ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

قىستاق-الەۋمەتتىك رايونداردا بالالار مەڭگەرۋشىسى تاعايىندالادى

来源:央广网     |责编:阿依娜|     发布日期: 2021-06-10 17:40

بۇگىن 6-ايدىڭ 9-كۇنى سارسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر. 

您的浏览器不支持 audio标签

※مەملەكەتتىك كەڭەس قىستاق نەمەسە الەۋمەتتىك اۋماق سايىن كەمىندە ٴبىر بالالار مەڭگەرۋشىسى تاعايىندالاتىندىعىن ايتتى. 

 

※وقۋ-اعارتۋ مينيسترلىگى حۋبەيدەگى جوعارى مەكتەپ ەمتيحانىندا قارالىق ىستەۋ ٴجايىتىن حابارلاندىردى، ەمتيحان بەرگەن وقۋشى قولفونىن قولىندا ۇستاپ جۇرگەن جۇقا كيىمنىڭ اراسىنا جاسىرىپ حاۋىپسىزدىك تەكسەرۋىنەن بىلدىرتپەي وتكەن. 

 

※تۇرعىنداردىڭ ەمدەلۋىن قامسىزداندىرۋعا بەرىلەتىن ورتاشا قازىنالىق قوسىمشا قاراجات ولشەمى ٴار ادامعا جىلىنا 580 يۋاننان تومەن بولماۋى كەرەك. 

 

※291 ٴتۇرلى APP رەتتەۋ ـ تۇزەتۋىن ورىنداپ بولا الماعاندىعى ٴۇشىن ەسكەرتۋ بەرىلدى. اسەر ەستەلىگى سەرىكتىگى، قام ـ قايعىسىز بولاشاق سەرىكتىگى سياقتى APP لەر وسى تىزىمدىكتەن ورىن الدى. 

 

※ٴۇي ساۋدالاۋ بارىسىندا بەلگىلەمەگە قايشىلىق جاساپ قوماقتى ارالىق اقشا الداعان شىنجىنداعى 29 ٴۇي دەلدالى كاسىپ سالاسىنىڭ قارا تىزىمدىگىنە ەنگىزىلدى. 

 

※ەلىمىز بيىل مەملەكەتتىك ونەركاسىپ ينتەرنەت ٴىرى ساندى مالىمەت ورتالىعى قۇرىلىسىن نەگىزىنەن تامامدايدى. 

 

※گۋاڭجوۋ قالاسى بويىنشا جابىق كوڭىل اشۋ ورىندارى، ياعني كينوحانا، تەاترحانا، KTV سياقتىلاردىڭ تيجاراتى ۋاقىتشا توقتاتىلدى. 

 

※الاقاي! جۇڭگو ايەلدەر ۆولەيبول كومانداسى 2 گە قارسى 3 ۇپايمەن برازيليا كومانداسىن جەڭدى. 

 

※دۇنيە بانكەسىنىڭ مالىمەتىندە كورسەتىلۋىنشە، جۇڭگو ەكونوميكاسىنىڭ ارتۋ مەجەسى %7.9 تەن %8.5 كە جوعارىلاتىلدى. 

 

※ب م ۇ حاۋىپسىزدىك القالار كەڭەسى گۋتتەرەستى جالعاستى باس حاتشى بولۋعا ۇسىنىس ەتتى. 

 

※فرانسيانىڭ پرەزيدەنتى ماكرون فرانسيانىڭ شىعىس وڭتۇستىك بولەگىندە ساپارلاپ جۇرگەندە ٴبىر ەر ادام ويدا جوقتا كەلىپ ونى شاپالاقتاپ كەتتى، سوڭىنان قاتىستى 2 ادام قولعا الىندى. 

