ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ىندەت ۆاكسيناسى دۇنيە بويىنشا تۇڭعىش رەت ۋحاندا ەگىلگەن بولاتىن

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-09-15 10:11

ىندەت ۆاكسيناسى دۇنيە ءجۇزى بويىنشا تۇڭعىش رەت ۋحاندا ەگىلگەن بولاتىن

9-ايدىڭ 12-كۇنى تۇستەن بۇرىن، مەملەكەتتىك ساياسي كەڭەس مۇشەلەرىنىڭ ارناۋلى تاقىرىپتا كوزدەن كەشىرۋ ۇيىرمەسىنىڭ قازىرگى جاعدايدى كوزدەن كەشىرۋ  جايىنداعى اڭگىمە ءماجىلىسى ۋحاندا وتكىزىلدى، جۇڭگو ينجەنەريا اكادەمياسىنىڭ اكادەميگى ۋاڭ چىن مەن چىن ۋيدى قامتىعان مەملەكەتتىك ساياسي كەڭەستىڭ نەشە ونداعان مۇشەسى ماجىلىسكە قاتىناستى. 

 

جاقىندا مەملەكەتتىك ساياسي كەڭەس مۇشەلەرىنىڭ جاعدايدى ارناۋلى كوزدەن كەشىرۋ ۇيىرمەسى حۋبەيعا بارىپ ارناۋلى كوزدەن كەشىرۋ قيمىلىنا قاتىناستى. قيمىلدىڭ باستى تاقىرىبى «ءتورت سەنىمگە» تاباندى بولىپ، ىندەتتەن ساقتانۋ-تىزگىندەۋدىڭ حالىقتىق شايقاسىندا جەڭىسكە قول جەتكىزۋ. 

 

3-ايدىڭ 16-كۇنى، دۇنيە ءجۇزى بويىنشا تۇڭعىش جاڭا تيپتى ايدارشا ۆيرۋس ۆاكسيناسى ۋحاندا ەگىلدى. 

 

 

 

«دۇنيە ءجۇزى بويىنشا تۇڭعىش جاڭا تيپتى ايدارشا ۆيرۋس ۆاكسيناسى ۋحاندا ەگىلدى.» 9-ايدىڭ 12-كۇنى تۇستەن بۇرىن، جۇڭگو ينجەنەريا اكادەمياسىنىڭ اكادەميگى چىن ۋي مەملەكەتتىك ساياسي كەڭەس مۇشەلەرىنىڭ ارناۋلى تاقىرىپتا كوزدەن كەشىرۋ ۇيىرمەسىنىڭ جاعدايدى كوزدەن كەشىرۋ اڭگىمە ماجىلىسىندە ۋحان حالقى قاھارمان حالىق، ۋحاندى تۋعان مەكەنىم دەپ بىلەمىن، -دەدى. 

 

«3-ايدىڭ 16-كۇنى، بۇكىل دۇنيە ءجۇزى بويىنشا جاڭا تيپتى ايدارشا ۆيرۋسقا قارسى ۆاكسينا تۇڭعىش رەت ۋحاندا ەگىلدى، ونىڭ ۇستىنە، بۇكىل دۇنيە جۇزىنە جاريالاعان ادام دەنەسىنە قاتىستى تۇڭعىش ساندى مالىمەت تە ۋحانداعى ساندى مالىمەت بولىپ تابىلادى. » چىن ۋي بىلاي دەدى: «سول كەزدە مەن ءارى-ءسارى كۇي كەشتىم. ۆاكسينادا كوپتەگەن بەلگىسىز فاكتورلار قامتىلعان بولاتىن. ۋحان قالاسىنان سىرتقا قاتىنايتىن جولدار بۇكىلدەي جابىلعان. ەرىكتىلەردى قايدان ىزدەپ تابۋ كەرەك...» ونىڭ ايتۋىنشا، حۋبەي ولكەلىك پارتكوم مەن ۇكىمەت زور قولداۋ كورسەتكەن، ۋحان قالاسىنىڭ ەرىكتىلەرى دە ونى ەرەكشە اسەرلەندىرگەن. 108 ەرىكتى قابىلداۋ جوسپارلانعانىمەن 2 كۇن ىشىندە 5000 نان ارتىق ادام ەرىكتى تۇردە ۆاكسينا قويعىزۋعا تىزىمدەلگەن. ەكىنشى مەرزىمدەگى ەرىكتىلەردىڭ كوبى ءبىرىنشى مەرزىمدەگى ەرىكتىلەردىڭ سەمياسىنداعىلار بولعان، ءتىپتى ەرلى-زايىپتى ەكەۋى دە كەلىپ ۆاكسينا قويعىزعاندار بار... ونىڭ ايتۋىنشا «ۋحان حالقى شىنىندا قاھارمان حالىق، ۋحاندىقتاردىڭ ەرلىگى ول كىسىنى ەرەكشە اسەرلەندىرگەن. »

