ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ىندەت جونىندەگى تاڭعالارلىق بايقاۋ

来源:央广网     |责编:达吾力别克|     发布日期: 2020-06-29 20:20

جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى جونىندەگى تاڭعالارلىق بايقاۋ

سپانيا بارسەلونا داشۋەسى ايدىڭ 26-كۇنى، وسى مەكتەپتىڭ باسشىلىعىنداعى ءبىر شاعىن زەرتتەۋ گرۋپپاسى بىلتىر 3-ايدا، بارسەلونا قالاسىنىڭ جاراقسىز سۋىنان الىنعان ۇلگىدەن جاڭا تيپتى ايدارشا ۆيرۋستى تەكسەرىپ ولشەگەندىگىن حابارلادى. ەگەر بۇنىڭ قاتە ەمەستىگى انىقتالسا، وندا، بۇل قورتىندى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ پايدا بولعان ۋاقىتى مالىمەت ەتىلگەن ۋاقىتىنان الدە قايدا ەرتە ەكەندىگىنەن دەرەك بەرە مە؟ جاراقسىز سۋ ۇلگىسىن تەكسەرىپ ولشەۋ ارقىلى، جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ تارالعان ۋاقىتى مەن جاسىرىن ەتەك العان كولەمىن اناعۇرلىم شىنايى تۇسىنۋگە بولا ما جوق پا؟

 

 

1

جاڭا تيپتى ايدارشا ۆيرۋستىڭ دەرەگىن ىزدەۋ

 

بيىل 4-ايدىڭ 13-كۇنىنەن باستاپ، بارسەلونا داشۋەسى ىشەك جولى ۆيرۋسىن زەرتتەۋ شاعىن گرۋپپاسىنىڭ زەرتتەۋشىلەرى ءار اپتادا، جەرگىلىكتى ورىنداعى جاراقسىز سۋ ۇلگىسىن باقىلاپ ولشەپ، جاڭا تيپتى ايدارشا ۆيرۋستىڭ دەرەگىن بايقاعان. سپانيا جاڭا تيپتى ايدارشا ۆيرۋستى «باقىلاپ ولشەۋ نىسانىنىڭ» ءبىر ءبولىمى بولعان وسى زەرتتەۋدىڭ ماقساتى - ىندەت قايتادان اسقىناتىن بولسا، وعان دەر كەزىندە توتەپ بەرۋ.

6-ايدىڭ 25-كۇنى سپانيانىڭ بارسەلونا قالاسىنداعى ادامدار كوشەگە ماسكى تاعىپ شىعۋدا. شينحۋا اگەنتتىگى تاراتتى (بارسەلونا قالالىق ۇكىمەت كەڭسەسى سۋرەتپەن قامدادى)

 

زەرتتەۋشىلەر تاعىدا، ءبىر جاراقسىز سۋدى ءبىرجاقتىلى ەتۋ زاۆودتىنىڭ مۇزداتىلعان جاراقسىز سۋ ۇلگىسىن تەكسەرىپ ولشەگەندە، 2020-جىلى 1-ايدىڭ 15-كۇنگى جاراقسىز سۋ ۇلگىسىنەن جاڭا تيپتى ايدارشا ۆيرۋستى بايقاعان. سپانيادا تۇڭعىش رەت جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققان دەپ دياگنوز قويىلعان ناۋقاس بيىل 2-ايدىڭ 5-كۇنى مالىمەت ەتىلگەن.

 

بۇل بايقاۋ زەرتتەۋشىلەردى مۇنان دا ەرتە ارحيۆكە ساقتالعان جاراقسىز سۋ ۇلگسىن تەكسەرىپ ولشەۋگە جەتەكتەدى. 2018-جىلى 1-ايدان 2019-جىلى 12-ايعا دەيىگى جاراقسىز سۋ ۇلگىسىنە جاسالعان تالداۋ ناتيجەسىندە كورسەتىلۋىنشە، بىلتىر 3-ايدىڭ 12-كۇنى الىنعان جاراقسىز سۋ ۇلگىسىنىڭ جاڭا تيپتى ايدارشا ۆيرۋس پوليمەرازا تىزبەكتى رەاكسياسىن (PCR)  تەكسەرىپ ولشەگەندە بولىمدى بولىپ شىققان، ۆيرۋستىڭ دارەجەسى وتە تومەن بولعان، وسى مەزگىلدەگى باسقا ۇلگىلەردى تەكسەرىپ ولشەۋ ناتيجەسى تۇگەلدەي بولىمسىز بولعان.

