您的浏览器不支持 audio标签

 مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى مەملەكەتتىك كەڭەس اتىنان 13-كەزەكتى مەملەكەتتىك حالىق قۇرىلتايىنىڭ 4-ماجىلىسىنە ۇكىمەت قىزمەتىنەن بايانداما جاسادى. شەتەلدەگى قايراتكەرلەر بىلاي دەپ قارادى: وتكەن ٴبىر جىلدا جۇڭگو ىندەتتەن ساقتانۋ جانە ونى تىزگىندەۋدە كەلەلى ستراتەگيالىق تابىستارعا قول جەتكىزىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە ەكونوميكانىڭ ارتۋىن جۇزەگە اسىرعان بىردەن-ٴبىر ەلگە اينالدى، ۇكىمەت قىزمەتىنەن باياندامادا ايگىلەنگەن جۇڭگو دامۋىنىڭ جاڭا جوباسى دۇنيە ٴجۇزى ەكونوميكاسىنىڭ قالپىنا كەلۋىنە تىڭ ٴۇمىت باعىشتادى. 

پالەستين اراب ا ق ش ۋنيۆەرسيتەتىنىڭ جۇڭگو ىستەرى مامانى ٴىسلام ايادي بىلاي دەدى: بيىل جۇڭگونىڭ 14 ـ بەسجىلدىق جوباسىنىڭ باستالعان جىلى، جۇڭگونىڭ جاڭا دامۋ جاعدايىن جەدەل قالىپتاستىرۋى ەكونوميكانىڭ توزىمدىلىگىن جوعارىلاتۋعا پايدالى. ۇكىمەت قىزمەتىنەن باياندامادا جاڭالىق اشۋ ارقىلى دامۋعا دەم بەرۋگە تاباندى بولىپ، ٴوندىرىس، تۇرمىس ٴتاسىلىنىڭ جاسىل تيپىن وزگەرتۋدى جەبەۋ العا قويىلدى، بۇل جۇڭگونىڭ جوعارى ساپالى دامۋدى ىلگەرىلەتۋ تەبىنىن ارتتىراتىندىعىن ايگىلەدى. 

رەسەي عىلىم اكادەمياسى دۇنيە جۇزىلىك ەكونوميكا جانە حالىقارالىق قاتىناستى زەرتتەۋ ورنىنىڭ ورىنباسار باستىعى الەكساندر رومانوۆ بىلاي دەدى: جۇڭگو جوعارى ساپالى دامۋدى ۇزدىكسىز ىلگەرىلەتىپ، 14-بەسجىلدىق جوبا مەزگىلىندەگى باستى نىسانا ـ مىندەتتەر مەن 2035 ـ جىلعى بولاشاقتىق نىسانانى جۇزەگە اسىرادى. بۇل جۇڭگومەن سەلبەستىك ورناتقان مەملەكەتتەر جونىنەن العاندا ماڭىزدى سيگنال بولىپ، جۇڭگونىڭ سەنىمدى سەرىك ٴارى ۇمىتكە تولى سەرىك ەكەندىگىن بىلدىرەدى. 

مالايزيا تىنىق مۇحيت زەرتتەۋ ورتالىعىنىڭ باس اقىلشىسى حۋ يشان بىلاي دەدى: ۇكىمەت قىزمەتىنەن باياندامادا جۇڭگونىڭ ەكونوميكالىق دامۋىنداعى ٴتۇيىندى قىزمەتتەرگە نازار اۋدارىلىپ، 14 ـ بەسجىلدىق جوبا مەزگىلىندەگى باستى نىسانا-مىندەتتەردى ايگىلەدى، جۇڭگو ۇكىمەتىنىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋ ٴۇشىن ۇزدىكسىز قۇلشىنعاندىعىن كورسەتتى. 

جاپونيا ەكونوميسى تيان دايشيۋمين بىلاي دەدى: جۇڭگو ۇكىمەتى دامۋ جوباسىن جاسادى، اسىرەسە، ٴتۇيىندى قىزمەت سالاسىن دامىتۋ جوباسىندا قيىن وتكەلدەن ۇزدىكسىز قامال الۋدىڭ ۇزاق بولاشاقتىق دامۋ كوزقاراسىن قولداندى، بۇل ادامدى ٴتانتى ەتەدى، جۇڭگونىڭ ۇزدىكسىز تىڭ دامۋعا قول جەتكىزۋىن ٴۇمىت ەتەمىز. 

«بۇگىنگى جۇڭگو» جۋرنالى اراب تىلىندەگى باسىلىمىنىڭ ورىنباسار باس رەداكتورى، ەگيپەت جۇڭگو ماسەلەسى مامانى قۇسايىن يسماير بىلاي دەدى: جۇڭگو ەكى ٴماجىلىسىنىڭ ماڭىزى زور. بيىل 14-بەسجىلدىق جوبا باستالعان جىل، جۇڭگو جاڭا دامۋ كەزەڭىنە قادام تاستادى. 

وزبەكستان اقپارات جانە بۇقارالىق مەديا ۋنيۆەرسيتەتىنىڭ پروفەسسورى تۇرسىنالى كوزەۆ بىلاي دەدى: بىلتىر جۇڭگو ەكونوميكانىڭ ارتۋىن جۇزەگە اسىرۋدا، بيىل ىشكى ٴوندىرىستىڭ جالپى ٴونىم قۇنىن %6  تەن استام ارتتىرۋ سىندى مەجەلى نىسانانى العا قويدى، بۇل جۇڭگونىڭ بەكىمى مەن سەنىمىن ايگىلەدى، جۇڭگو دۇنيە ٴجۇزى ەكونوميكاسىن سەرپىلتۋگە ۇزدىكسىز كۇش سالادى. 

