ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناستى

来源:央广网     |责编:达吾力别克|     发布日期: 2020-05-23 18:15

 

شي جينپيڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا، حالىقتىڭ مۇددەسىن ماڭداي الدى ورىنعا قويىپ، حالىققا ۇزدىكسىز باقىت جاراتۋ جولىندا تاباندى بولىپ، حالىقتى وزەك ەتكەن دامۋ يدەياسىن ءتۇرلى شەشىم، ورنالاستىرۋ جانە ءىس جۇزىندىك قىزمەت بارىسىندا تياناقتاندىرۋدى باسا دارىپتەدى 

 

 

 

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5- ايدىڭ 22-كۇنى تۇستەن كەيىن، 13 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسقان ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا مىنانى باسا دارىپتەدى: جۇڭگو كوممۋنيستىك پارتياسىنىڭ نەگىزى، جان تامىرى حالىقتا. پارتيا حالىقتى ىنتىماقتاستىرىپ جانە باستاپ، توڭكەرىس جاساپ، قۇرىلىس جانە رەفورما جۇرگىزدى. مۇنداعى ءتۇبىرلى ماقسات حالىقتى تاماشا تۇرمىسقا كەنەلتۋ. مەيلى قانداي ۇلكەن سايىس پەن قىسىمعا ۇشىراساق تا، مەيلى قانشالىق بوداۋ بەرسەك تە، بۇعان باستان -اياق تاباندى بولىپ، تيتتەي دە اۋىتقىماۋىمىز كەرەك. حالىقتى وزەك ەتكەن دامۋ يدەياسىنا تاباندى بولۋ - پارتيانىڭ مۇرات سەنىمىن، سيپاتىن، ماقساتىن، اۋەلگى ماقساتى مەن بورىشىن ايگىلەپ، پارتيانىڭ كۇرەس بارىسى مەن امالياتتىق تاجىريبەسىن ىشكەرلەي قورتىندىلاۋ بولىپ تابىلادى. حالىقتىڭ مۇددەسىن ماڭداي الدى ورىنعا قويۋعا، حالىققا بەرىك سۇيەنۋگە، حالىققا ۇزدىكسىز باقىت جاراتۋعا، حالىققا بەرىك تامىر تارتۋعا تاباندى بولىپ جانە ونى ءتۇرلى شەشىمدەر مەن ورنالاستىرۋلار، ءىس جۇزىندىك قىزمەتتەر بارىسىندا، جۇقپالى اۋرۋدان ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ويداعىداي ىستەۋ بارىسىندا ءسوز جوق تياناقتاندىرۋ كەرەك. 

ىشكى موڭعۇل ۋاكىلدەر ۇيىرمەسىندە قىزۋ مەرەيلى تالقى وتكىزىلدى. في دۇڭبين، حو جاۋلياڭ، شۋە جىگو، حىحىباتىر، ميحۋا قاتارلى 5 ۋاكىل كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، جايلىم ەكولوگياسىن قورعاۋ قۇرىلىسىنىڭ تەبىنىن ارتتىرۋ، جىلجىمالى پارتيا ياچەيكاسىنىڭ رولىن ساۋلەلەندىرۋ، حايۋاناتتاردا بولاتىن ىندەتتەن ساقتانۋ جانە ونى تىزگىندەۋ قابىلەتىن جوعارىلاتۋ، ۇلتتار ىنتىماعى العاباسارلىعى تاربيەسىن ويداعىداي جۇرگىزۋ سياقتى ماسەلەلەر جونىندە جەكە ـ جەكە ءسوز سويلەدى. شي جينپيڭ ۋاكىلدەرمەن ءالسىن ـ ءالى اڭگىمەلەستى. 

كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ءسوز سويلەپ ۇكىمەت قىزمەتىنەن باياندامانى تولىق قۇپتايتىندىعىن ءبىلدىردى. ىشكى موڭعۇلدىڭ ءبىر جىلدان بەرگى قىزمەتىن تولىق تۇراقتاندىرىپ، ىشكى موڭعۇلداعى جولداستاردان «موڭعۇل جىلقىسى رۋحىن» زور كۇشپەن ساۋلەلەندىرۋىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، جاڭا دامۋ تانىمىنان جازباي، ءۇش ۇلكەن قامال الۋ شايقاسىن باتىل، جاقسى جۇرگىزىپ، «التىنى ورنىقتىرۋ» قىزمەتىن تىڭعىلىقتى جاقسى ىستەپ، «التىنى قامتاماسىزداندىرۋ» مىندەتىن جاپپاي تياناقتاندىرىپ، جۇقپالى اۋرۋ تۋدىرعان ءتيىمسىز ىقپالداردى باتىل جويىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋ نىساناسىن، مىندەتىن ورىنداۋعا شىنايى كەپىلدىك ەتىپ، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋ جورىعىندا ىشكى موڭعۇل دامۋىنىڭ تىڭ داستانىن جازۋدى ءۇمىت ەتتى. 

