ەركەش قۇرمانبەك قىزىنىڭ «ارعىماق اسۋى» رومانىنىڭ تالقى ٴماجىلىسى بەيجيڭدە وتكىزىلدى 

ورتالىقتىڭ شينجياڭ قىزمەتى جونىندەگى 3-رەتكى اڭگىمە ٴماجىلىسىنىڭ رۋحىن ودان ارى دايەكتى تياناقتاندىرۋ، جۇڭحۋا ۇلتى ورتاق تۇلعا تانىمىن بەرىك ورناتۋدى تياناق ەتىپ، ادەبيەت ارقىلى «مادەنيەتپەن شينجياڭدى نۇرلاندىرۋعا» دەم بەرۋ، از ۇلتتار ادەبيەت جاسامپازدىعىنىڭ دامۋىن ىلگەرىلەتۋ ماقساتىندا 5-ايدىڭ 7-كۇنى جۇڭگو جازۋشىلار قوعامىنىڭ جاسامپازدىق بايلانىس ٴبولىمى مەن شينجياڭ ۇيعۇر اۆتونوميالى رايوندىق جازۋشىلار قوعامى بىرلەسىپ ۇيىمداستىرعان قازاق جازۋشىسى ەركەش قۇرمانبەك قىزىنىڭ «ارعىماق اسۋى» رومانىنىڭ تالقى ٴماجىلىسى بەيجيڭدە وتكىزىلدى. جۇڭگو جازۋشىلار قوعامى شۋجيچۋىنىڭ شۋجيى چيۋ حۋادۇڭ ماجىلىسكە قاتىناستى ٴارى ٴسوز سويلەدى، تانىمالى جازۋشىلار جانە ادەبي سىنشىلار تالقىعا قاتىناسىپ، رومان تۋرالى ٴوز باعالارىن بەردى.

ماجىلىسكە قاتىناسقان مامان-وقىمىستىلار ٴماتىننىڭ ەرەكشەلىگى، ٴتىل ستيلى، مادەني ٴمانى، ٴداۋىر رۋحى سياقتى كوپتەگەن تۇرعىدان «ارعىماق اسۋى» اتتى روماندى ىشكەرىلەي تالقىلادى. كوپشىلىك ٴبىر اۋىزدان بىلاي دەپ قارادى: «ارعىماق اسۋى»- شينجياڭداعى باي مازمۇندى جۇڭحۋا مادەنيەتىنەن تامىرى العان، تاريحي تەرەڭ كوز اياعا يە شىنايى تۋىندى. رومان رەفورما جاساپ، ەسىك اشقاننان بەرگى «ارعىماق اسۋى» سىندى وسى توپىراقتاعى تۇرلىشە داۋىردەگى گۋمانيتارلىق بەت-بەينەگە نازار اۋدارىپ، ٴار ۇلت حالىق بۇقاراسىنىڭ جاراسىمدى ورتاق ٴومىر ٴسۇرۋىنىڭ، تاماشا تۇرمىسقا قاراي قول ۇستاسا العا باسۋىنىڭ جاندى كارتيناسىن كەسكىندەدى.

ەركەش قۇرمانبەك قىزى ٴتىلشى سۇحباتىن قابىلداعان كەزدە بىلاي دەدى:  -«ارعىماق اسۋى»-رومان جاسامپازدىعى سالاسىنداعى تىرناق الدى تۇڭعىش شىعارمام، شىعارمانى قولعا الىپ جازعانىما دا 5، 6 جىلدىڭ ٴجۇزى بولدى، سولتۇستىك شينجياڭداعى، قيىر شەت رايوندا ٴومىر ٴسۇرىپ جاتقان كوپ ۇلتتان قۇرام تاپقان شاعىن قىستاقتاعى تۇرعىنداردىڭ باقىتتى تۇرمىسقا دەگەن قۇلشىنىسىن اڭگىمە ارقاۋى ەتتىم.

-سىنشىلار: «روماندا تەك قيىر شەتتەگى سول ٴبىر اۋىلدىڭ اڭگىمەسى ەمەس، قايتا وسى رەفورما جاساپ، ەسىك اشقان 40 نەشە جىلدان بەرگى جالپى جۇڭگوداعى قاراپايىم حالىقتىڭ قۇلشىنسى، ٴومىرى جازىلعان ەكەن» دەپ باعا بەردى، بۇعان ٴبىرشاما قۋانىپ، كوڭىلىم تولىپ قالدى.

-كىتاپتاعى «ارعىماق اسۋى» ٴمالىم جايلاۋدىڭ اتى، بۇندا قازاق تۇرمىسىنداعى قازاقي بوياۋى قانىق كەلەتىن كوپتەگەن جەر اتتارى كەزدەسىپ وتىرادى، مىسالى: «قاسقىر قاشقان»، «جەل ۇيىعى»، وسى سياقتى اتاۋلار حانزۋشاعا اۋدارىلىپ كەتتى، ٴبىراق تۇپكى قاينارى قازاق ومىرىنەن الىنعان. كىتاپتىڭ قازىرشە قازاقشا اۋدارماسى شىعا قويمادى، كىتاپتى توراپتان ساتىپ الۋعا بولادى.

ەركەش قۇرمانبەك قىزى قازىرگە دەيىن «كەلمەسكە كەتكەن قاراكەر»، «تاڭ اتار، كۇن باتار» پوۆەستەر جيناعى، «ەرتىس سىڭعىرى» اتتى اڭگىمەلەر جيناعى، «اق سارباس» اتتى سانۋىندەر جيناعىنىڭ، سونداي-اق بىرنەشە جيناقتاردىڭ اۆتورى، بۇدان تىس ومارعازى ايتان ۇلى، ورازحان احمەتوۆ، جۇماباي ٴبىلال ۇلى قاتارلى اقىن-جازۋشىلاردىڭ كەسەك شىعارمالارىن حانزۋ تىلىنە اۋدارىپ جەتكىزدى، بۇدان تىس «ٴبىر بەلدەۋ، ٴبىر جول» جوباسى بويىنشا قازاقستان جازۋشىلارىنىڭ دا شىعارمالارىن حانزۋ تىلىنە اۋدارىپ تانستىردى. بۇدان تىس، كينو سەنەريالارىنىڭ دا كورەرمەندەردەن العان باعاسى وتە جوعارى، جازۋشى قازىر تاعى دا ٴوز تابىستارىمەن، ٴتۇرلى باسىلىمداردا، باسپالاردا شىعاتىن شىعارمالارىمەن وقىرمانداردى قۋانىتۋدى جوسپارلاپ وتىر.

来源：央视网

监制，审稿：叶力夏提

记者：叶里肯不拉

微信制作：阿依娜