ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

بۇكىل ەلدەگى ٴار ۇلت حالقى قايعىلى ازا ٴبىلدىردى

来源:央广网     |责编:阿依娜|     发布日期: 2020-04-04 16:49

 

 

ٴوز حابارىمىز. مەملەكەت تۋى جارتىلاي ٴتۇسىرىلىپ، بۇكىل ەل قايعىعا شومدى. 4-ايدىڭ 4-كۇنى چيڭميڭ كۇنىندە، بۇكىل ەلىمىزدىڭ جەر-جەرىندەگى ٴار ۇلت حالقى جاڭا تيپتى ايدارشا ۆيرۋستان جۇعىمدالعان وكپە قابىنۋ ىندەتىمەن شايقاس جاساۋ بارىسىندا قازا بولعان قاھارماندار مەن قايتىس بولعان باۋىرلاستارعا قايعىلى ازا ٴبىلدىردى.

 

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى استانا بەيجيڭدە ازا ٴبىلدىرۋ قيمىلىنا قاتىناستى.

 

 

 

جاڭا تيپتى ايدارشا ۆيرۋستان جۇعىمدالعان وكپە قابىنۋ ىندەتى جاڭا جۇڭگو قۇرىلعاننان بەرى ەلىمىزدە تۋىلعان تارالۋ قارقىنى ەڭ تەز، جۇعۋ كولەمى ەڭ كەڭ، اۋرۋدان ساقتانۋ جانە تىزگىندەۋ قيىندىعى ەڭ اۋىر بولعان ٴبىر رەتكى ٴىرى توسىننان تۋىلعان الەۋمەتتىك دەنساۋلىق ساقتاۋ ۋاقيعاسى بولدى. ىندەتكە قارسى تۇرۋ قاتاڭ شايقاسىندا، قىرۋار ەمدەۋ قىزمەتكەرلەرى، كادرلار مەن جۇمىسشىلار، الەۋمەتتىك رايون قىزمەتكەرلەرى جۇمىس بارىسىندا قازا بولدى، كوپتەگەن ناۋقاستار باقىتقا قارسى كوز جۇمدى.

 

4-ايدىڭ 4-كۇنى، بەيجيڭدەگى تيان-انمىن، شين-حۋامىن جانە مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى تۇرعان ورىنداردا، بۇكىل ەلىمىزدە جانە ەلىمىزدىڭ شەتەلدەردەگى ەلشىلىكتەرىندە تۋ جارتىلاي ٴتۇسىرىلىپ ازا ٴبىلدىرىلدى، بۇكىل ەلىمىز بويىنشا الەۋمەتتىك كوڭىل اشۋ قيمىلدارى توقتاتىلىپ، ەلىمىزدەگى ٴار ۇلت حالقى جاڭا تيپتى ايدارشا ۆيرۋستان جۇعىمدالعان وكپە قابىنۋ ىندەتىنە قارسى تۇرۋ شايقاسىندا قازا بولعان قاھارماندار مەن قايتىس بولعان باۋىرلاستارعا قايعىلى ازا تۇتتى.

 

جۇڭنانحايداعى حۋايرىنتاڭ زالىنىڭ ماڭدايشالىعىندا قارا كەزدەمەگە اق ارىپپەن «جاڭا تيپتى ايدارشا ۆيرۋستان جۇعىمدالعان وكپە قابىنۋ ىندەتىمەن شايقاس جاساۋ بارىسىندا قازا بولعان قاھارماندار مەن قايتىس بولعان باۋىرلاستارعا قايعىلى ازا بىلدىرەمىز» دەپ جازىلعان كەرمە تۋ ٴىلىندى. شي جينپيڭ قاتارلىلار كەۋدەلەرىنە اق گۇل تاعىپ، مەملەكەت تۋى الدىندا ازا ٴبىلدىردى.

 

ساعات 10 دا، اۋە شابۋىلىنان قورعانۋ ساقتىق سەگىنالى شالىندى، شي جينپيڭ قاتارلىلار جاڭا تيپتى ايدارشا ۆيرۋستان جۇعىمدالعان وكپە قابىنۋ ىندەتىمەن شايقاس جاساۋ بارىسىندا قازا بولعان قاھارماندار مەن قايتىس بولعان باۋىرلاستارعا 3 مينۋت ٴۇنسىز ازا ٴبىلدىردى.