 

«ۋحاننان كەتكەنىنە 110 كۇن بولعاندا ۋحانعا قايتىپ كەلدى، ونىڭ جىگەرى جانە تاسقىنداي ءتۇستى»

«ۋحاننان كەتكەنىمە 110 كۇن بولعانىمەن، ۋحانعا قايتا كەلگەنىمدە توتەنشە تولقىدىم»، ـ دەدى چىن ۋي اكادەميك. «ىندەت تارالعان تۇستا، 1-ايدىڭ 26-كۇنى ارناۋلى گرۋپپا باستاپ ۋحانعا جەتتىم، 5-ايدىڭ 17-كۇنى ۋحاننان اتتاندىم، ىلگەرىندى-كەيىندى 113 كۇن ۋحاندا تۇردىم، بۇل بارىس ماعان تەرەڭ اسەر قالدىردى. 1-رەت كەلگەندە دە كەشكى ۋاقىتتا جەتىپ ەدىك، قالانىڭ كوشەلەرىندە بىردە-ءبىر كولىك جوق، ال وسى رەت تاعى كەشكى ۋاقىتتا جەتىىك، بۇرىنعى جانە قازىرگى جاعدايدى سالىستىرا قاراعاندا وتە ايقىن ايىرماشىلىق بار، ۋحاننىڭ جاعدايى بۇكىلدەي قالپىنا كەلىپتى.»

 

چىن ۋيدىڭ ايتۋىنشا، ولار العاش ۋحانعا كەلگەندە نۋكلەين قىشقىلىن تەكسەرۋ قابىلەتى جەتەرسىز ەكەن. «سول كەزدە ءبىز ءار كۇنى 530 ادامنىڭ عانا كۇندەلىكتى تەكسەرىلۋىن قامتاماسىز ەتەتىن ەدىك. حۋبەيدا تۇڭعىش رەت اۆتوماتتى نۋكلەين قىشقىلىن تەكسەرۋدى جالپىلاستىردىق.» چىن ۋي ۋحاندا عىلىم-تەحنيكا ارقىلى ىندەتكە قارسى تۇرۋ سىندى وسى نەگىزگى جەلىنى باستان-اياق امالياتتا ايگىلەۋ كەرەكتىگىن باسا دارىپتەدى. 

 

«كۇز، قىس ماۋسىمدارىندا ىندەت جاعدايى مەن جۇقپالى تۇماۋ قاباتتاسۋدان ساقتانۋ كەرەك»

اكادەميك ۋاڭ چىننىڭ ايتۋىنشا، ساياسي كەڭەس مۇشەلەرى حۋبەيدا جۇمىستى، ءوندىرىستى، ساباقتى قالپىنا كەلتىرۋ جاعدايىن كوزدەن كەشىرگەن، حۋبەيدىڭ ىندەتتەن كەيىنگى قايتادان سەرپىلۋى جۇڭگو جانە دۇنيە جۇزىندە ەرەكشە ءمان الادى. جارتى جىلدان استام قۇلشىنىس وڭاي-وسپاق قولعا كەلگەن جوق. قازىر حالىقارادا ىندەتتەن ساقتانۋ-تىزگىندەۋ جاعدايى ءالى دە اۋىر. ۋاڭ چىننىڭ قاراۋىنشا: «بۇقارالىق ۇيىمدار مەن كاسىپتىك ورىنداردى ۇشتاستىرۋعا ءمان بەرۋ»، كۇز بەن قىس ماۋسىمىندا جۇقپالى تۇماۋدىڭ قاباتتاسۋىنان ساقتانۋ ءتيىس.

