ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

بىرنەشە ەلدە ايدارشا ۆيرۋس ەرتەرەكتە-اق بايقالعان

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-07-09 21:49

ءىرى بايقاۋلار تولاستامادى، بىرنەشە ەلدە ايدارشا ۆيرۋس ەرتەرەكتە-اق بايقالعان

كەزەكتە جاڭا تيپتى ايدارشا ۆيرۋستىڭ الاسۇرعان قارا بۇلتى ءالى سەيىلە قويعان جوق، كەرىسىنشە ۆيرۋستىڭ ارانى اشىلا ءتۇسىپ، جەر شارىنا قاۋىرت تارالا باستادى. جاڭا تيپتى ايدارشا ۆيرۋس وكپە قابىنۋ ىندەتى جونىندەگى حالىقارالىق زەرتتەۋلەردىڭ ۇزدىكسىز تەرەڭدەۋىنە ىلەسە، ىندەتتىڭ ءبىرقانشا ەلدەگى بارلىققا كەلۋ ۋاقىتى وزگەرىسكە ۇشىراپ، تۇڭعىش ناۋقاستىڭ  الدە قايدا ەرتە ىندەتكە شالدىعىپ، ىندەتتىڭ جەرگىلىكتى ورىندا ەرتەرەكتە-اق تارالعانى بەلگىلى بولعان.

 

 

 

 

يسپانيادا 2019-جىلى 3-اي 

 

يسپانيانىڭ بارسەلونا ۋنيۆەرسيتەتى 6-ايدىڭ 26-كۇنى حابارلاندىرۋ تاراتىپ، مەكتەپ باسشىلىعىنداعى بەلگىلى زەرتتەۋ گرۋپپاسىنىڭ بارسەلوناداعى لاس سۋدان بىلتىر 3-ايدا الىنعان ۇلگىدەن جاڭا تيپتى ايدارشا ۆيرۋس بايقاعاندىعىن جاريالادى.

 

وسىدان ىلگەرى وسى زەرتتەۋ گرۋپپاسىنىڭ زەرتتەۋشىلەرى بيىل 1-ايدىڭ 15-كۇنگى لاس سۋدان الىنعان ۇلگىدەن جاڭا تيپتى ايدارشا ۆيرۋستى تەكسەرىپ انىقتاعان.

 

امەريكادا 2019-جىلى 11-اي

 

ا ق ش-نىڭ جاڭا جەرسەي شتاتى سەكس اۋدانى بەلۆيل قالاسىنىڭ باستىعى مايكەل مەلحام: مەنەن جاڭا تيپتى ايدارشا ۆيرۋستىڭ يممۋنيتەتتىك دەنەسىن تەكسەرگەندە، تەكسەرۋ بولىمدى ناتيجە كورسەتتى، بىلتىر 11-ايدا جاڭا تيپتى ايدارشا ۆيرۋسقا شالدىعىپپىن،-دەدى. 

 

امەريكادا بىلتىر 1-ايدا جاڭا تيپتى ايدارشا ۆيرۋس وكپە قابىنۋ ىندەتىنە شالدىققان تۇڭعىش ناۋقاس بايقالعان. جاڭا جەرسەي ستاتىندا جاڭا تيپتى ايدارشا ۆيرۋس وكپە قابىنۋىنا شالدىققان تۇڭعىش ناۋقاس 3-ايدىڭ 4-كۇنى مالىمدەلگەن. ا ق ش-نىڭ الەۋمەتتىك دەنساۋلىق ساقتاۋ مامانى جاڭا تيپتى ايدارشا ۆيرۋس امەريكاعا بيلعى جىلدىڭ العاشقى ەكى ايىندا تارالعان بولۋى مۇمكىن، ول كەزدە انىقتالعان ناۋقاستار تىم از ءارى تەكسەرۋ شارت-جاعدايى قاتاڭ بولدى دەپ قارادى.

 

برازيليادا 2019-جىلى 11-اي

 

برازيليا سانتا كاتارينا ۋنيۆەرسيتەتىنىڭ 7-ايدىڭ 2-كۇنى جاريالاعان زەرتتەۋ دوكلادىندا كورسەتىلۋىنشە، وسى ۋنيۆەرسيتەت جەتەكشىلىك ەتكەن ءبىر زەرتتەۋ گرۋپپاسى سانتا كاتارينا شتاتىنىڭ ورتالىعى فلوريانو پوليس قالاسىنان بىلتىر 11-ايدىڭ 27-كۇنى الىنعان لاس سۋ ۇلگىسىنەن جاڭا تيپتى ايدارشا ۆيرۋس بايقاعان. 

