بۇگىن 1-ايدىڭ 15-كۇنى، جۇما، الدىمەن ەل ٴىشى جانە حالىقارالىق قىسقا حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر.

您的浏览器不支持 audio标签

@تاياۋدا ورتالىق اسكەري ىستەر كوميتەتى بۇكىل ارميانى جابدىقتاۋ قامتاماسىزداندىرۋ سالاسىنداعى 10 ۇزدىك ورىن مەن 20 وزات جەكەنى ماداقتاپ سيلادى. 

@جەر-جەر ىندەتتەن ساقتانۋ-تىزگىندەۋ شاراسىن قاتاڭداستىرىپ، ىندەتتەن ساقتانۋ-تىزگىندەۋ تورىن جالعاستى بەكەمدەدى.

@فەنولتالەين تابلەتكاسى ەرەكشە اۋىر رەاكسيا بەرگەندىگى سەبەپتى ەلىمىزدە ٴوندىرۋ توقتاتىلدى.

@ادام كۇشى بايلىعى جانە قوعامدىق قامتاماسىزداندىرۋ مينيستيرلىگى: 2021-جىلدىڭ سوڭىنا دەيىن قوعامدىق قامتاماسىزداندىرۋ كارتچكاسىن ٴوتىنىش ەتۋدى ولكە اتتاپ بىتىرۋگە بولاتىندىعىن حابارلاندىردى.

@جۇڭگونىڭ شەتەلدەگى ەلشىحانالارى شەتەلدە وقيتىن وقۋشىلارعا جانە باسقا شوعىرلارعا مەرەكەلىك ساۋعا تاراتتى.

@حيلۇڭجياڭ ولكەسىنىڭ سۇيحۋا قالاسىنداعى ٴارقايسى تۇرعىندار رايونىندا تۇيىقتاپ باسقارۋ شاراسى اتقارىلدى، قالا رايونىنداعى اسحانالار جابىلدى.

@ىشكى موڭعۇلدىڭ حولەنبەر قالاسىنداعى ولكە ارالىق جولاۋشى تاسىمال لەنياسى ۋاقىتشا توقتاتىلدى.

@حۋبەي ولكەسى نۋكلەين قىشقىلىن تەكسەرۋ اقىسىن تاعى دا ازايتىپ، بۇرىنعى 132 يۋاننان 80 يۋانعا تۇسىردى.

@تيانجين قالالىق داچياۋداۋ ازىق-تۇلىك شەكتى سەرىكتىگىنەن ۆيرۋس بايقالعان 65 جاشىك بالمۇزداق تيانجين بازارىنا كىرگەن، بۇدان تىس 1812 جاشىك بالمۇزداق سىرتقى ولكەگە جوتكەلگەن، قازىر ىشكەرلەي تەكسەرىلۋدە.

@داليانداعى تەكسەرۋ قىزمەتكەرلەرىنە سايكەسپەي ”لۋ شۋجيدى“ اراعا سالىپ، تەكسەرۋ وتكەلىنەن ەركىن وتكەن ايەل كادرعا پارتيا ىشىندە اۋىر ەسكەرتۋ، مىندەتتەن شەگىندىرۋ جازاسى بەرىلدى، لۋ شۋجيعا پارتيا ىشىندە ەسكەرتۋ بەرۋ جازاسى بەرىلدى.

@شاندۇڭ ولكەسى رۇڭچىڭ قالاسى ليجياڭ ورتا مەكتەبىنىڭ وقىتۋشىسى ۋاڭ گوفان مەكتەپ الاڭىنداعى قارعا سيىردىڭ سۋرەتىن سالىپ، وقۋشىلارعا جاڭا جىل قۇتتى بولسىن ايتىپ، بيىلعى ورتا مەكتەپ ەمتيحانىندا جاقسى ناتيجەگە قول جەتكىزۋىن تىلەدى.

@حىبەي ولكەسىندە وكپە قابىنۋ ىندەتىنە شالدىققان العاشقى توپتاعى 12 ادام ساۋىعىپ دوحتىرحانادان شىقتى.

@حۋبەي ولكەسى دانجياڭكۋ قالاسى ىندەتتەن ساقتانۋ تىزگىندەۋ قولباسشىلىق شتابىنىڭ بەكىتۋىنەن وتپەي تۇرىپ، شاعان مەركەسىندە اسحانالاردى توقتاتۋ بۇيرىعىن كۇشىنەن قالدىرعان.

@شاندۇڭ ولكەسى شاڭحى اۋدانىنىڭ ۇكىمەت جاعى، حالىق جۇرتشىلىعىنىڭ دۇرمەككە ىلەسىپ استىقتى باسىپ قويۋ جاعدايىنا اڭىس قايتارىپ، استىق زاپاسىنىڭ جەتكىلىكتى ەكەنىن ايتىپ، ۇيلەسىمدى تۇتىنۋعا ٴناسيحاتتادى.

