ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

بۇل نومىردەن تەلەفون كەلسە، ءسوزسىز قابىلداڭىز

来源:央广网     |责编:古丽美热·霍孜汗|     发布日期: 2021-04-20 10:11

بۇل تەلەفوندى ءسوزسىز قابىلداڭىز

 

 

«ۋاي، 110 با؟ مەن جاڭا عانا 96110 دەگەن نومىردەن تەلەفون قابىلدادىم، ولار ماعان تەلەگراف الدامشىلىعىنا جولىقتىڭ دەيدى، ولاردىڭ ايتىپ وتىرعانى شىندىق پا، جوق الدە جالعان با؟ سەنەر-سەنبەسىمدى بىلمەي، سىزدەرگە تەلەفون شالىپ وتىرمىن. وسىنىڭ ءوزى الدامشىلاردىڭ تەلەفونى ەمەس پە؟»

 

«جارايسىز، بەيتانىس نومىردەن تەلەفون كەلگەندە وڭاي-وسپاق سەنە سالماي، قىراعىلىقتى ارتتىرىپ ساقتانۋ ويىڭىز توتەنشە دۇرىس بولعان. الايدا، بۇل 96110 دەگەن ءنومىر الدامكوستەردىڭ تەلەفون ءنومىرى ەمەس، بۇل ـ بۇكىل ەل بويىنشا ءبىر تۇتاس قولدانىلاتىن الدامشىلىققا قارسى تەلەفون، بۇقارانى ساقتاندىرۋ، ناسيحاتتاۋ جانە ساقتىق ۇگىتى سياقتى قىزمەتتەرگە ىستەتىلەدى.»

 

ورتالىق تەلەۆيزياسىنىڭ حابارىنا قاراعاندا، بيىل جىل باسىنان بەرى ەلىمىز بويىنشا كۇنىنە ورتا ەسەپپەن 2700 تەلەگراف، توراپ الدامشىلىعى دەلوسى تۋىلعان بولىپ، كۇندىك زيان ورتا ەسەپپەن 140 ميلليون يۋانعا جەتكەن.

 

قوعام حاۋىپسىزدىگى مينيسترلىگى قىلمىستىق ىستەر بارلاۋ مەكەمەسى مەملەكەت بويىنشا بىرلىككە كەلگەن ساقتاندىرۋ، اقىل-كەڭەس سۇرۋ ارناۋلى لەنيالى تەلەفونى «96110 دى» جولعا قويدى. ەگەر وسى نومىردەن تەلەفون كەلسە، ءسوزسىز قابىلداڭىز. الدا-جالدا قىلمىس دەرەگىن بايقاي قالساڭىز، وسى نومىرگە تەلەفون شالىپ اشكەرەلەسەڭىز بولادى.

 

 «96110» - بۇكىل ەل بويىنشا بىرلىككە كەلگەن ساقتاندىرۋ، ناسيحات ايتۋ، كەڭەس سۇراۋ تەلەفونى بولىپ، قازىر ونىڭ مىناداي 3 ءتۇرلى قىزمەت وتەۋ فۋنكتسياسى بار

 

ناسيحات ايتۋ: «96110» دەگەن نومىردەن تەلەفون قابىلداساڭىز، ءوزىڭىزدىڭ نەمەسە وتباسىڭىزداعىلاردان بىرەۋدىڭ تەلەگراف، توراپ الدامكوستىگىنە ۇشىراعاندىعىنان نەمەسە وڭاي الداناتىن قاتەرلى ادامدار توبىنا جاتاتىندىعىنان دەرەك بەرەدى.

 

اقىل-كەڭەس سۇراۋ: ەگەر بۇقارادا تەلەگراف، توراپ الدامكوستىگىنە ۇشىرادىم دەگەن كۇمان تۋىلسا، وسى نومىردەن كەڭەس سۇراۋىنا بولادى.

 

اشكەرەلەۋ: ەگەر بۇقارا تەلەگراف، توراپ الدامشىلىعىنا ساياتىن زاڭعا قايشى قىلمىس دەرەكتەرىن بايقاسا، وسى ارناۋلى لەنيا ارقىلى اشكەرەلەۋىنە بولادى.

 

تەلەگراف، توراپ الدامشىلىعىنان قالاي ساقتانامىز

 

1. باسقالاردىڭ ەسەبىنە اقشا اۋدارعاندا ابايلاۋ كەرەك: زاڭسىز ەلەمەنتتەر «سوت مەكەمەسىنىڭ شاقىرتۋ قاعازى كەلدى»، «تەلەفون اقىسى تولەنبەپتى»، «تانىس ادامىڭ شىرعالاڭعا ۇشىرادى» دەگەن سياقتى تاسىلدەردىڭ قايسىسىن ىستەتسە دە، ەڭ سوڭىنداعى ماقساتى ءسىزدى الداپ، بانكە كارتچكاڭىزداعى اقشاڭىزدى ءوز ەسەپتەرىنە اۋدارتۋ بولىپ تابىلادى. الدا-جالدا اقشانى ولار ايتقان ەسەپكە اۋدارا قالساڭىز بولعانى الدامشىلار دەرەۋ الىپ الادى دا، ەكىنشىلەي قارادا بويىن، قاردا ءىزىن كورسەتپەي كەتەدى. سوندىقتان، مەيلى توراپ بانكەسىندە بولسىن نەمەسە بانكەنىڭ قىزمەت وتەۋ تەرەزەلەرىندە، ATM جابدىعىندا بولسىن، بەيتانىس ادامدارعا اقشا اۋدارا كورمەڭىز، الدانىپ قالۋدان ساقتانىڭىز!

