ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شاحتادا قامالىپ قالعانداردىڭ جاعدايىنان حابار الىندى

来源:央广网     |责编:古丽美热·霍孜汗|     发布日期: 2021-01-18 17:08

بۇگىن 2021-جىلى 1-ايدىڭ 18-كۇنى، دۇيسەنبى، تومەندە ەل ٴىشى جانە حالىقارالىق قىسقا حابارلار توپتاماسىن تىڭدايسىزدار سوڭىنان حالىقاراداعى قولامتالى تۇيىنگە قۇلاق تۇرىڭىزدەر: 

您的浏览器不支持 audio标签

ٴتىلشىنىڭ شاندۇڭنىڭ چيشيا قالاسى ميانشان التىن كەنىندەگى قوپارىلىس ۋاقيعاسىنان قۇتقارۋ ناق مايدان قولباسشىلىق شتابىنان ۇعىسۋىنشا، 1-ايدىڭ 17 كۇنى ساعات 13 تەن 56 مينۋت وتكەندە قۇتقارۋشىلار قامالىپ قالعان جەردەن قۇتقارۋ اۋىزىن اشىپ، شاقتاداعى جۇمسشىلاردى قۇتقارۋعا كىرىسكەن. 1-ايدىڭ 17- كۇنى تۇندە قامالىپ قالعاندار ساڭىلاۋدان جەتكىزگەن قاعاز تىلكىمدەرىنە نەگىزدەلىپ، شاقتانىڭ «5-ورتا بولەگىندە» 11 ادام، «6-ورتا بولەگىندە » ٴبىر ادام بار ەكەنى تۇراقتاندىرىلدى، بۇدان سىرت 10 ادامنىڭ جاعدايى انىق ەمەس. قوپارىلىستان كەيىنگى قۇتقارۋ قىزمەتى ٴالى دە بار كۇشپەن جەدەل ىلگەرىلەتىلۋدە. 

*** 

«جۇڭگو تۇرعىندارىنىڭ قورەكتىك جانە سوزىلمالى ناۋقاس جاعدايى مالىمەتىنىڭ (2020-جىلدىق نۇسقاسىنا)» نەگىزدەلگەندە، ەلىمىزدەگى ەرەسەكتەردىڭ ورتاشا بويى ۇزدىكسىز ارتىپ، جاستار مەن جاسوسپىرىمدەردىڭ ٴوسىپ-جەتىلۋ ورەسى ۇزدىكسىز جاقسارعان. سونىمەن بىرگە، ەلىمىز تۇرعىندارىنىڭ دەنە سالماعى ارتۋ، سەمىرۋ جاعدايى اۋىر بولىپ، قالا-اۋىلدارداعى ٴاربىر جاس كەزەڭىندەگى تۇرعىنداردىڭ سالماعى ارتۋ، سەمىرۋ مولشەرى جالعاستى جوعارىلاعان.

***

جياڭسۋ ولكەسىندە جۇقپالى اۋرۋدىڭ الدىن الۋ ٴبىرىنشى شەبىندەگى ەمدەۋ قىزمەتكەرىنە تىكەلەي جوعارى دارەجەلى كاسىپتىك اتاق بەرىلدى.

***

حىبەي ولكەسىنىڭ لۇڭياۋ قالاسى: بارلىق تۇرعىندار وتباسى تۇگەلدەي اۋاشالانادى، قيمىل كولەمى تەك وتباسىمەن عانا شەكتەلەدى دەگەن تالاپ قويدى. 

***

«جاڭا كومانديرلەر ٴتۇزىمىن دايەكتى اتقارۋ» جونىندەگى اتتانىسقا كەلتىرۋ، ورنالاستىرۋ ٴماجىلىسى تاياۋدا بەيجيڭدە وتكىزىلدى، ماجىلىستە «جاڭا كومانديرلەر ٴتۇزىمىن دايەكتى اتقارۋ قىزمەت جوباسى» جەتكىزىلدى.

