ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

جۇڭگو ەكونوميكاسىنىڭ ارتۋى بيىل %1 بولادى، 2021-جىلى قانداي

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-06-29 09:15

 IMF تىڭ مەجەسى: جۇڭگو ەكونوميكاسىنىڭ ارتۋى بيىل %1، كەلەر جىلى %8.2 بولادى  

 جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ ىقپالىنا ۇشىراعان جاعدايدا، بۇكىل جەرشارى ەكونوميكاسىنىڭ بەتالىسى قانداي؟ قايسى ەلدەردىڭ ەكونوميكاسى اۋىر دارەجەدە قۇلدىرايدى؟ جۇڭگو ەكونوميكاسىندا قانداي بەينەلەر بولادى؟

 

حالىقارالىق اقشا قورى ۇيىمى 6-ايدىڭ 24-كۇنى ەڭ جاڭا «دۇنيە ءجۇزى ەكونوميكاسىنا بولجالدى» جاريالاپ، جوعارىداعى ماسەلەلەرگە مەجە جاسادى.

 

2020-جىلى، الەمدىك ەكونوميكا مەجەمەن %4.9 قۇلدىرايدى

 

IMF الەمدىك ەكونوميكاعا بولعان بولجامدى جالعاستى تومەندەتتى، 2020-جىلى بۇكىل جەر شارى ەكونوميكاسىنىڭ ارتۋ مولشەرى مەجەمەن %4.9- بولىپ، 2020-جىلى 4-ايداعى «دۇنيە ءجۇزى ەكونوميكاسىنا بولجالداعى» مەجەدەن 1.9 پايىز تومەندەيدى. 

 

 IMF تىڭ ايتۋىنشا، جاڭا تيپتى ايدارشا ۆيرۋسپەن جۇعىمدالعان وكپە قابىنىۋ ىندەتىنىڭ 2020-جىلدىڭ العاشقى جارىمىنداعى ەكونوميكالىق قيمىلعا كەرى ىقپالى ءبىز وسىدان بۇرىن مەجەلەگەننەن الدە قايدا اۋىر بولدى، سوندىقتان، قالپىنا كەلۋى بۇرىنعى مەجەدەن باياۋ بولادى. «مەجەمەن بارلىق رايون 2020-جىلى ەكونوميكانىڭ كەرى ارتۋىن باستان كەشىرەدى، مۇنداي جاعداي تۇڭعىش رەت جارىققا شىعىپ وتىر».

 

«اسىرەسە، باسىم كوپ ساندى ەكونوميكالىق تۇلعالاردىڭ تۇتىنۋىنىڭ ارتۋىنا بولعان مەجەنىڭ تومەندەتەتىلۋى ـ ىشكى ەكونوميكالىق قيمىلداردىڭ مەجەدەگىدەن اناعۇرلىم زور كەدەرگىگە ۇشىراعانىن بەينەلەيدى.» IMF مىنالاردى اتاپ كورسەتتى: جەكەلىك تۇتىنۋ مەجەسى ازايادى، مۇنداعى سەبەپ ـ قوعامدىق قاتىناستا ارالىق ساقتاۋ جانە قۇرساۋلاۋ شارالارىنىڭ جالپى سۇرانىسقا بولعان زور كولەمدى ءتيىمسىز سوققىسى اۋىر بولادى، سونداي-اق، ساقتىق رەتىندە قويىلاتىن امانات اقشا ارتادى. مۇنان تىس، ورتا تۇراقسىز بولعاندىقتان، كاسىپورىندار دا كاپيتال شىعىسىن كەشەۋىلدەتەدى، سول سەبەپتى، قارجى قوسۋ دا نەگىزىنەن تۇرالاۋ كۇيىندە بولادى.

 

IMF سيتاتقا كەلتىرگەن حالىقارالىق ەڭبەكشىلەر ۇيىمىنىڭ ساندى مالىمەتتەرىندە كورسەتىلۋىنشە، 2020-جىلى 2-توقساندا ازايعان جۇمىس ۋاقىتى 300 ميلليوننان استام تولىق ساعاتتىق قىزمەت ۋاقىتىنا بارابار بولۋى ىقتيمال.

(حالىقارالىق اقشا قورى ۇيىمىنان كەلگەن)

 

ا ق ش ەكونوميكاسى مەجەمەن بيىل %8 قۇلدىرايدى

 

ەڭ جاڭا بولجال بويىنشا، دامىعان ەكونوميكالىق تۇلعالاردىڭ 2020-جىلعى ارتۋ مولشەرى مەجەمەن %8-بولىپ، 2020-جىلى 4-ايداعى «دۇنيە ءجۇزى ەكونوميكاسىنا بولجالداعى» مەجەدەن 1.9 پايىز تومەندەيدى.