 

شي جينپيڭ مىنالاردى اتاپ كورسەتتى: پارتيامىزدىڭ جەكە ەرەكشە مۇددەسى جوق، پارتيا ءارقانداي كەزدە بۇقارانىڭ مۇددەسىن ءبىرىنشى ورىنعا قويادى. بۇل - پارتيامىزدىڭ ماركستىك ساياسي پارتيا رەتىندە باسقا ساياسي پارتيالاردان پارىقتالاتىن كورنەكتى بەلگىسى. سالماقتى ىندەت جاعدايى الدىندا، ء بىز تۋ باستا - اق حالىقتىڭ باس اماندىعى مەن دەنساۋلىق اقاۋسىزدىعىن ماڭداي الدى ورىنعا قويدىق. مەملەكەت كولەمىندەگى ەڭ ۇزدىك شيپاگەر، ەڭ وزىق جابدىق، ەڭ شۇعىل قاجەتتى بايلىق قاينارىن توپتاپ، جۇقپالى اۋرۋدى ەمدەۋگە بار كۇشپەن كىرىسىپ، قۇتقارۋ قاراجاتىن تۇگەلدەي مەملەكەت ۇستىنە الدى. حالىقتىڭ مۇددەسى بارىنەن دە جوعارى، ءومىرى بارىنەن دە قاستەرلى. حالىقتىڭ ءومىرى مەن دەنساۋلىعىن قورعاۋ ءۇشىن قانشالىق زور بوداۋ بەرسەكتە تاتيدى. اۋرۋدىڭ سىرتتان كىرۋى مەن ىشكى جاقتا قايتا قوزۋىنان ساقتانۋ تالابىنان جازباي، جۇقپالى اۋرۋدان ساقتانۋ جانە ونى تىزگىندەۋ سىندى وسى ارقاۋدى مىقتى يگەرىپ، ۇنەمىلىك ساقتانۋ مەحانيزمىن كەمەلدەندىرىپ، جۇقپالى اۋرۋدىڭ قايتالانباۋىنا شىنايى كەپىلدىك ەتۋ كەرەك. 

شي جينپيڭ مىنالاردى باسا دارىپتەدى: حالىق - پارتيامىزدىڭ بيلىك جۇرگىزۋىنىڭ ەڭ ۇلكەن تىرەگى. وسى رەتكى جۇقپالى اۋرۋدان ساقتانۋ جانە ونى تىزگىندەۋ كۇرەسىندە، پارتيا ورتالىق كوميتەتىنىڭ ءبىر تۇتاس باسشىلىعىندا، بۇكىل ەل اتتانىسقا كەلىپ، جالپى حالىق ات سالىسىپ، بىرلەسىپ قورعانىپ، بىرلەسىپ مەڭگەرىپ، كوپ بولىپ ساقتانىپ، كوپ بولىپ ەمدەپ، ەڭ قاتاڭ ساقتانۋ ـ تىزگىندەۋ جۇيەسىن قۇرىپ، مىزعىماس قۇدىرەتتى كۇش ۇيىستىردىق. قالىڭ حالىق بۇقاراسى جالپى جاعدايدى تانىپ، جالپى جاعدايمەن ساناسىپ، جۇقپالى اۋرۋدان ساقتانۋ جانە ونى تىزگىندەۋ كۇرەسىنىڭ جالپى جاعدايىنا سانالىلىقپەن سايكەسىپ، جۇقپالى اۋرۋدان ساقتانۋ جانە ونى تىزگىندەۋدىڭ نەگىزدىك كۇشىن قالىپتاستىردى. ەلىمىزدىڭ سوتسياليستىك دەموكراتياسى حالىقتىڭ ءتۇبىرلى مۇددەسىن قورعايتىن ەڭ كەڭ، ەڭ شىنايى، ەڭ ءونىمدى دەموكراتيا. ءبىز حالىق دەموكراتياسىنا تاباندى بولىپ، حالىقتىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم ويداعىداي ۇيىستىرۋىمىز كەرەك. ىشكى موڭعۇل اۆتونوميالى رايونى ەلىمىزدەگى ەڭ ەرتە قۇرىلعان ۇلتتىق اۆتونوميالى رايون. ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋ كەرەك. ۇلتتىق رايونداردىڭ ەكونوميكالىق، قوعامدىق دامۋ قادامىن جەدەلدەتىپ، ۇلتتاردىڭ ىنتىماعىن، العاباسارلىعىن جەبەۋدە ۇزدىكسىز الدىڭعى لەكتە ءجۇرۋ كەرەك. 

