ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

وسى رەتكى زەينەتاقى تەڭشەۋدەن 120 ميلليون ادام يگىلىككە كەنەلدى

来源:央广网     |责编:达吾力别克|     发布日期: 2020-10-25 17:43
 

وسى رەتكى زەينەتاقى تەڭشەۋدەن 120 ميلليون ادام يگىلىككە كەنەلدى

10-ايدىڭ 23-كۇنى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ اقپارات مالىمدەمەشىسى لۋ ايحۇڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ 3-توقسانداعى اقپارات جاريالاۋ ماجىلىسىندە بىلاي دەدى: ەلىمىزدە زەينەتكە شىققانداردىڭ نەگىزگى زەينەتاقىسىن تەڭشەۋ قىزمەتى جالپى بەتتىك اياقتادى، بۇدان يگىلىككە كەنەلگەن زەينەتكە شىققان ادام 120 ميلليوننان استى. 

لۋ ايحۇڭنىڭ تانىستىرۋىنا قاراعاندا، بيىل جىل باسىنان بەرى ەلىمىزدىڭ قوعامدىق قامسىزداندىرۋ ءتۇزىمى رەفورماسى ۇزدىكسىز تەرەڭدەدى. زەينەتكەرلىك قامسىزداندىرۋ قورىن ولكە دارەجەلى ءبىر تۇتاس جوسپارلاۋ جاپپاي ىلگەرىلەپ، 26 ولكە مەن شينجياڭ ءوندىرىس- قۇرىلىس بيڭتۋانى قوردى ولكە دارەجەلى ءبىر تۇتاس جيناپ، ءبىر تۇتاس شىعىس ەتۋدى جۇزەگە اسىردى. كاسىپورىن جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋ قورىن ورتالىق تەڭشەۋ قىزمەتى ءساتتى ورىستەتىلىپ، الدىڭعى 3 توقسانداعى قارجى تاپسىرىلدى جانە بوساتىلدى.

 

9-ايدىڭ سوڭىنا دەيىن قوعامدىق قامسىزداندىرۋ كارتچكاسى بارلار ءبىر ميلليارد 325 ميلليون ادامعا جەتىپ، ەلىمىز جان سانىنىڭ %94.6 ىن قامتىسا، ەلەكتروندىق قوعامدىق قامسىزداندىرۋ كارتچكاسىنان جيىنى 255 ميلليون داناسى تاراتىلدى. مەملەكەت بويىنشا نەگىزگى زەينەتكەرلىككە، جۇمىسسىزدىققا، جۇمىس ۇستىندە جارالانعانداردى قامسىزداندىرۋعا قاتىناسقاندار جەكە-جەكە 987 ميلليون ادام، 212 ميلليون ادام جانە 263 ميلليون ادامعا جەتىپ، «13-بەسجىلدىق» جوبا نىساناسى كۇنى بۇرىن ورىندالدى. ءۇش ءتۇرلى قوعامدىق قامسىزداندىرۋ قورىنىڭ اينالىمى جالپى جاقتان ورنىقتى بولىپ، 9-ايدىڭ سوڭىندا جيىنى 6 تريلليون 280 ميلليارد يۋان قالدىق قالدى.

 

لۋ ايحۇڭ بىلاي دەدى: 9-ايدىڭ سوڭىنا دەيىن نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ سىندى ءۇش ءتۇرلى قوعامدىق قامسىزداندىرۋدا كاسىپورىنداردىڭ قوعامدىق قامسىزداندىرۋ قاراجاتىنان 910 ميلليارد 700 ميلليون يۋان كەمەيتىلدى جانە كەشىرىم ەتىلدى، قوعامدىق قامسىزداندىرۋ قاراجاتىنان 61 ميلليارد 600 ميلليون يۋان كەشىكتىرىپ تاپسىرىلىپ، قوعامدىق قامسىزداندىرۋدىڭ «كەشىرىم ەتۋ، كەمەيتۋ، كەشىكتىرىپ تاپسىرۋ» ساياساتىنىڭ ونىمدىلىگى ۇزدىكسىز كورنەكتىلەندى. بۇدان سىرت، ادام كۇشى بايلىعى جانە قوعامدىق قامسىزداندىرۋ تاراۋلارى جۇمىسسىزدىقتى قامسىزداندىرۋدى ءوتىنىش ەتۋ ءراسمياتىن وڭايلاستىرىپ، جەلىدە توراپقا شىعىپ توراپتا مەملەكەت بويىنشا بىرلىككە كەلگەن كىرۋ جولىن ءوتىنىش ەتۋ، جۇمىسسىزدىق كومەك قاراجاتى، جۇمىسسىز قالعان ديقان جۇمىسكەرلەرگە ۋاقىتتىق تۇرمىستىق كومەك بەرۋ ساياساتىن كەزەڭدىك اتقارۋدى تياناقتاندىرۋ  جەدەل ىلگەرىلەتىلدى.

 

زەينەتكەرلىك قامسىزداندىرۋ قورىن اينالىمعا سالىپ تيجارات ەتۋ جاعىندا، 9-ايدىڭ سوڭىنا دەيىن ەلىمىزدە 24 ولكە قوردى قارجى قوسۋعا ۋاكىلاتان مىندەتتەۋدى جولعا قويدى، مۇنىڭ توقتام سوماسى ءبىر تريلليون 100 ميلليارد يۋانعا جەتتى، بۇدان ەسەپكە كىرگەنى 975 ميلليارد 700 ميلليون يۋان، مۇنىڭ ىشىندە 21 ولكە قالا-اۋىل تۇرعىندارىنىڭ زەينەتكەرلىك قامسىزداندىرۋ قورىن قارجى قوسۋعا ۋاكىلاتان مىندەتتەۋ قىزمەتىن باستادى.

قوعامدىق قامسىزداندىرۋدى باسقارۋ، قىزمەت وتەۋ جاعىندا، 9- ايدىڭ سوڭىنا دەيىن مەملەكەتتىك قوعامدىق قامسىزداندىرۋ الەۋمەتتىك قىزمەت وتەۋ تەكشەسىندە قوعامدىق قامسىزداندىرۋدى قۋزاستىرۋ، جۇمىسسىزدىقتى قامسىزداندىرۋ مامىلەسىن ءوتىنىش ەتىپ الۋ، زەينەتاقىنى ەسەپتەتۋ، تولىمدىلىعىن تانۋ قاتارلى مەملەكەتتىك سيپات العان رايون اتتاعان 9 تۇردەگى 27 ءتۇرلى قوعامدىق قامسىزداندىرۋ الەۋمەتتىك قىزمەت وتەۋى جولعا قويىلىپ، توراپتا قىزمەت وتەۋ ىستەرى بارىنشا، تولىق ىلگەرىلەتىلدى.

 

اۋدارعان: ساعىنبەك رابات ۇلى

 

中央广播电视总台 央广网 版权所有

وسى رەتكى زەينەتاقى تەڭشەۋدەن 120 ميلليون ادام يگىلىككە كەنەلدى

10-ايدىڭ 23-كۇنى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ اقپارات مالىمدەمەشىسى لۋ ايحۇڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ 3-توقسانداعى اقپارات جاريالاۋ ماجىلىسىندە بىلاي دەدى: