بۇگىن 3-ايدىڭ 5-كۇنى، جۇما، الدىمەن ەل ٴىشى جانە حالىقارالىق قىسقا حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر: 

您的浏览器不支持 audio标签

※3-ايدىڭ 4-كۇنى تۇستەن كەيىن ساعات 3 تە، ساياسي كەڭەس مەملەكەتتىك 13-كەزەكتى كوميتەتىنىڭ 4-ٴماجىلىسى حالىق سارايىندا اشىلدى، شي جينپيڭ قاتارلىلار ماجىلىسكە قاتىناسىپ قۇتتىقتادى. 

※3-ايدىڭ 4-كۇنى تۇستەن كەيىن، بيىلعى مەملەكەتتىك ەكى ٴماجىلىستىڭ تۇڭعىش «مۇشەلەر ٴدالىزى» رەسمي اشىلدى. مەملەكەتتىك ساياسي كەڭەستىڭ 7 مۇشەسى حالىق سارايىنىڭ اقپارات جاريالاۋ زالىندا بەينە ەكران ارقىلى تىلشىلەردىڭ كوڭىل بولگەن ماسەلەلەرىنە جاۋاپ بەردى. 

※3-ايدىڭ 4-كۇنى، 13-كەزەكتى مەملەكەتتىك حالىق قۇرىلتايىنىڭ 4-ٴماجىلىسى حالىق سارايىندا تۇڭعىش رەتكى اقپارات جاريالاۋ ٴماجىلىسىن اشتى، ٴماجىلىستىڭ مالىمدەمەشىسى جاڭ يەسۇي ٴماجىلىستىڭ كەڭەستىك ٴتارتىبى مەن قاتىستى ورنالاستىرۋلارىن تانىستىردى. 

※ مەملەكەتتىك عارىش مەكەمەسى كەشە ەلىمىزدىڭ تۇڭعىش رەتكى مارىستى بارلاۋ مىندەتىنە سالىنعان تيان ۋىن 1-ٴنومىرلى بارلاۋ جابدىعى تۇسىرگەن مارستىڭ اسا تۇنىق سۋرەتىن جاريالادى. 

※جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنان قاراعاندا، ەلىمىزدىڭ عارىشقا ادام الىپ ۇشۋ ينجەنەرياسى كەڭىستىك پۋنكيتىنىڭ وربيتادا قۇرىلىس جۇرگىزۋ مىندەت ساتىسىنا جالپى بەتتىك قادام تاستاعان. بيىل كەڭىستىك پۋنكيتىنىڭ وزەكتى بولمەسىن ۇشىرۋ، زات تاسىمالىمەن قامداۋ، ادام الىپ ۇشۋداي كوپ رەتكى مىندەتتەر ىركەس-تىركەس اتقارىلادى. 

※اۋىل شارۋاشىلىعى، اۋىل-قىستاق مينيسترلىگى تاياۋدا مىنانى جاريالادى: ەلىمىز بيىل جاڭادان 100 ميلليون مۋ جوعارى ولشەمدى ەگىستىك جەر ازىرلەيدى، كولەمى بۇرىنعى جىلدارداعىدان %25 ارتىق. سونىمەن بىرگە 15 ميلليون مۋ ەگىستىك جەردە جوعارى ونىمدىلىكپەن سۋ ۇنەمدەپ سۋارۋدى ءبىر تۇتاس جوسپارلاپ دامىتادى. 

※حىبەي ولكەسىندە وسى ايدىڭ 3-كۇنى جاڭادان 5 ادام ىندەتتەن ساۋىعىپ بالنيتسادان شىقتى. وسى ايدىڭ 3-كۇنى ساعات 24 كە دەيىن، حىبەي ولكەسىندە جاڭا تيپتى ايدارشا ۆيرۋسپەن جۇعىمدالعان وكپە قابىنۋىنا شالدىعىپ، دياگنوزى تۇراقتاندىرىلعاندار مەن اۋرۋ بەلگىسى جوق جۇعىمدالۋشىلاردىڭ سانى 0 گە ٴتۇستى. 

