ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ساياسي كەڭەس13-كەزەكتى مەملەكەتتىك كوميتەتىنىڭ3-ٴماجىلىسى اشىلدى

来源:央广网     |责编:阿依娜|     发布日期: 2020-05-21 21:26

 

 

 

 

 

 

 

ٴوز حابارىمىز. اۋەلگى ماقساتتى ۇمىتپاي، گۇلدەنۋ ۇلى كۇشىن ۇيىستىرىپ، قول ۇستاسا العا باسىپ، دامۋ ۇلى جوسپارىن بىرگە اقىلداستى. جۇڭگو حالىق ساياسي كەڭەسى 13-كەزەكتى مەملەكەتتىك كوميتەتىنىڭ 3-ٴماجىلىسى 5-ايدىڭ 21-كۇنى تۇستەن كەيىن حالىق سارايىندا اشىلدى. الداعى 7 كۇندە، مەملەكەتتىك ساياسي كەڭەستىڭ 2000 نان استام مۇشەسى ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، قىزمەت جاۋاپكەرشىلىگىن بەلسەنە وتەپ، بورىش پەن ماڭىزدى مىندەتتى ورىنداپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ اقىل-پاراساتى مەن كۇش-قۋاتىن ۇيىستىرادى.

 

حالىق سارايىنىڭ 10 مىڭ ادامدىق ۇلكەن زالىندا شىراقتار جارقىراپ، ايبىندى بەينەگە شومدى. ٴتوراعالار مىنبەسىنىڭ دال ورتاسىنا ىلىنگەن جۇڭگو حالىق ساياسي كەڭەسىنىڭ گەربىسى جارقىراپ، ەكى جاعىنا بەستەن نارت قىزىل تۋ قويىلدى.

 

مەملەكەتتىك ساياسي كەڭەستىڭ ٴتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ٴتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ قاتارلىلار ٴتوراعالار مىنبەسىنىڭ الدىڭعى قاتارىنان ورىن الدى.

پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ٴتوراعا مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى.

 

ساياسي كەڭەس 13-كەزەكتى مەملەكەتتىك كوميتەتىنىڭ 3-ماجىلىسىنە قاتىناسۋعا ٴتيىستى مۇشە 2151 ادام، ناقتى قاتىناسقان مۇشە 2057 ادام، قاتىناسقان ادام سانى بەلگىلەمەگە ۇيلەسەدى.

 

تۇستەن كەيىن ساعات 3 تە جاڭ چيڭلي ٴماجىلىستىڭ اشىلعاندىعىن جاريالادى، بارلىق ادام ورىندارىنان تۇرىپ، مەملەكەت گيمىنىن شىرقادى. 

 

وسىدان كەيىن، ماجىلىسكە قاتىناسقان بارلىق ادام ٴۇنسىز ٴبىر مينۋت ازا تۇتىپ، جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋ شايقاسىندا قۇربان بولعان قاھارماندار مەن قايتىس بولعان باۋىرلاستارعا قايعىلى ازا ٴبىلدىردى. 

 

ماجىلىستە الدىمەن ساياسي كەڭەس 13-كەزەكتى مەملەكەتتىك كوميتەتى 3 ـٴماجىلىسىنىڭ كەڭەس ٴتارتىبى قاراپ ماقۇلداندى. 

 

ۋاڭ ياڭ ساياسي كەڭەس 13-كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەت بايانداما جاسادى.

ۋاڭ ياڭ مىنالاردى باسا دارىپتەدى: 2019-جىل--جاڭا جۇڭگو قۇرىلعاندىعىنىڭ 70 جىلدىعى ٴارى حالىق ساياسي كەڭەسى قۇرىلعاندىعىنىڭ 70 جىلدىعى. ج ك پ ورتالىق كوميتەتى ورتالىقتىڭ ساياسي كەڭەس قىزمەتى جونىندەگى ٴماجىلىسىن اشتى، باس شۋجي شي جينپيڭ ماڭىزدى ٴسوز سويلەدى. ول جاڭا داۋىردەگى حالىق ساياسي كەڭەسى قىزمەتىنىڭ بورىشى مەن مىندەتىن، ٴتۇبىرلى تالابىن، كۇش سالۋ ٴتۇيىنىن ەگجەي ـ تەگجەيلى بايىمداپ، حالىق ساياسي كەڭەسى مەن مەملەكەتتى باسقارۋ جۇيەسىنىڭ ىشكى بايلانىسىن تەرەڭ اشىپ كورسەتتى. جاڭا داۋىردەگى حالىق ساياسي كەڭەسى ىستەرىنىڭ دامۋىنا العا باسۋ بەتالىسىن ايقىن نۇسقادى. 

