ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ويلان: 500 بەتتىڭ ەملەسىن 1 مينۋتتا كورەتىن جۇيە جاريالاندى

来源:央广网     |责编:阿依娜|     发布日期: 2021-06-10 17:30

ويلان: قازاقسوفت قازاقشا تۇزەم (كوررەكتۋرا) جۇيەسى 500 بەتتىڭ ەملەسىن 1 مينۋتتا كورىپ ۇلگىرەدى

 

 

 

بۇل ماقالادا ارينە ەملەلىك قاتەلىك كورىلمەۋى ءتيىس، سەبەبى شينجياڭ ويلان ينفورماتسيا تەحنولوگياسى سەرىكتەستىگى جۋىردا عانا زەرتتەپ جاساعان «قازاقسوفت قازاقشا تۇزەم (كوررەكتۋرا) جۇيەسى» قولدانىسقا بەرىلدى. سونداي-اق بۇل ماقالا وسى جۇيەمەن وڭدەلدى.

 

تۇزەم جۇيەسىن تومەندەگى ادرەسپەن ينتەرنەتتە تىكە پايدالانۋ ادرەسى:

https: //tuzem.kazakhsoft.com

 

-ءبىزدىڭ قازاقسوفت قازاقشا تۇزەم (كوررەكتۋرا) جۇيەسى 500 بەتتىك كىتاپتىڭ ەملەسىن 1 مينۋتتا كورىپ ۇلگىرەدى، -دەيدى توراپتا «ويلان» دەگەن اتپەن تانىمال پروگرامميست ءتالىپ ءنۇسىپ ۇلى، -بۇل جۇيەگە قازىر 600 مىڭعا جۋىق قازاقشا ءسوز كىردى، ءتىل عالىمدارىنىڭ ايتۋىنا قاراعاندا، قازاق تىلىندە تۇراقتى اينالىمعا ءتۇسىپ وتىرعانى 1 ميلليون 300 دە 500 مىڭعا جۋىق ءسوز، ءبىزدىڭ ستاتيستيكا جاساپ كورگەندە اقپارات بەتتەرىندە ءجيى قولدانىستاعى ءتۇبىر سوزدەر 50 مىڭ دا 80 مىڭ اينالاسىندا، قازاق ءتىلى جالعامالى ءتىل، وسى تۇبىرلەرگە قوسىمشالار جالعاۋ ارقىلى قۇبىلتىپ، جاڭا ءسوز جاساپ كەتە بەرۋگە بولادى، سوندىقتان ءبىزدىڭ تۇزەم جۇيەسى ءتىپتى دە كوپ سوزدەردى قاراستىرۋعا تۋرا كەلەدى.

«وسى تۇزەم جۇيەسىنىڭ دالدىك دارەجەسى قانشالىق؟» دەگەن سۇراققا، ءتالىپ ءنۇسىپ ۇلى بىلاي دەدى:  -بۇل جۇيەگە ءىرى دەرەك، جاساندى زەردە تەحنولوگياسىن تۇڭعىش رەت قولدانىپ وتىرمىز، قازاق ءتىلىنىڭ ەرەكشەلىگىندە ءتۇبىر سوزگە قوسىمشا جالعاۋ ارقىلى تۋىندى ءسوز جاساپ شىعۋعا بولادى، سوندىقتان ءتۇبىردى تابۋ-ەڭ ماڭىزدى، ءتۇبىر سوزدەردى تاۋىپ شىعىپ، وعان قوسىمشالاردى جالعاۋدى مەحانيكالىق جولمەن قاراستىرۋدىڭ العاشقى ساتىسىندا بۇل باعدارلامانى جاساپ شىقتىق، ارينە قولدانۋشىلار قازىردەن باستاپ ويلاي جۇرسە بولادى، بۇل ءبىر ينتەرنەتتىك باعدارلاما، بۇندا كادىمگىدەي جان بولادى، كىشكەنە بالا سياقتى ەسەيىپ-تولىسادى، الداعى كۇندەردە ءىرى ساندى مالىمەت، جاساندى زەردە جانە تابيعي تىلدەردى كومپيۋتەر جۇيەسى ارقىلى وڭدەۋدىڭ كۇردەلى ماتەماتيكالىق مودەلدەرىن جاساۋ ارقىلى، بۇل باعدارلامانى ۇزدىكسىز كەمەلدەندىرەمىز. كەلەشەكتە باعدارلامانىڭ ەملەنى تۇزەتۋ دالدىك دارەجەسى 100 پايىز دەپ ايتۋ وتىرىك، 99 پايىز بولۋىنا سەنىمىمىز كامىل!

