ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

اۋرۋ جاعدايىنا بايلانىستى تىڭ ساياساتتار اتقارىلادى

来源:央广网     |责编:努丽霞提|     发布日期: 2020-02-12 09:31

1. جۇقپالى اۋرۋ جاعدايىنا بايلانىستى مىنا جاڭا ساياساتتاردان بارلىق ادام يگىلىكتەنەدى!


جۇقپالى اۋرۋ كەزىندە، كوپتەگەن تاراۋلار ءتۇرلى ساياساتتىق شارالاردى شىعارىپ، جۇقپالى اۋرۋ جاعدايىنا قارسى تۇرۋمەن بىرگە، كوپشىلىكتىڭ اۋىرتپالىعىن بىرلىكتە جەڭىلدەتەدى.

 

2. جاڭا ءتيپتى ايدارشا ۆيرۋسى وكپە قابىنۋىنا شالدىققانداردىڭ جەكەلىك اۋرتپالىعىن جەڭىلدەتۋ ءۇشىن، قازىنالىق تولەۋ قاراجاتىن ەڭ تومەنگى شەككە تۇسىرىلەدى. ورتالىق قازىنادان ٪60 كومەك قاراجات بەرىلەدى.


قازىنا مينيسترلىگى، ەمدەۋ قامسىزداندىرۋ مەكەمەسى، دەنساۋلىق ساقتاۋ سالاماتتىق كوميتەتى: جاڭا ءتيپتى ايدارشا ۆيرۋسى وكپە قابىنۋىنا شالدىققانداردىڭ ەمدەلۋ قاراجاتىن نەگىزگى ەمدەلۋدى قامسىزداندىرۋ، سالماقتى ناۋقاستاردى قامسىزداندىرۋ، ەمدەۋ- قۇتقارۋ قاتارلى بەلگىلەمەلەر بويىنشا ەسەبىن تولەگەننەن كەيىن، ناۋقاستىڭ جەكەلىك اۋرتپالىعىن جەڭىلدەتۋ ءۇشىن، جەكەلەردىڭ ۇستىنە العان قاراجاتى ەڭ تومەنگى شەككە تۇسىرىلەدى. مۇنىڭ ىشىندە، ورتالىق قازىنادان بەرىلەتىن كومەك قاراجات ٪60 كولەمىندە بولادى. جۇقپالى اۋرۋمەن جۇعىمدالۋ كۇمانى بولعان ناۋقاستارعا (باسقا جەردە ەمدەلگەن ناۋقاستاردى دا قامتيدى) قازىنالىق كومەك قاراجات بەرۋ ساياساتى بەلگىلەنىپ، ورتالىق قازىنا لايىقتى كومەك قاراجات بەرەدى.

 

3. ەمدەۋ قىزمەتكەرلەرى مەن جۇقپالى اۋرۋدى تىزگىندەپ ساقتانۋ قىزمەتىن ىستەگەن قىزمەتكەرلەرگە قوسىمشا قاراجات، سيلىق اقشا تاراتادى ءارى باجى الىنبايدى! 

قازىنا مينيسترلىگى، باجى باس مەكەمەسى: جۇقپالى اۋرۋدان ساقتانۋ جانە ونى ەمدەۋ قىزمەتىنە قاتىناسقان ەمدەۋ قىزمەتكەرلەرى مەن جۇقپالى اۋرۋدان ساقتانۋ، تىزگىندەۋ قىزمەتىن اتقارعان قىزمەتكەرلەرگە ۇكىمەت بەلگىلەگەن ولشەم بويىنشا ۋاقىتتىق قىزمەت قوسىمشا قاراجاتى مەن سيلىق اقشاسىن بەرەدى ءارى جەكەلەردەن تابىس باجىسى الىنبايدى.


ەمدەۋ، كۇتىمدەۋ جانە قاتىستى قىزمەتكەرلەر جۇقپالى اۋرۋعا جۇعىمدالىپ ناۋقاستانعان بولسا، جۇمىس ۇستىندە جارالانعانداردى قامسىزداندىرۋ مامىلەسىنەن يگىلىكتەنەدى.


ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى، دەنساۋلىق ساقتاۋ سالاماتتىق كوميتەتى: جۇقپالى اۋرۋلاردان ساقتانۋ جانە ونى ەمدەۋ قىزمەتى بارىسىندا، ەمدەۋ، كۇتىمدەۋ قىزمەتكەرلەرى جانە قاتىستى قىزمەتكەرلەر جاڭا ءتيپتى ايدارشا ۆيرۋسى وكپە قابىنۋ اۋرۋىنان جۇعىمدالسا، جۇمىس ۇستىندە جارالانعان دەپ قارالىپ، زاڭ بويىنشا جۇمىس ۇستىندە جارالانعانداردى قامسىزداندىرۋ مامىلەسىنەن يگىلىكتەنەدى.