 

※اۆستراليا مەديالارى اۆستراليا اۆياتسيا سەرىكتىگىنە قىلمىستىلار توبىنىڭ جاسىرىن ٴسىڭىپ كىرىپ، قىزمەتكەر بولۋ ورايىنان پايدالانىپ ەسىرتكى الىپساتارلارىنىڭ اتكەزشىلىگىنە كومەكتەسكەندىگىن حابارلادى. 

 

※ينديانىڭ شىعىس بولەگىندە جاي تۇسۋدەن 27 ادام قازا بولدى، ولگەندەردىڭ كوبى اتىزدا ەڭبەك ىستەپ جۇرگەن ديقاندار. 

 

※فۋجوۋ قالاسىنداعى ٴبىر جوعارى مەكتەپ ەمتيحان مايدانىندا ٴتىل ـ ادەبيەت ەمتيحانى الىنىپ جاتقاندا قوڭىراۋ 2 مينۋت بۇرىن شالىنعان، فۋجيان ولكەلىك وقۋ ـ اعارتۋ مەڭگەرمەسى بۇل ٴىستىڭ جاۋاپكەرشىلىگىن قاتاڭ قۋزاستىراتىندىعىن ايتتى. 

 

※تيىم سالىنعان مازمۇندار بار ينتەرنەت مادەنيەت ونىمدەرىمەن قامداعاندىقتان دوۋين تەكشەسىنە 30 مىڭ يۋان ايىپ سالىندى. 

※فۋدان ۋنيۆەرسيتەتى ماتەماتيكا عىلىمى ينستيتۋتى پارتكومىنىڭ شۋجيى ۋاڭ يۇڭجىن قاستاندىققا ۇشىراپ باقىتقا قارسى قازا بولدى، قىلمىس كۇماندىسى قىلمىستىق ىستەر بويىنشا قاماۋعا الىندى. 

 

※ٴبىر ەر ادام 38 جاشىك تەمەكى ۇرلاپ سىرت جەرگە قاشىپ 23 جىلدان كەيىن ٴوزىن مالىمدەدى. وسى 23 جىلدا ول قاشىپ ٴجۇرىپ، وتە جاپالى تۇرمىس كەشىرگەن، قوناق ۇيلەرگە بارا الماعان، كاسىپورىنعا بارىپ جۇمىس ىستەۋگە دە باتىلدىق ەتپەگەن. 

※حىناندا ٴبىر اتاي ٴورت سوندىرۋشىلەر كەلۋدەن بۇرىن ٴورتتى ٴسوندىرىپ، جۇرەكتىلىك تانىتقان. بۇل احۋالدى كورگەندەر وعان ٴدان ريزا بولعان. 

 

※سولتۇستىككە اۋعان پىلدەر توبى كۇنميڭ قالاسى جيننيڭ شيياڭ اۋىلىندا جالعاستى ايالداعان، ال پىلدەر ۇيىرىنەن بولەكتەنىپ كەتكەن جالعىز ٴپىل 10 كيلومەتر شالعايدا ٴجۇر. 

※90-جىلداردىڭ تۇلەگى بولعان ٴبىر جاس جىگىت بەس كۇن ۋاقىت جۇمساپ «ىندەتكە قارسى تۇرۋ سۋرەتىن» سىزىپ، كوپشىلىككە ۇلەس قوسپاقشى بولدى. 

※رەسەي عالىمدارى 24 مىڭ جىلدىڭ الدىنداعى ميكروورگانيزمدى ٴساتتى تۇردە «ٴتىرىلتتى»، جىبىگەن سوڭ ٴوربي الادى ەكەن. 

※كەشە حۋنان ولكەسى چاڭشا اۋدانى شيڭشا ورتا مەكتەبىندەگى جوعارى مەكتەپ ەمتيحانى الاڭىنىڭ سىرتىندا قاتىناس ساقشىسىنىڭ باس كيىمى مەن كازەكەيىن كيگەن ٴۇش جاسار كىشكەنتاي بالا چاڭشا اۋداندىق قوعام حاۋىپسىزدىگى مەكەمەسى اماندىق ۇلكەن اترەتىنىڭ حالىق ساقشىسى بولعان اكەسىنە ىلەسىپ بىرلىكتە مىندەت وتەدى، كەشە ونىڭ 3 جاسقا تولعان تۋىلعان كۇنى ەكەن. 