@تيانجين اۋەجاي ەكونوميكالىق رايونىنداعى ٴبىر سەرىكتىكتە جانار گاز قوپارىلىسى تۋىلىپ، 1 ادام ٴولىپ،7 ادام جارالاندى.

@ٴبىر ەر ادام حالىق ساقشىسىنا قۇرمەت جالاۋىن ۇسىنا بارعاندا قاشقىن ەكەندىگى بايقالىپ، ساقشىلار قاشقىندى ناق مايداندا تۇتقىندادى.

@حيلۇڭجياڭ ولكەسىنىڭ سۇيحۋا قالاسى ۋاڭ كۇي اۋدانى 1-ايدىڭ 13-كۇنى بۇكىل ادامنان نۋكلەين قىشقىلى ۇلگىسىن الۋ قىزمەتىن اياقتاتتى.

@ 2021-جىلعى كوكتەمگى تاسىمال تاياپ قالدى، ىندەتتەن ساقتانۋ جانە تىزگىندەۋ قاجەتى ويلاستىرىلعاندىقتان جەر-جەر ادامداردىڭ تۇرعان ورنىندا مەرەكە وتكىزۋىن، كەزەكپەن دەمالىسىن الىپ، جولاۋشىلاۋدىڭ قاۋىرت مەزگىلىندە لەككە ٴبولىنىپ ساپارلاۋىن دارىپتەدى.

@ٴتىلشىنىڭ ۇعىسۋىنشا، 2020-جىلدىڭ سوڭىنا دەيىن، اۋىل-قىستاقتاعى 270 ميلليون تۇرعىن اۋىزسۋمەن قامدالىپ، 17 ميلليون 100 مىڭ كەدەي تۇرعىننىڭ اۋىز سۋ حاۋىپسىزدىگى جانە فتور ولشەمنەن اسقان 10 ميلليون 950 مىڭ سۋ ماسەلەسى شەشىلدى.

@مەملەكەتتىك ٴدارى-دارمەك باقىلاۋ باسقارۋ مەكەمەسى 1-ايدىڭ 14-كۇنى ەلىمىزدىڭ دۇنيە ٴجۇزى بويىنشا ەكىنشى ۇلكەن بەزەنۋ بۇيىمدار تۇتىنۋ بازارىنا اينالعاندىعىن جاريالادى.

@جاپونيادا بايقالعان ٴتۇرى وزگەرگەن جاڭا تيپتى ايدارشا ۆيرۋس قاينارىنىڭ برازيليادان تارالعاندىعى، جۇعىمدالۋ قاتەرىنىڭ اسا كۇشتى ەكەندىگى انىقتالدى.

@بەيبىتشىلىكتى ساقتاۋ قىزمەتكەرلەرى تۇتقيىل شابۋىلعا ۇشىراپ 4 ادام ٴولىپ، 5 ادام جارالاندى، بىرلەسكەن مەملەكەتتەر ۇيىمى تۇتقيىل شابۋىل ۋاقيعاسىن قاتاڭ ايىپتادى.

@حانگونىڭ 18-كەزەكتى ايەل پرەزيدەنتى پياۋجينحۇي 22 جىلعا سوتتالدى، حانگو چيڭۋاتاي پرەزيدەنت سارايى حانگودا بۇرىنعى پرەزيدەنتتەردىڭ تۇرمەگە ٴتۇسۋ ٴجايىتى ەندىگارى تۋىلماۋى كەرەك،-دەدى.

@ تۇركيانىڭ پرەزيدەنتى ەردوعان 1-ايدىڭ 14-كۇنى كەشتە جۇڭگو بەيجيڭ كىشيڭ جۇڭۋي بيولوگيا تەحنيكا شەكتى سەرىكتىگىنىڭ كرلايفۋ جاڭا تيپتى  ايدارشا ۆيرۋسقا قارسى ۆاكسينانى ەكتىردى.  بۇل يندونەزيانىڭ پرەزيدەنتى جوكودان كەيىنگى جۇڭگو وندىرگەن ۆاكسينانى ەكتىرگەن تاعى ٴبىر مەملەكەت باسشىسى بولدى.

@ۋەنگريا زۇڭلي سارايىنىڭ مينيسترى گۋياس 1-ايدىڭ 14-كۇنى، ۋەنگريا جۇڭگو گوياۋ توبىنىڭ جاڭا تيپتى ايدارشا ۆيرۋسقا قارسى ۆاكسينانى ساتىپ الۋ توقتامىنا قول قويدى، العاش توپتا 1 ميلليون دانا ۋاكسينانى ساتىپ الادى.

