ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

اپاتتان ساقتاندىرۋ، توتەپ بەرۋ دارەجەسىن تۇگەل جوعارىلاتتى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-07-09 21:53

اپاتتان ساقتاندىرۋ، توتەپ بەرۋ دارەجەسىن تۇگەل جوعارىلاتتى

بيىل 6-ايدىڭ 1-كۇنىنەن باستاپ، وڭتۇستىكتە قالىڭ جاڭبىر تولاستامادى. ورتالىق اۋا رايى ستانسياسى اركۇنى دەرلىك نوسەردەن ساقتانۋ ساقتىق دابىلىن قاعىپ، جالعاستى جاريالاۋ كۇن سانى جاعىنان جۋىق 10 جىلدان بەرگى رەكوردتتى جاراتتى. 

 

تەكسەرۋ مالىمەتتەرىنەن قاراعاندا، انحۇي، حۋبەي، جىجياڭ، چۇڭچيڭ قاتارلى 4 ولكە، قالانىڭ جيىنتىق جاۋىن-شاشىن مولشەرى 1961-جىلدان بەرگى ۇقساس مەزگىلمەن سالىستىرعاندا، ەڭ كوپ بولعان ءبىر جىل. انحۇي، حۋبەي ولكەلەرىنىڭ ورتاشا جاۋىن-شاشىن مولشەرى 500 ميلليمەتردەن اسىپ كەتتى.

ورتالىق اۋا رايى ستانسياسى ساناعىنا قاراعاندا، بيىل 6-ايدىڭ 1-كۇنىنەن 7-ايدىڭ 6-كۇنىنە دەيىن، چاڭجياڭ الابىنىڭ جاۋىن-شاشىن مولشەرى جۋىق 60 جىلدان بەرگى 2-رەتكى ورلەۋگە جەتكەن، ەڭ جوعارى بولعان ءبىر رەتى 2016-جىلى، 3-ورىندا بولعانى 1998-جىلى ەكەن.

 

ورتالىق اۋا رايى ستانسياسىنىڭ بيىل تۇڭعىش رەتكى نوسەردەن ساقتانۋ قىزىل سارى ءتۇستى ساقتىق سيگنالىن جاريالادى

 

7-ايدىڭ 7-كۇنى ساعات 16 مولشەرىندە ورتالىق اۋا رايى ستانسياسى بيىل تۇڭعىش رەتكى نوسەردەن ساقتانۋ قىزىل سارى ءتۇستى ساقتىق سيگنالىن جاريالادى: مەجەمەن، 7-كۇنى ساعات 20 دان 8-كۇنى ساعات 20 عا دەيىن، جياڭحاننىڭ شىعىسى، جياڭناننىڭ سولتۇستىگى، سىچۋان ولكەسىنىڭ وڭتۇستىگى، گۇيجوۋ ولكەسىنىڭ سولتۇستىگى، يۇننان ولكەسىنىڭ باتىسى مەن شىعىس سولتۇستىگى قاتارلى جەرلەردىڭ ءىشىنارا رايوندارىندا قالىڭ جاڭبىر نەمەسە نوسەر جاۋادى. 

 

مۇنىڭ ىشىندە حۋبەي ولكەسىنىڭ شىعىسى، انحۇي ولكەسىنىڭ وڭتۇستىگى، حۋنان ولكەسىنىڭ سولتۇستىگى، جياڭشي ولكەسىنىڭ سولتۇستىگى، جىجياڭ ولكەسىنىڭ باتىسى قاتارلى وڭىرلەردىڭ ءىشىنارا رايوندارىندا قاتتى نوسەر جاۋادى. حۋبەي ولكەسىنىڭ شىعىس وڭتۇستىگى، جياڭشي ولكەسىنىڭ سولتۇستىگى، انحۇي ولكەسىنىڭ وڭتۇستىگى قاتارلى رايونداردىڭ ءىشىنارا جەرلەرىندە ەرەكشە نوسەر قۇيادى. 