您的浏览器不支持 audio标签

 

30 جىلدا جۇڭگو مەن شىعىس وڭتۇستىك ازيا ەلدەرى وداعى قاتىناسىندا ساننان ساپاعا ٴوتىپ تىڭ ٴورىس اشىلدى 

 

جۇڭگو ـ شىعىس وڭتۇستىك ازيا ەلدەرى وداعى سۇحپات قاتىناسى ورناعاندىعىنىڭ 30 جىلدىعىن ەسكە ٴتۇسىرۋ سىرتقى ىستەر مينيسترلەر ەرەكشە ٴماجىلىسى 6-ايدىڭ 7-كۇنى چۇڭچيڭدە وتكىزىلدى، ماجىلىسكە قاتىناسقان جۇڭگو مەن شىعىس وڭتۇستىك ازيا ەلدەرى وداعىنا مۇشە ەلدەردىڭ سىرتقى ىستەر مينيسترلەرى جۇڭگو مەن شىعىس وڭتۇستىك ازيا ەلدەرى وداعىنىڭ 30 جىلدىق سەلبەستىك جەتىستىكتەرى مەن تاجىريبەلەرىن ساراپتاپ، جۇقپالى اۋرۋعا قارسى تۇرۋ جانە ەكونوميكانى قالپىنا كەلتىرۋ نەگىزگى جەلىسىن توڭىرەكتەپ، كەلەسى 30 جىلداعى جۇڭگو-شىعىس وڭتۇستىك ازيا ەلدەرى وداعى قاتىناسى جونىندە ىشكەرىلەي پىكىرلەسىپ، اۋىس-كۇيىس جاساپ، ەكى جاق قاتىناسىندا ساننان ساپاعا ٴوتىپ، تىڭ ٴورسى اشۋدى تالقىلادى. 

 

جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناسى ورناعاندىعىنا 30 جىل تولعان وسىناۋ وراي ەكى جاقتىڭ قاتىناسى جونىنەن بۇرىنعىعا مۇراگەر، كەيىنگىگە بۇيداگەر بولۋ سىندى ەرەكشە مانگە يە. جىل باسىنان بەرى جۇڭگو مەن شىعىس وڭتۇستىك ازيا وداعىنداعى ەلدەردىڭ ىقپالداستىعى اناعۇرلىم كۇشەيدى، جۇڭگونىڭ مەملەكەتتىك كەڭەس مۇشەسى، سىرتقى ىستەر مينيسترى ۋاڭ يي 1-ايدا شىعىس وڭتۇستىك ازياداعى ٴتورت ەلدە رەسمي ساپاردا بولۋدان سينگاپور، مالايزيا، يندونەزيا جانە فيليپپين ەلدەرىنىڭ سىرتقى ىستەر مينيسترلەرى 3-ايدىڭ سوڭىنان 4-ايدىڭ باسىنا دەيىن شوعىرلى تۇردە جۇڭگوعا ساپارلاي كەلۋگە دەيىنگى، ونان وسى رەتكى ەكى جاقتىڭ ٴالى دە اۋىر جۇقپالى اۋرۋ جاعدايىندا سىرتقى ىستەر مينيسترلەرى ەرەكشە ٴماجىلىسىن وتكىزۋىنە دەيىنگى بارىستاردا، ٴار جاقتىڭ جاڭا جاعدايدا جۇڭگو-شىعىس وڭتۇستىك ازيا ەلدەرى وداعى قاتىناسىن دامىتۋعا وسكەلەڭ ٴمان بەرگەندىگى جانە ٴۇمىت ارتقاندىعى تولىق ايگىلەندى. 

