بۇگىن 5-ايدىڭ 13-كۇنى، بەيسەنبى، الدىمەن ەل ٴىشى جانە حالىقارالىق قىسقا حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر: 

您的浏览器不支持 audio标签

※3 تاراۋ ىندەتپەن شايقاسقان ەمدەۋ قىزمەتكەرلەرىنىڭ اقىلى دەمالىستان يگىلىكتەنۋلەرىنە بولاتىندىعىن جاريالادى. 

※ۋ جاۋشيە تايۋاندى دەربەستەندىرمەك بولعان توڭمويىنداردىڭ قاتارىنا جاتقىزىلدى ما؟-دەگەن ماسەلە جايلى مەملەكەتتىك كەڭەستىڭ تايۋان ىستەرى كەڭسەسى وسى ادامنىڭ جاۋاپكەرشىلىگىن زاڭ بويىنشا ٴومىر بويى قۋزاستىرۋ كەرەكتىگىن ايتتى. 

※جەكەلىك كولىكتەردىڭ ساندى مالىمەت ينفورماتسياسىن جيناعاندا كولىك يەسىنىڭ ماقۇلداۋىنان ٴوتۋى كەرەكتىگى جونىندە توراپ ينفورماتسيا كەڭسەسى جاماعاتتان پىكىر سۇرادى. 

※جۇڭگو ويىن-ساۋىق كاسىپتىك قوعامى ونەرپازدار جانكۇيەرلەرىنەن قارجى جيناسا جازاعا تارتىلاتىندىعىن ۇقتىردى. 

※جۇڭگو بانكە قامسىزداندىرۋىن باقىلاۋ-باسقارۋ كوميتەتى ىشكى موڭعۇل باقىلاۋ-باسقارۋ مەكەمەسىنىڭ بۇرىنعى باستىعى شۋە جينيڭگە 400 ميلليون يۋاننان استام پارا الدى دەگەن ايىپ تاعىلدى. 

※حانزۋ ۇلتىنىڭ ٴداستۇرلى كيىم -كەشەك ساۋداسى كۇسەتتەنە ٴتۇستى، ەلىمىزدىڭ وسى جاعىنداعى بازار كولەمى 10 ميلليارد يۋاننان اسۋى مۇمكىن. 

※تاياۋدا، جياڭشي 1-دوحتىرحاناسىنىڭ باستىعى مەرەكە-مەيرامداردا قول استىنداعىلاردىڭ توپ-توبىمەن ٴارى كەزەكپەن ۇسىنعان ساۋعاسىن قابىلدايدى ەكەن، دەگەن اڭىس تارالدى. بۇعان قاراتا جياڭشي گۋاڭفىڭ رايوندىق پارتكوم حابارلاندىرۋ شىعارىپ، وسى ٴىستىڭ تەكسەرىلىپ جاتقاندىعىن، ىسكە قاتىستى ادامنىڭ قىزمەتتەن توقتاتىلعاندىعىن ايتتى. 

※جىجياڭ ولكەسىنىڭ حاڭجوۋ قالاسىندا ۋ يۋە ەلىنىڭ پاتشاسى چيان چۇيدىڭ قابىرى تونالعان بولعان، قابىر جەرگىلىكتى رايوندىق ۇكىمەتتەن نەبارى 1000 مەتر قاشىقتىقتا، ۇرلانعان 175 دانا مادەني مۇرا قازىر تۇگەلدەي قايتارىپ الىنىپ، 39 ادام تۇتقىندالدى. 

※شەتەل مەديالارى تاليبان قارۋلىلارىنىڭ افعانستاننىڭ استاناسى ماڭىن باسىپ العاندىعىن حابارلادى. 

※تايلاند ايەلدەر ۆاليبول قۇراماسىنداعىلار شەتىنەن ىندەتپەن جۇعىمدالىپ، دۇنيە جۇزىلىك ۆاليبول بىرلەسپە جارىسىنا قاتىناسا المايتىن بولدى. 

※حانگونىڭ تان تۋ قورىق رايونىن دۇنيە مۇراعاتتارى تىزىمدىگىنە ەنگىزۋ ٴوتىنىشىن ب م ۇ تويتاردى، ال حانگو ۇكىمەتى ٴۇمىتىن ۇزبەيتىندىگىن اڭعارتتى. 