ويلان: ءبىزدىڭ قولدانىپ وتىرعانىمىز وتە قاتاڭ تەكسەرۋ مودەلىندەگى تۇزەم جۇيەسى

 

ءتىلشى تۇزەم جۇيەسىن العاشقى قادامدا قولدانىپ سىناپ كوردى، تۇزەم جۇيەسى «ەملەلىك قاتەلىگى بار» دەگەن سوزدەردى قىزىل بوياۋمەن انىق كورسەتەدى، سول قىزىلمەن بويالعان سوزدەردى اقىرىن تۇرتسەڭىز، باعدارلاما استىنا سول ءسوزدىڭ دۇرىس جازىلىمى جانە سوعان جۋىق سوزدەر تىزىمدىگىن ۇسىنادى، ەگەر سونىڭ ىشىندە دۇرىسى كەزىككەندە اقىرىن تۇرتسەڭىز، سول ماتىندەگى وسى نەگىزدەس ەملەلىك قاتەلىكتەر تۇگەلدەي وزگەرەدى.

 

ءبىراق تۇزەم جۇيەسىنىڭ العاشقى نۇسقاسى كەيبىر ەملەسى دۇرىس سوزدەردى دە قىزىل بوياۋمەن بوياپ كورسەتكەنى تۋرالى باعدارلاما اۆتورىنان سۇرادىق: 

 

-ءبىزدىڭ ءتىل قازىنامىز سونشالىقتى مول، قازىر ءبىزدىڭ سوزدىك قوردا 600 مىڭ عانا ءسوز بار، بۇل جالپى قازاق ءتىلى سوزدىك قورىمەن سالىستىرعاندا ءالى ازدىق ەتەدى، وعان قوسىلماي قالعان ءار سالانىڭ بولەك تەرميندەر توبىن قوسىڭىز، ودان كەيىن اتاۋ-تەرميندەردىڭ بىركەلكىسىزدىگى بۇل جۇيەنىڭ دالدىك دارەجەسىنە ءوز ىقپالىن كورسەتىپ وتىر، سونىمەن قاتار قازىر توراپ بەتتەرىندە كوپ ماتىندەردىڭ ەملەسى كوبىندە قاتە، كوپ قولدانۋشىلار ءسوزدى قاتە جازادى، سوندىقتان قازىرگى كەزەكتە ءبىزدىڭ قولدانىپ وتىرعانىمىز وتە قاتاڭ تەكسەرۋ مودەلىندەگى تۇزەم جۇيەسى، كوپ سوزدەردى ەملەسى قاتە دەپ قىزارتىپ كورسەتۋىنىڭ ءمانى سولاي، ەگەر ەملەسى دۇرىس بولسا وندا كەلەسى سوزگە وتە بەرسەڭىز بولدى، بۇل جۇيە كەمەلدەنۋ ۇستىندە، وسى 600 مىڭداي سوزدىك قوردى قوسىپ بولۋعا ىلگەرىندى-كەيىندى 3 جىلعا جۋىق ۋاقىت جۇمسادىق، جۇيەنى جاساۋ بارسىندا ءتىل ماماندارى، كوررەكتورلار مەن گازەت، جۋرنال جانە باسپا سالاسىنىڭ قىزمەتكەرلەرى كاسىبي ۇسىنىس-پىكىرلەر بەردى. 3 جىلعا جۋىق تاباندى زەرتتەۋ-ىزدەنۋ ارقىلى قازاقشا تۇزەم جۇيەسىنىڭ العاشقى نۇسقاسى جاسادىق جانە اشىق جاريالادىق. تۇزەم جۇيەسىنىڭ جازىلىم ەرەجەسى شينجياڭ ۇيعۇر اۆتونوميالى رايوندىق ءتىل-جازۋ قىزمەتى كوميتەتى قۇراستىرعان «قازاق ءتىلىنىڭ جازىلىم سوزدىگى» (ۇلتتار باسپاسى، 2015-جىل) نەگىزىندە دايىندالدى

 

