ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ساياسي كەڭەس ٴماجىلىسى اشىلدى

来源:央广网     |责编:阿依娜|     发布日期: 2021-03-05 19:57

ساياسي كەڭەس 13-كەزەكتى مەملەكەتتىك كوميتەتىنىڭ 4-ٴماجىلىسى بەيجيڭدە اشىلدى، شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى، ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي ٴماجىلىستى باسقاردى، گۋ شىڭزۋ ۇسىنىس جوبا قىزمەتىنىڭ جاعدايىنان بايانداما جاسادى 

 

 

 

ٴوز حابارىمىز. جۇڭگو حالىق ساياسي ٴماسليحات كەڭەسى 13-كەزەكتى مەملەكەتتىك كوميتەتىنىڭ 4-ٴماجىلىسى 3-ايدىڭ 4-كۇنى تۇستەن كەيىن ساعات 3 تە بەيجيڭدەگى حالىق سارايىندا اشىلدى. مەملەكەتتىك ساياسي كەڭەستىڭ 2100 دەن استام مۇشەسى ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن تىعىز ارقاۋ ەتىپ، نازاردى «14-بەسجىلدىق» جوسپار پروگرامماسىن جاساۋعا جانە اتقارۋعا شوعىرلاندىرىپ، قىزمەت جاۋاپكەرشىلىگىن تىڭعىلىقتى اتقارىپ، بەلسەنە اقىل-كەڭەس بەرىپ، ورتاق تانىمدى كەڭىنەن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋدىڭ اقىل-پاراساتى مەن كۇش-قۋاتىن توپتايدى.

 

تۇستەن كەيىن ساعات 3 تە، جۇڭگو حالىق ساياسي ٴماسليحات كەڭەسى 13-كەزەكتى مەملەكەتتىك كوميتەتىنىڭ 4-ٴماجىلىسى حالىق سارايىندا اشىلدى. مەملەكەتتىك ساياسي كەڭەستىڭ 2106 مۇشەسى جينالىسقا قاتىناستى.

 

مەملەكەتتىك ساياسي كەڭەستىڭ ٴتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ٴتوراعالارى جاڭ چيڭلي، ليۋ چيباۋ، پابالا.گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ  ٴتوراعالار مىنبەسىنىڭ الدىڭعى قاتارىنان ورىن الدى.

 

پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ٴتوراعالار مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى.

 

جاڭ چيڭلي ٴماجىلىستىڭ اشىلعانىن جاريالادى.

 

ماجىلىستە الدىمەن ساياسي كەڭەس 13-كەزەكتى مەملەكەتتىك كوميتەتى 4-ٴماجىلىسىنىڭ كەڭەس ٴتارتىبى قاراپ ماقۇلداندى.

 

ۋاڭ ياڭ ساياسي كەڭەس 13-كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

 

ۋاڭ ياڭ بىلاي دەدى: 2020-جىل−جاڭا جۇڭگو تاريحىنداعى ەرەكشە ٴبىر جىل بولدى. قاتاڭ دا كۇردەلى جاعداي مەن مىندەت، بۇرىن بولىپ كورمەگەن حاۋىپ-قاتەرلەر مەن سىن-سايىستار الدىندا، شي جينپيڭ جولداستى ۇيتقى ەتكەن ج ك پ ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جۇدىرىقتاي جۇمىلىپ، قاجىرلىلىقپەن كۇرەس جۇرگىزىپ، حاۋىپ-قاتەردى ورايعا اينالدىرىپ، ىندەتكە قارسى تۇرۋ كۇرەسىندە كەلەلى ستراتەگيالىق جەتىستىكتەرگە قول جەتكىزىپ، كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتىپ، «13-بەسجىلدىق» جوسپاردى تابىسپەن ورىنداپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتكىزىپ، حالىق رازى بولاتىن، دۇنيە ٴجۇزى كوز تىككەن، تاريح بەتىنە جازىلاتىن جاڭا شۇعىلالى تابىستار جاراتتى.

