ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

قازاقستاندا ىندەت جاعدايى اسقىندى

来源:央广网     |责编:古丽美热·霍孜汗|     发布日期: 2021-04-07 14:33

قۇرمەتتى تىڭدارمان قاۋىم، بۇگىن 4-ايدىڭ 6-كۇنى سەيسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر.

您的浏览器不支持 audio标签

※تاياۋدا ج ك پ ورتالىق كوميتەت كەڭسەسى، مەملەكەتتىك كەڭەس كەڭسەسى «سوتسياليستىك زاڭمەن باسقارۋ مادەنيەت قۇرىلىسىن كۇشەيتۋ جونىندەگى پىكىردى» باسىپ تاراتتى. 

 

جۇڭگونىڭ مەملەكەتتىك كەڭەس اقپارات كەڭسەسى 4-ايدىڭ 6-كۇنى «ادامزاتتىڭ كەدەيلىكتى ارىلتۋىنداعى جۇڭگو امالياتى» اتتى اق تىستى كىتابىن جاريالادى.

 

تاياۋدا جۇڭگو تەڭىز ارمياسى لياۋنيڭ اۆياماتكاسىنىڭ اۆياماتكا قۇراماسىن ۇيىمداستىرىپ، تايۋاننىڭ توڭىرەگىندەگى تەڭىز ايدىنىندا جاتتىعۋ جۇرگىزدى.

 

يۇننان ولكەسىنىڭ رۇيلي قالاسى 4-ايدىڭ 5-كۇنى ساعات 19 دان باستاپ 3 جەردى حاۋىپ-قاتەرى جوعارى رايونعا، 6 جەردى حاۋىپ-قاتەرى ورتا دارەجەلى رايونعا تەڭشەدى. يۇنناننىڭ رۇيلي قالاسى جالپى ادامنىڭ 2-كەزەكتى نۋكلەين قىشقىلىن تەكسەرۋدى 4-ايدىڭ 5-كۇنى باستادى.

 

مەملەكەتتىك دەنساۋلىق ساقتاۋ، سالاماتتىق كوميتەتىنىڭ حابارىنا قاراعاندا، 2021-جىلى 4-ايدىڭ 4-كۇنىنە دەيىن، بۇكىل ەلدىڭ جەر-جەرىندە جاڭا تيپتى ايدارشا ۆيرۋسقا قارسى ۆاكسينانىڭ 139 ميلليون 970 مىڭ رەت ەكتىرىلگەندىگى مالىمدەلدى.

 

 4-ايدىڭ 3-كۇنىنەن 5-كۇنىنە دەيىن بۇكىل ەل بويىنشا مەجەمەن 145 ميلليون ادام رەت جولاۋشى جونەلتىلىپ، بىلتىرعى چيڭميڭ مەرەكەسى دەمالىسىنان %142 ارتتى.

 

حالىق ىستەرى مينيسترلىگىنىڭ ساناعىنا قاراعاندا، چيڭميڭ مەرەكەسى دەمالىسىندا جەر-جەردە 67 ميلليون 730 مىڭ ادام رەت ناق مايداندا قابىر سىپرىپ تاساتتىق بەرگەن، 7 ميلليون 380 مىڭ ادام رەت توراپتا تاساتتىق بەرگەن.

 

قوسىننان شەگىنگەن اسكەريلەر ىستەرى مينيسترلىگىنىڭ العاشقى تەكسەرىپ انىقتاۋىندا، 4-ايدىڭ 5-كۇنىنە دەيىن «قۇربانداردىڭ تۋىسىن ىزدەۋ» تاقىرىبىندا توراپ جەلىسىندە ورىستەتىلگەن قيمىلىدا 22 قۇرباننىڭ تۋىسى تابىلعان. 

 

ورتالىق توراپ حاۋىپسىزدىگى جانە ينفورماتسيالاندىرۋ كەڭسەسىنىڭ حابارىنا قاراعاندا، بيىل 3-ايدا بۇكىل ەل بويىنشا توراپتاعى زاڭعا قايشى جانە ناشار ينفورماتسيالاردان 10 ميلليون 804 مىڭ پارشاسى اشكەرەلەنگەن، بۇل الدىڭعى ايداعى ساناق مەزگىلىمەن سالىستىرعاندا %9.7 ارتقان، وتكەن جىلدىڭ ۇقساس مەزگىلىندەگىدەن %27.1 تومەندەگەن. 

