ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ سىزعان ارميانى قۇدىرەتتەندىرۋ جول قاريتاسى

来源:央广网     |责编:达吾力别克|     发布日期: 2020-07-31 15:26


دۇنيەدەگى بىرەگەي ارميا قۇرۋ جولىنداـ شي جينپيڭ سىزعان ارميانى قۇدىرەتتەندىرۋ جول قاريتاسى

 

ارميا تۋى ايبىندى جەلبىرەپ، ارميا جىرى اسقاقتاي شىرقالادى.

 

1927 ـ جىلى 8 ـ ايدىڭ 1 ـ كۇنى، نانچاڭ قالا قورعانىندا اتىلعان مىلتىق ءۇنى شىت جاڭا حالىق ارمياسى نەشە مىڭ جىلدىق تارلان تاريح قاتپارىنان جارق ەتىپ بايتاق جۇڭحۋا دالاسىندا دۇنيەگە كەلگەندىگىن الەمگە ايگىلەدى.

 

93 جىلدان بەرى، حالىق ارمياسى پارتيانىڭ سوزىنە قۇلاق اسىپ، بورىشتى اقتادى،  توڭكەرىستىك  اسكەرلەر سەنىمدى بەكەمدەپ، قايسارلىقپەن كۇرەس جاساپ، جەڭىستەردەن جەڭىستەرگە قول جەتكىزدى.

پارتيانىڭ جاڭا داۋىردەگى ارميا قۇدىرەتتەندىرۋ نىساناسى ـ پارتيانىڭ سوزىنە قۇلاق اساتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرۋ، حالىق ارمياسىن دۇنيەدەگى بىرەگەي ارميا ەتىپ قۇرىپ شىعۋ.

 

ارميانى قۇدىرەتتەندىرۋدىڭ اسىل رۋحى ـ پارتيانىڭ قولباسشىلىعىنا باتىل بويسنۋ

پارتيانىڭ ارمياعا ءسوزسىز باسشىلىعى ـ حالىق ارمياسىنىڭ ارميا قۇرۋىنىڭ نەگىزى، ارميانى قۇدىرەتتەندىرۋدىڭ اسىل رۋحى.

 

ءتوراعا شي جينپيڭ پارتيامىزدىڭ ارميا قۇرۋ، ارميا باسقارۋ تاجىريبەلەرىن قورتىندىلاۋ نەگىزىندە:«پارتيانىڭ مىلتىققا قولباسشىلىعى ـ حالىق ارمياسىنىڭ ءمانى مەن ماقساتىن ساقتاۋدىڭ ءتۇبىرلى كەپىلى، بۇل ءبىزدىڭ پارتيامىز قان توگىپ، وت كەشكەن كۇرەستەردەن قورتىندىلاعان بۇلجىماس اقيقات» دەپ اسا تەرەڭ تولعاپ انىق ايتتى.

 

سولتۇستىك شەكارا وڭىرلەردەن وڭتۇستىك بايتاق دالالارعا، شەكسىز ـ شەتسىز ءشول جازيرادان شىعىس تەڭىز جاعالاۋلارعا دەيىن، مەيلى قايدا بارسا دا باس شۋجي شي جينپيڭ ارميا رۋحىن قۇدىرەتتەندىرۋدى كوپ قايتالاي دارىپتەپ، كوپ قايتالاي قاداعالاي تاپسىرىپ كەلەدى.

ارميا قۇرىلعان 93 جىلدان بەرى ، حالىق ارمياسى باستان اياق پارتيامەن جۇرەكتەس ـ مۇراتتاس بولىپ، اياق الىستى ءبىر كەلكىلەندىرىپ، مەيلى قانداي حاۋىپ قاتەرگە، الداۋ ـ ارباۋعا جانە كيلىگۋلەرگە جولىقسا دا بارلىعىندا پارتيانىڭ سوزىنە قالتقىسىز قۇلاق اسىپ، پارتياعا ىلەسىپ، ءىس جۇزىندىك ارەكەت ارقىلى پارتياعا قالتقىسىز ادالدىقتى ايگىلەپ كەلەدى.

جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالۋ جاعدايى تۋىلعاننان كەيىن، تۇتاس ارمياداعى  اسكەري بولىمدەر ءتوراعا شي جينپيڭنىڭ قولباسشىلىعىنا باتىل بويسىنىپ، بۇيرىق بەرىلە سالا اتتانىپ، ماڭىزدى مىندەتتى ەرلىكپەن ارقالاپ، ءۇمىتتى اقتاپ، بورىشتى وتەدى.1 ـ ايدىڭ 24 ـ كۇنى شاعانعا قاراعان كۇننەن باستاپ، ارميادان ىلگەرىندى ـ كەيىندى 3 توپتا جيىنى 4000 دوحتر ـ سەسترا قىزمەتكەرلەر ۋحانعا جەدەل اتتاندىرىلىپ، الدىڭعى شەپ جەتەكشىلىك گرۋپپاسىنىڭ، بىرلەسكەن ارتقى شەپ قامتاماسىزداندىرۋ قوسىنىنىڭ، 1 ـ شەپتەگى دوحتر ـ سەسترالاردىڭ كومەك كۇشتەر جۇيەسىن قالىپتاستىرىپ، جۇقپالى اۋرۋعا قارسى تۇرۋ حالىقتىق شايقاسىنىڭ، تۇتاس تۇلعالىق شايقاسىنىڭ، جۇقپالى اۋرۋ تارالۋىن توسۋ شايقاسىنىڭ جەڭىسىنە قول جەتكىزۋگە كورنەكتى ۇلەس قوستى.

7-ايدان بەرى، قالىڭ جاڭبىر، قاتتى نوسەر جاۋىپ ەلىمىزدىڭ وڭتۇستىگىندە كوپتەگەن جەرلەردە سۋ قاپتاۋ، تاسقىن ءجۇرۋ قاتارلى اپاتتار تۋىلدى. حالىق ارمياسى شاقىرىلعان كەزدە دەرەۋ جەتىپ كەلىپ، جەدەل جينالىپ، تاسقىن اپاتىنا قارسى تۇرۋدىڭ 1  شەبىنە اتتاندى. ەڭ تەز ۋاقىتتا سۋ ورعان كەمەرلەردى بىتەپ، توسپانى قورعاپ، قاتەرلى جاعدايلاردى شارلاپ تەكسەرىپ،حالىق جۇرتشىلىعىنىڭ ءومىرى مەن مال مۇلىك حاۋىپسىزدىگىن قورعادى.

 

ارميانى قۇدىرەتتەندىرۋدىڭ ماڭىزى ـ شايقاس جۇرگىزە الاتىن، جەڭىستى شايقاس جۇرگىزە الاتىن بولۋ

حالىق ارمياسى ـ ماڭگى جاۋىنگەر قوسىن، حالىق ارمياسىنىڭ ومىرشەڭدىك كۇشى ونىڭ جاۋىنگەرلىك قۋاتىندا ــ مىنە بۇل ءتوراعا شي جينپيڭ حالىق ارمياسىنىڭ شۇعىلالى تاريحىن ەسكە الىپ جاساعان عىلمي تۇجىرىمى.

 

شايقاس جۇرگىزە الاتىن، جەڭىستى شايقاس جۇرگىزە الاتىن بولۋـ پارتيا مەن حالىقتىڭ ارمياعا قويعان ءتۇبىرلى تالابى، ارميانىڭ بورىش جاۋاپكەرشىلىگى ءدال وسىدان، ارميانىڭ  ساقتالىپ تۇرۋىنىڭ  ءتۇبىرلى قۇنى ءدال وسىدان بەينەلەنەدى.

 

جاڭا داۋىرگە قادام تاستاعان وسىناۋ شاقتا ءتوراعا شي جينپيڭ :«ناقتىلى سوعىس قاجەتىن شىعار ءتۇيىن ەتىپ اسكەري ءبولىمدى جاپالى جاتتىقتىرۋ، قاتاڭ جاتتىقتىرۋ، سوعىس قالاي جۇرىلەتىن بولسا اسكەردى سولاي جاتتىقتىرۋدا تاباندى بولۋ، سوعىس نەنى قاجەت ەتسە، سوعان جاپالى جاتتىعۋ كەرەك» دەپ سان قايتالاي باسا دارىپتەپ كەلەدى.