※جاپونيا تاريحى ۇزاقتاۋ ٴبىر يادرو ەلەكتر اگرەگاتىن قايتا ىسكە قوسپاقشى، تەگىندە سول ورىندا تۋىلعان شىرعالاڭنان 5 ادام قازا بولعان ەدى. 

※گرەتسيانىڭ افينا قالاسىندا بىرەۋدىڭ ۇيىنە باسىپ كىرىپ بۇلاپ-توناپ، ادام ولتىرگەن قانقۇيلى دەلو تۋىلدى، 20 جاستاعى ٴبىر ايەل ادام باقىتقا قارسى قازا بولدى. 

※فۋجوۋداعى ٴبىر رەستروندا توي ساحىناسىنا ٴورىت كەتىپ، رەستروننىڭ ورتتەن ساقتانۋ جۇيەسىن ارقىلى ٴورىت دەر كەزىندە ٴوشىرىلدى، قاتىستى ادامدار جونىندە دەلو تۇرعىزىلىپ، تەكسەرۋ جۇمىسى جەدەل جۇرىلۋدە. 

※جياڭسۋدىڭ يي شيڭ قالاسىندا قانقۇيلى ادام ٴولتىرۋ دەلوسى تۋىلدى، ٴبىر ەر ادام بۇرىنعى ايەلىن جانە 7 جاسار قىزىن قامتىعان 3 ادامدى جان ٴتاسىلىم ەتتى. 

※چيچيحار قالاسىنا قاراستى ٴبىر قىستاقتا توپتى قاسقىردىڭ ٴىزى بايقالدى، قاتىستى ورىندار: بۇل ىزدەردىڭ قاسقىر ٴۇيىرىنىڭ ٴىزى ەكەندىگىن راستادى. 

※جوۋشان قالاسىندا ٴبىر ايەل الدانىپ، 2 ميلليون 850 مىڭ يۋان شىعىم بولدى، بلتىر وسى ايەل تاعى دا ٴدال وسى الدامكوسكە 1 ميلليون يۋانعا الدانعان ەكەن. 

※تاياۋدا، شاڭحايدا ٴبىر باستاۋىش مەكتەپ وقۋشىسى ٴيتىن ويناتىپ ٴجۇرىپ، 510 مىڭ يۋان اقشا تاۋىپ الىپ، قاز-قالپىندا، ساقشى ورنىنا تاپسىرىپ بەردى. قازىر بۇل اقشالار تۇگەلدەي يەسىنە تابىس ەتىلدى. 

※شينحۋا تورابى «ەلەكترلىك موتوسيكلدىڭ ليفتتە جانىپ كەتۋ» وقيعاسى جايلى شولۋ جاريالاپ، مۇنداي احۋالعا استە نەمقۇرايدى قاراۋعا بولمايتىندىعىن ايىرىقشا ەسكەرتتى.

※ا ق ش مەملەكەتتىك اۋياتسيا عارىش مەكەمەسى «القا فورمالى جۇلدىزدار شوعىرىنىڭ» كەسكىنىن جاريالادى. جارىق جۇلدىز حيكىمەتى ٴتامام جۇرتتى تاڭعالدىردى.

※ا ق ش تىڭ اريزونا شتاتىنىڭ دوگراس قالاسىندا، ٴبىر قوڭىر ايۋ ەلەكتىر باعاسىنا اسىلىپ قالىپ، توڭىرەكتەگى جۇرتتى دۇرلىكتىردى.

※ەمتيحاندا 100 ٴنومىر العان بالانىڭ الاقايلاپ شاتتانعان بەينەسى ساباقتاستارىن دۋ كۇلدىردى. كلاستاستار شاپالاق سوعىپ، وعان شابىت بەردى. 