 

ۋاڭ چىن اكادەميكتىڭ ايتۋىنشا، كۇز جانە قىس ماۋسىمى جاقىندادى، جاڭا تيپتى ايدارشا ۆيرۋس پەن جۇقپالى تۇماۋدىڭ قاباتتاسۋىنان ساقتانۋ، قاي-قاشاندا ساقتىقتى كۇشەيتۋ قاجەت. 

 

 ۋاڭ چىن اكادەميك قازىرگى باستى ءتۇيىن−«بۇقارالىق ۇيىمدار مەن كاسىپتىك ورىنداردى ۇشتاستىرۋ» ەكەنىن، بۇندا «بۇقارا» سىندى ءتۇيىندى تولىق مەڭگەرىپ، ىندەتتى جويۋ قىزمەتى جاقسى ىستەلگەنىن اۋىزعا الدى، سونىمەن بىرگە «كاسىپتىك» تەبىندى بىرتىندەپ نىعايتىپ، ادامدار شوعىرىن باقىلاۋ-تىزگىندەۋدى ويداعىداي ىستەۋ كەرەكتىگىن باسا دارىپتەدى.

 

«دەنساۋلىق ساقتاۋ سالاماتتىق كاسىبىنىڭ جالپى تۇلعالىق شارۋاشىلىقتاعى سالىستىرماسىن ارتتىرۋ كەرەك»

 

 

 

ۋاڭ چىن اكادەميك دەنساۋلىق ساقتاۋ سالاماتتىق كاسىبىنىڭ جالپى تۇلعالىق شارۋاشىلىقتاعى سالىستىرماسىن ارتتىرۋدى ورتاعا قويدى. 

 

ۋاڭ چىننىڭ قاراۋىنشا، قازىر كوپشىلىك دەنساۋلىق سالاماتتىعىن ساقتاۋدىڭ ماڭىزدىلىعىن تانىپ جەتتى. كاسىپ جۇيەسى قۇرىلىسىندا دەنساۋلىق ساقتاۋ كاسىبىنىڭ جالپى تۇلعالىق شارۋاشىلىقتاعى سالىستىرماسىن ارتتىرۋ كەرەك. بۇل اناعۇرلىم مادەنيەتتى، اناعۇرلىم وسىزاماندانعان شارۋاشىلىق فورماسى.

 

دەنساۋلىق ساقتاۋ جۇيەسى قۇرىلىسىن قايتا قۇرۋ جانە كۇشەيتۋ تۋراسىندا ەمدەۋ قۇرىلىمدارىنىڭ ىندەتتەن ساقتانۋ-الدىن الۋ جاعىنداعى رولىن كۇشەيتۋ كەرەك. «ەمدەۋ مەن قورعانۋدى ءبىر تۇلعالاندىرۋ» بۇكىل دۇنيە ءجۇزى بويىنشا مويىندالعان ىندەتتەن ساقتانۋ-تىزگىندەۋ ءتاسىلى. ءبىز دەنساۋلىق ساقتاۋ جۇيەسىن كەمەلدەندىرۋ جونىندە جان-جاقتى ويلانىپ، ىزدەنىستەر جاساۋىمىز كەرەك.

 

 اۋدارعان: قۋات جۇماش ۇلى 

 

来源:中央广播电视总台

 

 

 

编辑:古丽美热

 

 

中央广播电视总台 央广网 版权所有

ىندەت ۆاكسيناسى دۇنيە بويىنشا تۇڭعىش رەت ۋحاندا ەگىلگەن بولاتىن

«كۇز، قىس ماۋسىمدارىندا ىندەت جاعدايى مەن جۇقپالى تۇماۋ قاباتتاسۋدان ساقتانۋ كەرەك»