شاقىرىلعاندا دەرەۋ دايىن بولۋ، دايىن بولعاندا سوعىسا الاتىن، سوعىسقاندا ءسوزسىز جەڭە الاتىن بولۋ كەرەك.

ارميا قۇرىلىسى جونىندە ءتوراعا شي جينپيڭ ناق سوعىستىق سيپاتتاندىرىلعان اسكەري جاتتىعۋعا ەرەكشە كوڭىل ءبولىپ دارىپتەپ كەلەدى.تولقىن جارا العا تارتقان سوعىس كەمەسىندە، ءتوراعا شي جينپيڭ كەمە بالكونىنا شىعىپ، كەمە بولمەسىنە كىرىپ، سوعىستىق مىندەت اتقارۋ ورىندارىنا ىشكەرىلەي كىرىپ جاتتىعۋ جاعدايىن ۇعىستى؛ اۋىزدان شىققان دەم اق قىراۋعا اينالعان قۇم ءشول دالادا، ءتوراعا شي جينپيڭ قاقاعان سۋىق، ىشقىنعان بوراندى ەلەمەي ، اۋە ارمياسى بەلگىلى سىناق جاتتىعۋ بازاسىن كوزدەن كەشىردى؛ ىس ـ تۇتەگى ٴالى تولىق تاراپ بولماعان مانۋەر مايداندا ، ءتوراعا شي جينپيڭ برونوۆيك قولباسشىلىق تانكىگە وتىرىپ، جابدىق يقۋاتتارىن دەن قويا سۇراپ ۇعىستى...

 

بەرىلگەن ءتالىم ـ بۇلجىتپاي ورىندايتىن بۇيرىق،تاپسىرىلعان مىندەت ـ تاۋداي سالماقتى بورىش، اسقاق كەرناي ءۇنى ـ جورىققا اتتانۋ بۇيرىعى. تاياۋ جىلداردان بەرى، ناقتىلى سوعىس سيپاتتاندىرىلعان اسكەري جاتتىعۋ ورلەۋى تۇتاس ارميادا جابال ورلەۋگە كوتەرىلدى. قۇرىلىق ارمياسىنىڭ «القىپ ءوتۋ»،«وت كۇشى» قاتارلى، تەڭىز ارمياسىنىڭ« جىلجىمالى قوزعالىس»،« كوك كيت»قاتارلى، اۋە ارمياسىنىڭ «التىن دۋلىعا»،« قاناتتى  قانجار» قاتارلى، راكەتا ارمياسىنىڭ «اسپان سەمسەرى» قاتارلى ءبىر سىپىرا مانەۋەرلەرىنىڭ سوعىستىق يقۋاتى جىلدان جىلعا كۇشەيىپ، سوعىس سيپاتى جىلدان جىلعا ايقىندالىپ، جاڭا داۋىردەگى ناقتىلى سوعىس سيپاتتاندىرىلعان ناقتىلى جاتتىعۋدىڭ جاڭا بەينەسىن ايگىلەپ كورسەتتى.

ارميانى قۇدىرەتتەندىرۋدىڭ نەگىزى ـ ارميانى زاڭ بويىنشا باسقارۋ، ارميانى قاتاڭ باسقارۋ

ارميا زاڭ بولماسا تابان تىرەپ تۇرا المايدى،ال ، زاڭ قاتاڭ بولماسا ايبارى بولمايدى.ارميانى زاڭمەن باسقارۋ، ارميانى قاتاڭ باسقارۋ ـ تاريح نۇسقاۋى، ءداۋىر تالعامى، وسىزاماندانعان ارميا قۇرىلىسىنىڭ جالپىعا بىردەي قاعيداسى.