 

سىچۋان ولكەسى ميشان قالاسىنىڭ حۇڭيا اۋدانىندا توسىن تاۋ بەتكەيى سىرعىپ، 3 ادام دەرەكسىز كەتتى، وسى وڭىردەگى 68 ادام حاۋىپسىز ورىنعا جوتكەلدى.

 

ورتالىق اۋا رايى ستانسياسىنىڭ مەجەلەۋىنشە، 4-ايدىڭ 5-، 6-كۇندەرى شينجياڭنىڭ باتىس وڭتۇستىك بولەگى، شيزاڭنىڭ باتىس بولەگى جانە سولتۇستىك بولەگى قاتارلى جەرلەردىڭ ٴىشىنارا رايوندارىندا از جانە ورتاشا قار جاۋادى نەمەسە جاڭبىر ارالاس قار جاۋادى، مۇنىڭ ىشىندە وڭتۇستىك شينجياڭىنىڭ باتىس بولەگىندەگى تاۋلى رايوندار، شيزاڭنىڭ باتىس بولەگى قاتارلى جەرلەردىڭ ٴىشىنارا رايوندارىندا قالىڭ قار جاۋادى. يۇنناننىڭ شىعىس وڭتۇستىك بولەگىنىڭ ٴىشىنارا رايوندارىندا نوسەر جاۋادى.

 

ينديا دەنساۋلىق ساقتاۋ مينيستيرلىگى جاريالاعان جاڭا ساناقتا كورسەتىلۋىنشە، ينديادا ٴبىر كۇندە جاڭادان قوسىلعان جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىعىپ دياگنوزى تۇراقتانعاندار 100 مىڭ ادامنان اسىپ، ەڭ جوعارى دەڭگەيگە جەتكەن. قازىر ينديادا جۇقپالى اۋرۋعا شالدىققاندار 12 ميلليون 580 مىڭ ادامنان اسقان. 

 

يندونەزيا اپاتقا قارسى تۇرۋ مەكەمەسىنىڭ حابارىنا قاراعاندا، يندونەزيانىڭ شىعىسنداعى نۋسا تىڭگارا ولكەسىندە نوسەر جاۋىپ، سەل ٴجۇرىپ، تاۋ كوشكىنى ٴتۇسىپ ولگەندەر سانى 84 ادامعا كوبەيگەن.

 

جەرلىك ۋاقىت 4-ايدىڭ 5-كۇنى، حانگونىڭ LG ەلەكتروندىق ٴونىم توبى القالار كەڭەسىن اشىپ، قول تەلەفون كاسىبىن توقتاتاتىندىعىن رەسمي جاريالادى. 2020-جىلدىڭ 4-توقسانىنا دەيىن، بۇل كاسىپتە ٴۇرتىس 23 ماۋسىم زيان تارتىپ، جالپى زيان سوماسى 29 ميلليارد 100 ميلليون يۋانعا جەتكەن.

 

رەسەي مەملەكەت قورعانىس مينيسترلىگى وتان قورعاۋ سوعىسىنىڭ 76 جىلدىعىن ەسكە ٴتۇسىرۋدىڭ قىزىل الاڭداعى اسكەري پاراتتان ٴوتۋ سوڭعى ماشىعىن جەرلىك ۋاقىت 4-ايدىڭ 5-كۇنى موسكۆا قالا ماڭىندا وتكىزدى.

 

يتاليا اقپارات قۇرالدارىنىڭ حابارىنا قاراعاندا، نوبەل ەكونوميكا سيلىعىنىڭ يەگەرى، حالىقارالىق عىلىم سالاسى جاعىنان «ەۆرو اتاسى» اتانعان روبەرت مۋندەل 4-ايدىڭ 4-كۇنى تۇستەن بۇرىن 88 جاسىندا قايتىس بولدى.

 

ەگيپەتتىڭ استاناسى كايروداعى ەگيپەت وركەنيەت مۇراجايى 4-ايدىڭ 4-كۇنى جۇرتشىلىققا رەسمي اشىلدى.