 

ۋاڭ ياڭ مىنالاردى اتاپ كورسەتتى: ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ- تىزگىندەۋدى جانە ەكونوميكالىق، قوعامدىق دامۋدى ٴبىر تۇتاس جوسپارلاۋدى تىعىز توڭىرەكتەپ، مىندەتتى مۇقيات اتقارىپ، جاۋاپكەرشىلىكتى ادا ەتىپ، قوعام نازار اۋدارىپ وتىرعان كەلەلى ىستەرگە قاداعالاي نازار اۋدارىپ، يدەيالىق-ساياسي جەتەكشىلىكتى كۇشەيتىپ، ارناۋلى ٴماسليحات قۇرىلىمى ٴتۇزىمى قۇرىلىسىن مىقتى يگەرىپ، قىزمەت ونىمدىلىگىن ارتتىرىپ،«13-بەسجىلدىق» نىسانانى جۇزەگە اسىرۋعا بەلسەندى ۇلەس قوسىپ، ارناۋلى ماسليحات قۇرىلىمى قۇرىلىسىندا جاڭا بەينە جاراتىپ، وزەكتى مىندەتكە قىزمەت وتەۋدە تىڭ ناتيجەلەرگە قول جەتكىزدى، قالىڭ ساياسي كەڭەس مۇشەلەرى وسىناۋ ەرەكشە جىلدا ساياسي كەڭەس مۇشەلەرىنىڭ ەرەكشە جۇكتەلگەن مىندەتىن ورىندادى.

 

ۋاڭ ياڭ مەملەكەتتىك ساياسي كەڭەستىڭ وتكەن ءبىر جىلداعى قىزمەتتەرىن 5 جاقتان قورىتىندىلادى. ٴبىرىنشى، نازاريا ۇيرەنۋ تەرەڭدەتىلىپ، مۇشەلەردىڭ كىتاپ وقۋ قيمىلى ىشكەرىلەي ورىستەتىلىپ، «ٴتورت تانىمدى» كۇشەيتۋ، «ٴتورت سەنىمدى» بەكەمدەۋ، «ەكىنى قورعاۋدى» ورىنداۋدىڭ يدەيالىق نەگىزى اناعۇرلىم بەكەمدەلدى. ەكىنشى، كەڭەس فۋنكتسياسى ىشكەرىلەي اتقارىلىپ، ٴتۇرلى كەڭەس فورمالارىنان ۇتىمدى پايدالانىلىپ، توراپتا ۇكىمەت ٴىسىن كەڭەسۋ ازالدىلىعى ساۋلەلەندىرىلىپ، ىندەتتەن ساقتانۋ-تىزگىندەۋ ۇدايىلانعان شارت-جاعدايدا مىندەت اتقارۋ قيمىلىنىڭ بوساڭسىماۋىنا، بىلىقپاۋىنا، ۇزىلمەۋىنە كەپىلدىك ەتىلدى. ٴۇشىنشى، مۇشەلەر لەكسيا مىنبەسى، كەلەلى ارناۋلى قىزمەت مۇشەلەرىنىڭ ۇگىت-لەكسيا ۇيىرمەسى، سىرلاسۋ-اڭگىمەلەسۋ سياقتى دانەكەر تەكشەلەر ۇزدىكسىز كەمەلدەندىرىلىپ، پارتيا ىشىنەن پارتيا سىرتىنا، مۇشەلەردەن ٴار سالاداعى بۇقاراعا دەيىن ورتاق تانىم قالىپتاستىرۋ قىزمەت جاعدايى اقاۋسىزداندىرىلىپ، ىنتىماق پەن سەلبەستىكتىڭ وڭ ەنەرگياسى توپتالدى. ٴتورتىنشى، ساياسي كەڭەستىڭ قىزمەت ٴتۇزىمى جۇيەسى كەمەلدەندىرىلىپ، ورتالىقتىڭ ساياسي كەڭەس قىزمەتى جونىندەگى ٴماجىلىسىنىڭ رۋحىن دايەكتەندىرۋ ىشكەرىلەتىلدى، ناقتىلاندىلدى. بەسىنشى، وزىندىك قۇرىلىس كۇشەيتىلىپ، ارناۋلى كوميتەتتەردىڭ سالالارمەن، مۇشەلەرمەن بايلانىس جاساۋ رولى ساۋلەلەندىرىلىپ، ساياسي كەڭەس قىزمەتىنىڭ ساپاسى مەن ورەسى جوعارىلاتىلدى. 