 

4. جۇمىسشى-قىزمەتكەرلەر جۇقپالى اۋرۋدىڭ ىقپالىنا ۇشىراپ، قىزمەت ىستەي الماعان كەزدە، كاسپورىن ەڭبەكاقىسىن تولىق بەرۋى كەرەك

ادام كۇشى بايلىعى جانە قوعامدىق قامتاماسىزداندىرۋ مينيسترلىگى: جاڭا ءتيپتى ايدارشا ۆيرۋسى وكپە قابىنۋىنا شالدىققاندارعا، كۇماندىلارىنا، جاقىنداسقاندارعا وڭاشالاپ ەمدەۋ نەمەسە مەديتسينالىق باقىلاۋ جۇرگىزگەن كەزدە، سونداي- اق، ۇكىمەت وڭاشالاۋ شارالارىن قولدانعاندىقتان نەمەسە باسقا دا شۇعىل شارالار قولدانىلعاندىقتان قالىپتى ەڭبەك ىستەي المايتىن جۇمىسشى- قىزمەتكەرلەرىنە، كاسىپورىن جۇمىس اقىسىن تولىق بەرۋى كەرەك. سونداي- اق، جۇمىسشى- قىزمەتكەرلەرمەن بولعان ەڭبەك توقتامىن كۇشىنەن قالتىرۋىنا بولمايدى. كاسىپورىن جۇمىس ءوندىرىسىن توقتاتقان بولسادا، ەڭبەكاقى بەرۋ مەرزىمى ىشىندە بولسا بولعانى، كاسىپورىن ەڭبەك توقتامىندا بەلگىلەنگەن ولشەم بويىنشا ەڭبەكاقى بەرۋ كەرەك.



5. جۇقپالى اۋرۋلاردان ساقتانۋ جانە ونى تىزگىندەۋ كەزىندە، جۇمىسسىزداردىڭ قامسىزداندىرۋ مامىلەسى ۋاعىندا تولىق تاراتىلادى!

ادام كۇشى بايلىعى جانە قوعامدىق قامتاماسىزداندىرۋ مينيسترلىگى: ولكەلەر، اۆتونوميالى رايوندار ءوز قارماعىنداعى رايونداردا جۇمىسسىزداردى قامسىزداندىرۋدى ىرىقتى تۇردە جۇزەگە اسىرۋى كەرەك. جينۋاڭ تورابىندا ءوتىنىش بەرىپ، سول اۋماقتاعى (قالا، وبىلىس، ۇيىم) وسى رايوندارداعى جۇمىسسىزداردى قامسىزداندىرۋ قاراجاتىن توراپتاعى تەكشەدە ءبىتىرىپ بەرۋ، ءارى، سول جەرگىلىكتى ورىننىڭ ادام كۇشى جانە قوعامدىق قامسىزداندىرۋ تاراۋلارىنىڭ ۇكىمەت تورابى، الەۋمەتتىك تەكشە ءنومىرى، APP قاتارلى ارنالار ارقىلى قوعامعا جاريالايدى.


6. مەكەمەنىڭ جەكەلەرگە تاراتقان قورعانۋ بۇيىمدارى ەڭبەكاقى، جالاقى كىرىسىنە ەسەپتەلمەيدى. ودان الىناتىن باجى الىنبايدى!

قازىنا مينيسترلىگى، باجى باس مەكەمەسى:ورىندار جەكەلەرگە جاڭا ءتيپتى ايدارشا ۆيرۋسپەن قابىنۋىنىڭ الدىن الۋعا ىستەتىلەتىن ءدارى- دارمەك، ەمدەۋ بۇيىمدارى جانە قورعانۋ بۇيىمدارى قاتارلى ناقتى زاتتاردى (ناق اقشا قامتىمايدى) تاراتسا، ولاردىڭ ەڭبەكاقى، جالاقى كىرىسىنە كىرگىزبەيدى. جەكەلەردەن تابىس باجىسى الىنبايدى.