 

نوسەر قاشان سايابىرلايدى؟

 

جۇڭگو اۋا رايى تورابىنىڭ حابارىنا قاراعاندا، مەجەمەن، 10-كۇنىنەن كەيىن، چاڭجياڭ ورتا، تومەنگى اعارىندا جاۋىن-شاشىن ءسال باسەڭدەيدى، 7-ايدىڭ ورتا شەنىندە، جاڭبىر بەلدەۋى بىرتىندەپ سولتۇستىككە قاراي ويىسىپ، حۋاڭحاي تەڭىزىنەن سولتۇستىك جۇڭگو وڭىرىنە دەيىنگى ارالىققا كوتەرىلەدى.

 

مەملەكەتتىك تاسقىننان قورعانۋ باس قولباسشىلىق شتابى: تاسقىننان ساقتانۋ 4-دارەجەلى شۇعىل جاعدايعا توتەپ بەرۋگە ءۇن قوسۋ 3-دارەجەگە كوتەرىلدى، ـ دەدى

 

«مەملەكەتتىك تاسقىننان ساقتانىپ، قۋاڭشىلىققا قارسى تۇرۋعا شۇعىل توتەپ بەرۋ جوباسىنا» ساي، مەملەكەتتىك تاسقىننان قورعانۋ باس قولباسشىلىق شتابى 7-ايدىڭ 7-كۇنى ساعات 16 دا، تاسقىننان ساقتانۋ 4-دارەجەلى شۇعىل جاعدايعا توتەپ بەرۋگە ءۇن قوسۋدى 3-دارەجەگە كوتەرۋدى ۇيعاردى.

 

شۇعىل جاعدايعا توتەپ بەرۋدى باسقارۋ مينيسترلىگىنىڭ ورتتەن ساقتانۋ-قۇتقارۋ مەكەمەسىنىڭ حابارىنشا، بيىلعى تاسقىن باستالعاننان بەرى، مەملەكەتتىك ورتتەن ساقتانۋ-قۇتقارۋ اترەتى اپاتتان قۇتقارۋ قىزمەتىنە بار كۇشىمەن كىرىسكەن. 7-ايدىڭ 6-كۇنىنە دەيىن، جيىنى 3200 رەت تاسقىننان ساقتانىپ، اپاتتان قۇتقارۋ ىسىنە قاتىناسىپ، قاتەردە قالعان بۇقارادان 6400 دەن استام ادامدى قۇتقارعان، قامالىپ قالعان 31 مىڭنان استام بۇقارانى قاتەرسىز ورىنعا جوتكەگەن.

جەر-جەردەگى ورتتەن ساقتانۋ-قۇتقارۋ اترەتتەرى جاڭبىر مەن تاسقىننىڭ جاعدايىنا قاراي، 632 قۇتقارۋ اترەتىندەگى 13000 ءورت ءسوندىرۋشى قولباسشى مەن جاۋىنگەردى جانە 1600 قايىقتى حاۋىپ-قاتەرى ءبىرشاما زور بولعان ورىندارعا تاسقىننان ساقتانىپ، اپاتتان قۇتقارۋ ىسىنە ات سالىسۋعا ورنالاستىردى.

 

 

 

 

گۇيجوۋ، حاڭجوۋ، انحۇي قاتارلى جەرلەر ساقتاندىرۋ ، شۇعىل جاعدايعا توتەپ بەرۋ دارەجەسىن جوعارىلاتتى

 

گۇيجوۋ ولكەسى اۋا رايى اپاتىنا (نوسەر) توتەپ بەرۋگە ءۇن قوسۋ دارەجەسىن 4-دارەجەدەن 3-دارەجەگە كوتەردى

 

گۇيجوۋ ولكەلىك اۋا رايى مەكەمەسىنەن ۇعىسۋعا قاراعاندا، جالپىلىق تۇجىرىم جاساۋ ارقىلى، گۇيجوۋ ولكەلىك اۋا رايى مەكەمەسى 7-ايدىڭ 7-كۇنى ساعات 11 دەن 30 مينۋت وتكەندە، اۋا رايى اپاتىنا (نوسەر) توتەپ بەرۋگە ءۇن قوسۋ دارەجەسىن 4-دارەجەدەن 3-دارەجەگە كوتەرۋدى ۇيعارعان.