※ەلىمىزدە وندىرىلگەن سۋدا دا، قۇرلىقتا دا ۇشىپ-قونا الاتىن AG600 تۇرپاتتى ٴىرى ايروپلان 3-ايدىڭ 4-كۇنى حۋبەيدىڭ جيڭمىن قالاسىندا ٴورت ٴوشىرۋ مىندەتى جۇيەسى بويىنشا تۇڭعىش رەت عىلمي زەرتتەۋ ماقساتىندا سىناق رەتىندە ۇشىرىلدى، بۇل وسى تۇرپاتتى ايروپلاننىڭ سۋداعى فۋنكتسياسىن باقىلاۋ جانە سىناق رەتىندە ۇشۋىن دالەلدەۋ ساتىسىنا جاپپاي قادام تاستاعانىنان دەرەك بەرەدى، جوسپارمەن بيىل سۋعا سالىنۋ، ٴورت ٴوشىرۋ سىناقتارىنا ىستەتىلەدى.

※ا ق ش-تىڭ مەملەكەت ىستەر حاتشىسى بلينكەن تاياۋدا: جۇڭگو- ا ق ش قاتىناسى «وسى عاسىرداعى ەڭ ۇلكەن وڭىرلىك ساياسي سايىس»،-دەدى. سىرتقى ىستەر مينيسترلىگىمىزدىڭ مالىمدەمەشىسى ۋاڭ ۋىنبين وسى ايدىڭ 4-كۇنى اڭىس قايتارىپ: ا ق ش-تىڭ جۇڭگومەن ٴبىر باعىتتا العا ىلگەرىلەپ، جۇڭگو ـ ا ق ش قاتىناسىنىڭ دۇرىس ارناعا ٴتۇسۋىن ىلگەرىلەتۋىن ٴۇمىت ەتەمىز،-دەدى.

※ىندەتتىڭ قۇيىنا باتقان ا ق ش-تا ىشەر اسقا جارىماعان وسپىرىمدەردىڭ سانى كوبەيىپ، جيىنى 17 ميلليونداي وسپىرىم ٴىشىپ-جەمنەن تارىعۋدا. سەبەبى وسى ەلدەگى وقۋشىلاردىڭ كوپ ساندىسى مەكتەپ ازىرلەگەن تاڭەرتەڭگى اس، تۇسكى اس، اۋەلى كەشكى استان حورەكتىك تولىقتايتىن، ال ىندەت كەزىندە مەكتەپتەردىڭ كوبى جابىلعاندىقتان كەدەي وتباسىلارىنىڭ بالالارى جارىتىپ اس ىشە الماي قالعان. 

※تۇركيا جۇڭگونىڭ كىشيڭ ۆاكسيناسىنىڭ ونىمدىلىگى %83.5 دەپ جاريالادى. 

※بىلتىر 11-ايدا قايتىس بولعان ارگەنتينانىڭ دۇنيەگە تانىمالى فۋتبول شەبەرى مارادونانىڭ ٴتىرى كەزىندە ەرەكشە ۇناتقان پورسچە ماركاسىنداعى 911 تۇرپاتتى جەڭىل جۇردەك كولىگى فرانسيادا باسەكەلەستىرىلىپ ساتىلاتىن بولدى. وسى تۇرپاتتى كولىك وتكەن عاسىردىڭ 90-جىلدارىنىڭ باس شەنىندە بازارعا سالىنعان بولىپ، توتەنشە سيرەك ەكەن، مەجەمەن 150 مىڭ دا 200 مىڭ ەۆرولىق باعا قويىلعان. 

※ وتكەندە ۆيەتنامنىڭ ٴبىر جەرىندە مىناداي وقىس ۋاقيعا بولدى: كولىك رەمونتتاۋ ورنىنداعى ٴبىر ەر ادام بالون جوندەپ بولىپ سوڭىنان بالونعا سۋ بۇركىپ تاعى دا كلتيپان بار، جوقتىعىن ەڭكەيىپ تەكسەرىپ تۇرعان بولاتىن، وسى كەزدە ويلاماعان جەردەن بالون پارتىلاپ ەر ادام شالقاسىنانٴتۇسىپ جەرگە جىعىلعان، 41 جاستاعى وسى باقىتسىز جان سودان قايتىپ جۇمعان كوزدەرىن اشپادى، بولات شەڭبەرى مەن كاۋچۇكتىڭ كونەرىپ توزۋى جانە گاز ناسوسى سياقتىلار بالوننىڭ پارتىلاۋىنا سەبەپشى بولادى. 

