ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

قاتىناس ساقشىسىنا ەرەگەسىپ ٴوزىن مەرت قىلۋ دەلوسى تەكسەرىلۋدە

来源:央广网     |责编:古丽美热·霍孜汗|     发布日期: 2021-04-07 17:57

قۇرمەتتى تىڭدارماندار بۇگىن 4-ايدىڭ 7-كۇنى، سارسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر

您的浏览器不支持 audio标签

△ازامات جاسىنا تولماعانداردى مەكتەپتە قورعاۋ بەلگىلەمەسىنە پىكىر الىندى: مەكتەپتىڭ اتا-انالاردىڭ كاسىبى سياقتىلارعا بولا وقۋشىلارعا پارىقتى مامىلە جاساۋىنا بولمايدى.

 

△حالىق ىستەرى مينيسترلىگى بۇكىل ەلدەگى قوعامدىق ۇيىمداردىڭ پارتيا قۇرىلعاندىعىنىڭ 100 جىلدىعىن جەلەۋ ەتىپ، بەتالدى باعالاۋ-سيلاۋ جۇرگىزۋىنە قاتاڭ تيىم سالىناتىندىعىن ايتتى. 

 

△مەملەكەتتىك اۋىل-قىستاقتى گۇلدەندىرۋ مەكەمەسى: قىستاقتاردى شاعىپ، بىرىكتىرۋ قاتاڭ ارناعا تۇسىرىلەدى، شارۋالاردى عيماراتقا كوشىپ شىعۋعا زورلاۋعا بولمايدى،-دەدى. 

 

△شەكارا اتتاپ قۇمار ويناۋمەن، تەلەگراف، توراپ الدامشىلىعىمەن شۇعىلدانعان 89 ادامنىڭ پاسپورتى كۇشىنەن قالدىرىلدى.

 

△765 ميلليون دانا! چيڭميڭ كەزىندە جەدەل جەتكىزۋ كاسىبىنىڭ مولشەرى ۇقساس مەزگىلدەگىدەن %40 ارتتى. 

 

△ «سانشيڭدۇي» كونە جۇرتىنا قاتىستى تاۋار ماركاسىنا تالاس تۋىلدى، مۇراجاي تاۋار ماركاسىن باسقارۋ تاراۋىنا اڭىس ٴبىلدىردى.

 

△حالىقارالىق اقشا قورى ۇيىمى: جۇڭگو ەكونوميكاسى بيىل مەجەمەن %8.4 ارتادى،-دەدى. 

 

△رەسەي قورعانىس مينيسترلىگى 4-ايدىڭ 6-كۇنىنەن باستاپ بارلىق اسكەري رايوندا سوعىس دايىندىعىنا تەكسەرۋ جۇرگىزىلەتىندىگىن ايتتى.

 

△يسلانديا گەرديندالۇل جانار تاۋىندا جانار تاۋ اتىلعان ەكى جاڭا جارىق پايدا بولىپ، ٴجۇز نەشە ادام شۇعىل شەگىندىرىلدى. 

 

△حالىقارالىق وليمپيادا سپورت كوميتەتى: چاۋشياننىڭ توكيو وليمپيادا سپورت جارىسىنا قاتىناسپاۋى جونىندەگى رەسمي ۇقتىرۋدى تاپسىرىپ المادىق،-دەدى.

 

△حانگودا 600 جىلدىق تاريحقا يە بايىرعى قالا تامى كەنەتتەن قۇلادى. 

 

△تاڭشان قالاسى فىڭرۇن رايونى «جۇك اۆتوموبيلىنىڭ شوفەرىنە ايىپ سالىنعاننان كەيىن ۋ ٴىشىپ ٴوزىن ٴولتىرۋى» جونىندە حابارلاندىرۋ شىعارىپ، تەكسەرۋ گرۋپپاسى قۇرىلدى،-دەدى.

 

△چاڭجوۋ قالاسى جينتان رايونىنداعى الەۋمەتتىك قابىردا «كادرلار رايونى، جۇڭگو مۇھاجىرلارى رايونى» بايقالدى، جينتان رايوندىق جەرلەۋ ىستەرىنە قىزمەت وتەۋ ورتالىعى كەشىرىم سۇراپ: وسى ەكى قابىر رايونىنا قايتادان ات قويىلادى،-دەدى.

 

△حاڭجوۋدا ٴبىر ەر ميلليون يۋاندىق ساۋلەتتى كولىك ايداپ بارىپ، 128 يۋانعا «LV» سومكاسىن ساتىپ الىپ: سومكانىڭ جالعان ەكەندىگىن بىلسەمدە، «LV»بەلگىسى بولعاندىقتان ساتىپ الدىم،-دەگەن. دۇكەن جاق: اسىلىندە ۇقساتىپ جاسالعان بولاتىن، ونىڭ ۇستىنە ول ٴبىر اي ىستەتتى،-دەدى. 