 

شي جينپيڭ مىنالاردى اتاپ كورسەتتى: ىندەتتىڭ الدىن الۋ -تىزگىندەۋ جانە ەكونوميكالىق، قوعامدىق دامۋ قىزمەتىن ويداعىداي ىستەۋدە حالىققا بەرىك سۇيەنۋ كەرەك. بۇل رەتكى ىندەت ەلىمىزدىڭ ەكونوميكالىق، قوعامدىق دامۋىنا ءبىرشاما زور ىقپال جاسادى، الايدا بەلگىلى ماننەن العاندا جاڭا وراي دا جاراتىلدى. ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى جاعدايى وزگەرگەن جوق. بەلسەندى، ىرىقتى تۇردە ءىس تىندىرىپ، كوز الداعى جاعدايدى تياناق ەتۋمەن بىرگە، ۇزاق بولاشاققا كوز جىبەرىپ، كەلەلى نىساندار قۇرىلىسىن ىلگەرىلەتۋ، بازار تۇلعالارىنىڭ دامۋىن قولداۋ، كاسىپ قۇرىلىمىن رەتتەۋدى جەدەلدەتۋ، نەگىزگى ساتىنى جونگە سالۋ قابىلەتىن جوعارىلاتۋ قاتارلى ءبىر قىدىرۋ شارالار العا قويىلدى. اسىرەسە، ورتا، ۇزاق مەرزىمدىك ستراتەگيالىق مىندەتتەر مەن ستراتەگيالىق ورنالاستىرۋلاردى زەرتتەپ جانە جوبالاپ، جوعارى ساپالى دامۋ، جوعارى ءونىمدى جونگە سالۋدى كوزدەي وتىرىپ جەتەكشىلىك سيپاتقا يە ماڭىزدى جوبا، كەلەلى رەفورما، كەلەلى ساياسات جونىندە باعىتتامالى ورنالاستىرۋ جاساپ، داعدارىسقا توتەپ بەرۋ بارىسىندا قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتى شايقاسىن ويداعىداي جۇرگىزۋ كەرەك. 