※رەسەيدىڭ كامچاتكا تۇبەگىندەگى كليۋ چەۆسكوي جانارتاۋى اتىلىپ، بالقىماسى جانارتاۋ جارىعىنان سىرتقا اعىپ 1.2 كيلومەتر ۇزىندىقتاعى بالقىما اعىنى قالىپتاسىپ، مۇزدىقتاردى ەرىتتى. وسى جانارتاۋدىڭ تەڭىز دەڭگەيىنەن بيىكتىگى 4800 مەتر بولىپ، ەۆرو-ازيا قۇرىلىقتارىنداعى ەڭ ٴىرى سونبەگەن جانارتاۋ. قالىپتاسقانىنا 7 مىڭ جىلداي بولعان. 

※شىعىس وڭتۇستىك ازيانىڭ ٴمالىم ٴبىر ارالىندا سىرتقى ٴپىشىنى تاۋىققا ۇقساستاۋ، ۇشا الاتىن ٴبىر ٴتۇرلى قۇس بار ەكەن. وسى قۇستار سونبەگەن جانارتاۋدىڭ ەتەگىندە جانە ورتان بەلىندە تىرشىلىك ەتەدى. جانارتاۋ اۋزىنان جانە قاپتالدارىنان ۋلى ٴتۇتىن بۋداقتاپ، جەر ٴالسىن-ٴالى تەربەلگەن وسىنداي قيىن ورتاعا بۇل قۇستار ابدەن ەتى ۇيرەنىپ كەتكەن.

您的浏览器不支持 audio标签

جۇڭگونىڭ ۆاكسينا كومەگى جۇڭگو مەن لاتىن امەريكانىڭ تەرەڭ دوستىعىن ايگىلەدى

جۇڭگو جىلۋعا اتاعان جاڭا تيپتى ايدارشا ۆيرۋسقا قارسى ۆاكسينا جۋىقتا گۆەينياعا جەتكىزىلدى. سونىمەن لاتىن امەريكا جانە كارايب وڭىرىندەگى 10 مەملەكەت جۇڭگو ۆاكسيناسىن تاپسىرىپ الدى. بيىل جىل باسىنان بەرى، «جۇڭگونىڭ ۆاكسينا كەزەكشى ايروپلانى» كۇن ـ ٴتۇن دەمەي، تاۋ ـ تەڭىزدەن ەندەي ٴوتىپ، جۇڭگو زەرتتەپ جاساپ كومەككە بەرگەن جاڭا تيپتى ايدارشا ۆيرۋسقا قارسى ۆاكسينانى جەر شارىنىڭ ەندى ٴبىر شەتىندەگى لاتىن امەريكاداعى كوپتەگەن ەلدەرگە جەتكىزىپ بەرىپ، وسى ەلدەردىڭ جۇقپالى اۋرۋدى تەز ارادا جەڭۋىنە وراسان زور دەم بەردى، سونداي ـ اق جۇڭگو مەن لاتىن امەريكانىڭ جۇقپالى اۋرۋ جاعدايىنداعى ىنتىماقتى، قارايلاسىمدى تەرەڭ دوستىعى ايگىلەندى. 

1-ايدان باستاپ، كىشيڭ ۆاكسيناسىن، گوياۋ ۆاكسيناسىن جانە كاڭشينو ۆاكسيناسىن قامتىعان جۇڭگونىڭ جاڭا تيپتى ايدارشا ۆيرۋسقا قارسى كوپ ٴتۇرلى ۆاكسيناسى برازيليا، چيلي، مەكسيكا، ارگەنتينا، پەرۋ سياقتى لاتىن امەريكاداعى كوپتەگەن ەلدەردە شۇعىل پايدالانۋعا بەرىلدى، سونىمەن بىرگە، باسىم كوپ ساندى ەلدەردە كەڭ كولەمدە ەگىلە باستادى. جۇڭگو ۆاكسيناسىنىڭ كەلۋى لاتىن امەريكاداعى ەلدەردى ايىرىقشا شابىتتاندىردى. بوليۆيا ۇكىمەتىنىڭ حالىقتى ۆاكسينا ەگۋگە كەڭ كولەمدە ۇندەگەن ۇگىت سوزىندە ايتىلعانداي: ۆاكسينا مەملەكەتكە ٴۇمىت باعىشتادى. 