 

جىجياڭ ولكەسىنىڭ حاڭجوۋ قالاسى تاسقىننان ساقتانۋ شۇعىل جاعدايعا توتەپ بەرۋگە ءۇن قوسۋ دارجەسىن 1-دارەجەگە كوتەردى

 

5-ايدىڭ 29-كۇنى جاۋىن-شاشىندى ماۋسىم باستالعاننان بەرى، حاڭجوۋ قالاسىنىڭ جاۋىن مولشەرى 676 ميلليمەترگە جەتىپ، تاريحتاعى ۇقساس مەزگىلدىڭ 2.6 ەسەسىنە جەتىپ باردى. شين-انجياڭ سۋ قويماسىنىڭ سۋ دەڭگەيى 107.64 مەترگە جەتىپ، جالعاستى جوعارىلاۋدا. 7-ايدىڭ 7-كۇنى ساعات 12 دە، 5 سۋ وتكىنىنەن تۇگەل سۋ اعىزۋدى باستادى. 

حاڭجوۋ قالالىق تاسقىننان، تايفىڭنان، قۇرعاقشىلىقتان ساقتانۋ قولباسشىلىق شتابى 7-ايدىڭ 7-كۇنى ساعات 13 تە، تاسقىننان ساقتانۋعا شۇعىل ءۇن قوسۋ دارەجەسىن 1-دارەجەگە كوتەرۋدى ۇيعاردى.

 

انحۇيدا تولاسسىز جاۋعان نوسەردەن 1 ميلليون 230 مىڭنان استام ادام اپاتقا ۇشىراپ، اپاتتان قۇتقارۋ، شۇعىل جاعدايعا توتەپ بەرۋ دارەجەسىن 3-دارەجەگە كوتەردى. 

 

ساناققا قاراعاندا، انحۇي ولكەسىندە جاۋىن-شاشىندى ماۋسىم باستالعالى، 1 ميلليون 236 مىڭ ادام اپاتقا ۇشىراعان، شۇعىل جوتكەلىپ ورنالاستىرىلعان ادام سانى 147 مىڭعا جەتكەن. ەگىس داقىلدارىنىڭ اپاتقا ۇشىراعان جەر كولەمى 92 مىڭ 400 گەكتار بولىپ، 2064 ءۇي اپاتتا قۇلاپ، تىكەلەي ەكونوميكالىق زيان 1 ميلليارد 470 ميلليون يۋانعا جەتتى.

 

انحۇي ولكەلىك اپات زيانىن ازايتۋ، اپاتتان قۇتقارۋ كوميتەتى 7-ايدىڭ 7-كۇنى ساعات 13 تە، انحۇي ولكەسىنىڭ اپاتتان قۇتقارۋعا ءۇن قوسۋ دارەجەسىن 4-دارەجەدەن 3-دارەجەگە كوتەردى.

انحۇي ولكەسىنىڭ شىشيان اۋدانىندا 50 جىلدان بەرى كورىلمەگەن تاسقىن اپاتى بولدى

 

7-ايدىڭ 7-كۇنى، انحۇي ولكەسىنىڭ شىشيان اۋدانى 50 جىلدا ءبىر كەزىگەتىن تاسقىن-سەل اپاتىنا ۇشىراپ، اۋدان قالاشىعىندا جولداردى سەل باسىپ، جولدىڭ كەيبىر جەر ءتۇزىلىسى ويپاڭ جەرلەرىندە سۋدىڭ تەرەڭدىگى 1 مەتر اينالاسىندا بولدى. 

 

شىشيان ەمتيحان رايونىنداعى شىشيان ورتا مەكتەبى مەن شىشيان 2-ورتادا ەمتيحان بەرەتىن وقۋشىلاردىڭ باسىم كوپ ءبولىمى ەمتيحان تۇيىنىنە كىرە المادى. 7-ايدىڭ 7-كۇنى الىناتىن ادەبيەت، ماتەماتيكا ساباقتارىنىڭ ەمتيحانى كەشىكتىرىپ الىناتىن بولدى. 8-كۇنگى ەمتيحاننىڭ الىنۋ-الىنباۋىن اۋا رايى مەن قاتىناس احۋالى بەلگىلەيدى.