 

وسى زەرتتەۋ وتە نازار اۋدارۋعا تاتيدى، ول بۇكىل جەر شارى بويىنشا تۇڭعىش رەت جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققان دەپ دياگنوز قويىلۋدان بۇرىن، جاڭا تيپتى ايدارشا ۆيرۋس بارسەلونادا الدە قاشان تارالعان بولۋى مۇمكىن ەكەندىگىن كورسەتەدى. وسى زەرتتەۋگە باسشىلىق ەتەتىن بارسەلونا داشۋەسى بيولوگيا عىلىمىنىڭ دوكتورى البەرت بوش حابارلاندىرۋدا بىلاي دەگەن: «بارسەلونا ساۋدا جانە ساياحات ورتالىعى، سىرتتان كەلگەن ساياحاتشىلاردى كوپتەپ قابىلدايدى. بۇل زەرتتەۋ ناتيجەسى دۇنيەنىڭ باسقا جەرلەرىندە دە وسىنداي جاعداي جارىققا شىققان بولۋى مۇمكىن، ءبىراق كوپتەگەن ناۋقاستارعا جۇقپالى تۇماۋ دەپ قاتە دياگنوز قويىلعاندىعى سەبەپتى بايقالماي قالعان بولۋى عاجاپ ەمەس ەكەندىگىن بىلدىرەدى».

 

 

2

ىندەت جاعدايىنا كەسىم جاساۋ ءالى ەرتە

 

سپانيا ۆيرۋس عىلىمى عىلمي قوعامىنىڭ ءتوراعاسى بوش بيىل 1-ايدا جاڭا تيپتى ايدارشا ۆيرۋستىڭ بار ەكەندىگى بايقالعان بولسا، وندا، ىندەتكە توتەپ بەرۋ دەڭگەيىمىزدى جوعارىلاتۋعا سەپتىگىن تيگىزەتىندىگىن ءبىلدىردى. ەندى ءبىر جاعىنان الىپ قاراعاندا، جاڭا تيپتى ايدارشا ۆيرۋس جونىندەگى تانىم كەمشىل بولعاندىقتان، العاشقى جاڭا تيپتى ايدارشا ۆيرۋسپەن جاعىمدالعان وكپە قابىنۋ ىندەتىن جۇقپالى تۇماۋ دەپ قاتە دياگنوز قويىپ، ىندەتتىڭ الەۋمەتتىك اۋماقتا تارالۋىن تەزدەتىپ جىبەرگەن بولۋى مۇمكىن.

 

6-ايدىڭ 25-كۇنى سپانيانىڭ بارسەلونا قالاسىنىڭ تەڭىز جاعالاۋىندا ادامدار تولقىن جالداپ ءجۇر. شينحۋا اگەنتتىگى تاراتتى (بارسەلونا قالالىق ۇكىمەت كەڭسەسى سۋرەتپەن قامدادى)

 

ادامزات جاڭا تيپتى ايدارشا ۆيرۋستى بايقاۋدان بۇرىن، ول ادامدار اراسىندا الدە قاشان تارالىپ بولعان با؟ بارسەلونا داشۋەسىنىڭ وسى زەرتتەۋ ناتيجەسى وسى سالاداعىلاردىڭ باعالاۋىنا تاپسىرىلدى، ءبىراق، كوپتەگەن ماماندار وسى ناتيجەگە كۇمانمەن قارايدى. سپانيا الەۋمەتتىك دەنساۋلىق ساقتاۋ جانە دەنساۋلىق ساقتاۋدى باسقارۋ عىلمي قوعامىنىڭ دوكتورى ۋون فيلاردي وسى زەرتتەۋ ناتيجەسىنە نەگىزدەلىپ، ىندەتتىڭ جاپپاي ەتەك العان ۋاقىتىنا كەسىم جاساۋعا بولمايدى دەپ قارايدى. تەك ءبىر عانا زەرتتەۋ ناتيجەسى عانا بولعاندىقتان، ونان دا كوپ ساندىق مالىمەت، ونان دا كوپ زەرتتەۋ، ونان دا كوپ ۇلگى ارقىلى وسى ناتيجەنى راستاۋعا تۋرا كەلەدى، تاعىدا، تاجىريبە اعاتتىعى نەمەسە ادىستەگى ماسەلە قاتارلى فاكتورلاردى جوققا شىعارۋ قاجەت، مۇنان سىرت ناتيجەنىڭ جالعان بولىمدى بولۋ مۇمكىندىگى بار. ءبىراق، فيلاردي وسى زەرتتەۋدىڭ باۋراعىشتىعىن جوققا شىعارا المايتىندىعىن ءبىلدىردى.

