ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شينجياڭدا اسحانالار اشىلدى، جۇرت تابەتىن اسىردى

来源:央广网     |责编:达吾力别克|     发布日期: 2020-03-25 18:26

شينجياڭداعى ءدامدى اس-سۋ كوشەلەرى مەن كەشكى اس-سۋ بازارلارى اشىلدى

شينجياڭنىڭ تىلگە تيەك ەتەر ەرەكشەلىكتەرى كوپ-اق، سونىڭ ءبىرى شينجياڭنىڭ ءدامدى اس تاعامدارى.

ءدامى ءتىل ۇيىرەتىن تورە تاباق تاۋىق ەتى مەن قۇم قازان ەت سورپاسى جانە قولدان جاسالعان بالمۇزداعى قانداي كەرەمەت دەرسىڭ.

كۇرىش بالدىرشا قۋىرماشى مەن باعىلان ەتى كاۋابى، مەيىز قوسىلعان پالاۋى مەن لياڭپيزىنى قۇشىرلانا جەسەڭ شىركىن، كوكتەمنىڭ «ءدامى» كەلگەندەي سەزىنەر ەدىڭ.

ەستۋىمشە، شينجياڭنىڭ ءدامدى اس تاماقجايلارى مەن كەشكى بازارى تالاسا-تارماسا تيجاراتتى قالپىنا كەلتىرىپ، بازارى جاندانا ءتۇسىپتى.

 

ولاي بولسا ءدامدى اس تاعامداردان جەپ، سايرانداپ كەلەيىك، ەندەشە كەتتىك.

 

 

 

ءۇرىمجى اۋدانى شيانلاي شاعىن قالاشىعى كۋانجايزى مادەنيەت-ساياحات جاياۋلار كوشەسى

 

الىستان حوش ءيىسى مۇرىندى جاراتىن، ەت قارما شەلپەگى، التىنداي جارقىراعان قاقتاما بالىعى، 3-ايدىڭ 15-كۇنى تيجارات قالپىنا كەلگەننەن بەرى، شيانلاي شاعىن قالاشىعى كۋانجايزى مادەنيەت-ساياحات جاياۋلار كوشەسى كۇنىنە ورتا ەسەپپەن مىڭنان استام ساياحاتشى قابىلداپ ۇلگىردى.

تيجارات قالپىنا كەلگەن ءبىرىنشى اپتانىڭ سوڭىندا، ءبىر كۇن ىشىندە 3 مىڭنان استام ساياحاتشى كەلىپ، قاۋىرت قاربالاستىققا تۇسكەن تيجاراتشىلار مەن كوكتەمنىڭ شۋاقتى كۇنىندە تابيعاتتان ءلاززات، الىپ نانشانعا ساياحاتتاپ شىققان قالا تۇرعىندارىنىڭ قۋانىشىندا شەك جوق.

التاي ايماعى بۋىرشىن اۋدانى ەكولوگيالىق باقشا كەشكى بازارى

 

3-ايدىڭ 13-كۇنى، بۋىرشىن اۋدانى ەكولوگيالىق باقشا كەشكى بازارىنىڭ تيجاراتى باستالدى.

 

 

ءار سالا، ءار كاسىپتىڭ تيجاراتى قالپىنا كەلىپ، بىزگە تانىس ەرتەگىلەردە ايتىلاتىن سىرلى شاھار ءوز بەينەسىن قايتا تاپقانداي، كوكتەمدەي جايناپ، تۇرلەنىپ، قۇلپىرا تۇسەدى.

 

 

 

 

 

 

 

شينجياڭ حالىقارالىق ۇلكەن بازار جاياۋلار كوشەسى بيڭ-ۋ ءدامدى تاعامدار كوشەسى

 

 

سەرۋەن-سەيىل قۇرۋشىلار، ساياحاتشىلاردىڭ اياعى ۇزىلمەيتىن شينجياڭ حالىقارالىق ۇلكەن بازارىنداعى جاياۋلار كوشەسىنىڭ تيجاراتى قالپىنا كەلگەننەن بەرى، كۇنىنە 13 مىڭ اينالاسىندا جۇرگىنشىلەر كەلىپ-كەتىپ، كوشەنىڭ ءسانىن كەلتىرىپ، دىر-دۋمانعا بولەدى.

3-ايدىڭ 22-كۇنى جەكسەنبى بازارىنا وراي، بيڭ-ۋ ءتاتتى تاعامدار كوشەسىنىڭ تيجاراتى بىرتىندەپ قالپىنا كەلىپ، قالا تۇرعىندارى مەن ساياحاتشىلاردى باۋراپ، ەكونوميكانىڭ دامۋىن ونان ارمان جانداندىرا ءتۇستى.

 

 

قاشقار ايماعى قاشقار قالاسى سامالباق قالاشىعىنىڭ ءدامدى تاعامدار كوشەسى

 

سامالباق قالاشىعىنىڭ ءدامدى تاعامدار كوشەسىنىڭ دە تيجاراتى قالپىنا تۇسكەن، 3-ايدىڭ 23-كۇنى تۇستەن كەيىن، بۇل كوشەنىڭ بويى ايىرىقشا ءبىر دىر-دۋمانعا بولەنگەن العاشقى اپتانى قارسى الدى.

دەنەگە قۋات تولىقتايتىن كەپتەر سورپاسى، مايلى ەت پەتر ءمانتىسى.

 

......

 

بۇل جەردىڭ ءدامدى اس-تاعامدارىن جەۋگە سىرتتان كەلگەن ساياحاتشىلاردىڭ عانا ەمەس، جەرگىلىكتى تۇرعىنداردىڭ دا اڭسارى اۋىپ تۇرادى.