 

1991-جىلى جۇڭگو ۇسىنىس بويىنشا كۋالالۋمپۋردا وتكىزىلگەن 24-كەزەكتى شىعىس وڭتۇستىك ازيا ەلدەرى وداعى سىرتقى ىستەر مينيسترلەر ماجىلىسىنە قاتىناسىپ، جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات اياق الىسى رەسمي باستالدى. ەكى جاقتىڭ ورتاق قۇلشىنۋىندا، جۇڭگو مەن شىعىس وڭتۇستىك ازيا ەلدەرى وداعىنىڭ سەلبەستىگىندە قارىشتاپ دامۋ جۇزەگە اسىپ، ازيا-تىنىق مۇحيت ٴوڭىرىنىڭ سەلبەستىگىندەگى ەڭ تابىستى، ەڭ ومىرشەڭدىك كۇشكە يە ۇلگىگە اينالدى. مۇنى ەكى جاقتىڭ قارسى جاقتى باستان-اياق دەپلوماتيالىق قاتىناستاعى ماڭداي الدى ورىنعا قويۋىنان بولە قاراۋعا بولمايدى؛ ەكى جاق باستان-اياق حالىقتى وزەك ەتىپ، ناقتى سەلبەستىككە نازار اۋدارۋعا؛ باستان-اياق سەرىكتەستىك رۋحتان كوزجازباي، كەلەلى سىن-سايىستارعا قول ۇستاسا توتەپ بەرۋگە؛ اشىق ۇستالعان دامۋدان اۋىتقىماۋعا، ٴوزارا پايدا جەتكىزە ورتاق يگىلىكتەنۋدى جۇزەگە اسىرۋعا؛ جالپى جاعدايدى ماڭىزدى ورىنعا قويىپ، پارىقتىلىقتى ۇيلەسىمدى ساقتاۋعا تاباندى بولىپ كەلدى. 

 

بىلتىردان بەرى، جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ سوققىسىنا باعىتتاي، جۇڭگو مەن شىعىس وڭتۇستىك ازيا ەلدەرى وداعى ءبىر جاعادان باس، ءبىر جەڭنەن قول شىعارىپ، ٴوزارا قارايلاسىپ، ەكى جاقتى قاتىناس اناعۇرلىم ساپالاندى. كەزەكتە، شىعىس وڭتۇستىك ازيا ەلدەرى وداعىنداعى ەلدەردە جۇقپالى اۋرۋ جاعدايى ٴالى دە اۋىر، جۇعىمدالعىشتىعى ٴتىپتى دە كۇشەيىپ وزگەرگەن ۆيرۋس شىعىس وڭتۇستىك ازيا وداعىنداعى ەلدەردىڭ جۇقپالى اۋرۋدان ساقتانۋىنا ٴتىپتى دە زور قىسىم ٴتۇسىرىپ وتىر؛ دۇنيە ٴجۇزى بويىنشا جاڭا تيپتى ايدارشا ۆيرۋسقا قارسى ۆاكسينا ٴبولىسى بىركەلكى بولماي، شىعىس وڭتۇستىك ازيا وداعىنداعى ەلدەردە ۆاكسينا ەگۋ سالىستىرماسىن تەز ارادا جوعارىلاتۋعا، يممۋنيتەت قالتقىسىن جەدەل قۇرۋعا شاراسىزدىق جاعدايلار تۋىلدى. جۇقپالى اۋرۋ تارالعاننان بەرى، جۇڭگو ٴوز قيىنشىلىعىن جەڭۋمەن بىرگە، شىعىس وڭتۇستىك ازيا وداعىنداعى ەلدەرگە جۇقپالى اۋرۋعا قارسى تۇرۋعا قاجەتتى زاتتىق جانە تەحنيكالىق كومەك كورسەتىپ، 100 ميلليون دانادان استام ۆاكسينا جەتكىزىپ بەردى. جۇڭگو ۆاكسيناسى شىعىس وڭتۇستىك ازيا ەلدەرى وداعىنىڭ «يممۋنيتەت ۇلى قورعانىن» قۇرۋىنداعى، يممۋنيتەت جاعىنداعى كەمدىكتى تولىقتاۋداعى ماڭىزدى سۇيەنىشىنە اينالدى. جۇڭگو شىعىس وڭتۇستىك ازيا وداعىنداعى ەلدەرمەن ۇزدىكسىز ىنتىماقتاسىپ، جۇقپالى اۋرۋعا قارسى تۇرىپ، ولاردىڭ قاجەتىنە ساي ٴتىپتى دە كوپتەپ ۆاكسينامەن قامداپ، ۆاكسينانى زەرتتەۋ، ٴوندىرۋ، ساتىپ الۋ، باقىلاۋ ـ باسقارۋ جانە ەگۋ سەلبەستىگىن ورىستەتۋگە ىنتا كورسەتىپ وتىر. 