 

ۋاڭ ياڭ مىنالاردى اتاپ كورسەتتى: 2021-جىل−جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جالپى بەتتىك سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالعان ٴبىرىنشى جىل. حالىق ساياسي كەڭەسى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ج ك پ 19-قۇرىلتايىنىڭ جانە ج ك پ 19-كەزەكتى ورتالىق كوميتەتتىڭ ەكىنشى، ٴۇشىنشى، ٴتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتەندىرۋ؛ جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتەندىرىپ، جاڭا دامۋ جاعدايىن قالىپتاستىرۋ؛ ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، ج ك پ ورتالىق كوميتەتىنىڭ كەلەلى باعىت-ساياساتتارىن جانە شەشىم-ورنالاستىرۋلارىن دايەكتى تياناقتاندىرۋدى توڭىرەكتەپ، ۇكىمەت ىسىنە اقىل-كەڭەس بەرۋ جانە ورتاق تانىم ۇيىستىرۋ قىزمەتىن ويداعىداي ىستەۋ؛ جوعارى دەڭگەيدە مىندەت اتقارىپ، جوعارى ساپالى دامۋعا قىزمەت ەتۋ؛ «14-بەسجىلدىقتا» جاقسى باستاما كوتەرىپ، كوپتىڭ اقىل-پاراساتىن توپتاپ، جالپىنىڭ كۇش قۋاتىن شوعىرلاندىرۋ كەرەك.

 

ۋاڭ ياڭ 2021-جىلعى ساياسي كەڭەس قىزمەتىن4 جاقتان ورنالاستىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى ٴتۇيىن ەتىپ، يدەيالىق-ساياسي جەتەكشىلىكتى كۇشەيتۋ؛ «14-بەسجىلدىق» جوسپاردىڭ اتقارىلۋىنا قىزمەت وتەۋدى نەگىزگى جەلى ەتىپ، اقىل-كەڭەس بەرۋدىڭ ناقتى ونىمدىلىگىن ارتتىرۋ؛ ۇلى ىنتىماق پەن ۇلى بىرلىكتى كۇشەيتۋدى نىسانا ەتىپ، اقىل-پاراسات پەن كۇش-قۋاتتى بارىنشا ۇيىستىرۋ؛ ٴتۇزىمنىڭ تياناقتانۋىن ىلگەرىلەتۋدى تۇتقا ەتىپ، قىزمەت ونىمدىلىگىن جوعارىلاتۋ كەرەك.

 

ۋاڭ ياڭ مىنالاردى باسا دارىپتەدى: ارناۋلى ٴماسليحات قۇرىلىمىنىڭ ۋنيۆەرسال ساياسي كەڭەستىك سيپاتى مەن ورنى−مەملەكەت باسقارۋ جۇيەسىنىڭ ورگانيكالىق قۇرامداس بولىگى، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، سوتسياليستىك دەموكراتيانى دامىتۋداعى، «جۇڭگونى باسقارۋداعى» ماڭىزدى تۇزىمدىك جوباسى جانە وزگەشە باسقارۋ تۇعىرى. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن جاپپاي تياناقتاندىرىپ، ارناۋلى ٴماسليحات قۇرىلىمى قۇرىلىسىن كۇشەيتىپ، حالىق ساياسي كەڭەسى ٴتۇزىمىنىڭ ابزالدىلىعىن مەملەكەتتى باسقارۋ ونىمدىلىگىنە اينالدىرۋ كەرەك. ارناۋلى ماسليحات قۇرىلىمىنىڭ تۇزىمدىك ابزالدىلىعىن تەرەڭ يگەرىپ، ىستەردى كەڭەسىپ شەشەتىن، كوپتىڭ ٴىسىن كوپشىلىك اقىلداساتىن تۇزىمدەندىرۋ امالياتىن ۇزدىكسىز بايىتۋ كەرەك. ارناۋلى ٴٴماسليحات قۇرىلىمىنىڭ قىزمەت ٴتۇزىمىن ۇزدىكسىز كەمەلدەندىرىپ، اماليات بەتالىسىنا تاباندى بولىپ، كەڭەس مادەنيەتىن جەتىلدىرىپ، ساياسي كەڭەستىڭ كەڭەسۋى مەن باسقا دا كەڭەس فورمالارىنىڭ بايلانىسىن، سايكەسۋىن جەبەۋ كەرەك. ارناۋلى ماسليحات قۇرىلىمىنىڭ مىندەت اتقارۋ قابىلەتىن كۇش سالا جوعارىلاتىپ، مۇشەلەردىڭ كەڭەسۋ قاعيداسىنان اناعۇرلىم ويداعىداي پايدالانىپ، بايلانىس جاساۋ ٴادىسىن يگەرۋىن جەبەپ، جاۋاپكەرشىلىكتى كوكەيگە ۇيالاتىپ، جاۋاپكەرشىلىكتى ٴوز ۇستىنە الىپ، جاۋاپكەرشىلىكتى ادا ەتىپ، وتان ٴۇمىتىن اقتاۋ مۇراتىن، حالىق ٴۇشىن قىزمەت ىستەۋ سەزىمىن مىندەت وتەۋمەن اناعۇرلىم ويداعىداي ۇشتاستىرىپ، جاڭا ساپاردا ساياسي كەڭەس مۇشەلەرىنىڭ جاڭا جاۋاپكەرشىلىگىن ايگىلەۋ كەرەك.