 

IMF تىڭ ايتۋىنشا، بيىلعى العاشقى جارىم جىلدا ەكونوميكالىق قيمىلداردىڭ ۇشىراعان سوققىسى مەجەدەن الدە قايدا اۋىر بولدى، ءتىپتى، قۇرساۋلاۋ شاراسى اتقارىلاردىڭ الدىندا-اق، ادامداردىڭ وزدىگىنەن ءبىر-بىرىنەن ارالىق ساقتاي باستاعاندىعى بايقالعان. مىنە وسىلار كەيىنگى جارىم جىلداعى قالپىنا كەلۋدىڭ دە بۇرىنعى مەجەدەن باياۋ بولاتىندىعىنان دەرەك بەرەدى، ويتكەنى، جۇعىمدالۋدان الاڭداۋشىلىق جالعاستى ساقتالۋى مۇمكىن.

 

وسىنىڭ ىشىندە، تومەندەگى ەلدەردىڭ ەكونوميكاسىندا اۋىر دارەجەدە قۇلدىراۋ بولادى: ا ق ش (%8-)، جاپونيا (%5.8-)، انگليا (%10.2-)، گەرمانيا (%7.8-)، فرانسيا (%12.5%-)، يتاليا جانە يسپانيا (%12.8-).

 

ىندەت جاعدايى ەكونوميكاعا كەدەرگى كەلتىردى، سونىمەن بىرگە، مۇناي ەكسپورت ەتەتىن ەلدەردىڭ مەڭگەرۋگە بولاتىن كىرىسى جانارزات باعاسى كۇرت قۇلدىراعان سوڭ، كورنەكتى ازايدى. سول سەبەپتى، IMF تومەندەگى ەلدەر ەكونوميكاسىندا دا اۋىر دارەجەدە قۇلدىراۋ بولادى دەپ مەجەلەۋدە: رەسەي (%6.6-)، ساۋد ارابياسى (%6.8-)، نيگەريا (%5.4-) جانە وڭتۇستىك افريكا (%8-، ونىڭ ەكونوميكالىق بەينەسى دەنساۋلىق ساقتاۋ داعدارىسىنىڭ اۋىر ىقپالىنا ۇشىرايدى).

 

4-ايدا مەجەلەگەن جاعدايمەن سالىستىرعاندا، ينديا ءتىپتى دە ۇزاق ۋاقىتتىق قۇرساۋلاۋدى باستان كەشىردى، ەكونوميكانىڭ قالپىنا كەلۋى ءتىپتى دە باياۋ بولادى، كەزەكتە ونىڭ ەكونوميكاسى %4.5 كەمەيەدى دەپ مەجەلەنۋدە.

 

جۇڭگو ەكونوميكاسى بيىل %1، كەلەر جىلى %8.2 ارتادى دەپ تۇسپالدادى

 

IMF تىڭ ايتۋىنشا، الەمدىك ەكونوميكالىق قيمىل مەجەمەن 2020-جىلدىڭ 2-توقسانىندا قۇلدىراۋ شەگىنە جەتەدى، سودان باستاپ قايتا ورلەپ، مەجەمەن 2021-جىلعى ارتۋ مولشەرى %5.4 كە جەتەدى، بۇل 4-ايداعى مەجەدەن 0.4 پايىز تومەن.

 

جۇڭگو ەكونوميكاسىنىڭ جاعدايى جونىندە، IMF مىنانى اتاپ كورسەتتى: جۇڭگو ەكونوميكاسى قازىر 1-توقسانداعى شۇعىل كەمەيۋدەن قايتا قالپىنا كەلۋ ۇستىندە، 2020-جىلعى ارتۋ مولشەرى مەجەمەن %1.0 بولادى، بەلگىلى دارەجەدەن الىپ ايتقاندا، ساياساتتىق جەبەۋدىڭ سەپتىگى ءتيدى دەۋگە بولادى. 

 

جاڭا گۇلدەنگەن بازار جانە دامۋ ۇستىندەگى ەكونوميكالىق تۇلعانىڭ 2021-جىلعى ارتۋ مولشەرى مەجەمەن %5.9 كە جەتەدى، مۇنىڭ ىشىندە، مەجەمەن 2021-جىلى جۇڭگو ەكونوميكاسىنىڭ ارتۋى %8.2 كە جوعارىلايدى.

 

مۇنان تىس، مەجەمەن 2021-جىلى ا ق ش، ەۆرو رايونى جانە جاپونيانىڭ ەكونوميكاسى جەكە-جەكە %4.5، %6.0، جانە %2.4 ارتادى.