 

ا ق ش سىمدى تەلەۆيزيا اقپارات تورابى مەن «ۆاشينگتون بايقاۋشىسى گازەتىنىڭ» جەرلىك ۋاقىت 4-ايدىڭ 4-كۇنگى حابارىنا قاراعاندا، ا ق ش كاليفورنيا شتاتىنىڭ ريۋەرسايت قالاسىنداعى ازيا تەكتى ٴبىر ايەل ٴيتىن ەرتىپ سەرۋەندەپ جۇرگەندە قاستاندىققا ۇشىراعان، ساقشىلار قىلمىس كۇماندىسىن تۇتقىنداعاننان كەيىن بۇنىڭ ناسىلدىك وشپەندىلىك قىلمىسى ەمەس ەكەندىگىن تۇراقتاندىردى.

 

حابارعا قاراعاندا، وسى قىلمىس كۇماندىسى قاماي تۇرۋ ورتالىعىنا كوپ رەت كىرگەن، 3-ايدىڭ 30-كۇنى سىرعىما تاقتايمەن ٴبىر ايەلگە تۇتقيىل شابۋىل جاساعاندىقتان قولعا الىنعان،ٴبىراق جۇقپالى اۋرۋ ٴورشىپ تۇرعان ەرەكشە جاعداي بولعاندىقتان شۇعىل بوساتىلعان.

 

您的浏览器不支持 audio标签

ازيا-ەۆروپا وڭىرىندە جۇقپالى اۋرۋ اسقىنا ٴتۇستى، ۋكراينا جۇقپالى اۋرۋدان ساقتانۋ شارالارىن تاعى دا كۇشەيتتى 

 

 ازيا-ەۆروپا وڭىرىندە جاڭا جۇقپالى اۋرۋ جاعدايى اۋىرلاستى، ۋكراينا جۇقپالى اۋرۋدان ساقتانۋ شارالارىن كۇشەيتتى، قازاقستاندا جۇقپالى اۋرۋ قىزىل ٴتۇستى رايونى 6 عا جەتتى، رەسەيدە وسى اۋرۋدان ولگەندەر سانى جيىنى 100 مىڭ ادامنان استى. 

 

رەسەي پرەزيدەنت اقپارات حاتشىسى پەسكوۆ بىلاي دەدى: رەسەي ازاماتتارى ۆاكسينا قۇيۋعا تىزىمدەلدى. رەسەيدىڭ ٴار ايدا وندىرگەن ۆاكسيناسى كوبەيىپ كەلەدى، رەسەي ازاماتتارىنىڭ قاجەتىن قاناعاتتاندىرادى. 

 

ۋكراينادا وتكەن ٴبىر كۇندە 10 مىڭ 179 ادام جاڭادان جۇعىمدالىپ، جالپى سانى ٴبىر ميلليون 755 مىڭ 888 ادام بولدى؛ 34 مىڭ 587 ادام وسى اۋرۋدان ٴولدى؛ ٴبىر ميلليون 352 مىڭ 139 ادام ساۋىقتى. 4-ايدىڭ 4-كۇنىنە دەيىن 291 مىڭ 822 ادام تۇڭعىش رەت ۆاكسينا ەكتىردى. استانا كيەۆ قالاسىندا 4-ايدىڭ 5-كۇنىنەن باستاپ اۋرۋدىڭ الدىن الۋ شارالارى كۇشەيتىلدى، بالالار باقشاسىن قامتىعان وقۋ-اعارتۋ قۇرىلىمدارى تۇگەلدەي وقۋ توقتاتتى، اس-سۋ ورىندارى تەك سىرتقا ساتۋ جاعىنان عانا قىزمەت وتەيدى، قالا تۇرعىندارى ەرەكشە جولحات بولعاندا عانا الەۋمەتتىك قاتىناس قۇرالدارىنا وتىرا الادى. 