 

 الۋەتتى وتان، قاھارمان حالىق----ىندەتكە قارسى تۇرۋدىڭ ادامزات تاريحىنداعى اسقاق داستانىن جازدى.

بۇل جولعى ىندەتكە قارسى كۇرەس---- جۇڭحۋا ۇلتىنىڭ ۇلى كوركەيۋى تاريحي بارىسىنداعى ٴبىر رەتكى بۇرىن سوڭدى بولىپ كورىلمەگەن سىناق. 

 

ٴدال وسى ساتتە، حۋبەي، ۋحان جانە ەلىمىزدىڭ جەر-جەرىندەگى بۇقارا ٴۇنسىز ازا ٴبىلدىرىپ، قايعىعا شومدى. اۆتوموبيل، پويەز، كەمەلەردەن كوتەرىلگەن گۋدەك ٴۇنى، ۇزاققا دەيىن جالعاستى.

 

ەلىمىزدىڭ جەر-جەرىندە، مەملەكەتتىك ەڭ جوعارى دەڭگەيدەگى ازا ٴبىلدىرۋ قيمىلدارى وتكىزىلىپ، قاھارماندارعا قايعىلى ازا ٴبىلدىرىلدى، جۇرتشىلىق قاھارمانداردى تەرەڭ سۇيىسپەنشىلىكپەن سوڭعى ساپارعا اتتاندىردى.

 

ينتەر تورابىندا، ٴۇنحات دوستار شەڭبەرىندە كوپشىلىك ازا ٴبىلدىرۋ قيمىلىنا ىرىقتى تۇردە قاتىناسىپ، قاھارمانداردى ساعىنا ەسكە الدى.

 

ەل بولىپ ازا ٴبىلدىرۋ----قايتىس بولعاندارعا قۇرمەت ٴبىلدىرىپ، ولاردى ساعىنا ەسكە العاندىق ٴارى ٴومىردى قاستەرلەگەندىك بولىپ تابىلادى.

 

ۋحان قالاسىنىڭ تۇرعىنى: ٴبىز قايتىس بولعانداردى ەستەن شىعارمايمىز، قايعىنى قايراتقا ايلاندىرۋ-ولاردىڭ كۇتكەن ٴۇمىتىن اقتاعاندىق، دەدى.

 

حۋبەيگە كومەككە بارعان ەمدەۋ اترەتىندەگى 90-جىلداردىڭ تۇلەگى بولعان ٴبىر جاس پارتيا مۇشەسى بىلاي دەدى: قيىنشىلىق بارىسىندا ەرجەتىپ، قيىنشىلىق بارىسىندا شىڭدالامىز، مىنە بۇل ٴبىزدىڭ وسى رەتكى ىندەتكە قارسى تۇرۋ شايقاسىندا بويىمىزعا جيعان كۇش-قايراتىمىز بولماق،-دەدى.

 

وسىناۋ ايبىندى ازا ٴبىلدىرۋ سالتى، قويۋ باۋىرلاستىق سەزىمدى ايگىلەۋمەن بىرگە، تايسالماي العا باساتىن كۇرەسكەر رۋحتى دا سەرپىلىتتى.

 

ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيلارى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوت مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ پروكۋرورى، مەملەكەتتىك ساياسي كەڭەستىڭ ورىنباسار ٴتوراعالارى، ورتالىق اسكەري ىستەر كوميتەتىنىڭ مۇشەلەرى قىزمەت ورىندارىنا جاقىن ماڭداعى ازا ٴبىلدىرۋ قيمىلىنا قاتىناستى. شياڭگاڭ ەرەكشە اكىمشىلىك رايونىنداعى باۋىرلاستار، اۋمىن ەرەكشە اكىمشىلىك رايونىنداعى باۋىرلاستار، تايۋاندىق باۋىرلاستار، شەتەلدەگى جۇڭگولىق مۇھاجىرلار مەن قانداستار ٴتۇرلى فورمادا ازا ٴبىلدىرۋ قيمىلدارىنا قاتىناستى.

中央广播电视总台 央广网 版权所有

بۇكىل ەلدەگى ٴار ۇلت حالقى قايعىلى ازا ٴبىلدىردى

ٴار ۇلت حالقى ىندەتكە قارسى شايقاستا قازا بولعان قاھارماندار مەن قايتىس بولعان باۋىرلاستارعا قايعىلى ازا ٴبىلدىردى