مۇشەلەر وتباسى تاپسىرماسىن كۇشىنەن قالدىرىپ، وقۋدان قايتۋ ۋاقىتىن كەشەۋىلدەتۋدى ۇسىنىس ەتتى

بيىلعى مەملەكەتتىك ەكى ماجىلىستە مەملەكەتتىك ساياسي كەڭەستىڭ مۇشەسى ما گۋاڭيۇي باستاۋىش مەكتەپ وقۋشىلارىنىڭ تاپسىرماسى اۋىر بولۋ ماسەلەسىنە ەرەكشە نازار اۋداردى. ول ۇسىنىس جوباسىندا باستاۋىش مەكتەپ وقۋشىلارىنىڭ وتباسى تاپسىرماسىن جاپپاي كۇشىنەن قالدىرىپ، ءمورال تاربيەسى، دەنە تاربيە، ەڭبەك تاربيەسى قاتارلىلاردى ونان ارى كۇشەيتىپ، جان-جاقتىلى دامىعان جاڭا ءداۋىر باستاۋىش مەكتەپ وقۋشىلارىن باۋلۋدى ۇسىنىس ەتتى.

ونىڭ قاراۋىنشا، باستاۋىش مەكتەپ وقۋشىلارىنىڭ تاپسىرما اۋىرتپالىعى وتە اۋىر، ونىڭ ۇستىنە، مىندەتتى وقۋ-اعارتۋدى ساۋداعا سالۋ، وقۋشىلاردىڭ پسيحيكالىق اقاۋسىزدىعى قاتارلى ماسەلەلەر دە جارىققا شىعىپ، وتباستارىنىڭ ەكونوميكالىق اۋىرتپالىعى مەن وقۋشىلاردىڭ پسيحيكالىق اۋرتپالىعىن اۋىرلاتتى. وقۋ-اعارتۋدان كەلەتىن قىسىم دا وبيەكتيۆتىك جاقتان جاستاردىڭ ۇرپاق ءسۇيۋ ارمان-تىلەگىن كۇرت تومەندەتتى. بۇعان قاراتا، ما گۋاڭيۇي باستاۋىش مەكتەپ وقۋشىلارىنىڭ وتباسى تاپسىرماسىن جاپپاي كۇشىنەن قالدىرىپ، مەكتەپ پەن اتا-انانىڭ جاۋاپكەرشىلىك شەكاراسىن ايقىن اجىراتىپ، باستاۋىش مەكتەپ وقۋشىلارىنىڭ وقۋدان قايتۋ ۋاقىتىن كەشەۋىلدەتىپ، اتا-انالاردىڭ جۇمىستان قايتۋ ۋاقىتىمەن بىردەيلەستىرىپ، وقۋشىلاردى مەكتەپتە تاپسىرماسىن ورىنداپ بولعان سوڭ ۇيگە قايتاتىن ەتىپ، اتا-انالاردىڭ اۋىرتپالىعىن جەڭىلدەتۋ كەرەك دەگەن ۇسىنىس قويدى. سونىمەن بىرگە، دەنە تاربيە قيمىلى مەن ءۇي شارۋاسى ەڭبەگىن كوبەيتىپ، وقۋشىلاردىڭ دەنە قۋاتىن كۇشەيتۋ كەرەك، سونداي-اق، مامان-وقىمىستىلاردى ۇيىمداستىرىپ، عىلمي تۇردە وقۋلىقتار قۇراستىرىپ، قاعاز-قالام جۇزىندە جاتتىعۋ ىستەۋدى ازايتۋ كەرەك دەدى.

 بۇعان قاراتا، توراپتاستار دا ءوزدى-ءوزىنىڭ ۇقساماعان كوزقاراستارىن ءبىلدىرىستى:

تاپسىرمانى كۇشىنەن قالدىرۋ مۇمكىن ەمەس-اۋ دەيمىن، الايدا، وقۋشىلاردىڭ وقۋدان قايتۋ ۋاقىتىن كەشەۋىلدەتىپ، ازىراق تاپسىرما ورنالاستىرىپ، مەكتەپتە ورىنداتقىزعان ءجون دەپ قارايمىن.

بۇل بولاتىن ۇسىنىس ەكەن، اتا-انالار جۇمىستان تۇسكەن سوڭ مەكتەپكە بارىپ بالاسىن الىپ قايتۋ مۇمكىندىگىنە يە بولادى.

بۇگىن وقۋ باستاعان 1-كۇن، بالامنىڭ تاپسىرماسى كوپ ەمەس ەكەن، مەكتەپتە ورىنداپ الىپتى. بۇگىن ءبىر ەرتەرەك ۇيىقتاپ دەمالاتىن بولدىم، بۇل ۇسىنىس كوڭىلىمىزدەگىنى ءداپ باسقانىن قارامايسىز با. الايدا، وقىتۋشىلاردىڭ قىزمەت سالماعى ارتىپ كەتەتىندەي، قارىمجىسىن ءتىپتى دە جاقسىراق ەتىپ قايتارۋ كەرەك سياقتى.ت.ب.