 

ۋاڭ ياڭ وتكەن ٴبىر جىلدان استام ۋاقىتتان بەرگى حالىق ساياسي كەڭەسىنىڭ قىزمەتىن ٴتورت ٴتۇيىندى مازمۇننان جانە سەگىز جاقتان قورىتىندىلادى. ول بىلاي دەدى: شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس جانە ونىڭ تۇراقتى كوميتەتى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، «بەستى ٴبىر تۇلعالاندىرۋ» جالپىلىق ورنالاستىرۋىن ٴبىر تۇتاس ىلگەرىلەتۋدى، «ٴتورت جالپى بەتتىك» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، نازاردى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، ٴۇش ۇلكەن قامال الۋ شايقاسىن ويداعىداي جۇرگىزۋ سياقتى كەلەلى مىندەتتەرگە شوعىرلاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، ٴتۇرلى فۋنكتسيالاردى مۇقيات اتقارىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. تاياۋداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋ كۇرەسى بارىسىندا، حالىق ساياسي كەڭەسى باس شۋجي شي جينپيڭنىڭ ماڭىزدى ٴسوزىنىڭ رۋحىن جانە ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، ساياسي كەڭەستىڭ ٴار دارەجەلى ۇيىمدارىن، ٴارقايسى ورىنداردى جانە قالىڭ مۇشەلەردى جۇقپالى اۋرۋدان ساقتانۋ ـ تىزگىندەۋ كۇرەسىنە قاتىناسۋعا جۇمىلدىردى. قالىڭ ساياسي كەڭەس مۇشەلەرى وزدەرىنىڭ قىزمەت ورىندارىندا جاۋاپكەرشىلىك ارقالاۋدى ٴىس جۇزىندىك ارەكەتتەرى ارقىلى ايگىلەدى.

ۋاڭ ياڭ مىنالاردى اتاپ كورسەتتى: 2020–جىل جاپپاي دوڭگەلەك داۋلەتتى قوعام قۇرىپ شىعاتىن جانە «13–بەسجىلدىق» جوسپاردىڭ اياقتالار جىلى. حالىق ساياسي كەڭەسى قىزمەتىنىڭ جالپى تۇلعالىق تالابى مىنالار: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 19-قۇرىلتايىنىڭ جانە پارتيا 19-كەزەكتى ورتالىق كوميتەتى ەكىنشى، ٴۇشىنشى، ٴتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن ىشكەرىلەي دايەكتىلەندىرۋ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداۋ، دەموكراتيانى ساۋلەلەندىرۋ مەن ىنتىماقتى كۇشەيتۋگە، ۇكىمەت ىسىنە اقىل ـ كەڭەس بەرۋ جانە ورتاق تانىمدى ۇيىستىرۋ سىندى قوس باعىتتا كۇش سالۋعا تاباندى بولۋ، ارناۋلى كەڭەس ورگانىنىڭ رولىن ساۋلەلەندىرۋ، حالىق ساياسي كەڭەسىنە قاتىناسقان ۇيىمدار مەن ٴار ۇلت، ٴار سالا قايراتكەرلەرىن كەڭ كولەمدە ىنتىماقتاستىرىپ جانە اتتانىسقا كەلتىرىپ، جۇقپالى اۋرۋدان ساقتانۋ-تىزگىندەۋ شارالارىن ۇدايىلاندىرۋ جانە ەكونوميكالىق، قوعامدىق دامۋ قىزمەتىن ٴبىر تۇتاس جوسپارلاپ ىلگەرىلەتۋ جاۋاپكەرشىلىگىن ادا ەتۋ، كۇش-قۋاتتى شوعىرلاندىرۋ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ نىسانالىق مىندەتىن ورىنداۋعا، جاپپاي دوڭگەلەك داۋلەتتى قوعام قۇرۋعا ۇلەس قوسۋعا شىنايى كەپىلدىك ەتۋ. 

