ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

وقىتۋشىنىڭ ەڭبەكاقىسى ۇكىمەت قىزمەتكەرىنەن تومەن بولماۋ

来源:央广网     |责编:阿依娜|     发布日期: 2020-05-21 17:30

 

5-ايدىڭ 19-كۇنى، وقۋ-اعارتۋ مينيسترلىگى اقپار جاريالاۋ ءماجىلىسىن اشىپ، 2019-جىلعى مەملەكەت بويىنشا مىندەتتى وقۋ-اعارتۋدىڭ بىركەلكى دامۋىن قۋزاۋ-باعالاۋعا قاتىستى جاعدايلاردى تانىستىردى. مەملەكەتتىك كەڭەس وقۋ-اعارتۋعا قۋزاۋ-جەتەكشىلىك ەتۋ كوميتەتى كەڭسەسىنىڭ مەڭگەرۋشىسى، وقۋ-اعارتۋ مينيسترلىگى وقۋ-اعارتۋعا قۋزاۋ-جەتەكشىلىك ەتۋ مەكەمەسىنىڭ باستىعى تيان زۋيننىڭ ايتۋىنشا، وقۋ-اعارتۋ مينيسترلىگى «مىندەتتى وقۋ-اعارتۋ ساتىسىنداعى وقىتۋشىلاردىڭ ەڭبەكاقى دەڭگەيى مەملەكەت قىزمەتكەرلەرىنەن تومەن بولماۋ كەرەك» دەگەن ماسەلە تۋرالى ارت-ارتىنان ەكى ۇقتىرۋ شىعارىپ، بيىل جىل سوڭىنان بۇرىن وسى نىسانا مىندەتىن ورىنداۋدى تالاپ ەتكەن. مۇنى اۋىر مىندەت رەتىندە قاراپ، جەر-جەردەن ءوزىن-ءوزى تەكسەرۋدى ورىستەتۋدى تالاپ ەتتى، جىلدىڭ سوڭعى جارتىسىندا، شامامەن 9-، 10-ايلاردا ناق مايداندا تەكسەرۋ، باقىلاۋ-تەكسەرۋ ۇيىمداستىرادى.

جاقىن جەردەن وقۋ ـ وقۋ رايونىنداعى ءۇي باعاسىنىڭ كۇرت وسىۋىنە سەبەپشى بولا ما؟ وقۋ-اعارتۋ مينيسترلىگىنىڭ جاۋابى

 

جاقىن جەردەن وقۋدىڭ اتقارىلۋى وبيەكتۆتىك جاقتان مىندەتتى وقۋ-اعارتۋدىڭ تەپە-تەڭدىگىن ساقتاۋعا ماجبۇرلەۋ رولىن اتقاردى. الايدا، جۋىقتان بەرى ەلىمىزدىڭ جەر-جەرىندە جاقىننان وقۋ، ۇكىمەت باسقارۋىنداعى مەكتەپتەر مەن حالىق باسقارۋداعى مەكتەپتەر ءبىر تۇتاس وقۋشى قابىلداۋ قاتارلىلار اتقارىلعالى، وقۋ رايونىنداعى ۇيلەردىڭ باعاسى ءوسۋ قاتارلى «كەرى اسەرلەر» كەلىپ شىقتى. 

 

بۇعان قاراتا، 5-ايدىڭ 19-كۇنى، مەملەكەتتىك كەڭەس وقۋ-اعارتۋعا قۋزاۋ-جەتەكشىلىك ەتۋ كوميتەتى كەڭسەسىنىڭ مەڭگەرۋشىسى، وقۋ-اعارتۋ مينيسترلىگى وقۋ-اعارتۋعا قۋزاۋ-جەتەكشىلىك ەتۋ مەكەمەسىنىڭ باستىعى تيان زۋين بىلاي دەدى: جاقىن جەردەن وقۋ ماسەلەسى تۋرالى ساياسات وزگەرگەن جوق، وقۋ-اعارتۋ مينيسترلىگىنىڭ ساياساتىندا وزگەرىس بولمادى، باستان-اقىر پارمەندى تۇردە جۇرگىزىلەدى. ۇقساماعان توپتى، ۇقساماعان قاجەتسىنۋدى ايتساق، بۇل قالىپتى جاعداي. قازىر ءبىز جۇرگىزىپ وتىرعان مەكتەپتەردى ولشەمدەندىرۋ قۇرىلىسى، مىندەتتى وقۋ-اعارتۋدىڭ نەگىزگى تەپە-تەڭدىگى جانە ۇزدىك ساپاداعى وقۋ-اعارتۋ بايلىعىنىڭ بىركەلكىلەنۋى قاتارلىلاردىڭ شىعار ءتۇيىنى، ەڭ سوڭعى ماقساتى ـ وسى ماسەلەنى ءبىرجايلى ەتۋ. ەگەر بارلىعى تەپە-تەڭ بولسا، بارلىعى ساپالى بولسا، وقۋشىلار دا تابيعي تۇردە مەكتەپ تاڭداپ جاتپايدى، ءۇيىنىڭ ىرگەسىندە تۇرعان مەكتەپكە وقۋعا تۇسە بەرەدى.

 

اۋدارعان: نۇرگۇل قۇمارقان قىزى

 

    中央广播电视总台 央广网 版权所有

    وقىتۋشىنىڭ ەڭبەكاقىسى ۇكىمەت قىزمەتكەرىنەن تومەن بولماۋ

    وقۋ-اعارتۋ مينيسترلىگى: وقىتۋشىلاردىڭ ەڭبەكاقىسى ۇكىمەت قىزمەتكەرىنەن تومەن بولماۋدى بيىل جىل سوڭىنان بۇرىن، ءسوزسىز، ورىنداۋ كەرەك