سينگاپور مەملەكەتتىك ۋنيۆەرسيتەتى ساۋدا ينستيتۋتى جونگە سالۋ جانە باياندى دامۋدى زەرتتەۋ ورنىنىڭ باستىعى لۋ ياۋچۇن بىلاي دەدى: جۇڭگو ۇكىمەتىنىڭ قىزمەت بايانداماسىندا بيىل %6 تەن استام ىشكى ٴوندىرىستىڭ جالپى ٴونىم قۇنىنىڭ ارتۋ مەجەلى نىساناسى جۇرت نازارىن اۋداردى. جۇڭگو دۇنيە ٴجۇزى ەكونوميكاسىنىڭ ارتۋىندا اناعۇرلىم پارمەندى جەتەكشىلىك رول اتقارادى، بۇل ٴوڭىر مەن دۇنيە ٴجۇزى ەكونوميكاسىنىڭ جۇقپالى اۋرۋ جاعدايىنان ەرتەرەك قۇتىلۋىنا ٴتيىمدى. 

اۆستراليا زەرتتەۋ ورنىنىڭ حالىقارالىق جانە حاۋىپسىزدىك ىستەرى نىسانىنىڭ جاۋاپتىسى اللەن بەم بىلاي دەدى: جۇڭگو ۇكىمەتىنىڭ قىزمەت بايانداماسىندا بيىلعى دامۋدىڭ باستى مەجەلى نىسانالارى ورتاعا قويىلدى، بۇل جۇڭگونىڭ بولاشاقتاعى دامۋعا، سونداي ـ اق حالىققا اناعۇرلىم جاقسى ەكونوميكالىق دامۋ جەتىستىكتەرىنە تولىق سەنىم ارتقاندىعىن ايگىلەدى. 

گرۋزيا كۇندەلىكتى اقپارات تورابىنىڭ باس رەداكتورى افتاندىر وتناش ۆيلي بىلاي دەپ قارادى: جۇڭگو ەكونوميكانىڭ ارتۋ قارقىنى، جۇمىسقا ورنالاسۋ، يمپورت ـ ەكسپورت، ەكولوگيالىق ورتا سياقتى سالالاردا نىسانانى العا قويدى، دۇنيە ٴجۇزى 2021-جىلى اناعۇرلىم باي، قۇدىرەتتى جانە سەنىمدى جۇڭگونى كورە الادى. 

پاريج فرانسيا-جۇڭگو دوستىق قوعامىنىڭ ورىنباسار ٴتوراعاسى ليازيد بەنحامي بىلاي دەدى: الاپات ىندەت بۇكىل جەر شارى ەكونوميكاسىنا اۋىر سوققى بەرگەن جاعدايدا، جۇڭگونىڭ قول جەتكىزگەن دامۋ تابىسى كەرەمەت. دۇنيە ٴجۇزى ەكونوميكاسىنىڭ بىرتىندەپ قالپىنا كەلۋىنە بايلانىستى، جۇڭگو ەكونوميكاسى اناعۇرلىم ومىرشەڭدىك كۇشكە يە بولادى. 

كامبودجا حالىقتىق قوعامدىق ۇيىمدار وداعى تالقى مىنبەرى نىسان ـ جوسپار ٴبولىمىنىڭ مەڭگەرۋشىسى شەمونيل بىلاي دەدى: ۇكىمەت قىزمەتىنەن باياندامادا جۇڭگونىڭ اناعۇرلىم جوعارى دەڭگەيدەگى اشىق ەكونوميكا جاڭا ٴتۇزىلىسىن قۇرىپ، ٴبىر بەلدەۋ، ٴبىر جولدى بىرگە قۇرۋدىڭ جوعارى ساپالى دامۋىن ىلگەرىلەتىپ، دۇنيە جۇزىنە بەت العان جوعارى ولشەمدى ەركىن ساۋدا رايونى تورابىن قۇراتىندىعى العا قويىلدى، بۇل ادامدى ەرەكشە جەلپىندىرەدى. ىندەت دۇنيە ٴجۇزى ەكونوميكاسىن اۋىر سوققىعا ۇشىراتتى، جۇڭگو ەكونوميكاسىنىڭ باياندى، اقاۋسىز دامۋى جۇڭگونىڭ ەكونوميكا ـ ساۋدا سەرىكتەرى جونىنەن توتەنشە ماڭىزدى. 

انگليالىق ايگىلى سوتسيولوگ، «جاھاندانۋ» ۇعىمىنىڭ تۇڭعىش دارىپتەۋشىسى مادەن البۇلاۋ بىلاي دەپ قارادى: جۇڭگو ۇكىمەتى كوپ جاقتىلىققا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە، ٴسوز جوق، دۇنيە جۇزىنە ۇزدىكسىز ۇلەس قوسادى. جۇڭگو كوپ جاقتى سەلبەستىكتەگى ديپلوماتيالىق ساياساتقا تاباندى بولىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ورتاعا قويىپ، دۇنيە جۇزىنە ۇلگى ورناتتى.

来源：中央广播电视总台

播音：努尔孜亚

微信制作：阿依娜