ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شيزاڭعا ساياحاتقا بارعان جىگىت جۇرت القاۋىنا بولەندى

来源:央广网     |责编:古丽美热·霍孜汗|     发布日期: 2020-09-13 17:24

شيزاڭعا جەكەلىك ساياحاتقا بارعان جىگىت جول-جونەكەي مىنا ءبىر ءىستى تىندىرىپ، جۇرتتىڭ القاۋىنا بولەندى

جۋىقتا شيزاڭعا جەكەلىك ساياحاتقا بارعان ءبىر جىگىتتىڭ جول بويى قوقىر-قوقسىق جيناعان بەينەبايانى توراپتا كەڭىنەن تارالىپ، توراپتاستاردىڭ القاۋىنا بولەندى.

 

 

 

شيزاڭعا جەكەلىك ساياحاتقا بارعان جىگىت شيزاڭنىڭ كورىنىسىن تاماشالاۋ بارىسىندا 500 نەشە دوربا قوقسىق جيناعان

 

ساي مىرزا فۋجيان ولكەسىنىڭ ادامى، بيىل 8-ايدىڭ ورتا شەنىندە ءوز كولىگىن ايداپ شيزاڭعا جەكەلىك ساياحاتقا بارعان بولاتىن. ساياحات بارىسىندا ول كوپتەگەن ساياحاتشىنىڭ قولىنداعى قوقسىقتى كورىنىس رايوندارىنىڭ كەز كەلگەن جەرىنە تاستاي سالاتىندىعىن بايقادى.

ورتانى قورعاۋدى كوزدە تۇتقان ساي مىرزا، اياعى جەتكەن جەردەگى كوزىنە شالىنعان قوقسىقتى تۇگەل دوربالاپ، وزىمەن بىرگە الا كەتەتىن بولدى. ول وسى قوقسىقتاردى كولىگىنە سالىپ العان سوڭ، جۋىق ماڭداعى قوقسىق ساندىقتارىنا اپارىپ سالادى نەمەسە اۋدان قالاشىقتارىنداعى قوقىر-قوقسىقتى شوعىرلى ءبىر جاقتى ەتەتىن پۋنكتتەرگە جەتكىزىپ وتىرادى.

مىنە وسىلايشا دۇنيەنىڭ جوتاسىنا ساياحاتتاۋ بارىسىندا، ساي مىرزا جول بويى كورىنىس رايوندارىن تاماشالاپ، كوز مەيىرىن قاندىرۋمەن بىرگە، 500 دوربادان استام قوقىر-قوقسىق جينادى.

 

ءار كۇنى نەشە ساعات ۋاقىتىن قوقىر-قوقسىق جيناۋعا سارىپ ەتكەن ول: «بۇل ءوزى ءبىر كىسى كوڭىلىن جەلپىندىرىپ، شات مەرەيگە بولەيتىن ءىس»،ـ دەدى

 

ساي مىرزانىڭ ايتۋىنشا، ول ءار كۇنى دەرلىك نەشە ساعات ۋاقىت اجىراتىپ قوقىر-قوقسىق تازالايدى ەكەن. ول ءوزىنىڭ ارىپ-شارشاعانىمەن ەسەپتەسپەيدى، لاس-اۋ دەپ جيرەنىپ تە جاتپايدى. تەك ءوزىنىڭ وسى ارەكەتى ارقىلى جۇرتتى اتتانىسقا كەلتىرىپ، كوپشىلىك بىرلىكتە ورتانى قورعاسا دەيتىن ىزگى نيەتى عانا بار.

 

«قوقىر-قوقسىق جيناۋ جۇمىسىن ءار كۇنى دەرلىك جالعاستىردىم. قانشا قوقسىق جيناعانىمدى ەسەپتەپ كورمەگەن ەكەنمىن، شامامەن 500 دوربانىڭ ۇستىندە بولدى-اۋ دەيمىن. كوپتەگەن ورىندا قوقسىق جيناۋعا ءبىر كىرىسكەندە بىرەر ءجۇز دوربا جيناپ ءجۇردىم. الايدا، مەن ٴۇشىن بۇل ٴبىر كوڭىلدى جۇمىس  سانالدى»،ـ دەدى ول.

ساي مىرزانىڭ قوقىر-قوقسىق جيناعان ارەكەتىنەن اسەرلەنگەن ساياحاتشىلار بىرتىندەپ ونىڭ قاتارىنا قوسىلىپ، ورتانى قورعاۋ ىسىنە وزدەرىنىڭ ءبىر كىسىلىك ۇلەستەرىن قوسۋعا ريزا بولىستى. ولاردىڭ كەيبىرى زاتتىق جاقتان كومەك كورسەتسە، ەندى بىرەۋلەرى جول شەتىندەگى قوقىر-قوقسىقتى جيناستىرىپ تازالادى. «كوپشىلىكتىڭ قوقىر-قوقسىق تازالاۋعا ات سالىسقانىن كورگەندە، قانشالىق قۋانعانىمدى ايتىپ سۇراماڭىز! كەيبىر ساياحاتشى ىرىقتىلىقپەن سۇرانىپ، ءبىر نەشە دوربا قوقسىق الا كەتىپ تە ءجۇردى»،ـ دەيدى ساي مىرزا لەپىرگەن كوڭىل-كۇيىن باسا الماي.

توراپتاستار تۇس-تۇستان جامىراي ماداق جاۋدىرىپ، سۇيىنىشتەرىن ءبىلدىردى:

 

شىنىندا مويىنسال بولدىم، جارايتىن ازامات ەكەن!

 

توراپتاستار ساي مىرزانىڭ ساياحات بارىسىندا قوقىر-قوقسىق جيناعان ىسىنە ماداق جاۋدىرىپ، باس بارماقتارىن كوتەردى

«ساياحاتتىڭ ءمانى دە وسىندا عوي، مىنا ازامات شىنىن دا كەرەمەت ەكەن!»

 

«بۇل جىگىتكە العىستان باسقا ايتارىمىز جوق، ءبىزدىڭ ۇيرەنۋ ۇلگىمىز بولۋعا ابدەن تاتيدى!»

كوپشىلىك جاساعان ورتامىزدى ايالايىق، بارلىعىمىز اتتانىسقا كەلىپ، اتا مەكەن، انا توپىراعىمىزدى كوز قاراشىمىزداي قورعايىق!

 

اۋدارعان: نۇرگۇل قۇمارقان قىزى

 

来源:中央广播电视总台

 

 

 

编辑:古丽美热

 

 

中央广播电视总台 央广网 版权所有

شيزاڭعا ساياحاتقا بارعان جىگىت جۇرت القاۋىنا بولەندى

ءار كۇنى نەشە ساعات ۋاقىتىن قوقىر-قوقسىق جيناۋعا سارىپ ەتكەن ول: «بۇل ءوزى ءبىر كىسى كوڭىلىن جەلپىندىرىپ، شات مەرەيگە بولەيتىن ءىس»،ـ دەدى