您的浏览器不支持 audio标签

 «يممۋنيتەتتىك شەگارانى» جويىپ، ىندەتكە قارسى تۇرۋ سەلبەستىگىن جەبەيىك

 ۆاكسينا ــ ۆيرۋسقا قارسى تۇرۋدىڭ وتكىر قارۋى ءارى تىرشىلىكتى قۇتقارۋدىڭ ۇزىلمەسٴۇمىتى. جۇڭگو ادامزاتتىڭ دەنساۋلىق ساقتاۋ، سالاماتتىق ورتاق تۇلعاسى تانىمىن ۇستانىپ، الەمدىك ۆاكسينانىڭ ادىلدىگىن بەلسەنە جەبەپ كەلەدى. جۇڭگو قازىر وركەندەۋ جولىنداعى ەلدەردى ۆاكسينامەن ەڭ كوپ قامداعان مەملەكەت سانالادى، وركەندەۋ جولىنداعى 80 نەن استام مەملەكەتتى ىلگەرىندى-كەيىندى ۆاكسينامەن قامداپ، 50 نەشە مەملەكەتكە ۆاكسينا ەكسپورت ەتتى. حالىقارالىق قوعام جاپپاي بىلاي دەپ قارادى: جۇڭگو ۆاكسينانىڭ وركەندەۋ جولىنداعى ەلدەردە جالپىلاسۋ كولەمىن كەڭەيتۋ جانە جۇگىن جەڭىلدەتۋدە، «يممۋنيتەتتىك شەگاران» جويۋدا، سونداي-اق حالىقارالىق ىندەتكە قارسى تۇرۋ سەلبەستىگىن ىلگەرىلەتۋدە ەرەسەن ماڭىزدى ۇلەستەر قوستى.

دۇنيە دەنساۋلىق ساقتاۋ ۇيىمى 5-ايدىڭ 7-كۇنى، جۇڭگو ٴدارى-دارمەك توبى جۇڭگو بيو بەيجيڭ بيولوگيالىق ونىمدەردى زەرتتەۋ ورنى زەرتتەپ جاساعان اۋرۋ قوزدىرعىش ميكروورگانيزمدەردى جانە ودان پايدا بولعان توكسيندى تازالاۋ رولىنا يە قۋاتسىزداندىرىلعان ۆاكسينانىڭ دۇنيە دەنساۋلىق ساقتاۋ ۇيىمىنىڭ شۇعىل جاعدايدا پايدالانۋ كۋالاندىرۋىنان وتكەندىگىن جاريالادى. دۇنيە دەنساۋلىق ساقتاۋ ۇيىمىنىڭ جۇڭگوداعى ۋاكىلى گاۋ لي بىلاي دەدى: بۇل دۇنيە جۇزىنە جۇڭگونىڭ ۆاكسينا ساپاسىنىڭ كەپىلدىككە يە ەكەنىن، حاۋىپسىز پايدالانۋعا بولاتىندىعىن، دۇنيە دەنساۋلىق ساقتاۋ ۇيىمىنىڭ ونىمدىلىك تالابىنا ۇيلەسەتىندىگىن ٴارى بۇكىل جەر شارىندا كەڭ تارالعان جۇقپالى اۋرۋعا قارسى تۇرۋدىڭ ماڭىزدى قۇرالىنا اينالعاندىعىن كورسەتتى. بۇل جۇڭگونىڭ زەرتتەۋ-اشۋ قابىلەتى مەن ٴوندىرىس قۋاتىنىڭ نىعايعانىن، سونداي-اق جەرشارىندىق دەنساۋلىق ساقتاۋ ىستەرىنە وراسان زور ۇلەس قوسۋ ۋادەسىن اتقارعانىن، بۇكىل جەر شارىندىق الەۋمەتتىك دەنساۋلىق ساقتاۋ ونىمدەرىمەن قامداۋ رولىن ساۋلەلەندىرگەندىگىن اڭعارتادى.

افريكا اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى احمەد وجەۆەر بىلاي دەدى: جۇڭگو مەملەكەتتىك ٴدارى ـ دارمەك توبىنىڭ جاڭا تيپتى ايدارشا ۆيرۋس ۆاكسيناسى دۇنيە دەنساۋلىق ساقتاۋ ۇيىمىنىڭ شۇعىل پايدالانۋ كۋالاندىرۋىنان ٴوتتى، بۇل جۇقپالى اۋرۋ اسقىنعان مەملەكەتتەر مەن حالقى جونىنەن بوركىن اسپانعا اتاتىن قۋانىشتى حابار،بۇل دۇنيە دەنساۋلىق ساقتاۋ ۇيىمى جەتەكشىلىك ەتكەن «جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى ۆاكسيناٴوندىرۋ جوسپارىن» اتقارۋعا جانە ۆاكسينا تاپشى ەلدەرگە ەرەكشە پايدالى. افريكا اۋرۋدى تىزگىندەۋ ورتالىعى جۇڭگو مەملەكەتتىكٴدارى دارمەك توبىنىڭ دارىلەرىن قامتىعان ۆاكسينا ٴوندىرۋشى ساۋداگەرلەرمەن ۇزدىكسىز ٴجيى سەلبەسىپ، افريكانىڭ حاۋىپسىز، ٴونىمدى جانە ەكونوميكاسى كوتەرە الاتىن ۆاكسيناعا يە بولۋىنا كەپىلدىك ەتىپ، افريكادا كەم دەگەندە 60% ادامعا ۆاكسينا ەگۋ نىساناسىنا جەتەدى.