 

ۋكراينانىڭ پرەزيدەنتى زەليەنسكي 4-ايدىڭ 4-كۇنى جاڭا تيپتى ايدارشا ۆيرۋسقا قارسى ۆاكسينا ەگۋ جونىندەگى مەملەكەتتىك جارلىققا قول قويىپ، بيلىك كەڭسەسىنەن ٴبىر اپتا ىشىندە ٴار ايدا ۆاكسينا ەگۋ كولەمى، ۆاكسينا قاينارى، ۆاكسينا ەگۋ جوسپارىنا جاۋاپتى ادام، جۇقپالى اۋرۋعا قارسى تۇرۋداعى حالىقارالىق سەلبەستىكتى كۇشەيتۋ سياقتى مازمۇندار جونىندە ەگجەي-تەگجەيلى جوسپار جاساۋدى جانە اتقارۋدى تالاپ ەتتى. جوسپار بويىنشا 2021-جىلدىڭ سوڭىنا دەيىن كوپ ساندى ەرەسەك ادامدارعا ۆاكسينا ەگىلىپ بولادى. 

 

گرۋزيادا 24 ساعاتتا 228 ناۋقاسقا دياگنوز قويىلدى، جيىنى 284 مىڭ 61 ادام جۇعىمدالدى؛ 3822 ادام وسى اۋرۋدان ٴولدى، 275 مىڭ 24 ادام ەمدەلىپ ساۋىقتى. گرۋزيا مەملەكەتتىك اۋرۋدى تىزگىندەۋ ورتالىعىنىڭ مەڭگەرۋشىسى گامكەلليز بىلاي دەدى: قازىر وسى ەلدە 11 مىڭ 603 ادامعا ۆاكسينا ەگىلدى، ەگۋ قارقىنى مەجەدەگىدەن تومەن بولدى. 

 

قازاقستاندا جيىنى 255 مىڭ 28 جۇعىمدالدى، 225 مىڭ 256 ادام ەمدەلىپ ساۋىقتى. قازاقستان دەنساۋلىق ساقتاۋ مينيسترلىگى جۇقپالى اۋرۋ جاعدايىنىڭ حاۋىپ-قاتەرىنە قاراي بۇكىل ەلدىڭ جەر-جەرىن قىزىل، سارى، جاسىل دەپ ٴۇش تۇرگە ٴبولدى. قازاقستان حابار اگەنتتىگىنىڭ 4-ايدىڭ 5-كۇنگى حابارىنا قاراعاندا، قازاقستاندا جيىنى 6 قىزىل رايون بار، ۆيرۋستىڭ تارالۋ قاتەرى ٴبىرشاما جوعارى. جۇقپالى اۋرۋ قىزىل رايونىنىڭ ٴبىرى بولعان الماتى قالاسىندا 2-ايدىڭ 1-كۇنىنەن باستاپ كەڭ كولەمدە ۆاكسينا ەگىلدى، قازىرگە دەيىن 23 مىڭ 799 ادامعا ٴبىرىنشى رەت ۆاكسينا ەگىلدى. 

 

سۋەيش كانالىنىڭ كەپتەلىپ قالۋى بۇكىل جەر شارىندىق قامداۋ تىزبەگىنىڭ حاۋىپ-قاتەرىن كورنەكتىلەندىردى 

 

سۋەيش كانالىندا قايراڭداپ قالعان جۇك كەمەنىڭ كەپتەلۋدەن ٴساتتى قۇتىلۋىنا بايلانىستى، ەگيپەتتىڭ سۋەيش كانالى بىرتىندەپ قالپىنا كەلۋدە. كانالدىڭ قاتىناسى تۇبەگەيلى قالپىنا كەلگەننەن كەيىن، قىسقا مەرزىم ىشىندە شىرعالاڭ جاۋاپكەرشىلىگىن تۇراقتاندىرۋ، زياندى تولەۋ سياقتىلار ماڭىزدى تۇيىنگە اينالدى. ال، ۇزاق ۋاقىت بولاشاقتان ويلاستىرعاندا بۇكىل جەر شارىندىق قامداۋ تىزبەگىنىڭ حاۋىپ-قاتەرىن باسقارۋدى قالاي كۇشەيتۋگە نازار اۋدارۋ كەرەك. 