شىشيان 2-ورتا،  بۇكىل اۋدانداعى قوعامدىق پاننەن ەمتيحان بەرەتىن 902 وقۋشىنىڭ جوعارى مەكتەپ ەمتيحانىنا قاتىناساتىن ەمتيحان ءتۇيىنى ەدى. ءتىلشىنىڭ تەكسەرۋىنە نەگىزدەلگەندە، ەمتيحان ءتۇيىنىنىڭ ىشكى ءبولىمى نوسەردىڭ ىقپالىنا ۇشىراماعان. تاڭەرتەڭگى ەمتيحاننىڭ قالىپتى جۇرىلمەۋىندەگى سەبەپ ـ مەكتەپتىڭ الدىنداعى وزەن سۋى تاسىپ، كوشەنى سۋ باسىپ كەتكەندىكتەن، وقۋشىلار ەمتيحان تۇيىنىنە ۋاعىندا جەتە الماعان.

 

 

 

انحۇي ولكەسىنىڭ شۋانچىڭ قالاسى تاسقىننان ساقتانۋ شۇعىل جاعدايعا توتەپ بەرۋگە ءۇن قوسۋ دارجەسىن 1-دارەجەگە كوتەردى

 

كەزەكتەگى تاسقىن جاعدايىنا نەگىزدەلىپ، انحۇي ولكەسى شۋانچىڭ قالاسى تاسقىننان ساقتانۋ قولباسشىلىق شتابى 7-ايدىڭ 7-كۇنى 12 دەن باستاپ، تاسقىننان ساقتانۋ شۇعىل جاعدايعا توتەپ بەرۋگە ءۇن قوسۋ دارەجەسىن 1-دارەجەگە كوتەرۋدى ۇيعاردى.

 

چۇڭچيڭ قالاسى تاسقىننان ساقتانۋ كوك ءتۇستى ساقتىق سيگنالىن جاريالادى

 

9 رايون مەن اۋداندا نوسەر جاۋدى، 28 وزەننىڭ سۋى كورنەكتى تاسىدى

 

چۇڭچيڭ قالالىق سۋ رايىن تەكسەرۋ باس پۋنكتىنىڭ تەكسەرۋىنە قاراعاندا، 6-كۇنى ساعات 8 دەن 7-كۇنى ساعات 8 گە دەيىن، چۇڭچيڭنىڭ باسىم كوپ وڭىرلەرىندە از جاڭبىر نەمەسە ورتاشا جاڭبىر جاۋعان، ءىشىنارا جەرلەردە قالىڭ جاڭبىر نەمەسە نوسەر جاۋعان. چيجياڭ، ۋانشىڭ، نانچۋان، ۋلۇڭ، چيانجياڭ، فىڭجيە، پىڭشۇي، يوۋياڭ، شيۋشان قاتارلى 9 رايون مەن اۋداندا نوسەر جاۋعان. چۇڭچيڭ قالالىق سۋ رايىن تەكسەرۋ باس پۋنكتى جياڭجين رايونى چيجياڭ ۋچا بەكەتىنىڭ تاسقىن سۋ ساقتىق دابىلىن جاريالادى.

7-ايدىڭ 7-كۇنى ساعات 11 تەن 30 مينۋت وتكەنگە دەيىن، چۇڭچيڭ چيجياڭ قالا رايونىنداعى سۋ دەڭگەيىنىڭ ساقتىق سۋ دەڭگەيىنە جەتكەن ارالىعى 220.5 مەتر بولىپ، كەيبىر جاياۋلار جولىن سۋ باسقان. قازىر جوعارعى اعاردان كەلگەن سۋ تولاسسىز كوبەيۋدە. چيانجياڭ رايونى قالا رايونىنىڭ تاسقىننان ساقتانۋ شۇعىل جاعدايعا توتەپ بەرۋ 4-دارەجەلى ءۇن قوسۋ حابارىن جاريالاپ اتقاردى. 

 

اۋا رايى تاراۋلارىنىڭ مەجەسىنشە، كەلەسى 24 ساعات ىشىندە جاڭبىر تولاسسىز جاۋادى. 

 

 

چيانجياڭ رايونىنىڭ گەولوگيالىق اپاتتى اۋا رايى شارت-جاعدايىنىڭ حاۋىپ-قاتەر دارەجەسى 1- دارەجەلى بولادى

 

 

نوسەر سالدارىنان، كوپتەگەن جەرلەردە قۇرىلىستار ءبۇلىنىپ، قاتىناس ۇزىلگەن انحۇيدىڭ حۋاڭشان رايونىندا ءبىر تاريحى ۇزاق كوپىر قيراعان

 

7-ايدىڭ 7-كۇنى تاڭەرتەڭ، تولاسسىز جاۋعان نوسەر سالدارىنان، انحۇي ولكەسى حۋاڭشان رايونىنداعى ءبىر 484 جىلدىق تاريحى بار بايىرعى كوپىر قيراعان.  