 

△وقۋلىقتا سەرىك ۇيىرمەسىندەگى حايۋاناتتاردىڭ ويىن قويۋ مازمۇنى بايقالعاندىقتان، باستاۋىش مەكتەپ وقۋشىلارى اعىلشىن ٴتىلى وقۋلىعىندا حايۋانات ويىندارىن الىپ تاستاۋدى ۇسىنىس ەتتى، باسپا جاق: پىكىردى قابىلدايمىز، كەلەسى جولى وزگەرىس ەنگىزىلەدى،-دەدى. 

 

△چىڭدۋداعى ٴبىر شاعىن رايوننىڭ جاڭا ۇيلەرىنىڭ بيىكتىگى تەك ٴبىر مەتر 30 سانتيمەتر عانا بولىپ، ٴۇي يەلەرى ەڭكەيىپ جۇرۋگە ماجبۇر بولعان، قازىر قاتىستى تاراۋلار تەكسەرۋگە كىرىىستى. 

 

△وڭتۇستىك اۆياتسيا سەرىكتەستىگى ٴبىر ايەلدىڭ «كوڭىلدى ۇشۋ» قىزمەت وتەۋىن ساتىپ العاننان كەيىن، كەزەكشى ۇشاقتىڭ 14 رەت اۋىستىرىلعاندىعىنا اڭىس قايتارىپ، پارىقتى مامىلە جاسالعان جوق،-دەدى.

 

△شاندۇڭدا ٴبىر ەرلى-زايىپتى ٴبىر-بىرىنەن سۋىنىپ، اجىراستى، سەميادا وتىرعان ايەلى 930 مىڭ يۋان ٴۇي شارۋاسى تولەمىنە يە بولدى. 

 

△سيرەك كەزدەسەتىن ٴجايت! چاۋشان تەڭىز ايدىنىنان 5 اققاپتال كيت بايقالدى، ولار سۋدا ەمىن-ەركىن جۇزۋدە.

 

△«سانشيڭدۇي» كونە جۇرتىنداعى 3-ٴنومىرلى كيەلى اعاش قالپىنا كەلتىرىلىپ، سىرلى بەت-بەينەسى جۇرتپەن جۇزدەستى.

 

△اكۋلامەن بىرگە بولۋ! يزرايلدا تاياز سۋلى وڭىرگە قىرۋار قارا اكۋلا جينالدى، سۇڭگۋىرشىلەر ولارمەن بىرگە جايبىراقات ٴجۇزىپ ٴجۇر.

 

△قايسارلىق! ەمتيحان الاڭىندا اياعىمەن جازۋ جازعان قولى جوق ۇل بالا پىڭ چاۋ تۇڭجي ۋنيۆەرسيتەتىنىڭ اسپيرانتتىعىنا قابىلداندى.

 

您的浏览器不支持 audio标签

 «ەۆرو اتاسى» روبەرت مۋندەل دۇنيەدەن ٴوتتى 

 

 نوبەل ەكونوميكا سيلىعىنىڭ يەگەرى، «ەۆرو اتاسى» روبەرت مۋندەل 4-ايدىڭ 4-كۇنى تاڭەرتەڭ يتاليانىڭ ورتا بولەگىندەگى سيەنا رايونىنداعى ٴوز ۇيىندە 88 جاسىندا دۇنيەدەن ٴوتتى. 

 

مۋندەل 20-عاسىردىڭ 60-جىلدارىندا حالىقارالىق ەكونوميكالىق قاتىناس نازارياسىنا جاسامپازدىق ۇلەس قوسقان، ەكونوميكاداعى «ەڭ ابزال اقشا رايونى نازارياسىنىڭ» نەگىزىن قالاۋشى، دۇنيە جۇزىلىك ەكىنشى سوعىستان كەيىنگى ەڭ ىقپالدى حالىقارالىق ماكرولىق ەكونوميستەردىڭ ٴبىرى. گەرمانيانىڭ «فرانكفۋرت مالىمەتىندە» بىلاي دەلىنگەن: بۇگىنگى تاڭدا مامانداردىڭ ەۆروپا اقشا وداعىنىڭ ٴومىر ٴسۇرۋىنىڭ ٴمانى تۋرالى تالاس-تارتىسى تولاستاماي كەلەدى، مۋندەل قاتىستى اقشا نازارياسىن تۇڭعىش رەت العا قويعان ەكونوميست بولعاندىقتان، ماماندار ەكىنىڭ بىرىندە،ونىڭ شىعارمالارىنان سيتات كەلتىرەدى. 