 

ۋاڭ ياڭ سوڭىندا بىلاي دەدى: «العا باسۋ جولىندا تەمىر قۇرساۋ قات-قابات». شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، جاڭا داۋىردەگى حالىق ساياسي كەڭەسى ىستەرىنىڭ دامۋىندا ۇزدىكسىز جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە، ەكىنشى 100 جىلدىق كۇرەس نىساناسىن جۇزەگە اسىرۋعا تىڭ دا اناعۇرلىم زور ۇلەس قوسايىق! 

 

گۋ شىڭزۋ ساياسي كەڭەس 13-كەزەكتى مەملەكەتتىك كوميتەتىنىڭ تۇراقتى كوميتەتى اتىنان ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس 13-كەزەكتى مەملەكەتتىك كوميتەتىنىڭ 3-ماجىلىسىنەن بەرى، ساياسي كەڭەس مۇشەلەرى، ساياسي كەڭەسكە قاتىناسقان ورىندار 5974 ۇسىنىس جوبا قويدى، 5044 ۇسىنىس جوبا ارحيۆكە الىندى. ۇسىنىس جوبا ٴداۋىردىڭ تامىرىن مىقتاپ ارقاۋ ەتىپ، نازاردى وزەكتى قىزمەتكە شوعىرلاندىرىپ، حالىق ٴۇشىن قىزمەت ىستەۋ سۇيىسپەنشىلىگى سىڭىرىلگەن، وعان مۇشەلەردىڭ جۇرەك قانى مەن اقىل-پاراساتى سىڭگەن، قالىڭ بۇقارانىڭ تىلەگى جۇكتەلگەن. ۇسىنىستاردى ٴبىر جاقتى ەتۋگە جاۋاپتى ورىندار ىندەتتىڭ ىقپالىن جەڭىپ، جاۋاپكەرشىلىكتى ساتىلار بويىنشا ناقتىلاندىرىپ، ٴبىر جاقتى ەتۋ، جاۋاپ قايتارۋ مولشەرى %99.64 بولدى. ساياسي كەڭەستىڭ ۇسىنىس جوبا قىزمەتى پارتيا مەن مەملەكەت ىستەرىنىڭ دامۋىنا قىزمەت وتەۋگە بەلسەندى ۇلەس قوستى. 

 

ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتى جولداستارى ۇسىنىس بويىنشا اشىلۋ ماجىلىسىنە سىرتتاي قاتىناستى. شەتەلدىڭ جۇڭگودا تۇراتىن ەلشىلەرى قاتارلىلار ۇسىنىس بويىنشا اشىلۋ سالتىنا قاتىناستى. 

来源:中央广播电视总台

 

 

 

微信制作:古丽美热

 

中央广播电视总台 央广网 版权所有

ساياسي كەڭەس ٴماجىلىسى اشىلدى

全国政协十三届四次会议在北京开幕