تۇتاس جىلداعى ەكسپورت جانە يمپورت جالپى قۇنى تاريحي تىڭ ورەگە جەتتى. حالىقارالىق بازارداعى ۇلەسى تاريحي رەكورد جاراتتى

جۇڭگو كەدەن باس مەكەمەسى 1-ايدىڭ 14-كۇنى جاريالاعان جۇڭگونىڭ 2020-جىلعى سىرتقى ساۋدا مولشەرى الەمدى وزىنە جالت قاراتتى. اتى جامان ىندەت الەمدى شىرىق ايلاندىرىپ، شەكارا اتتاعان ساۋدا تىعىرىققا تىرەلگەن قيىن قىستاۋ جاعدايدا، مۇنداي بيىك ورە، تىڭ ناتيجە جاراتۋ وڭاي ەمەس، قيىندىققا قاسقايا توتەپ بەرىپ، سايىستى ورايعا ايلاندىرىپ، ورگە ۇمتىلعان جۇڭگو ەكونوميكاسى الەمدىك كاسىپ تىزبەگى مەن قامداۋ تىزبەگىنىڭ قايتادان ەڭسە كوتەرۋىنە تەبىندى قوزعاۋشى كۇش ۇستەدى. 

您的浏览器不支持 audio标签

2020-جىلى، ىندەتكە ٴونىمدى توتەپ بەرۋ جانە ٴوندىرىس پەن جۇمىستى قالپىنا كەلتىرۋدى ٴبىر تۇتاس جوسپارلاپ، ىلگەرلەتۋدىڭ ناتيجەسىندە، جۇڭگونىڭ سىرتقى ساۋداسى 1-ماۋسىمداعى قۇلدىراۋعا بەتالعان اۋقىمدى جەدەل وزگەرتىپ، تەز قالپىنا كەلە باستادى. يمپورت ەكسپورت كولەمى ماۋسىم سايىن كەڭەيە ٴتۇستى. 

ساناققا جۇگىنسەك، تۇتاس جىلدا زات ساۋدا يمپورت-ەكسپورت جالپى قۇنى 32 تريلليون 160 ميلليارد يۋاندى قۇراپ، 2019-جىلداعىدان %1.9 ارتىپ، جۇڭگو 2020-جىلى بۇكىل الەمدە زات ساۋداسىندا وڭ ارتۋدى جۇزەگە اسىرعان بىردەن ٴبىر ەكونوميكالىق تۇلعاعا اينالدى. 

حالىقارالىق قۇرىلىمداردىڭ مەجەسىنە قاراعاندا، جاڭا جىلدا جۇڭگونىڭ سىرتقى ساۋداسى جالعاستى ارتۋ ٴۇردىسىن ساقتايدى. ارينە، ىندەت وزگەرىسى مەن سىرتقى ورتاداعى تۇراقسىز فاكتورلارمەن دە ساناسۋعا تۋرا كەلەدى. 

جاھاندانۋ ۇردىسىندەگى بۇگىنگى تاڭدا، ٴار قايسى ەلدەر ىندەتكە ورتاق توتەپ بەرىپ، اشىق ۇستاۋدى جەبەگەندە عانا، الەمدىك كاسىپ تىزبەگى مەن قامداۋ تىزبەگىنىڭ ەڭسە كوتەرۋىن ىسكە اسىرۋعا بولادى. وسى بارىستا، جۇڭگو شارۋاشىلىقتىڭ جاھاندانۋىن جالعاستى قولداپ، الەمدەگى زات ساۋداسىنداعى 1-ٴىرى ەلدىك رولىن ساۋلەلەندىرىپ، شارۋاشىلىقتىڭ دامۋىنا قانات ٴبىتىرۋ كۇش قۋاتىن الەمگە ايگىلەيتىن بولادى.