7. وسى ايدىڭ 6-كۇنىنەن بۇرىنعى ساتىپ الىنعان پويەز بەلەتىن قايتارۋ رەسميەت اقىسى الىنايدىمەملەكەتتىك تەمىر جول توبى:

2-ايدىڭ 6-كۇنىنەن بۇرىن ساتىپ الىنعان پويەز بەلەتىن قايتارۋدان بۇرىن، پويەز بەكەتى، 12306 توراپ بەكەتى سياقتى ارنالاردان ساتىپ الىنعان بۇكىل ەل كولەمىندەگى تەمىر جول جولاۋشىلارىنىڭ ءوز ەركىمەن پويەزعا شىعۋ ۋاقىت ارالىعىن وزگەرتىپ بەلەت قايتارۋى قاجەت بولسا، تەمىر جول تاراۋلارى بەلەت قايتارۋ رەسميەت اقىسىن المايدى. توراپتا بەلەت قايتارۋ مۇمكىن بولماعان جولاۋشىلارعا تەمىر جول تاراۋلارى بەلەت قايتارۋ ۋاقىت شەگىن ۇزارتادى. 2-ايدىڭ 5-كۇنى ساعات 24 تەن بۇرىن ناق اقشا ىستەتىپ بەلەت ساتىپ العان نەمەسە 2-ايدىڭ 5-كۇنى ساعات 24 تەن بۇرىن جولاۋشىلاردىڭ پويەز بەكەتىنە بارىپ بەلەت قايتارۋى مۇمكىن بولماعان جاعدايداعى ساتىپ العان بەلەتى كۇشىنەن قالعان بولسا، (ەسەپتەن كوتەرۋ كۋالىگى قامتىلادى) 3-ايدىڭ 31-كۇنى ساعات 24 كە دەيىن قايتارۋ ۋاقىتىن ۇزارتۋعا بولادى.


 

8. ءتۇيىندى جۇقپالى اۋرۋلار تارالعان وڭىرلەردە، بانكە اتتاپ ناق اقشا الۋ رەسميەت اقىسىن ازايتۋ، كەشىرىم ەتۋ بىرتىندەپ جۇزەگە اسىرىلادى!

جۇڭگو بانكە بىرلەستىگى:جۇقپالى اۋرۋلاردان ساقتانۋ جانە ونى تىزگىندەۋ مەزگىلىندە، ءتۇيىندى جۇقپالى اۋرۋ تارالعان رايوندارعا بانكە اتتاپ ناق اقشا الۋ اقشاسىنا تارتىلاتىن قاراجات بىرتىندەپ كەشىرىم ەتىلەدى. تۇتىنۋ جاعىنان قىزمەت وتەۋ رەسميەت اقىسىنا تيمدىلىك جاساۋ شارالارى قولدانىلادى. 2- ايدىڭ 2- كۇنىنەن باستاپ، مەملەكەت بەلگىلەگەن جۇقپالى اۋرۋ جاعدايى اياقتاعان كۇنگە دەيىن، حۋبەيعا قاراستى شەكارا ىشىندەگى بانكە بىرلەسپە كارتوچكاسى بانكە اتتاپ ناق اقشا الۋ كاسىبىنەن بانكە بىرلەسپە تورابىنىڭ قىزمەت وتەۋ اقىسى مەن قابىلداۋ قۇرىلىمىنىڭ بانكە بىرلەسپە تورابىنىڭ قىزمەت وتەۋ اقىسى جانە قابىلداۋ قۇرىلىمىنىڭ ۋاكىلدىك رەسميەت اقىسى كەشىرىم ەتىلەدى.



9. ءتورت بانكەنىڭ مەرزىمدى امانات اقشاسى مەرزىمى تولعاندا وزدىگىنەن ۇزارادى!

ونەركاسىپ-ساۋدا بانكەسى، اۋىل شارۋاشىلىق بانكەسى، جۇڭگو بانكەسى، قۇرىلىس بانكەسى:قاريدارلاردىڭ قاجەتسىز سىرتقا شىعۋىن ازايتۋ ءۇشىن، جەكەلەردىڭ شەتەل اقشاسىن مەرزىمدى امانات قويعان ءونىم ساياساتىنا رەتتەۋ جۇرگىزىلەدى. تاياۋدا مەرزىمى تولعان امانات اقشا امانات قويعان كەزدە كەلىسىلگەن ءوسىم مولشەرى بويىنشا، 2020-جىلى 3-ايدىڭ 31-كۇنىنە دەيىن وزدىگىنەن ۇزارتىلادى. ءارقايسى بانكەنىڭ قولفون بانكەسى، توراپ بانكەلەرى 7X24 ساعاتتىق قولايلى فينانستىق قىزمەتىن وتەيدى.

 

اۋدارعان: قاليما بوقان قىزى

 

 

中央广播电视总台 央广网 版权所有

اۋرۋ جاعدايىنا بايلانىستى تىڭ ساياساتتار اتقارىلادى

جۇقپالى اۋرۋ تارالعان كەزدەگى جاعدايعا قاراتا، بارلىق ادامدار مىنا جاڭا ساياساتتاردان يگىلىكتەنەدى