 

بۇل كوپىر «تۇنشي» كوپىرى دەپ تە اتالادى. ميڭ پاتشالىعى (1536-جىلى) تۇسىندا سالىنىپ، 1676-جىلى قايتادان جوندەلگەن. 1695-جىلى تاسقىندا قيراپ، 1699-جىلى تاعى ءبىر مارتە جوندەلگەن بۇل كوپىر ـ التى تۇعىر، جەتى وتكىندى تاس دوعالى كوپىر بولىپ، ۇزندىعى 133 مەتر كەلەدى، مەملەكەت دارەجەلى مادەني مۇرا رەتىندە قورعالاتىن ورىن ەدى.

 

 

 

 

انحۇيدا نوسەر سەبەبىنەن 41 مەملەكەتتىك جانە ولكەلىك نەگىزگى جەلىدە قاتىناس ءۇزىلدى

 

انحۇي ولكەلىك تاس جول قىزمەت وتەۋ ورتالىعىنىڭ حابارىنا قاراعاندا، 7-ايدىڭ 7-كۇنى ساعات 11 گە دەيىن، انحۇي ولكەسىنىڭ ادەتتەگى مەملەكەتتىك جانە ولكەلىك تاس جولىندا نوسەر سالدارىنان تۋىلعان، توسىننان قاتىناسى توسىلعان جول 41 گە جەتكەن، كەزەكتە 5 جولدىڭ قاتىناسى ءالى توسىلۋ كۇيىندە. ولار:

 

حاۋجوۋ 238 ولكەلىك تاس جولىندا جاۋچياۋ كوپىرىنىڭ سول جاق قوسىمشا تۇعىرى مەن تاعانى جاڭبىر سۋى شايۋدان وتىرىپ كەتكەندىكتەن، قاتىناس تۇيىقتالدى؛ 

 

تۇڭليڭ 232 ولكەلىك تاس جولى تاۋحۋا كوپىرىندە سۋ دەڭگەيى وتە جوعارىلاپ كەتكەندىكتەن، قاتىناس توسىلدى؛

 

شۋانچىڭ 468 ولكەلىك تاس جولىنىڭ گۋانياڭ قىستاعىنداعى بولەگىندە جولدى سۋ الىپ كەتكەندىكتەن، قاتىناس توسىلدى؛

 

شۋانچىڭ 233 مەملەكەتتىك تاس جولىنىڭ شيۇڭلۋ بولەگىندە جولدى سۋ باسىپ كەتكەندىكتەن، قاتىناس توسىلدى؛

 

حۋاڭشان 530G جياۋسۇن قالاشىعى جاڭسۇن بولەگىندە جولدى سۋ باسىپ كەتكەندىكتەن، قاتىناس توسىلدى.

بۇدان تىس، شۋانچىڭ 207 ولكەلىك تاس جولى جيڭدى اۋدانىنىڭ شەكارا بولەگىندەگى جولدى سۋ الىپ كەتكەندىكتەن، قاتىناس ءۇزىلدى. ارى-بەرى وتكەن كولىكتەر وسى جەرلەردەن ايلانىپ وتەتىن جولداردى تاڭداۋىن، حاۋىپسىزدىككە كوڭىل ءبولۋىن ءۇمىت ەتەمىز.

 

اۋدارعان: نۇرگۇل قۇمارقان قىزى

 

来源:央视新闻 

编辑:达吾力

 

中央广播电视总台 央广网 版权所有

اپاتتان ساقتاندىرۋ، توتەپ بەرۋ دارەجەسىن تۇگەل جوعارىلاتتى

مەملەكەتتىك تاسقىننان قورعانۋ باس قولباسشىلىق شتابى: تاسقىننان ساقتانۋ 4-دارەجەلى شۇعىل جاعدايعا توتەپ بەرۋگە ءۇن قوسۋ 3-دارەجەگە كوتەرىلدى، ـ دەدى