 

مۋندەل 1932-جىلى كانادادا تۋىلعان، 1956-جىلى ا ق ش ماسساچۋسەتس جاراتىلىستىق عىلىمدار ينستيتۋتىندا ەكونوميكا عىلىمىنىڭ دوكتورى اتاعىن العان، ونان سوڭ چيكاگو ۋنيۆەرسيتەتى، كولۋمبيا ۋنيۆەرسيتەتى قاتارلى جەرلەردە عىلمي زەرتتەۋمەن نەمەسە وقىتۋشىلىقپەن شۇعىلدانعان. بۇدان سىرت، ول حالىقارالىق اقشا قورى ۇيىمى، دۇنيە بانكەسى سياقتى قۇرىلىمداردىڭ اقىلشىسى بولىپ، دۇنيە ٴجۇزى ەكونوميكاسى ماسەلەسىن شەشۋ جونىندە كەلەلى كەڭەس، ۇتىمدى پكىر بەرگەن. 

 

مۋندەل ەكونوميكانىڭ دامۋ ۇلگىسى مەن اقشا ساياساتىنا كورەگەن كوزقاراس تانىتتى. كولۋمبيا ۋنيۆەرسيتەتى ەكونوميكا عىلىمىنىڭ پروفەسسورى بولعان كەزدە، ول «ەڭبەككۇش پەن كاپيتالدىڭ ەركىن اينالىسىن قامتىعان يكەمدى بازار-جالاڭ اقشا رايونىنىڭ تابىسقا جەتۋىنىڭ قاجەتتى شارتى» دەگەندى ورتاعا قويدى. زاڭعار تۇلعانىڭ ۇلكەن ىزدەنىسى، ۇلاعاتتى ويى، وزگەشە نازارياسى ونى 1999-جىلى نوبەل ەكونوميكا سيلىعىنىڭ يەگەرى اتاندىردى.

 

ٴىس جۇزىندە، بۇل نازاريا 1961-جىلى ياعني مۋندەل كاسىپتىك ٴومىرىنىڭ باستالۋ كەزەڭىندە ورتاعا قويىلعان. ونىڭ سول كەزدە جاريالاعان «ەڭ ابزال اقشا رايونى نازارياسى» دەگەن ماقالاسى كۇنى بۇگىنگە دەيىن كەڭ ىقپال كۇشكە يە. بۇل زەرتتەۋ كەيىن كەلە ەۆرو اقشاسىنىڭ دۇنيەگە كەلۋىنە نازاريالىق نەگىز قالادى، وسىعان بايلانىستى مۋندەل «ەۆرو اتاسى» دەپ اتالعان. 

 

 ەۆروپا ورتالىق بانكەسى القالار كەڭەسىنىڭ بۇرىنعى مۇشەسى لورەنزو. بيني. سماحي بىلاي دەپ باعا بەرگەن بولاتىن: ەۆرونىڭ دۇنيەگە كەلۋى ۇلى دا كۇردەلى ساياسي ينجەنەريا، وسىنشاما كۇردەلى ينجەنەريانى (ەۆرو) ٴبىر ادامعا تاۋەلدەۋ قيىن،ٴبىراق نازاريالىق جاسامپازدىق جاعىندا مۋندەل توتەنشە ماڭىزدى رول اتقاردى.

 

مۋندەل تاعى دا ۇسىنلىم ەكونوميكاسىنىڭ نەگىزىن سالۋشى دەپ قارالىپ، ونىڭ ۇلەسىن كوپتەگەن ەكونوميستەر تۇراقتاندىردى. چيكاگو ۋنيۆەرسيتەتىنىڭ پروفەسسورى، 1982-جىلعى نوبەل ەكونوميكا سيلىعىنىڭ يەگەرى جورج ستيگلەر: مۋندەل 20-عاسىردىڭ 60-جىلدارىندا حالىقارالىق ساۋدا نازارياسىنا جەتەكشىلىك ەتتى دەپ قارادى. ا ق ش ەكونوميسى رافيلەر: مۋندەل 20-عاسىرداعى ەڭ ماڭىزدى جانە ەڭ ىقپالدى ەكونوميست دەپ باعا بەردى.