 

جۇقپالى اۋرۋعا قارسى تۇرۋ سەلبەستىگىن تەرەڭدەتۋ، ەكونوميكانى ەس جيعىزۋدى دەمەۋ، قارىم ـ قاتىناس دەڭگەيىن جوعارىلاتۋ، «نانحاي تەڭىزى ارەكەت ولشەمىنە» ەرتەرەك قول قويىپ، كوپ جاقتىلىقتى قورعاۋعا تاباندى بولۋ؛ ازيا قۇن كوزقاراسىن ورتاق ساۋلەلەندىرۋ، جۇڭگو-شىعىس وڭتۇستىك ازيا ەلدەرى وداعى قارىم ـ قاتىناسىن دۇرىس باعىتقا قاراي دامىتۋ قاتارلىلار جونىندە جۇڭگو قازىرگى جاعدايدى ەسكەرۋ جانە ۇزاق بولاشاققا نازار اۋدارۋ كەرەك دەگەن دارىپتەمەنى العا قويىپ وتىر. وسىنداي ٴار قايسى جاقتارعا پايدالى ورتاق تانىمنىڭ جەبەۋىندە، جۇڭگو مەن شىعىس وڭتۇستىك ازيا ەلدەرى وداعى 30 جىلدىڭ الدىندا ەككەن سۇحپات قاتىناسى مايساسى قازىر دوستىق سەلبەستىكتىڭ ماۋەلى بايتەرەگىنە اينالىپ مول جەمىس بەرىپ وتىر. جاڭا تاريحي باستامادا، الداعى 30 جىلعا نازار سالعاندا، جۇڭگو مەن شىعىس وڭتۇستىك ازيا ەلدەرى وداعى، ٴسوز جوق، شىعىس ازيا ەرەكشەلىگىنە يە وڭىرلىك سەلبەستىك جولىن ورتاق كۇش سالا اناعۇرلىم داڭعىل جولعا اينالدىرىپ، ويداعىداي قورعاۋ، ويداعىداي دامىتۋ ارقىلى، جۇڭگو شىعىس وڭتۇستىك ازيا ەلدەرى وداعىنىڭ اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناسىن ورناتىپ، اناعۇرلىم تىعىز تاعدىرلاس ورتاق تۇلعا قالىپتاستىرادى دەپ ايتا الامىز.

 

来源:中央广播电视总台

 

 

新闻速递翻译:阿曼太 播音:巴拉番

世界报道翻译:哈那提别克   播音:古丽江

微信制作:阿依娜

 

中央广播电视总台 央广网 版权所有

قىستاق-الەۋمەتتىك رايونداردا بالالار مەڭگەرۋشىسى تاعايىندالادى

مەملەكەتتىك كەڭەس قىستاق نەمەسە الەۋمەتتىك اۋماق سايىن كەمىندە ٴبىر بالالار مەڭگەرۋشىسى تاعايىندالاتىندىعىن ايتتى.