قازىر لاتىن امەريكا رايونىندا ىندەت جاعدايى ٴالى دە اۋىر، جۇعىمدالعاندىعى دياگنوزدالعاندار 20 ميلليون ادامنان استى. ىندەتكە قارسى تۇرۋ مەن ەكونوميكانى قالپىنا كەلتىرۋ وراسان زور قىسىمى جونىندە كولومبيانىڭ پرەزيدەنتى دۋك بىلاي دەپ قارادى: تەز ارادا كەڭ كولەمدە ۆاكسينا ەگۋ لاتىن امەريكاداعى ەلدەردىڭ جۇقپالى اۋرۋدى جەڭىپ، «حاۋىپسىز، تەز قارقىنمەن ەكونوميكانى قايتا سەرپىلتۋىنىڭ» بىردەن-ٴبىر تالعامى. الايدا، قازىر لاتىن امەريكاداعى مەملەكەتتەر بۇكىل جەر شارىنداعى ۆاكسينا بولىسىندە ٴالى دە ٴتيىمسىز ورىندا تۇر. لاتىن امەريكاداعى ەلدەردىڭ كەيبىر باتىس ەلدەرىنەن ۆاكسينا ساتىپ الۋ وتىنىشتەرى ىسكە اسپاي جاتىر. زەرتتەۋگە قاراعاندا، بۇكىل جەر شارىندا 130 دان استام مەملەكەت ۆاكسيناعا يە بولا الماعان، ال ا ق ش قاتارلى دامىعان ەلدەردىڭ ساتىپ الۋ مولشەرى 3 ميلليارد دانادان اسىپ، ٴىس جۇزىندىك قاجەتىنەن الدە قايدا اسىپ كەتكەن. 

جۇڭگو جاڭا تيپتى ايدارشا ۆيرۋسقا قارسى ۆاكسينانى دۇنيە جۇزىلىك الەۋمەتتىك ٴونىم ەتۋگە ەڭ ەرتە ۋادە بەرگەن مەملەكەت ٴارى بار كۇشىن سالىپ ۋادەسىن ورىنداپ، لاتىن امەريكاداعى ەلدەردى قامتىعان دۇنيە جۇزىندەگى كوپتەگەن دامۋ جولىنداعى ەلدەرگە ۆاكسينا جاعىنان كومەك بەردى نەمەسە وسى ەلدەرگە ۆاكسينا ەكسپورت ەتتى. جۇڭگو ۆاكسيناسى لاتىن امەريكادا قۇشاق جايا قارسى الىنىپ، سەنىمگە يە بولدى. «جۇڭگو ۆاكسينا كەزەكشى ايروپلانى» قاي مەملەكەتتىڭ استاناسىنا قونسا، مەيلى تاڭ سارىدە نەمەسە ٴتۇن ورتاسىندا بولسىن، ٴار ەلدىڭ ساياسي قايراتكەرلەرى ناق مايدانعا بارىپ سالتاناتپەن قارسى الدى. پەرۋدىڭ 70 نەشە جاستاعى پرەزيدەنتى ساگاستي مەن چيليدىڭ پرەزيدەنتى پينەررا باستاماشىلدىقپەن جۇڭگو ۆاكسيناسىن ەكتى. بوليۆيانىڭ سىرتقى ىستەر مينيسترىنىڭ ورىنباسارى برانكو بىلاي دەدى: جۇڭگونىڭ ۆاكسيناسى حاۋىپسىز، ٴونىمدى، ساقتاۋعا قولايلى بولعاندىقتان بوليۆيادا ەرەكشە قارسى الىنۋدا. 

جۇڭگو مەن لاتىن امەريكانىڭ اراسى شالعاي بولعانىمەن، دوستىق سۇيىسپەنشىلىگى ىندەتكە تىزە قوسا قارسى تۇرۋ بارىسىندا اناعۇرلىم تەرەڭدەدى، جۇڭگو مەن لاتىن امەريكانىڭ تاعدىرلاس ورتاق تۇلعاسى قۇرىلىسىندا دا اناعۇرلىم تىڭ تابىستارعا قول جەتەتىندىگىندە كۇمان جوق. 