شي جينپيڭ مىنالاردى باسا دارىپتەدى: حالىققا باقىت جاراتۋدى ءسوز جوق، ەڭ ماڭىزدى قىزمەت ناتيجەسى ەتۋ كەرەك. ءبىزدىڭ ەكونوميكالىق، قوعامدىق دامۋدى جەبەۋىمىزدىڭ ماقساتى، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن بولىپ تابىلادى. حالىقتىڭ الاڭسىز تىرشىلىك ەتۋىن جانە حال - جايىن باستان - اياق كوكەيدە ساقتاپ، بۇقارا كوڭىل ءبولىپ وتىرعان جۇمىسقا ورنالاسۋ، وقۋ - اعارتۋ، قوعامدىق قامسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، ازىق - تۇلىك حاۋىپسىزدىگى، قوعام اماندىعى قاتارلى ءىس جۇزىندىك ماسەلەلەردى زەيىن قويىپ كۇش سالا شەشىپ، بىر - بىرلەپ تياناقتاندىرۋ كەرەك. جىل سايىن قۇلشىنا جۇمىس ىستەپ، بۇقارانىڭ وزگەرىستەردى كورۋىنە، يگىلىككە كەنەلۋىنە كۇش سالۋ قاجەت. كاسىپ سالاسى بويىنشا جۇمىسقا ورنالاستىرۋ ارقىلى كەدەيلەردى سۇيەمەلدەۋ جەتىستىكتەرىن بەكەمدەپ جانە كەڭەيتىپ، كەدەيلەردى قونىس جاڭالاپ سۇيەمەلدەۋدىڭ سوڭعى جۇمىستارىن ويداعىداي ىستەپ، كەدەيلىكتەن ارىلتۋدان قامال الۋ مەن اۋىل ـ قىستاقتى كوركەيتۋدىڭ ورگانيكالى ۇشتاسۋىن ىلگەرىلەتۋ كەرەك. جوعارى مەكتەپ بىتىرگەن وقۋشىلار، ديقان جۇمىسكەرلەر، قوسىننان بوساعان اسكەريلەر قاتارلى ءتۇيىندى بۇقارالىق توپتاردى جۇمىستاندىرۋ قىزمەتىن ويداعىداي ىستەۋ كەرەك. سالماقتى جۇقپالى اۋرۋدان ساقتانۋ جانە ونى ەمدەۋ جۇيەسى مەن الەۋمەتتىك دەنساۋلىق ساقتاۋ جۇيەسىن كەمەلدەندىرۋدى مىقتى ۇستاپ، قالا، اۋىل، الەۋمەتتىك اۋماق سياقتى نەگىزگى ساتىلاردىڭ ساقتانۋ، تىزگىندەۋ قابىلەتى قۇرىلىسىن كۇشەيتىپ، وتانشىلدىق تازالىق قيمىلىن كەڭ كولەمدە ورىستەتىپ، حالىقتىڭ باس اماندىعى مەن دەنساۋلىعىن اناعۇرلىم ويداعىداي قامتاماسىز ەتۋ كەرەك. ەكولوگيالىق وركەنيەت قۇرىلىسىن كۇشەيتۋدىڭ ستراتەگيالىق تۇراقتىلىعىن ساقتاپ، ەكولوگيانى قورعاۋدى ماڭداي الدى ورىنعا قويىپ، جاسىل دامۋ بەتالىسىن بەرىك ورناتىپ، كوك اسپان، تۇنىق سۋ، قۇنارلى توپىراقتى قورعاۋ شايقاسىن ۇزدىكسىز ويداعىداي جۇرگىزىپ، وتانىمىزدىڭ سولتۇستىك رايونىنىڭ ەكولوگيالىق ورتاسىن ويداعىداي قورعاۋ جەتىستىكتەرىن ءتىپتى دە بەكەمدەي ءتۇسۋ كەرەك. پارتيا مۇشەلەرى، كادرلار، وتە - موتە باسشى كادرلار، ءوز قولدارىنداعى ۇقىقتى، اتقارىپ وتىرعان مىندەتتەرىن، پارتيا مەن حالىق بەرگەندىگىن قىراعىلىقپەن ءتۇسىنىپ، ونى پارتيا مەن حالىق ءۇشىن قىزمەت ىستەۋگە، حالىققا يگىلىك جاراتۋعا ىستەۋى كەرەك. ءار دارەجەلى باسشى كادرلار دۇرىس ۇقىق كوزقاراسىن، ساياسي ناتيجە كوزقاراسىن، كاسىپ كوزقاراسىن ورناتىپ، اتاققۇمارلىققا، جالعان تانيجە جاراتۋعا سالىنباي، اتاق -ابىرويدى عانا كوزدەمەي، مىندەتتىڭ قاجەتىنەن شىعىپ، حالىققا ناقتىلى يگىلىك جەتكىزۋلەرى كەرەك. 

 

شي جينپيڭ مىنالاردى اتاپ كورسەتتى: پارتيامىز ۇزاق ۋاقىت بيلىك جۇرگىزۋ ءۇشىن، ءسوز جوق، حالىق بۇقاراسىمەن ەتەنە بايلانىستى ماڭگى ساقتاپ، قاشاندا حالىق بۇقاراسىمەن بىرگە ويلاپ، بىرگە ىستەپ، جاپا ـ ماشاقاتتا بىرگە بولۋى كەرەك. پارتيا 18 ـ قۇرىلتايىنان بەرى، ءبىز پارتيانى جاپپاي قاتاڭ جونگە سالىپ، شىرىكتەسۋگە باتىل قارسى تۇرىپ، جازالاۋ تەبىنىن ارتتىرىپ، «ءتورت بۇرىس ستيلدى» تاباندىلىقپەن وڭاپ، پارتيانىڭ بۇقارالىق لۋشيان تاربيەسىن امالياتتا ايگىلەۋ قيمىلىن، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن جۇرگىزۋدە قالىڭ پارتيا مۇشەلەرىن، كادرلاردى قاشاندا حالىق بۇقاراسىمەن تىنىستاس، تاعدىرلاس بولۋعا تاربيەلەدىك جانە جەتەكتەدىك. شىرىكتەسۋگە، فورماشىلدىققا، تورەشىلدىككە تاباندىلىقپەن قارسى تۇرۋىمىز جانە ونى جويۋىمىز كەرەك. 

 

اۋدارعاندار: سەرىك راقىم ۇلى، نازار ءارىپ ۇلى

 

中央广播电视总台 央广网 版权所有

شي جينپيڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناستى

شي جينپيڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا، حالىقتىڭ مۇددەسىن ماڭداي الدى ورىنعا قويىپ، حالىققا ۇزدىكسىز باقىت جاراتۋ جولىندا تاباندى بولىپ، حالىقتى وزەك ەتكەن دامۋ يدەياسىن ءتۇرلى شەشىم، ورنالاستىرۋ جانە ءىس جۇزىندىك قىزمەت بارىسىندا تياناقتاندىرۋدى باسا دارىپتەدى