@جاپونيا اكىمشىلىك رەفورما ٴۋازىرى حىيە تايلاڭ 1-ايدىڭ 14-كۇنى بىلاي دەدى: توكيو ولىمپيك سپورت جارىسى ەكى ٴتۇرلى جاعدايعا تاپ بولۋى مۇمكىن، سوندىقتان توكيو ٴتۇرلى دايىندىقتاردى ويداعىداي ىستەۋى، حالىقارالىق ولىمپيك سپورت كوميتەتى دە زاپاس جوبالاردى دايىنداپ قويۋى كەرەك.

您的浏览器不支持 audio标签

ٴار ەل جۇڭگو جاراتقان ورايدان ورتاق پايدالانىپ، ەكونوميكانى جانداندىرۋعا قارماندى

2021-جىلى 1-ايدىڭ 1-كۇنىنەن باستاپ جۇڭگو 883 ٴتۇرلى تاۋارعا قاراتا باجىدا ەڭ زور تيىمدىلىك جاساۋ ۋاقىتتىق بەلگىلەمەسىن اتقاردى، بيىل 7-ايدىڭ 1-كۇنىنەن باستاپ، جۇڭگو 176 ٴتۇرلى ينفورماتسيا تەحنيكا ونىمدەرىنەن الىناتىن باجىنى 6-رەت تومەندەتىپ، باجىدا تيىمدىلىك جاسايدى. كوپتەگەن شەتەل ماماندارى مەن حالىقارالىق قايراتكەرلەر بۇل جونىندە بىلاي دەدى: جۇڭگونىڭ ەسىك اشۋدى كەڭەيتۋدە تاباندى بولىپ، اشىق ۇستالعان دۇنيەٴجۇزى ەكونوميكاسىن قۇرۋدى جەبەۋى دۇنيەگە جانە ٴار ەلگە اناعۇرلىم مول تاماشا دامۋ ورايىن جاراتاتىن بولادى. 

موڭعۇليانىڭ جۇڭگودا تۇراتىن باس ەلشىسى باتىر بىلاي دەدى: جۇڭگو باستان اياق موڭعۇليانىڭ ەڭ ٴىرى ساۋدا سەرىگى بولىپ كەلەدى، موڭعۇليا مەن جۇڭگونىڭ ساۋدا بولاشاعى ەرەكشە نۇرلى دەپ سەنەمىن. اۋىل شارۋاشىلىق ونىمدەرى ساۋداسىنان سىرت، موڭعۇليا-جۇڭگو ەلدەرىنىڭ ەلەكتروندىق ساۋدا، قىزمەت وتەۋ ساۋداسى، ساياحات كاسىبى جانە تۋىنداما ەنەرگيا قاتارلى سالالارداعى سەلبەستىك بولاشاعى وتە كەڭ.......

ۆاكسينا سەلبەستىگى جۇڭگو مەن يندونەزيانىڭ ىندەتكە قارسى تۇرۋ سەلبەستىگىنىڭ جارقىن تۇيىنىنە اينالدى

1-ايدىڭ 14-كۇنى تاڭەرتەڭ يندونەزيانىڭ استاناسى جاكارتا قالاسىنداعى سيپوتو دوحترحاناسىندا يندونەزيا دەنساۋلىق ساقتاۋ مينيسترىنىڭ ورىنباسارى سولتان.ساكسونوۆ جانە ونداعان ەمدەۋ قىزمەتكەرلەرى جۇڭگونىڭ كىشيڭ سەرىكتىگى وندىرگەن كىرلايفۋ جاڭا تيپتى ايدارشا ۆيرۋسقا قارسى ۆاكسيناسىن ەكتىردى. سول كۇنى يندونەزيادا جالپى حالىققا ۆاكسينا ەگۋ قيمىلى كەڭ كولەمدە ورىستەتىلدى.

يندونەزيا شىعىس وڭتۇستىك ازياداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى جاعدايى نە داۋىر اۋىر مەملەكەت. ۇكىمەت جاقتارىندا جانە حالىق اراسىندا جۇقپالى اۋرۋدان ساقتانۋدىڭ ٴار الۋان شارالارى العا قويىلعانىمەن، جۇعىمدالۋ مولشەرى كۇننەن كۇنگە كوبەيدى. يندونەزيا ۇكمەتى جۇقپالى اۋرۋدى الاستاۋدا ۆاكسيناعا ەڭ زور ٴۇمىت ارتتىٴارى جۇڭگومەن ۆاكسينا سەلبەستىك سەرىكتەستىك قاتىناستى ەڭ ەرتە ورناتتى.