ىندەتكە قارسى تۇرۋ جاعىندا ا ق ش پەن جۇڭگونىڭ سەلبەستىك بولاشاعى زور

ا ق ش پاراسات قامباسىنىڭ برۋكينس عىلمي قوعامى بىرنەشە كۇننىڭ الدىندا «ىندەتكە توتەپ بەرۋ ا ق ش ـ جۇڭگو سەلبەستىگىنە مۇقتاج» دەگەن تاقىرىپتا ماقالا جاريالادى. ماقالادا بىلاي دەپ اشىق ايتىلدى: تەك دۇنيە جۇزىلىك سەلبەستىك ارقىلى عانا ىندەت جاعدايىن مەڭگەرۋگە بولادى، بۇعان دۇنيە جۇزىندەگى ەڭ ٴىرى ەكى ەكونوميكالىق تۇلعانىڭ بەلسەنە ات سالىسۋى ٴتىپتى دە قاجەت. 

ماقالادا بىلاي دەپ جازىلعان: ا ق ش پەن جۇڭگونىڭ الەۋمەتتىك دەنساۋلىق ساقتاۋ سالاسىندا ۇزاق ۋاقىتتىق سەلبەستىك تاريحى بار. وتكەن جارتى عاسىردا ايدس اۋرۋى، H 1 N 1 جۇقپالى تۇماۋى، ەبولا ىندەتى قاتارلى كوپ ٴتۇرلى اۋرۋلاردان تۋىلعان بۇكىل جەر شارىندىق دەنساۋلىق ساقتاۋ داعدارىسىنا توتەپ بەرگەن كەزدە، ا ق ش ۇكىمەتى مەن جۇڭگو ۇكىمەتى سەلبەستىك جاسادى. قازىر ىندەت جاعدايىنىڭ اۋىرلىعىن جانە الداعى كەزدەردەگى اسقىنۋى جونىندەگى تۇسپالداردى ويلاستىرعاندا ەكى ەلدىڭ تاريحتاعى داعدىلى سەلبەستىك ارناسىنا قايتا ورالۋى اسا قاجەت بولىپ وتىر. 

سەلبەستىك مەديتسينا سالاسىنىڭ تىعىز بايلانىس ورناتۋىنا سەپتىگىن تيگىزەدى. تىنىق مۇحيتتىڭ ەكى جاعالاۋىنداعى مەديتسينا ماماندارى مەن عىلمي زەرتتەۋ قىزمەتكەرلەرى ىندەت تارالعاننان بەرى كەڭ كولەمدى ٴارى ىنتالى بايلانىس پەن سەلبەستىكتى ساقتاپ كەلەدى. ا ق ش مەن جۇڭگونىڭ ماماندارى ۆيرۋستى زەرتتەۋ بارىسىندا قىرۋار سەلبەستىك جاسادى، جۇيەدەن كاسىپ سالاسىنداعى وزىق جۋرنالداردا 100 دەن استام عىلمي ماقالا جاريالاندى. ۆيرۋس ماماندارى مەن باسقا مەديتسينا ماماندارى دا توراپتاردا ٴماجىلىس اشۋ سياقتى فورمالار ارقىلى ۆيرۋستىڭ تارالۋىن قالاي توسۋدى جانە ناۋقاستى قالاي ەمدەۋدى تالقىلادى. 

سەلبەستىك باسقا جاقتارداعى قىزمەتتەرگە سەپتىگىن تيگىزەدى. مىسالى، قاتىستى ساندى مالىمەتتەردەن ورتاق يگىلىكتەنۋ، ۆيرۋستى باقىلايتىن بۇكىل جەر شارى تورابىن قۇرۋ، ۆاكسينا زەرتتەۋ-تاپقىرلاۋدى ىلگەرىلەتۋ قاتارلىلار. 

ا ق ش پەن جۇڭگونىڭ ىندەتكە توتەپ بەرۋ جاعىنداعى سەلبەستىگى الەمدىك ىستەردى اقىلداسۋعا سەپتىگىن تيگىزەدى. مىسالى، كليمات وزگەرىسىنە توتەپ بەرۋدى ايتۋعا بولادى. ەكى جاقتىڭ سەلبەستىگى بولاشاقتا باسقا سىندارعا توتەپ بەرۋگە سەنىم ورناتۋعا سەپتىك تيگىزەدى. 

来源：中央广播电视总台

播音：古丽娜尔、巴拉番

微信制作：阿依娜