 

2. سالماقتىلىقپەن توتەپ بەرۋ كەرەك: تەلەگراف، توراپ الدامشىلىعىندا نەگىزىنەن تەلەفون شالۋ سياقتى تىكەلەي جاناسپايتىن تاسىلدەرمەن ۇرەيلەندىرۋ، الداۋ ارقىلى الدامشىلىق ىستەيدى. كوپشىلىك مۇنداي تاسىلدە الدامشىلىق جاسىرىنىپ جاتاتىندىعىن تانىپ جەتۋى كەرەك، بانكە، مەكتەپ، شيپاحانا، قوعام حاۋىپسىزدىگى، پروكۋراتۋرا، سوت مەكەمەسى سياقتى تاراۋلار سىزگە استە تەلەفون شالۋ ارقىلى اقشانى ەسەپكە اۋدارۋ تالابىن قويمايدى. كوپشىلىكتىڭ وسىنداي كۇماندى تەلەفونداردى قابىلداعان كەزدە ابىرجىپ كەتپەگەنى ءجون.

 

 3. قارسى جاقتىڭ شىرعاسىنان باس تارتا ءبىلۋ كەرەك: ەڭبەك ەتپەي، تەر توكپەي اساتىنان كەنەلە كەتەتىن جاقسىلىق ەشقايدا جوق، سيلىققا يە بولدىڭ، باجىڭدى قايتاراتىن بولدى، كەپىلسىز بەرىلەتىن تومەن ءوسىمدى قارىز اقشا الىپ ال دەگەندەي جاقسىلىقتار ەش سەبەپسىز قولعا كەلە قالمايدى. كوپشىلىك بەيتانىس ادامداردان وسى مازمۇندارداعى تەلەفون قابىلداعاندا نەمەسە كەلتە حات تاپسىرىپ العاندا بۇعان سەنبەڭىزدەر، ەلەمەي قويىڭىزدار.

 

 4. بەيتانىس ادامداردان كەلگەن كەلتە حات جالعانىمىن اشپاۋ كەرەك: قولفونىڭىزعا بەيتانىس بىرەۋدەن كەلتە حات كەلە قالعاندا، اسىرەسە، ىشىندە توراپ جالعانىمى بار كەلتە حاتتاردى كورگەندە، ەڭ جاقسىسى اشپاي-اق قويىڭىز.

 

5. دالەلدەۋ ءنومىرىن ەشكىمگە ايتپاۋ كەرەك: بانكە، اليپاي (جىفۋباۋ) قاتارلى اقشا تولەۋ تۇرىندەگى APP لەر جىبەرگەن كەلتە حات ارقىلى دالەلدەۋ نومىرلەرى دەرلىك توتەنشە ماڭىزدى قۇپيا ينفوراماتسيالار بولىپ سانالادى. تۇتىنۋشىلار كەلتە حات ارقىلى كەلگەن وسىنداي دالەلدەۋ نومىرلەرىن ەشقانداي ورگانعا نەمەسە جەكە ادامعا ايتپاعانى ءجون، دالەلدەۋ ءنومىرىن باسقالار ءبىلىپ الىپ، اقشانى ۇپتەپ كەتۋىنەن ساقتانۋ كەرەك. 

 

6. توراپتا تىركەلۋدە اباي بولۋ كەرەك: ءتۇلى توراپ تەكشەلەرىنىڭ دامۋى بىزگە قولايلىلىق اكەلگەنى شىندىق، الايدا، مۇنىڭ دا اسىلى مەن جاسىعى ارالاس ءجۇر. توراپتا تىركەلۋدە ادەتتە تەلەفون ءنومىر سياقتى ينفورماتسيالاردى تولدىرۋدى قاجەت ەتەدى، الدا-جالدا جۇيەگە تۇسپەگەن توراپ بەكەتتەرىندە جەكە ينفورماتسياڭىزدى جازساڭىز، جەكە قۇپيالىعىڭىزدىڭ شاشىلىپ كەتۋىنە اپارىپ سوعۋى ابدەن مۇمكىن.

 

قازىر كەيبىر الدامشىلار وسى نومىرگە ەلىكتەۋ ءۇشىن، الدىنا «00» سياقتى سيفرلار قوسىپ الاتىن بولىپتى. بۇل تۇردەگى نومىرلەردى الدامشىلىق تەلەفونى دەپ تۇراقتاندىرۋعا بولادى، كوپشىلىك، ءسوز جوق، ابايلاپ پارىقتاندىرۋى كەرەك.

 

مۇندا نازار اۋدارۋعا تاتيتىن ءىس ـ «96110» ءنومىرى تەك الدامشىلىققا قارسى ساقتاندىرۋعا، ناسيحات ايتۋعا جانە الدامشىلىقتان ساقتانۋدا كەڭەس سۇراۋعا عانا قولدانىلادى، ساقشىعا مالىمدەۋ ءنومىرى ەمەس. ەگەر الدامشىلىققا تاپ بولساڭىز، دەرەۋ 110 عا تەلەفون شالىپ ساقشىعا مالىمدەپ، كومەك سۇراۋدى ۇمىتپاڭىز.

اۋدارعان: نۇرگۇل قۇمارقان قىزى

来源:工人日报

 

 

编辑、制作:古丽美热

 

中央广播电视总台 央广网 版权所有

بۇل نومىردەن تەلەفون كەلسە، ءسوزسىز قابىلداڭىز

ەگەر بۇقارا تەلەگراف، توراپ الدامشىلىعىنا ساياتىن زاڭعا قايشى قىلمىس دەرەكتەرىن بايقاسا، وسى ارناۋلى لەنيا ارقىلى اشكەرەلەۋىنە بولادى