 

گوللانديا KWR سۋ زەرتتەۋ ورنى ميكرو ورگانيزم عالىمى حالچۋن مەددى بارسەلونا داشۋەسى شاعىن زەرتتەۋ گرۋپپاسىنىڭ ارحيۆكە ساقتالعان ۇلگىنى قايتالاي تەكسەرىپ ولشەپ، جاڭا تيپتى ايدارشا ۆيرۋستىڭ ناقتىلى بار ەكەندىگىن دالەلدەۋىن ورتاعا قويدى. كەيبىر وقىمىستىلار بارسەلونا داشۋەسىنىڭ وسى زەرتتەۋ ۇلگىسىنىڭ قويۋلاندىرۋ بارىسى ولشەمدى ەمەس دەپ قارايدى.

 

جيىپ ايتقاندا، وسى زەرتتەۋگە ەكىنشى رەت تاجىريبە جاساپ دالەلدەۋ وڭاي-وسپاق ءىس ەمەس. «نيۋ-يورك ۋاقىت گازەتى» بوشتىڭ سوزىنەن سيتات كەلتىرىپ، ونىڭ زەرتتەۋ ۇيىرمەسى 2019-جىلى 3-ايداعى بولىمدى بولعان ۇلگىمەن قايتالاي تاجىريبە جاساۋعا امالسىز، سەبەبى ول ءبىرىنشى رەت تەكسەرىپ ولشەگەندە قۇرىپ كەتكەندىگىن حابارلادى. بۋش بىلاي دەدى: «ءبىز ۇلگى ارقىلى وسى ءتۇيىندى دالەلدەي الامىز، ءبىراق، ءبىز ونى قايتالاي ىستەۋگە امالسىزبىز، ۇلگىنىڭ لاستانۋ جاعدايى تۋىلۋى مۇمكىن ەمەس، ءوزىمىزدىڭ جۇمىس تاسىلىمىزگە نەگىزدەلگەندە، لاستانعان كەزدە، ءبىز وعان نازار اۋدارامىز».

 

 

3

جاراقسىز سۋدى زەرتتەۋ باقىلاپ ولشەۋدىڭ جاڭا قۇرالىنا اينالدى

 

كوپ ءتورلى زەرتتەۋ جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققان ناۋقاستاردىڭ دارەتىنەن كوپ مولشەردە ايدارشا ۆيرۋستىڭ گەن گرۋپپاسى بار ەكەندىگىن دالەلدەدى، ۆيرۋستىڭ گەنى ەڭ سوڭىندا جاراقسىز سۋعا ارالاسادى، مىنە بۇل جاراقسىز سۋعا بايلانىستى زەرتتەۋ جۇرگىزۋ جاڭا تيپتى ايدارشا ۆيرۋس عىلىمىنىڭ نازاريالىق نەگىزى.

 

بيىل 2-ايدا، جۇڭ نانشان اكادەميك پەن لي لانجۋان اكادەميكتىڭ زەرتتەۋ ۇيىرمەسى جەكە-جەكە جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققان ناۋقاستاردىڭ دارەت ۇلگىسىنەن جاڭا تيپتى ايدارشا ۆيرۋستى اجىراتىپ الدى، بۇل بايقاۋ ناۋقاستىڭ دارەتىندە شىندىعىندا ءتىرى ۆيرۋس ساقتالاتىندىعىن دالەلدەدى، بۇل ۆيرۋستىڭ اۋرۋ تۋدىرۋ مەحانيزمىن تانىپ جەتىپ، بۇكىل قوعامنىڭ ىندەتتىڭ تارالۋ جولىن كەسىپ ءارى باعىتتامالى تۇردە ىندەتتىڭ الدىن الۋ جانە ونى تىزگىندەۋدە ماڭىزدى مانگە يە.

بەيجيڭ جينيۇي مەديتسينالىق تەكسەرۋ تاجريبەحاناسىنىڭ تەكسەرۋشىلەرى تاجىريبەحانادا ۇلگىنى ءبىر جاقتىلى ەتۋدە (6-ايدىڭ 25-كۇنى تارتىلعان). شينحۋا اگەنتتىگىنىڭ ءتىلشىسى جاڭ چىنلين تارتقان

 

جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ بۇكىل جەر شارى بويىنشا كوپ جەردە اسقىنۋىنا، ۇزدىكسىز ەتەك الۋىنا ىلەسە، كوپتەگەن ەلدەردىڭ عىلمي زەرتتەۋشىلەرى جاراقسىز سۋدى نەگىز ەتكەن جۇقپالى اۋرۋ عىلىمىن زەرتتەۋدى جاڭا تيپتى ايدارشا ۆيرۋسىنىڭ تارالۋىن تەكسەرىپ ولشەۋدىڭ قۇرالى ەتە باستادى.