ماتەريالدىق سۋرەت: بەلگىلى ءبىر ورىنداعى جاڭادان سالىنعان قورا-جاي عيماراتى 

 

بارلىق مەملەكەتتى جەتكىلىكتى ۆاكسيناعا يە ەتۋ كەرەك

 

IMF مىنانى اتاپ كورسەتتى: بارلىق مەملەكەت (ۆيرۋسپەن جۇعىمدالعان ادام سانى جوعارعى شەگىنە جەتىپ، ەندىگارى كوبەيمەيتىندەي كورىنگەن ەلدەردى دە قامتيدى) ەمدەۋ، دەنساۋلىق ساقتاۋ جۇيەسىنىڭ جەتكىلىكتى بايلىق قاينارىن ازىرلەۋىنە كەپىلدىك ەتۋى كەرەك. حالىقارالىق قوعام مەملەكەتتىڭ شارالارىنا بولعان قولداۋدى، ءسوز جوق، كورنەكتى تۇردە كۇشەيتۋى، ەمدەۋ، دەنساۋلىق ساقتاۋ قابىلەتى شەكتى ەلدەرگە قارجىلاي كومەك بەرۋمەن بىرگە، ۆاكسينا سىناعىندا ىلگەرلەۋشىلىك كورىلۋىنە ساي، قاراجاتتىڭ ۆاكسينا وندىرۋگە جۇمسالۋىنا جەتەكشىلىك ەتىپ، سول ارقىلى بارلىق مەملەكەتتى تەز ارادا سانى جەتكىلىكتى، باعاسى قالىپتى ۆاكسيناعا يە ەتۋى كەرەك.

 

IMF مىناداي ۇسىنىس بەردى: قۇرساۋلاۋعا ءتيىستى ەلدەر قاتىستى ەكونوميكالىق ساياساتتاردى ۇزدىكسىز اتقارۋى ءتيىس، بۇل كولەمدى، باعىتتامالى شارالار ارقىلى وتباسىنىڭ ەكونوميكالىق شىعىنىن ازايتۋدى قامتيدى ءارى ەكونوميكالىق قيمىلداردى زورلىقپەن شەكتەۋ سەبەبىنەن ءتيىمسىز ىقپالعا ۇشىراعان كاسىپورىندارعا قولداۋ كورسەتۋى كەرەك.

 

مۇنان تىس، ەكونوميكاسى قايتادان اشىق ۇستالعان مەملەكەتتە، قايتا جاندانۋ اياق الىسىنىڭ باستالۋىنا بايلانىستى، باعىتتامالى قولداۋدى بىرتىندەپ كۇشىنەن قالدىرسا بولادى ءارى ساياسات ارقىلى ىنتالاندىرىپ، سۇرانىستى جوعارىلاتىپ، بايلىقتى قايتا ءبولۋدى جەبەپ جانە وعان دەم بەرىپ، ىندەتتەن كەيىن كولەمى ۇزدىكسىز تارايۋ مۇمكىندىگى بار تاراۋلاردان باسقا تاراۋلارعا ويىستىرۋى كەرەك.

 

IMF مىنالاردى باسا دارىپتەدى: پارمەندى كوپ جاقتى سەلبەستىك ورناتۋ ءالى دە توتەنشە ماڭىزدى. IMF تىڭ باس ەكونوميستى جيتا گوپينات بىلاي دەدى: دۇنيە ءجۇزى ءار سالاداعى سەلبەستىكتى كۇشەيتۋ ارقىلى، وسى رەتكى ناعىز الەمدىك داعدارىسقا توتەپ بەرىپ، ساۋدا مەن تەحنيكاداعى شيەلەنىستى جاعدايدى كۇش سالا شەشىپ، ەرەجەنى نەگىز ەتكەن كوپ جاقتى ساۋدا ءتۇزىلىسىن كەمەلدەندىرۋى كەرەك.

 

اۋدارعان: نۇرگۇل قۇمارقان قىزى

 

来源:中国新闻网

编辑:古丽美热

 

 

中央广播电视总台 央广网 版权所有

جۇڭگو ەكونوميكاسىنىڭ ارتۋى بيىل %1 بولادى، 2021-جىلى قانداي

ەڭ جاڭا بولجال بويىنشا، دامىعان ەكونوميكالىق تۇلعالاردىڭ 2020-جىلعى ارتۋ مولشەرى مەجەمەن %8-بولىپ، 2020-جىلى 4-ايداعى «دۇنيە ءجۇزى ەكونوميكاسىنا بولجالداعى» مەجەدەن 1.9 پايىز تومەندەيدى