اتا-انالار مىناداي جالعان تەكشەلەردەن ساقتانىڭىزدار!

6-ايدىڭ 10-كۇنى، وقۋ-اعارتۋ مينيستىرلىگىنىڭ رەسمي سايىتىندا مالىمدەمە جاريالاندى: جاقىندا، «اسەمونەر دەنە تاربيە وقىتۋىن زەرتتەۋ باسقارۋ تەحنيكالىق ورتالىعى» اتتى تەكشە وقۋ-اعارتۋ مينيستىرلىگىنىڭ اتىن جامىلىپ، «مەملەكەتتىك ورتا باستاۋىش مەكتەپ وقۋشىلارىنىڭ كوركەمونەر ساپاسىن ساراپتاپ باعالاۋعا قىزمەت وتەۋ تەكشەسىن» قۇرىپ، وقۋ اعارتۋ مينيستىرلىگىنىڭ قاتىستى حۇجات رۋحىن بۇرمالاپ، ءىشىنارا ولكە قالالاردا ايتىلمىس «مەملەكەتتىك ورتا باستاۋىش مەكتەپ وقۋشىلارىنىڭ كوركەمونەر ساپاسىن ساراپتاپ باعالاۋعا قىزمەت وتەۋ» قاتارلى قيمىلدارمەن شۇعىلدانعان. 

وقۋ-اعارتۋ مينيستىرلىگىنىڭ مالىمدەمەسىندە ايتىلۋىنشا، وقۋ-اعارتۋ مينيستىرلىگى ءارقانداي قۇرىلىمعا «ورتا باستاۋىش مەكتەپ وقۋشىلارىنىڭ كوركەمونەر ساپاسىن ساراپتاپ باعالاۋعا قىزمەت وتەۋ» مىندەتىن جۇكتەمەگەن. ءارقانداي قۇرىلىمعا «مەملەكەتتىك ورتا باستاۋىش مەكتەپ وقۋشىلارىنىڭ كوركەمونەر ساپاسىن ساراپتاپ باعالاۋعا قىزمەت وتەۋ» قيمىلىمەن شۇعىلدانۋىن قۇپتاپ بەكىم بەرمەگەن. 

ورتا باستاۋىش مەكتەپ وقۋشىلارىنىڭ كوركەمونەر ساپاسىن ساراپتاپ باعالاۋ قىزمەتى مەكتەپتەردە اسەمونەر دەنە تاربيە وقىتۋىن جولعا قويىپ، ءارقايسى جەردەگى مەكتەپتەردە كوركەمونەر ساباقتارىن تولىق، بىردەي اشۋعا، ورتا باستاۋىش مەكتەپ وقۋشىلارىنىڭ كوركەمونەر ساباقتارىن يگەرۋ احۋالىن مەڭگەرۋگە قاراتىلعان شارانى مەڭزەيدى. بۇل قىزمەتتى مەكتەپتەر ۇيىمداستىرىپ اتقارادى، قوعامدىق قۇرىلىمدارمەن قاتىسى جوق. وقۋ-اعارتۋ مينيستىرلىگى قالىڭ وقىتۋشىلار مەن اتا-انالارعا جالعان ۇگىت جارناماعا سەنبەۋىن ەسكەرتەدى. جالعان قۇرىلىمدار جانە ولارعا قاتىستى ءىس-ارەكەتتەر جونىندە وقۋ-اعارتۋ مينيستىرلىگى ولاردىڭ جاۋاپكەرلىگىن زاڭ بويىنشا قاتاڭ قۋزايدى. 

اۋدارعان: قۋات جۇماش ۇلى

来源：央视新闻

监制，审稿：叶力夏提

微信制作：古丽美热