 

يتاليادا 2019-جىلى 12-اي

 

يتاليانىڭ جوعارى دارەجەلى دەنساۋلىق ساقتاۋ ىستەرىن زەرتتەۋ ورنىنىڭ 6-ايدىڭ 18-كۇنى جاريالاعان ءبىر زەرتتەۋ ماتەريالىندا كورسەتىلۋىنشە، زەرتتەۋشىلەر يتاليانىڭ سولتۇستىگىندەگى ميلان قالاسى مەن تۋرين قالاسىندا بىلتىر 12-ايدا الىنعان لاس سۋ ۇلگىسىنەن جاڭا تيپتى ايدارشا ۆيرۋستىڭ ريبوزا نۋكلەين قىشقىلىن بايقاعان. 

 

فرانسيادا 2019-جىلى 12-اي

 

فرانسيانىڭ پاريج مەملەكەتتىك شيپاحانا توبىنا قاراستى ەكى شيپاحانانىڭ سالماقتى اۋرۋلاردى باقىلاۋ-كۇتىمدەۋ تاراۋىنىڭ جاۋاپتىسى يۆەس كورلەون 5-ايدىڭ 3-كۇنى فرانسيا اقپارات قۇرالدارىنا بىلاي دەدى: فرانسيادا كەم دەگەندە بىلتىر 12-ايدىڭ سوڭىندا جاڭا تيپتى ايدارشا ۆيرۋس وكپە قابىنۋىنا شالدىققان ناۋقاس بايقالعان. بۇل فرانسيا اكىمشىلىگى جاريالاعان ىندەتكە شالدىققان تۇڭعىش ناۋقاس بايقالعان ۋاقىتتان ءبىر ايعا جۋىق ۋاقىت ەرتە.

 

انگليا زەرتتەۋ قۇرىلىمدارى: گەن قۇرىلىمىنا تالداۋ جاساۋ ارقىلى جاڭا تيپتى ايدارشا ۆيرۋستىڭ جەر شارىنا بىلتىر جىل سوڭىندا تارالا باستاعانىن بىلۋگە بولادى 

 

انگليا لوندون ۋنيۆەرسيتەتىنىڭ ينيستيتۋدى سياقتى قۇرىلىمدارداعى زەرتتەۋشىلەردىڭ «جۇعىمدالۋ، تۇقىم قۋالاۋ جانە بىرتىندەپ ىلگەرىلەۋ» ايلىق جۋرنالىندا جاريالاعان زەرتتەۋىندە، «گەن قۇرىلىمىنا تالداۋ جاساۋ ارقىلى جاڭا تيپتى ايدارشا ۆيرۋستىڭ بىلتىر جىل سوڭىندا جەر شارىندا كەڭ كولەمدى تارالا باستاعانىن بىلۋگە بولادى» دەلىنگەن. 

 

وسى زەرتتەۋ ۇيىرمەسى الەمدەگى جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 7500 دەن استام ناۋقاستىڭ ۆيرۋس گەن گرۋپپاسىنا تالداۋ جۇرگىزىپ، «جاڭا تيپتى ايدارشا ۆيرۋستىڭ ارعى توركىنى 2019-جىلدىڭ سوڭىندا بارلىققا كەلگەن، بۇل بالكىم جاڭا تيپتى ايدارشا ۆيرۋستىڭ تابيعات دۇنيەسىنەن ادامزات دەنەسىنە تاسىمالدانعان ۋاقىتى بولۋى مۇمكىن» دەپ قاراعان. 

 

اۋدارعان: وركەن بايعازى ۇلى 

 

来源:新华网

 

 

 

编辑:古丽美热

 

 

中央广播电视总台 央广网 版权所有

بىرنەشە ەلدە ايدارشا ۆيرۋس ەرتەرەكتە-اق بايقالعان

تۇڭعىش ناۋقاستىڭ الدە قايدا ەرتە ىندەتكە شالدىعىپ، ىندەتتىڭ جەرگىلىكتى ورىندا ەرتەرەكتە-اق تارالعانى بەلگىلى بولعان