زامبيا دەنساۋلىق ساقتاۋ مينيسترى جوناس چاڭدا بىلاي دەدى: جۇڭگو مەملەكەتتىك ٴدارى-دارمەك توبىنىڭ جاڭا تيپتى ايدارشا ۆيرۋس ۆاكسيناسىنىڭ حاۋىپسىز،ٴونىمدى ۆاكسينا ەكەندىگى دالەلدەندى. زامبيا ۇكىمەتى جۇڭگو مەملەكەتتىك ٴدارى-دارمەك توبىنىڭ ۆاكسيناسىن ەنگىزۋدى ويلاستىرىپ، ٴتىپتى دە كوپ بۇقارانىڭ ۆاكسينا ەگۋىنە كەپىلدىك ەتەدى.

ەگيپەت دەنساۋلىق ساقتاۋ جانە جان سانى مينيسترى حارا زايد بىلاي دەدى: ەگيپەتتىڭ جۇڭگو كىشيڭ سەرىكتىگىمەن سەلبەسىپ ەگيپەتتە وندىرگەن ۆاكسيناسى 6-ايدا پايدالانۋعا بەرىلەدى. بۇل ۆاكسينامەن الدىمەن جەرلىك ورىننىڭ قاجەتى قامتاماسىزداندىرىلادى، قالعان بولەگى افريكانىڭ باسقا ەلدەرىنە ەكسپورت ەتىلەدى. 

يندونەزيانىڭ ٴدارى-دارمەك، ازىق-تۇلىك باقىلاۋ-باسقارۋ مەكەمەسى تاياۋدا جۇڭگو مەملەكەتتىك ٴدارى-دارمەك توبىنىڭ جۇڭگو بيو بەيجيڭ بيولوگيالىق ونىمدەردى زەرتتەۋ ورنى زەرتتەپ جاساعان جاڭا تيپتى ايدارشا ۆيرۋس ۆاكسيناسىن شۇعىل پايدالانۋعا رۇقسات ەتكەندىگىن جاريالادى.اتالعان مەكەمەنىڭ باستىعى پەنني لۋكيتو: جۇڭگو مەملەكەتتىك ٴدارى-دارمەك توبىنىڭ وسى ۆاكسيناسى حاۋىپسىز، قارسىلىق قۋات قالىپتاستىرۋ سالىستىرماسى جوعارى دەدى.

دومينيكانىڭ پرەزيدەنتى لۋيىس ابينادىر 5-ايدىڭ 5-كۇنى جۇڭگو كىشيڭ بيولوگيالىق ٴدارى جاساۋ شەكتى جارنا سەرىكتىگىنىڭ جاڭا تيپتى ايدارشا ۆيرۋس ۆاكسيناسىن ەكتى. ول ٴوز ەلىندەگى بارلىق لايىقتى جاستاعىلاردى ۆاكسينا ەگىپ، قالىپتى تۇرمىس كۇيىن قالپىنا كەلتىرۋگە ۇندەدى. 

بۇدان سىرت،جۇڭگو ۇكىمەتىنىڭ بوتسۆاناعا، يوردانياعا، سيرياعا،سونداي-اق توگوعا كومەككە بەرگەن جاڭا تيپتى ايدارشا ۆيرۋس ۆاكسيناسى تاياۋدا ىركەس-تىركەس سول ەلدەرگە جەتكىزىلدى، كوپ ەل جۇڭگو ۇكىمەتى مەن حالقىنا شەكسىز ريزاشىلىقتارىن ٴبىلدىرىپ العىستارىن جاۋدىردى. سونداي-اق جۇڭگومەن بىرلىكتە ەكى جاقتى قاتىناستى ونان ارى دامىتىپ، ەكى ەل حالقىن ٴتىپتى دە كوپ باقىتقا كەنەلتۋدى ٴۇمىت ەتتى.

来源：中央广播电视总台

新闻速递翻译：阿曼太  播音：巴拉番

世界报道翻译：库兰   播音：古丽江

微信制作：古丽美热