ سوققىسى قىسقا مەرزىمدىك قانا ەكەنىن كورە ءبىلۋ، ماسەلە مەن قيىنشىلىقتان قورىقپاۋ كەرەك. ەكونوميكالىق اينالىمدى تەڭشەۋدى كۇشەيتۋ، جۇقپالى اۋرۋدىڭ ەكونوميكاعا جاسايتىن ىقپالىن مۇمكىندىكتىڭ بارىنشا ازايتۋ، بيىلعى ەكونوميكالىق، قوعامدىق دامۋدىڭ ءتۇرلى نىسانالىق مىندەتتەرىن قۇلشىنا ورىنداۋ كەرەك. سالىنىپ جاتقان نىسانداردىڭ جۇمىسىن قالپىنا كەلتىرۋ مەن جاڭا نىسانداردىڭ جۇمىس باستاۋىن ويداعىداي يگەرۋ كەرەك. تۇرعىنداردىڭ تۇتىنۋىن ورنىقتىرۋ، توراپتا تۇتىنۋدى دامىتۋ، اقاۋسىز تۇتىنۋدى كەڭەيتۋ كەرەك. كاسىپورىندار مەن ءىس ورىندارىنىڭ جۇمىسىن، ءءوندىرىسىن قالپىنا كەلتىرۋىن بەلسەنە جەبەۋ، جۇقپالى اۋرۋدىڭ ىقپالىنا ءبىرشاما زور ۇشىراعان كاسىپورىنداردى فينانس، جۇمىسشى ىستەتۋ سياقتى جاقتاردا قولداۋ تەبىنىن ارتتىرىپ، قيىن ساتتەن وتۋىنە كومەكتەسۋ كەرەك. جۇقپالى اۋرۋ تۋىلعان جاعدايدا، حالىق تۇرمىسىن قامتاماسىزداندىرۋ جانە جاقسارتۋ قىزمەتىن ويداعىداي ىستەۋگە بارىنشا نازار اۋدارۋ، وتە - موتە جۇمىستانۋ ماسەلەسىنە بارىنشا نازار اۋدارۋ، كەڭ كولەمدى قىزمەتكەر قىسقارتۋ جاعدايى تۋىلۋدان ساقتانۋ كەرەك.


شي جينپيڭ مىنالاردى باسا دارىپتەدى: ورتالىق پەن مەملەكەت ورگاندارىنداعى تاراۋلار، ورىندار، ورتالىققا قاراستى ءارقايسى كاسىپورىندار مەن اسكەري بولىمدەر استاناداعى جاڭا ءتيىپتى ايدارشا ۆيروسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىن بەلسەنە قولداۋ، سايكەسۋ كەرەك. قاتىستى تاراۋلار جۇقپالى اۋرۋلان ساقتانۋ بۇيىمدارىن ءبىر تۇتاس جوسپارلاۋدى كۇشەيتۋ، بەيجيڭ قالاسىنىڭ جۇقپالى اۋرۋدان ساقتانۋ جانە ونى تىزگىندەۋ قاجەتىنە ساي دەركەزىندە تولىقتاپ وتىرۋ كەرەك. بەيجيڭدەگى ەمدەۋ بايلىعى، ەمدەۋ كۇشتەرى ءبىر تۇتاس جوسپارلاۋ مەحانيزمىن ورناتۋ، بەيجيڭدەگى ورتالىققا قاراستى ورىندار وزدەرىنىڭ جۇقپالى اۋرۋدان ساقتانۋ جانە ونى تىزگىندەۋ جاۋاپكەرشىلىگىن تولىق ارقالاپ، ساقتانۋ، تىزگىندەۋ شارالارىن باستاماشىلدىقپەن تياناقتاندىرۋ كەرەك.


ديڭ شۋەشياڭ، شياۋ جيە، جاۋ كىجى جانە مەملەكەتتىك دەنساۋلىق ساقتاۋ، سالاماتتىق كوميتەتىندەگى جاۋاپتى جولداستار تەكسەرۋدە بىرگە بولدى.


اۋدارعان: قاناتبەك جۇماباي ۇلى


سالىستىرۋشى: شالقار قازەز ۇلى

中央广播电视总台 央广网 版权所有

شي جينپيڭ بەيجيڭ قالاسىندا جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى

شي جينپيڭ بەيجيڭ قالاسىندا جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندە: ءتىپتى دە بەرىك سەنىم، ءتىپتى دە قايسار ەرىك – جىگەر ارقىلى ءتىپتى دە باتىل شارالار قولدانىپ جاڭا ءتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، جۇقپالى اۋرۋ تارالۋىن توسۋ شايقاسىنىڭ جەڭىسىنە باتىل قول جەتكىزۋ كەرەك،-دەپ باسا دارىپتەدى