بۇل ارينە قازاق تىلىندە جۇمىس جاسايتىن، قازاق جازۋىن قولدانىپ جۇرگەن زيالى قاۋىمعا «بوركىن اسپانعا اتىپ قۋاناتىنداي» جاعداي، سەبەبى بۇدان بۇرىن قازاق جازۋىندا جازىلعان ماتىندەردىڭ ەملەسىن ارناۋلى كوررەكتورلار كوز مايىن تاۋىسا وتىرىپ كورىپ وتىراتىن. ادام كۇشى جانە ۋاقىت قۇنى جاعىنان ۇتىلاتىنبىز. ال ءىرى دەرەك، بۇلتتىق ەسەپتەۋ، تابيعي تىلدەردى كومپيۋتەر جۇيەسىندە مەڭگەرۋ-زەرتتەۋ سياقتى كومپيۋتەر تەحنولوگيالارىنىڭ ۇشقان قۇستاي دامۋىنا ىلەسە، قازاق تىلىندەگى ءماتىن جۇيەسىن كومپيۋتەر ارقىلى ءبىر جاقتىلى ەتۋگە بولعان تالاپ پەن سۇرانىس كۇن سايىن ارتىپ كەلەدى. ءتىپتى بۇل جاعىندا ۇلتىمىزدىڭ كومپيۋتەر ماماندارىنا قىسىم ءتۇسىرىپ، قامشى باسۋعا تۋرا كەلدى. ارينە بۇل اۋىر مىندەتتى تاعى دا قازاقسوفت سايتىنىڭ جوباگەرى، ۇلتىمىزدىڭ ينفورماتسيا تەحنولوگياسى سالاسىنداعى ۇزبەي قۇلشىنىپ كەلە جاتقان مامانى ءتالىپ ءنۇسىپ ۇلى ورىنداپ شىقتى.

ءتالىپ ءنۇسىپ ۇلى وسى سالادا 2001-جىلدان باستاپ زەرتتەۋمەن شۇعىلدانىپ كەلەدى، وسى 20 جىل بويى باسپادان شىققان كىتاپتار، جانە ينتەرنەت بەتىندەگى ماتىندەردى سوزدىك قور رەتىندە جيناپ جۇرگەن پروگرامميست ءتىل جاناشىرى رەتىندە كوپ ءتۇرلى جۇمستار جاسادى، اۋەلى قازاقسوفت اتىندا سايت قۇرىپ، قازاق ءتىلى سالاسى مەن كومپيۋتەر تەحنولوگياسى سالاسىن ۇشتاستىرۋدى ماقسات تۇتتى، سودان بەرى قازاق جازۋلارىن سايكەستىرۋ جۇيەسى، قازاق جازۋلارىن جازاتىن حات تەرۋ جۇيەسىن، قازاقشا-حانزۋشا، اعىلشىنشا، ورىسشا ءوزارا اۋدارما جاسايتىن سوزدىك جۇيەسىن جاساپ قولدانۋشىلاردىڭ العىسىنا بولەنىپ كەلەدى، ودان تىس كومپيۋتەر سالاسىنداعى اتاۋ-تەرميندەردى ارناعا ءتۇسىرۋ جاعىندا ماڭىزدى مامان رەتىندە قارالىپ جينالىستاردا قۇندى پىكىر ءبىلدىرىپ ءجۇر، ال تۇزەم جۇيەسى ويلان سەرىكتىگى قۇرىلعاننان بەرگى تۇڭعىش ءونىمى، الدا بۇل ءونىم سىناق نۇسقاسىنان اقىلى نۇسقاسىنا قاراي وتەدى.

 

-بۇل جۇيەنى جاساۋدا ءۇش جىلداي ۋاقىت جۇمسادىق، ۋاقىت، ادام كۇشى، قارجى جاعىنان مول بوداۋلار بەردىك، الداعى كۇندەردە بۇل جۇيەدە اقىلى بولادى، سول ارقىلى وسى جۇيەنىڭ ءتىپتى دە كەمەلدەنۋىنە جول اشامىز. كەلەشەكتە بۇل جۇيە تەك سوزدەردىڭ ەملەسىن كورىپ عانا قالماستان، سويلەمدەردىڭ ارا جىگىن، سويلەمدەردەگى لوگيكالىق بايلانىستارعا دا پايىم ايتاتىن زەردەلى جۇيەگە قاراي اۋىسادى، سول كەزەڭدەردە قازاق ءتىلىنىڭ دامۋى وسىزامان تەحنولوگياسىنىڭ ابزالدىلىعىنان پايدالانىپ، الىسقا سامعاۋعا التىن قانات تاعاتىنىنا سەنە بەرىڭىز.

来源:中央广播电视总台

监制,审稿:叶力夏提

记者:叶里肯不拉

微信制作:阿依娜

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر 

中央广播电视总台 央广网 版权所有

ويلان: 500 بەتتىڭ ەملەسىن 1 مينۋتتا كورەتىن جۇيە جاريالاندى

ويلان: قازاقسوفت قازاقشا تۇزەم (كوررەكتۋرا) جۇيەسى 500 بەتتىڭ ەملەسىن 1 مينۋتتا كورىپ ۇلگىرەدى