***

كوكتەم مەرەكەسى قارساڭىندا، كوپتەگەن جەر سيلىق اقشا تاراتۋ، كومەك قاراجاتتى ارتتىرۋ، يكەمدى دەمالىس سياقتى يگىلىكتى شارالار ارقىلى مەرەكە، دەمالىس كۇندەرىندە ونەركاسىپ ٴوندىرىسى اينالىمىنىڭ ورنىقتى دامۋىن قامتاماسىزداندىرىپ، كاسىپورىنداردىڭ جۇمىسشى ىستەتۋ ٴوندىرىس قاجەتىنە كەپىلدىك ەتتى. 

***

جيلين ولكەسىندە 102 ادام ىندەتكە جۇعىمدالدى، ۇكىمەت جاق ىندەت قاينارىن ٴىز قۋالاي تەكسەرۋدى كۇشەيتتى.

***

سانشي ولكەسى اس-سۋ قىزمەت وتەۋ تيجاراتشىلارىنىڭ ەڭ تومەنگى تۇتىنۋ شەگى سىندى ورىنسىز تالاپتار قويۋىنا قاتاڭ تىيىم سالىپ، قايشىلىق جاساعاندارعا 2000 يۋاننان 10 مىڭ يۋانعا دەيىن ايىپ سالىناتىندىعىن ۇقتىردى.

 ***

حىنان ولكەسىندە قولىنداعى كوزىر، اياعىنداعى كىسەنمەن ساقشى بولىمشەسىنەن قاشىپ كەتكەن قىلمىس كۇماندىسى قايتادان قولعا ٴتۇستى.

***

نۋكلەين قىشقىلىن تەكسەرۋ بارىسىندا، شىن ياڭ ساقشى جاعى قاشىپ جۇرگەن 1 قىلمىس كۇماندىسىن ۇستادى.

***

ٴتىلشىنىڭ 1-ايدىڭ 17-كۇنى بەيجيڭ كارتون ويىن كاسىبى قوعامىنان ۇعىسۋىنا قاراعاندا، 2020ـ جىلى بەيجيڭ كارتون ويىن كاسىبىنىڭ جالپى ٴونىم قۇنى شامامەن 106 ميلليارد 300 ميلليون يۋان بولىپ، 2019-جىلعى 80 ميلليارد 600 ميلليون يۋانمەن سالىستىرعاندا %32 ارتقان.

*** 

جاپونيا بيلىك كەڭسەسىنىڭ ٴمانساپتىسى، ۇكىمەت مالىمدەمەشىسى جياتىڭ شىڭرىن 1-ايدىڭ 17-كۇنى، جاپونيا ٴار جاعى توكيو وليمپيك سپورت جارىسىن وتكىزۋ دايندىعىن ىستەۋدە ەكەندىگىن ايتىپ، جاقىندا تارالعان وليمپيك سپورت جارسىن وتكىزۋگە مۇمكىندىك جوق دەگەن قاۋەسەتكە تويتارىس بەردى.

*** 

قارسىلىك كورسەتۋشىلەر 1-ايدىڭ 16-كۇنىنەن 20-كۇنىنە دەيىنگى ۋاقىتتا، ا ق ش-ىنداعى 50 شتاتتاعى پارلامەنت سارايلارى مەن ۆاشينگتون ەرەكشە رايونىنداعى پارلامەنت سارايىنا «قارۋلى سەس» كورسەتەدى دەگەن حابار تارالىسىمەن، ا ق ش -ىنداعى كوپتەگەن شتاتتار حاۋپسزدىك شارالارىن كۇشەيتىپ، ٴىشنارا شتاتتار پارلامەنت سارايىن جابۋدى ويلاستى، ٴىشنارا شتاتتار پارلامەنت سارايىنا ساقتانۋ قالىتقىسىن ورناتىپ، حالىقتىق قورعانىس اسكەرلەرىن ورنالاستىردى. قازىر، ۆاشينگتون ەرەكشە رايونىنداعى كوپتەگەن كوشەلەر بەكىتىلدى.