 

ۋاڭ ياڭ مىنالاردى باسا دارىپتەدى: باس شۋجي شي جينپيڭنىڭ ورتالىقتىڭ ساياسي كەڭەس قىزمەتى ماجىلىسىندە سويلەگەن ماڭىزدى ٴسوزى مەن «ج ك پ ورتالىق كوميتەتىنىڭ جاڭا داۋىردە حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى پىكىرىندە» قازىرگى جانە بۇدان بىلايعى ٴءبىر مەزگىلدەگى حالىق ساياسي كەڭەسىنىڭ ٴءتۇيىندى قىزمەتتەرى ورنالاستىرىلدى. دايەكتى تياناقتاندىرۋدى ۇزدىكسىز مىقتى يگەرىپ، نەگىزدى بەكەمدەۋگە باسا ٴمان بەرۋ؛ جۇڭگو كوممۋنيستىك پارتياسىنىڭ حالىق ساياسي كەڭەس قىزمەتىنە جاپپاي باسشىلىعىنا بۇلجىماي تاباندى بولىپ، ارناۋلى كەڭەس قۇرىلىمى ٴتۇزىمى قۇرىلىسىن ٴتارتىپتى، ٴونىمدى ىلگەرىلەتۋ؛ ورتاق تانىمدى ۇيىستىرۋ قىزمەتىن ىشكەرىلەي ويداعىداي ىستەپ، ساياسي كەڭەس مۇشەلەرىنىڭ جاۋاپكەرشىلىك ارقالاۋ مىندەتىن كۇشەيتىپ، حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتۋ كەرەك. 

ۋاڭ ياڭ سوڭىندا بىلاي دەدى: مۇشەلەر! قوس 100 جىلدىق «كۇرەس نىساناسىنىڭ تاريحي توعىسۋ كەزەڭىندە، حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، جاڭا داۋىردەگى حالىق ساياسي كەڭەسى ىستەرىنىڭ جاڭا جاعدايىن قۇلشىنا جاراتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن، تىڭ دا اناعۇرلىم زور ۇلەس قوسۋىمىز كەرەك. 

 

مەملەكەتتىك ساياسي كەڭەستىڭ ورىنباسار ٴتوراعاسى جىڭ جيانباڭ ساياسي كەڭەس 13-كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە ساياسي كەڭەس 13-كەزەكتى مەملەكەتتىك كوميتەتىنىڭ 2-ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. مەملەكەتتىك ساياسي كەڭەستىڭ مۇشەلەرى، ساياسي كەڭەسكە قاتىناسقان ورىندار مەن ارناۋلى كوميتەتتەر 2-ماجىلىسكە 5488 ۇسىنىس جوبا تاپسىردى، تەكسەرۋ ارقىلى 4089 ۇسىنىس جوبا 175 ورىننىڭ ٴبىر جاقتى ەتۋىنە تاپسىرىلدى، كەزەكتە بۇل ۇسىنىس جوبالاردىڭ بارلىعى ٴبىر جاقتىلى ەتىلىپ بولدى. تۇراقتى كوميتەت ۇسىنىس جوبا قىزمەتىنىڭ ساپاسىن ۇزدىكسىز جوعارىلاتۋدى جەبەپ، قىزمەت ٴتارتىبى جۇيەسى قۇرىلىسىن كۇشەيتتى، سونىمەن بىرگە ۇسىنىس جوبالاردى ٴبىر جاقتى ەتۋ، كەڭەسۋ ارقىلى ارناۋلى كەڭەس قۇرىلىمىنىڭ رولىن ساۋلەلەندىرىپ، جاڭا داۋىردەگى حالىق ساياسي كەڭەسىنىڭ ۇسىنىس جوبا قىزمەتىنىڭ تاباندىلىق بارىسىندا دامۋىن ىلگەرلەتىپ، بەكەمدەۋ بارىسىندا كەمەلدەندىردى.

ٴتوراعالار مىنبەسىنەن ورىن العان باسشى جولداستاردان تاعى: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين ـ ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن. يمىرباقى، ۋان ى ـ شياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلىلار بار.

 

ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. ٴار ەلدىڭ جۇڭگوداعى ەلشىلەرى قاتارلىلار ۇسىنىس بويىنشا اشىلۋ ماجىلىسىنە قاتىناستى.  

中央广播电视总台 央广网 版权所有

ساياسي كەڭەس13-كەزەكتى مەملەكەتتىك كوميتەتىنىڭ3-ٴماجىلىسى اشىلدى

ساياسي كەڭەس 13-كەزەكتى مەملەكەتتىك كوميتەتىنىڭ 3-ٴماجىلىسى بەيجيڭدە اشىلدى