ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ەلىمىزدەگى ولكە-قالالاردىڭ حۋبەيعا كومەكتەسۋ ناقتى جاعدايى

来源:央广网     |责编:努丽霞提|     发布日期: 2020-02-12 09:30


 مەملەكەتتىك كەڭەس اۋرۋدىڭ بىرلەسىپ الدىن الۋ-تىزگىندەۋ مەحانيزمىنىڭ 2-ايدىڭ 7-كۇنى وتكىزگەن اقپارات جاريالاۋ ماجىلىسىندە، مەملەكەتتىك دەنساۋلىق ساقتاۋ–سالاماتتىق كوميتەتى ەلىمىزدەگى ولكە-قالالاردىڭ حۋبەيدەگى ۋحان قالاسىنان باسقا ايماق-قالالارمەن بىر-بىرلەپ سالالار بويىنشا كومەكتەسۋ قاتىناسىن ورناتاتىندىعىن جاريالادى. وسى ٴادىس بويىنشا مىندەت العان ولكەلەر حۋبەي ولكەسىنىڭ ناۋقاستاردى قۇتقارۋ ەمدەۋ قىزمەتىن كۇش سالا قولداپ، حالىق بۇقاراسىنىڭ باس اماندىعى مەن دەنساۋلىق اقاۋسىزدىعىن ويداعىداي قورعايدى. سالالار بويىنشا كومەكتەسۋدىڭ توراپتا تارالعان جاعدايى مىناداي: شاندۇڭ ولكەسى حۋاڭگاڭدى، انحۇي ولكەسى حۋاڭشىنى، چۇڭچيڭ قالاسى يچاڭدى، حىبەي ولكەسى شياڭياڭدى، بەيجيڭ قالاسى چيانجياڭدى، گۇيجوۋ ولكەسى ٴىنشىنى، جياڭسۋ ولكەسى شياۋگاندى، جياڭشي ولكەسى شياننيڭدى، حىنان ولكەسى سۇيجوۋدى، سىچۋان ولكەسى شيانتاۋدى، تيانجين قالاسى شىننۇڭجيانى، گۋاڭدۇڭ ولكەسى ىجوۋدى، حۋنان ولكەسى جينجوۋدى، شانشي ولكەسى شىياندى، شاڭحاي قالاسى تيانمىندى، جىجياڭ ولكەسى جينمىندى كوتەرەگە الادى. 


 تاياۋدان بەرى حۋبەي ولكەسىنە ەلىمىزدىڭ جەر-جەرىنەن زور مولشەردە قىزمەتكەرلەر مەن زاتتار جەدەل جەتكىزىلدى، توراپتاستاردىڭ جۇكتى جۇمىلا كوتەرىپ قينشىلىق قىسپاعىنان شىعۋعا بىركىسىلىك كومەگىن بەرۋ تىلەكتەردى دە جۇرتتى اسەرلەندىردى. ورتالىق راديو-تەلەۆيزيا باس ستانسياسى جۇڭگو ٴۇنى راديوسىنىڭ ٴتىلشىسى مەملەكەتتىك دەنساۋلىق ساقتاۋ-سالاماتتىق كوميتەتىنەن ناقتى جاعدايدى ۇعىسقاندا كومەكتەسۋ ناقتى قىزمەت جوباسىنىڭ باسىپ تاراتىلعاندىعىن ٴبىلدى. ىسجۇزىندىك جاعدايعا ساي كومەكتەسۋ ادىسىندە «ٴبىر ايماق- قالانى تەك ٴبىرعانا ولكە-قالا كوتەرەگە الماعان»، ناقتى كومەكتەسۋ قاتىناسى تومەندەگىدەي:


 

 كومەكتەسۋ قوسىنى كومەك قابىلدايتىن ورىننىڭ ەمدەۋ بايلىعىنداعى ولقىلىقتاردى شەشۋدى كوزدە ۇستاپ، ەمدەۋ قىزمەتكەرى، باسقارۋ، اۋرۋدىڭ الدىن الۋ قاتارلى 3 توپتاعى ادامداردان قۇرالادى. بۇندا ەمدەۋ قىزمەتكەرلەرىن تاڭداۋدا تىنىس جولى اۋرۋلار ٴبولىمى، ينفەكسيالىق اۋرۋلار ٴبولىمى، سالماقتى اۋرۋلارٴبولىمى جانە ينفەكسيا باسقارۋ ٴبولىمى كاسىبىندەگىلەر الدىمەن ويلاستىرىلىپ، كاسىپتىك بولۋ مەن ەمدەۋدىڭ ۇيلەسىمدىگىنە كەپىلدىك ەتىلەدى؛ باسقارۋ قىزمەتكەرلەرىن تاڭداۋدا اكىمشىلىك باسقارۋ تاجىريبەسى مول، قىزمەتتى سايكەستىرۋ قابىلەتى جوعارى دارىندىلار الدىمەن ويلاستىرىلىپ، كومەكتەسۋ قىزمەتىنىڭ ٴساتتى جۇرىلۋىنە كەپىلدىك ەتىلەدى؛ ال اۋرۋدىڭ الدىن الۋ قىزمەتكەرلەرىن تاڭداۋدا تاجىريبەحانادا تەكسەۋ، پاتولوگيالىق تەكسەرۋ، دەزينفەكسيالاۋ، پيسيحولوگيالىق كەڭەس بەرۋ قاتارلى 4 جاقتاعى كاسىپتىك قىزمەتكەرلەر الدىمەن ويلاستىرىلادى. سونىمەن قاتار كومەك بەرەتىن ولكە-قالالار كومەك قابىلدايتىن ايماق-قالالارمەن سايكەسۋدى كۇشەيتىپ، قاجەتتى ماسكى، قورعانۋ كيمى، قورعانۋ كوزاينەگى قاتارلى ەمدەۋ بۇيىمدارىنا كەپىلدىك ەتەدى.


 

 

中央广播电视总台 央广网 版权所有

ەلىمىزدەگى ولكە-قالالاردىڭ حۋبەيعا كومەكتەسۋ ناقتى جاعدايى

ەلىمىزدەگى ولكە-قالالاردىڭ حۋبەي ولكەسىنە سالالار بويىنشا كومەكتەسۋ ناقتى جاعدايى