 سۋرەتتىڭ كەلۋ قاينارى: شينحۋا اگەنتتىگى

وقۋشىلار مەن اتا-انالاردىڭ اۋىرتپالىعىن جەڭىلدەتۋ ـ بارلىق مەكتەپتىڭ اتتانىسقا كەلۋىن قاجەت ەتەدى 

وقۋشىلاردى وقۋدان ەرتەرەك قايتارۋداعى ماقسات تا ولاردىڭ اۋىرتپالىعىن جەڭىلدەتۋ ءۇشىن بولاتىن، الايدا، وبيەكتيۆتىك جاقتان وقۋشى مەن اتا-انالاردىڭ اۋىرتپالىعىن تۇگەل اۋىرلاتىپ جىبەردى. وقۋشىلاردىڭ مەكتەپتەگى ۋاقىتى قىسقارىپ، اتا-انالار اقشا جۇمساۋ ارقىلى بالالارىن ساۋدا سيپاتتى مىندەتتەمەلى باسقاراتىندارعا تابىستاسا، ال، ءبىر ءبولىم وقىتۋشىلار مەكتەپ سىرتىندا بەلگىلەمەگە قايشىلىق جاساپ، اقىلى ساباق تولىقتاۋمەن شۇعىلداندى. بارىنەن دە سوراقىسى، كەيبىر وقىتۋشى ساباقحانادا وقۋشىعا ساباق مازمۇنىن تولىق سويلەمەي ادەيى ىركىپ قالىپ، وقۋشىلاردى ساباقتان تۇسكەن سوڭ اقشا تولەپ ساباق تولىقتاتۋعا ماجۇبىرلەدى.

جۋىقتا وقۋ-اعارتۋ مينيسترلىگىندەگى ءبىر قاتىستى جاۋاپتىنىڭ ايتۋىنشا، مىندەتتى وقۋ-اعارتۋ ساتىسىنداعى مەكتەپتەردە ساباقتان كەيىنگى قىزمەت وتەۋدىڭ تۇگەل قامتۋىن ىلگەرىلەتەدى ەكەن. قازىر بۇكىل ەل بويىنشا 20 نەشە ولكە ورتا-باستاۋىش مەكتەپتەردىڭ ساباقتان كەيىنگى قىزمەت وتەۋ ساياساتىن شىعارعان. الايدا، «ساعات ءۇش جارىم سىندى قيىن ماسەلە» كەي ورىندا ءالى دە قيىن ماسەلە رەتىندە ساقتالىپ وتىر. وقۋشىلار مەن اتا-انالاردىڭ اۋىرتپالىعىن جەڭىلدەتۋ ـ ءارقايسى مەكتەپتىڭ تۇگەل اتتانىسقا كەلۋىن قاجەت ەتەدى. 

الايدا، مەكتەپتەر مىنا ءبىر ءتۇيىندى تانىپ جەتۋى كەرەك: ساباقتان كەيىنگى قىزمەت وتەۋمەن تولىق قامتۋ تەك اتا-انالاردىڭ مەكتەپتەگى بالاسىن الىپ قايتۋ قيىنشىلىعىن شەشۋدەي قاراپايىم عانا ەمەس. وقۋشىلاردىڭ مەكتەپتەن قايتۋ ۋاقىتىن كەشەۋىلدەتۋ تەك وقۋشىلاردىڭ اماندىعىنا قاراۋعا قىزمەت وتەۋمەن عانا شەكتەلمەۋى كەرەك، سونىمەن بىرگە ساباقتان كەيىنگى قىزمەت وتەۋدىڭ ساپاسىن دا جوعارىلاتۋ كەرەك، مىسالى: بالالاردىڭ قىزىعۋ اۋەسىنە قاراي ساباقتار اشۋ، تاپسىرما ورىنداۋىنا جەتەكشىلىك ەتۋ، وقۋشىلارعا ساباق پىسىقتاپ بەرۋ قاتارلىلار. مەكتەپتىڭ وقۋ-اعارتۋ جاۋاپكەرشىلىگىن كۇشەيتكەندە عانا، وقۋشىلار مەن اتا-انالاردىڭ اۋىرتپالىعىن شىنايى جەڭىلدەتۋگە بولادى.

ارينە، مەكتەپتەردىڭ جاۋاپكەرشىلىگىن كۇشەيتۋدە، ارتقى شەپ قامتاماسىزدىعىن دا ويداعىداي ىستەۋ كەرەك. وقۋ-اعارتۋ تاراۋلارى جەر-جەردەگى ۇكىمەتتەرمەن بىرلەسىپ قيمىلداپ، ساباقتان كەيىنگى قىزمەت وتەۋ قاراجاتى ماسەلەسىن شىنايى شەشىپ، وقىتۋشىلار قوسىنى كۇشى مەن وقىتۋشىلار كىرىسىن قامتاماسىزداندىرىپ، مەكتەپتەر مەن وقىتۋشىلاردىڭ بەلسەندىلىگىن جۇمىلدىرۋ كەرەك.

وتباسى تاپسىرماسىن كۇشىنەن قالدىرىپ، وقۋشىلاردىڭ وقۋدان قايتۋ ۋاقىتىن كەشەۋىلدەتىپ، اتا-انالاردىڭ اۋىرتپالىعىن جەڭىلدەتۋ تۋرالى ءوز ويىڭىزدى بىلدىرە كەتۋدى ۇمىتپاعايسىز.

اۋدارعان: نۇرگۇل قۇمارقان قىزى

来源：央视网

监制、审稿：叶力夏提

编辑、制作：阿依娜