 

سۋەيش كانالى ەۆروپا، ازيا، افريكا سىندى ٴۇش قۇرلىقتى ۇلاستىراتىن العان ماڭىزدى وتكەل وڭىرگە ورنالاسقان، قىزىل تەڭىز بەن جەر ورتا تەڭىزىن تۇتاستىراتىن، ازيا مەن ەۆروپا اراسىنداعى ەڭ قاربالاس مۇناي، جانار زات، استىق سياقتى زات ساۋداسى ارنالارىنىڭ ٴبىرى. بۇكىل جەر شارىنداعى تەڭىز تاسىمالى زات اينالىمىندا شامامەن %15 جۇك كەمەسى سۋەيش كانالىنان وتەدى. 

 

ەگيپەتتىڭ سۋەيش كانالىن باسقارۋ مەكەمەسىنىڭ كانال كەپتەلۋ شىرعالاڭى سەبەپتى ٴبىر جولدا الاتىن تولەم سوماسى ٴبىر ميلليارد امەريكا دوللارىنان اسادى، وسى قارجىلار ارقىلى كانالدىڭ تاسىمالدان توقتاعان 6 كۇندە تۋىلعان زيانى مەن قاتىستى قۇتقارۋ قاراجاتى تولەنەدى. مەجەگە قاراعاندا، كانال تاسىمالى توقتاۋدان تۋىلعان كۇندىك زيان شامامەن 14-15 ميلليون امەريكا دوللارى بولعان. بۇل رەتكى وقيعا بۇكىل جەر شارىنداعى قايتا قامسىزداندىرۋ كاسىبىنە وراسان زور زيان جەتكىزدى. 

 

سۋەيش كانالىنىڭ بىتەلۋ وقيعاسى بۇكىل جەر شارىندىق قامداۋ تىزبەگىنىڭ وسال جەرىن اشىپ كورسەتتى، وسى ۋاقيعاندان كەيىن قاتىستى جاقتار قامداۋ تىزبەگىنىڭ قالپاىن كەلۋىنە جانە سەرپىمدىلىگىن كۇشەيتۋگە تولىق ٴمان بەرمەسە بولمايدى. 

 

نورۆەگيا ەكونوميكا ينستيتۋتىنىڭ پروفەسسورى روار ادلاند تاياۋدا بىلاي دەدى: بۇكىل جەر شارىنداعى تيەۋىش قوراپ تەڭىز تاسىمالى مەن كوپتەگەن الۋان قاجەتتى تاۋار ساۋداسىندا سۋەيش كانالىنا يەك سۇيەۋ دارەجەسى ٴبىرشاما جوعارى، وسى سۋ جولىندا ٴبىرشاما اۋىر ماسەلە تۋىلا قالسا، بۇكىل جەر شارىنداعى تەڭىز تاسىمالى مەن قامداۋ تىزبەگى كەرى ىقپالعا ۇشىراماي قالمايدى. سۋەيش كانالى تاسىمالىنىڭ جەڭىل دارەجەدە كەشەۋىلدەۋى نەمەسە كەپتەلۋى زاتتىڭ تاپسىرىلۋىن بىلىقتىرادى، بۇكىل جەر شارىندىق قامداۋ تىزبەگىنە ٴبىرشاما زور ىقپال جاسايدى. 

 

وسى رەت كانالدىڭ بىتەلۋى سياقتى تۇراقسىز فاكتورلار بۇكىل جەر شارىنىڭ زات اينالىمىنا سوققى بەردى، بۇل بۇكىل جەر شارىنىڭ قامداۋ تىزبەگىنىڭ توسىن، مەڭگەرۋگە بولمايتىن فاكتورلارعا ٴدوپ كەلگەندە تاماشا توتەپ بەرۋ ٴتاسىلى جوق ەكەنىن، حاۋىپ-قاتەردى باسقارۋدى كۇشەيتۋگە تۋرا كەلەتىنىن ايقىن ٴتۇسىندىردى.

 

来源:中央广播电视总台

 

 

 

播音:热德力、古丽江

微信制作:古丽美热

 

 

中央广播电视总台 央广网 版权所有

قازاقستاندا ىندەت جاعدايى اسقىندى

4-ايدىڭ 3-كۇنىنەن 5-كۇنىنە دەيىن بۇكىل ەل بويىنشا مەجەمەن 145 ميلليون ادام رەت جولاۋشى جونەلتىلىپ، بىلتىرعى چيڭميڭ مەرەكەسى دەمالىسىنان %142 ارتتى