 

 

حوتان ايماعى حوتان قالاسىنىڭ كەشكى بازارى 

 

توناردان جاڭا شىققان حوتان سامساسى، جەسەڭ ءدامى ءتىل ۇيىرەتىن، ەزىلىپ پىسقان قوي سيراعى كىرە بەرىستەن قارسى الىپ الاتىن حوتان كەشكى بازارىنىڭ دا تيجاراتى قالپىنا كەلىپ، بازارى جاندانا تۇسكەن، تيجارات قالپىنا كەلگەن ءبىرىنشى كۇننىڭ وزىندە 800 دەن اسا قوناق قابىلداپ ۇلگىرگەن.

ءدامدى اس تاعامداردى جەي وتىرىپ، قۇيقىلجىتا ءان شىرقاعان انشىلەر  مەن مىڭ بۇرالعان بيشىلەردەن ءلاززات الىپ وتىرۋ دا ءبىر عانيبەت شىعار-اۋ.

 

 

اقسۋ ايماعى اقسۋ مادەنيەت-ساياحات بازارى

 

3-ايدىڭ 18-كۇنى كەشكە، اقسۋ ايماعىنداعى ەڭ ۇلكەن كەشكى بازار _ اقسۋ مادەنيەت-ساياحات بازارىنىڭ تيجاراتى رەسمي قالپىنا كەلتىرىلدى. بازار بارىنشا جاندانا ءتۇسىپ، بۇرىنعى اجارىن قايتا تاپقانداي توتەنشە قىزعىن بەينەگە اۋىسىپ، اقسۋدىڭ «كەشكى ەكونوميكاسى» ءدۇر سىلكىنە ۇيقىدان وياندى.

كاۋاپ، سامسا، قاقتاما بالىق، شوشىرە، پەتر ءمانتى ءتۇرلى ءدامدى اس-تاعامداردى جەي وتىرىپ، كوركەمونەر ويىندارىن تاماشالاعان قوناقتاردىڭ جۇزىنەن كۇلكى لەبى ەسەدى.

 

 

قۇمىل قالاسى ەۋىرعول رايونى باۋنۇڭ كەشكى بازارى

 

3-ايدىڭ 21-كۇنى، ەۋىرعول رايونى باۋنۇڭ كەشكى بازارىنىڭ تيجاراتى قالىپقا ءتۇستى. بازارشىلاردىڭ وسىنداعى ءدامدى اس-تاعامدارعا بوگىپ، كەڭەس قۇرىپ ارقا-جارقا بولىپ وتىرعان باقىتتى بەينەلەرىن كورەسىڭ.

سۇرلەنگەن تاۋىق، شوشىرە، تەڭىز شايانى باستاعان نەبىر ءتاتتى-ءدامدىنىڭ ءبارى قوناقتاردىڭ الدىنا قويىلىپ، بازاردىڭ مەرەيىن اسىرىپ، مارتەبەسىن بيكتەتىپ جاتقانداي.

 

تۇرپان قالاسى ارقوجا اۋىلىنىڭ ءدامدى تاعامدار كوشەسى

 

كۇننىڭ جىلىنۋىنا ىلەسىپ، جەر-جەردىڭ ساياحاتشىلارى تۇرپان قالاسىنا سابىلىپ كەلىپ جاتتى. ىستىق نان، كۇرىش تىعىلعان ىشەك، ۇن قۇيىلعان وكپەگە، جۇمساقتاپ پىسىرىلعان كاۋاپ سياقتى ءدامدى تاعامدارىنان اۋىز تيگەندەردىڭ ماقتامايتىنى جوق بولار.

 

سانجى حۇيزۋ اۆتونوميالى وبلىسى سانجى ىشپەك-جەمەك بازارى

 

بال ءدامدى ماي شۇيكە، بۋى بۇرقىراعان قوي سورپاسى، قولدان جاسالعان سۋىق تاعامدار تۇتىنۋشىلاردىڭ اڭسارىن اۋدارىپ، كوكتەمگى ادامدار تىرشىلىگىنە ءنار بەرەدى.

كوپتەگەن قالا تۇرعىندارى بۇل جەردەن تاماقتانىپ، ىشپەك-جەمەك ساتىپ الىپ تۋىس-تۋعان، دوس جاراندارىمەن بىرگە كوكتەم مەزگىلىندەگى ءدامدى اس-تاعامداردان جەپ، مارە-سارە بولىپ جاتتى.

بۇل  كۇندە  بار تىرشىلىك جاندانىپ،   اعاش  بۇرلەپ،  گۇل-شوپتەر وسكەن تاماشا تابيعاتتان ءلاززات  الىپ، ءدامدى  اس-تاعامعا  قارىق  بولاتىن  باقىتتى كۇندەر كوكتەممەن بىرگە جادىراپ قايتا ورالدى. شينجياڭداعى تۇرعىنداردىڭ قالىپتى  تۇرمىسى ءوز  ارناسىن تاپتى.

 

اۋدارعان: شاربات جۇمان قىزى 

中央广播电视总台 央广网 版权所有

شينجياڭدا اسحانالار اشىلدى، جۇرت تابەتىن اسىردى

بۇل كۇندە بار تىرشىلىك جاندانىپ، اعاش بۇرلەپ، گۇل-شوپتەر وسكەن تاماشا تابيعاتتان ءلاززات الىپ، ءدامدى اس-تاعامعا قارىق بولاتىن باقىتتى كۇندەر كوكتەممەن بىرگە جادىراپ قايتا ورالدى. شينجياڭداعى تۇرعىنداردىڭ قالىپتى تۇرمىسى ءوز ارناسىن تاپتى.