 

2012 ـ جىلى 12 ـ ايدا پارتيا 18 ـ قۇرىلتايى اياقتاپ كوپ وتپەي،ءتوراعا شي جينپيڭ تۇڭعىش رەت نەگىزگى ساتىعا بارىپ اسكەري بولىمدەردى كوزدەن كەشىرگەندە،«ارميانى زاڭ بويىنشا باسقارۋ، ارميانى قاتاڭ باسقارۋ ـ ارميانىڭ قۇدىرەتتەندىرۋدىڭ نەگىزى» دەپ اشىق ايقىن ايتتى. وسىدان باستاپ، ارميانى قۇدىرەتتەندىرۋ نىساناسى جەتەكشى ەتىلىپ، حالىق ارمياسىن زاڭ بويىنشا باسقارۋ، ارميانى قاتاڭ باسقارۋ جەدەل ارناعا ءتۇسىپ، زاڭمەن باسقارىلاتىن ارميا قۇرىلىسىندا جاڭا جاعداي جاراتىلدى.

پارتيا 18 ـ قۇرىلتايىنان بەرى، ءتوراعا شي جينپيڭ تاريح پەن ءداۋىردىڭ بيىك بەلەسىنەن كوز سالىپ، پارتيا مەن مەملەكەت ىستەرىن دامىتۋدىڭ، ارميانى قۇدىرەتتەندىرۋ، ارميا ىستەرىن كوركەيتۋدىڭ ۇلى كارتيناسىن سىزىپ بەردى، ستيل قۇرىلىسىنان باستاپ ىسكە كىرىسپ، ىستەگەن ىستەردەن ناتيجە جاراتاتىن نىق قادام ، باسقارعان ىستەر باياندى وڭالاتىن قايسارلىق، تامشى سۋ تاس تەسەتىن شوگەلدىك، تەمىردەن تەبەن شىعاراتىن جاپاكەشتىك ارقىلى جاپا ماشاقاتتاردان جالىقپاي، بوگەۋ بەرمەي ەرلىكپەن ارىنداي العا تارتىپ، ستيل ءتۇزەتىلىپ، ءتارتىپ قاتاڭداستىرىلىپ، شىرىكتەسۋگە باتىل قارسى تۇرىپ، جاۋىزدىق جازالاندى.

 

وت كەشىپ وق بوراعان جىلداردا سومدالعان حالىق ارمياسى ساياسي ەكولوگيانى پاكتەندىرىپ،ىستىلدىك وبىرازدى سومداپ، ءداستۇرلى قاسيەتكە قايتا ورالىپ، ارميا تىلەگى، اسكەر جىگەرى تىعىز توپتاستىرىلىپ، جەڭىپ شىعۋ قابىلەتى شىعانداي كۇشەيتىلىپ،جاڭا داۋىردەگى اق جال تولقىن ايدىنىندا ايبىندى جاڭا جورىق باستالدى.

ۇزاققا ۇلاسقان ۇلى ساپاردا العاشقى ماقسات مىزعىمايدى. شي جينپيڭ جولداستى ۇيتقى ەتكەن پارتيا ورتالىعىنىڭ بەرىك باسشىلىعىندا، شي جينپيڭنىڭ ارميانى قۇدىرەتتەندىرۋ يدەياسىنىڭ عىلمي جەتەكشىلىگىندە، جۇڭگوشا ارميانى قۇدىرەتتەندىرۋ جولىمەن اۋىتقىماي جۇرسەك بولعانى، دۇنيەدەگى بىرەگەي ارميا قۇرىپ شىعۋ نىساناسى ءسوزسىز ىسكە اسادى.

 

اۋدارعان : قاناتبەك جۇماباي ۇلى

    中央广播电视总台 央广网 版权所有

    شي جينپيڭ سىزعان ارميانى قۇدىرەتتەندىرۋ جول قاريتاسى

    1927 ـ جىلى 8 ـ ايدىڭ 1 ـ كۇنى، نانچاڭ قالا قورعانىندا اتىلعان مىلتىق ءۇنى شىت جاڭا حالىق ارمياسى نەشە مىڭ جىلدىق تارلان تاريح قاتپارىنان جارق ەتىپ بايتاق جۇڭحۋا دالاسىندا دۇنيەگە كەلگەندىگىن الەمگە ايگىلەدى.