 

 

 جۇڭگو مەن شىعىس وڭتۇستىك ازيا ەلدەرى وداعىنىڭ تاعدىرلاس ورتاق تۇلعاسى قۇرىلىسىنىڭ اياق الىسى اناعۇرلىم ورنىقتى، پارمەندى بولدى

 

مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي 1-ايدىڭ 11-كۇنىنەن 16-كۇنىنە دەيىن بيرما، يندونەزيا، برۋنەي، فيليپپين ەلدەرىندە رەسمي ساپاردا بولىپ، ٴار ەلمەن ىنتىماقتاسا سەلبەسىپ، ىندەتكە توتەپ بەرۋ، جۇڭگو-شىعىس وڭتۇستىك ازيا ەلدەرى وداعى قاتىناسىنىڭ ساپاسىن، دارەجەسىن جوعارىلاتۋ قاتارلى تاقىرىپتار جونىندە كەڭ كولەمدى ورتاق تانىمعا كەلدى. سونىمەن بىرگە، جۇڭگو زەرتتەپ جاساعان ىندەتكە قارسى ۆاكسيناسى شىعىس وڭتۇستىك ازيا ەلدەر وداعىنداعى ەلدەردە پايدالانۋعا بەرىلىپ، شىعىس وڭتۇستىك ازيا ەلدەر وداعىنداعى ەلدەردىڭ ىندەت جاعدايىن جەڭۋىنە، ەكونوميكانى قالپىنا كەلتىرۋىنە دەم بەردى. 

您的浏览器不支持 audio标签

جۇڭگو مەن شىعىس وڭتۇستىك ازيا ەلدەرى وداعى قاتىناسىنىڭ دامۋ تاريحىنا كوز جىبەرسەك، ٴار رەتكى دۇنيە ٴجۇزى نەمەسە وڭىرلىك داعدارىس تۋىلعاننان كەيىن، ەكى جاقتىڭ قاتىناسى اناعۇرلىم قويۋلاپ، سەلبەستىك بەتالىسى اناعۇرلىم كۇشەيدى. ىندەت تۋىلعاننان بەرى، ەكى جاق تار جول، تايعاق كەشۋلەردەن بىرگە ٴوتىپ، ىنتىماقتاسا سەلبەسىپ، مۇنى تاعى ٴبىر رەت دالەلدەدى. ەكى جاقتىڭ بىرگە قۇلشىنۋىندا، جۇڭگو مەن شىعىس وڭتۇستىك ازيا ەلدەرى وداعىنىڭ ىندەت جاعدايىن، ٴسوز جوق، تۇبەگەيلى جەڭىپ، ەكونوميكانىڭ قالپىنا كەلۋىن جاپپاي جۇزەگە اسىراتىندىعىنا سەنەمىز. جۇڭگو مەن شىعىس وڭتۇستىك ازيا ەلدەرى وداعىنىڭ اناعۇرلىم تولىسقان، سەنىمدى قاتىناسى، ٴسوز جوق، حالىققا باقىت جاراتىپ، دۇنيە ٴجۇزىنىڭ گۇلدەنۋى مەن ورنىقتىلىعىن جەبەيتىن بولادى.

来源:中央广播电视总台

 

 

翻译:那扎、夏力哈尔

播音:热德力、古丽娜尔

微信制作:古丽美热

 

中央广播电视总台 央广网 版权所有

شاحتادا قامالىپ قالعانداردىڭ جاعدايىنان حابار الىندى

حىبەي ولكەسىنىڭ لۇڭياۋ قالاسى: بارلىق تۇرعىندار وتباسى تۇگەلدەي اۋاشالانادى، قيمىل كولەمى تەك وتباسىمەن عانا شەكتەلەدى دەگەن تالاپ قويدى