 

20-عاسىردىڭ 70-جىلدارىندا مۋندەل رافيلەرمەن جانە باسقا دا بىرنەشە ەكونوميستەرمەن بىرگە ۇسىنىلىم ەكونوميكا اعىمىن قۇردى. ولار باجىنى ازايتۋ، ۇكىمەت شىعسىن ۇلعايتۋداي بەلسەندى قازىنا ساياساتى ارقىلى ەكونوميكالىق وسىمگە سەرپىن بەرىپ، اقشامەن قامداۋ مولشەرىن ازايتۋ ساياساتىن جالپىلاستىرىپ، اقشانىڭ قۇنسىزدانۋىن اۋىزدىقتاۋدى دارىپتەدى، بۇل اق ش-تىڭ 1980-جىلدارداعى " رەيگان ەكونومياسىنىڭ " نازاريالىق نەگىزىنە اينالدى. 

 

كاسىپتىك ٴومىرىنىڭ سوڭعى مەزگىلىندە، مۋندەل تاعى ٴبىر ٴتۇرلى «دۇنيە جۇزىلىك اقشا» ويىن ورتاعا قويدى، ياعني امەريكا دوللارى، ەۆرو جانە جاپون يەنىن قامتىعان ٴبىر قىدىرۋ اقشانى حالىقارالىق اقشا جۇيەسى رەتىندە فينانس بازارىن ورنىقتىرۋدىڭ ٴبىر ٴتۇرلى ٴتاسىلى ەتتى.

 

مۋندەل كوزى تىرىسىندە جۇڭگونىڭ ەكونوميكاسى، وقۋ-اعارتۋى جانە ساۋداسىنىڭ دامۋى جونىندە ىشكەرىلەي زەرتتەۋ جۇرگىزدى، جۇڭگوعا تالاي رەت ساپارلاي كەلدى، لەكسيا سويلەدى، جۇڭگونىڭ كوپتەگەن ايگىلى ۋنيۆەرسيتەتتەرىنىڭ قۇرمەتتى پروفەسسورى بولىپ ۇسىنىس ەتىلدى. 2005-جىلى بەيجيڭ قالالىق ۇكىمەت سالتاناتتى سالت وتكىزىپ، مۋندەلگە« شەتەلدىكتەردىڭ ماڭگىلىك قونىستانۋ» كۋالىگىن تاراتتى. 

 

مۋندەل 2011-جىلى شينحۋا اگەنتتىگى ٴتىلشىسىنىڭ ارناۋلى سۇحباتىن قابىلداعاندا بىلاي دەگەن بولاتىن: كەزىندە ەۆروپا مەن ا ق ش-تىڭ قارىز قيىنشىلىعى، دامىعان ەلدەر توبىنىڭ دۇنيە ٴجۇزى ەكونوميكاسىنىڭ بەتالىسىن بۇرىنعىداي جاپپاي مەڭگەرۋى مۇمكىن ەمەس ەكەندىگىن اڭعارتتى. كەرىسىنشە، جۇڭگونى ۋاكىل ەتكەن وركەندەۋ جولىنداعى ەلدەر جاڭا گۇلدەنگەن كۇشكە اينالۋدا. ەكى ٴىرى توپتىڭ ٴبىر-بىرىنە سۇيەنۋى كۇشەيىپ كەلەدى، وركەندەپ كەلە جاتقان ەلدەردىڭ حالىقارالىق ەكونوميكالىق جۇيەدەگى ماڭىزدى قاتىسۋشى جاققا اينالۋى دا مۇمكىن ٴارى جاۋاپكەرشىلىگى دە بار.

 

 ۇزاق ۋاقىتتان بەرى، مۋندەل حالىق اقشاسىنىڭ امەريكا دوللارى، ەۆرو، جاپون يەنى جانە فۋنت ستەرلينگ سياقتى حالىقارالىق اقشا قورى ۇيىمىنىڭ قارجى پايدالانۋ ەرەكشە ۇقىعىندا وزىندىك ورىن الۋىن ەجەلدەن دارىپتەپ كەلدى. ول بىلاي دەدى: جۇڭگو ەكونوميكاسىنىڭ ۇزدىكسىز ارتۋىنا بايلانىستى،حالىق اقشاسىنىڭ دۇنيە جۇزىلىك ەكونوميكا-ساۋدا جۇيەسىندەگى ورنى ۇزدىكسىز جوعارىلايدى.

 

来源:中央广播电视总台

 

 

 

播音:巴拉潘、古丽娜尔

微信制作:古丽美热

 

 

中央广播电视总台 央广网 版权所有

قاتىناس ساقشىسىنا ەرەگەسىپ ٴوزىن مەرت قىلۋ دەلوسى تەكسەرىلۋدە

حالىقارالىق اقشا قورى ۇيىمى: جۇڭگو ەكونوميكاسى بيىل مەجەمەن %8.4 ارتادى،-دەدى