· 

مەكتەپ ىشىندەگى شاعىن دۇكەننىڭ ٴۇش جىلدىق كوتەرەگە الۋ اقىسى 3 ميلليون 200 مىڭ يۋانعا شىقتى

·

ٴبىر ورتا مەكتەپتىڭ ىشىندەگى شاعىن دۇكەندى باسەكەلەستىرىپ كوتەرەگە بەرگەندە، ٴۇش جىلدىق كوتەرەگە الۋ اقىسى قالىپتان تىس جوعارى باعاعا شىققان، بۇل تاڭعالارلىق ٴارى ادامدى الاڭداتاتىن جاعداي. 

جاقىندا، شيننيڭ اۋداندىق 2-ورتا مەكتەپتىڭ ىشىندەگى ٴبىر شاعىن دۇكەندى كوتەرەگە بەرۋ اقىسى قالىپتان تىس جوعارى بولۋ ماسەلەسى قوعامدا كۇشتى اڭىس قوزعادى. مەديالاردىڭ حابارىنا قاراعاندا، وسى شاعىن دۇكەندى باسەكەلەستىرىپ كوتەرەگە بەرۋ اقىسى 680 مىڭ يۋاننان باستالعان، لۇي فاميليالى بىرەۋ 3 ميلليون 200 مىڭ يۋان باعا بەرىپ باسەكەلەستىرىپ كوتەرەگە بەرۋدە جەڭىپ شىققان. 

بۇل مەكتەپ ىشىندەگى شاعىن دۇكەننىڭ ٴبىرىنشى رەت جۇرت الدىندا اسا جوعارى باعادا كوتەرەگە بەرىلۋى ەمەس، سوناۋ 2016-جىلدىڭ وزىندە دە، گۋاڭشي ولكەسى ناننيڭ قالالىق 3-ورتا مەكتەپتىڭ ىشىندەگى شاعىن دۇكەندى بەسەكەلەستىرىپ كوتەرەگە بەرگەندە، جىلدىق ماي اقىسى 1 ميلليون 730 مىڭ يۋانعا شىققان حابارى، جۇرتشىلىقتىڭ اسا جوعارى ماي اقىسى وقۋشىلاردىڭ تۇتىنۋ جۇگىن اۋىرلاستىرىپ جىبەرە مە دەگەن الاڭداۋشىلىقتارىن تۋدىرعان بولاتىن. 

 ٴجون-جوسىق بويىنشا ايتقاندا، تەك بازار زاڭدىلىعىنا ىلايىق كەلسە، ٴارى باسەكەلەستىرۋ بارىسىندا ماسەلە بولمايدى ەكەن، شاعىن دۇكەننىڭ كەلىسىم باعاسى قانشا جوعارى بولسا دا بەلگىلەمەگە ۇيلەسەدى. ٴبىراق، جۇرتشىلىقتىڭ وقۋشىلاردىڭ «پىسقان اسقا» اينالىپ قالۋىنان الاڭداۋى مۇندا تۇرعان ٴىس. حابارعا قاراعاندا، شيننيڭ اۋداندىق 2-ورتا مەكتەپ جابىق باسقارىلاتىن مەكتەپ ەكەن، وقۋشىلاردىڭ مەكتەپكە ەمىن-ەركىن كىرىپ-شىعۋىنا بولمايدى؛ وقۋشىلار كۇندەلىكتى ۋاقىتتا مەكتەپ اسحاناسىنان تاماقتاۋدان سىرت، شاعىن دۇكەنگە عانا بارا الادى. جابىق باسقارىلاتىن ورتادا تۇتىنۋ، ساۋدانى شەڭگەلدەۋ جاعدايىن وڭاي تۋدىرادى، وقۋشىلار باعا تالاسۋدى بىلمەيتىندىكتەن «پىسقان اسقا» اينالىپ قالۋىنان ساقتانۋ قيىن. وسىنشاما اسپانداعان جىلدىق ماي اقىنى تاپسىرۋ ٴۇشىن، دۇكەن يەسى باعانى استىرتىن ورلەتىپ جىبەرمەس پە، اۋەلدەسەڭ، جالعان-جارامسىز زاتتاردى ساتىپ، ساۋدانىڭ وزىندىك قۇنىن وقۋشىلاردىڭ موينىنا جانامالاي ارتىپ قويماس پا؟

قىسقاسىن ايتقاندا، مەيلى دۇكەن اشسىن، مەيلى دۇكەندى مايعا السىن، ەڭ ماڭىزدىسى وقۋشىلاردىڭ مۇددەسى مەن ازىق-تۇلىكتىڭ حاۋىپسىزدىگىنە كەپىلدىك ەتۋ كەرەك. مەكتەپ ساۋدا بازارى ەمەس، وقۋشىلاردىڭ قالتاسىن قاعۋدى عانا ويلاۋ، تەك مەكتەپتە باسسىزدىقتى اسقىندىرۋدان باسقا دانەڭە ەمەس. شاعىن دۇكەننىڭ ماي اقىسى مەيلى قانشا جوعارى بولسا دا، وقۋشىلارعا قىزمەت وتەيتىن ورىن، ٴونىمنىڭ وزىندىك قۇنىن مۇمكىندىكتىڭ بارىنشا تومەندەتىپ، وقۋشىلاردى باعاسى اناعۇرلىم ارزان، ساپاسى اناعۇرلىق جاقسى ونىمدەرمەن قامداۋى كەرەك. ال مەكتەپ جونىنەن العاندا، عىلمي تۇردە باسەكەلەستىرگەننەن كەيىن، شاعىن دۇكەننىڭ ونىمدەرىنىڭ ٴتۇرى، ساپاسى، باعاسى قاتارلى جاقتاردان باقىلاۋدى بوساڭسىتپاي، ۇيلەسىمدى تۇردە باقىلاپ باسقارىپ، وقۋشىلاردىڭ ۇقىق-مۇددەسىنە كەپىلدىك ەتۋى كەرەك.

حۋنان ولكەسى شاۋياڭ قالالىق الەۋمەتتىك بايلىقتى ساۋدالاۋ ورتالىعى توراپ سايتىنىڭ قيما سۋرەتى

«ماي اقىسى اسا جوعارى شاعىن دۇكەن» ماسەلەسى كوپ جاققا ساياتىن ماسەلە، ٴبىراق، مەيلى قالاي بولسىن، وقۋشىلاردىڭ بەدەل تولەۋىنە بولمايدى. قازىر، شيننيڭ اۋداندىق 2-ورتا مەكتەپتىڭ شاعىن دۇكەنىنە اشىق مەردىگەر شاقىرۋ ٴىسى ۋاقىتتىق توقتاتىلعان، جەرگىلىكتى ورىننىڭ قاتىستى تاراۋلارى جان-جاقتىلى تەكسەرۋدى قولعا الىپ، تەكسەرۋ ناتيجەسىنە ساي، زاڭ-ٴتۇزىم بويىنشا ٴبىرجاقتىلى ەتپەكشى. ٴبىز جەرگىلىكتى ورىننىڭ جۇرتشىلىقتىڭ جوعاردا ايتىلعان الاڭداۋشىلىعىن ىلايقتى تۇردە شەشەتىن جوبانى تەزىرەك العا قويۋىن ٴۇمىت ەتەمىز. 

اۋدارعان: اناربەك ٴابىلماجىن ۇلى 

来源：新华网

监制、审稿：叶力夏提

编辑、制作：古丽美热