 

فينلانديا مەملەكەتتىك دەنساۋلىق ساقتاۋ جانە يگىلىك زەرتتەۋ ورنى 6-ايدىڭ 2-كۇنى، العاشقى زەرتتەۋ ناتيجەسىنىڭ كورسەتۋىنشە، لاس سۋداعى جاڭا تيپتى ايدارشا ۆيرۋستىڭ نۋكلەيىن قىشقىلىنىڭ مولشەرى ۆيرۋستىڭ ەرەكشە رايوندا تارالۋ جاعدايىن بەينەلەپ بەرەتىندىگىن حابارلادى. وسى زەرتتەۋ ءادىسىن ۆيرۋستىڭ گەن تيپىن انىقتاۋعا قولدانۋعا بولادى، زەرتتەۋشىلەر قاينارى بىردەي بولماعان جاڭا تيپتى ايدارشا ۆيرۋس تۇرلىشە جۇعىمدالۋ قابىلەتىنە يە ەكەندىگىن انىقتادى.

 

سينگاپور مەملەكەتتىك دامۋ مينيسترلىگىنىڭ مينيسترى حۋاڭ شۇنساي 6-ايدىڭ 9-كۇنى، ءداستۇرلى تەكسەرىپ ولشەۋ ادىسىنەن سىرت، سينگاپوردىڭ لاس سۋدا جاڭا تيپتى ايدارشا ۆيرۋس بار-جوقتىعىن تەكسەرىپ ولشەۋ قاتارلى ادىستەردەن پايدالانىپ، ءمالىم ەرەكشە بەلگىلەنگەن ادامدار توبىندا، مىسالى ارناۋلى جاتاقتا جاتاتىن سىرتتان كەلگەن جۇمىسكەرلەر قاتارلىلاردىڭ ىشىندە، جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققاندار بار-جوقتىعىن انىقتاۋدا ەكەندىگىن ءبىلدىردى.

 

اۆستراليا فەدەراتسيالىق عىلىم جانە ونەركاسىپ زەرتتەۋ ۇيىمى 6-ايدىڭ 19-كۇنى حابارلاندىرۋ شىعارىپ، لاس سۋدان الىنعان ۇلگىگە تالداۋ جاساۋ ارقىلى، جۇعىمدالعان اۋرۋ بەلگىسى بولسىن-بولماسىن،   الەۋمەتتىك رايونداعى جاڭا تيپتى ايدارشا ۆيرۋسپەن جۇعىمدالۋ جاعدايىن ۇعۋعا بولاتىندىعىن ايتتى. وسى قۇرىلىمعا قاراستى ۇيىرمە ءبىر ءتۇرلى وزىندىك قۇنى تومەن، تەز ءارى جوعارى ونىمدىلىككە يە ءادىس تاۋىپ شىققان، لاس سۋدى تەكسەرىپ ولشەۋ ارقىلى جاڭا تيپتى ايدارشا ۆيرۋستىڭ الەۋمەتتىك اۋماقتا تارالۋ جاعدايىن بىلۋگە بولادى ەكەن، بۇنىڭ ىندەتتىڭ ەكىنشى رەت اسقىنىپ كەتۋىنىڭ الدىن الۋعا پايداسى بار.

بۇدان سىرت، يتاليا، امەريكا، گوللانديا قاتارلى ەلدەردە وسىنداي زەرتتەۋدى قانات جايدىرۋدا. زەرتتەۋشىلەر قاتىستى زەرتتەۋ عالىمداردىڭ ىندەت بايقالماي تۇرعان العاشقى كەزدەگى ۆيرۋستىڭ ادامدار اراسىندا تارالۋىن تەكسەرىپ ولشەۋىنە كومەگىن تيگىزەدى دەپ قارايدى، اسىرەسە اۋرۋ بەلگىىسى جوق ادامداردىڭ جۇعىمدالۋ جاعدايىنا جيناقتاۋ جۇرگىزىپ، سول ارقىلى باعىتتامالى تۇردە الدىن الۋ-ساقتانۋدى اناعۇرلىم جاقسى ىستەۋگە بولادى.

 

اۋدارعان: اناربەك ءابىلماجىن ۇلى

 

    中央广播电视总台 央广网 版权所有

    ىندەت جونىندەگى تاڭعالارلىق بايقاۋ

    جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى جونىندەگى تاڭعالارلىق بايقاۋ