قۇرمەتتى تىڭدارمان قاۋىم، بۇگىن 6-ايدىڭ 15-كۇنى، سەيسەنبى، الدىمەن ەل ٴىشى جانە حالىقارالىق حابارلار توپتاماسىن تىڭدايسىزدار، ونان سوڭ حالىقارالىق قولامتالى تۇيىنگە قۇلاق تۇرىڭىزدەر:

您的浏览器不支持 audio标签

* قوعام حاۋىپسىزدىك مينيسترلىگى الدا حاۋىپسىزدىك، ورنىقتىلىق كومەسكى قاتەرلەرى جاپپاي تەكسەرىلىپ، كەڭ كولەمدە رەتتەۋ وڭاۋ جۇرگىزىلەتىندىگىن ايتتى.

* 7 تاراۋ ازىق-تۇلىك حاۋىپسىزدىگىنە قاتىستى ازاماتتىق ىستەر الەۋمەتتىك يگىلىك ارىز-شاعىمىنىڭ جازالاۋ سيپاتىندىق تولەم بەرۋ ٴتۇزىمىن ورناتۋ جونىندە ىزدەنىس جاسادى، الدا، ازىق-تۇلىك حاۋىپسىزدىگىنە قاتىستى زاڭعا قايشى ىستەردى جازالاۋ تەبىنى ارتتىرىلادى.

* گۋاڭجوۋ مەديتسينا ۋنيۆەرسيتەتىنە قاراستى قالالىق 8-شيپاحانانىڭ ەكى ەمدەۋ قىزمەتكەرىنىڭ نۋكلەيىن قىشقىلىن تەكسەرۋ ناتيجەسى بولىمدى بولدى. 

* يۇننان ولكەسىنىڭ دالي قالاسى ىرحاي ٴوڭىرىنىڭ جاراتىلىستىق ورتاسىن قورعاۋ باسقارۋ كولەمىن رايوندارعا ٴبولىپ بەلگىلەدى: 1-دارەجەلى قورىق رايونىندا قاتىسسىز قۇرىلىستاردى سالۋعا قاتاڭ تىيىم سالىنادى.

* انحۇي ولكەسىنىڭ حۋاڭشان قالاسى اشىق ۇستالماعان وڭىرلەردە قاتەرگە ۇشىراۋشىلاردى اقىلى قۇتقارۋ جونىندە كەڭ كولەمدە پىكىر قابىلدادى. 

* شياڭگاڭ ساقشى جاعى 223 كيلوگرامنان استام ەسىرتكى تەكتەس ۋلى زاتتى قولعا ٴتۇسىرىپ، 184 ادامدى تۇتقىندادى، ولاردىڭ 17 سى وقۋشى. 

* قياق كۇرىش مەرەكەسى دەمالىسىندا ساياحاتشىلار سانى 89 ميلليون 130 مىڭ ادام رەتتەن استى! مۇندا جاقىن ماڭدا ساياحاتتاعانداردىڭ سالىستىرماسى ٴبىر شاما كوپ بولدى.

* جۇڭگو ايەلدەر ۆولەيبول كومانداسى يتاليا ايەلدەر ۆولەيبول كومانداسىن 0 گە قارسى 3 ۇپايمەن جەڭىپ، ارت-ارتىنان 4 رەت جەڭىس تۋىن جەلبىرەتتى.

* جاپونيانىڭ بيلىكسىز پارتياسى سەنىمسىزدىك جوباسىن تاپسىرامىز دەپ قۇقاي كورسەتتى، جيان يۋي: ەگەر بۇل جوبا تاپسىرىلسا، پارلامەنتتى تاراتىپ، زور سايلام جۇرگىزەمىز-دەدى. 

* موسكۆا بۇقارانى ۆاكسينا قويۋعا شابىتتاندىرۋ ٴۇشىن سيلىقتى بەلەت سۋىرۋ قيمىلىن وتكىزىپ، اپتاسىنا 5 جەڭىل اۆتوكولىكتى سىيلىققا ۇسىنىپ وتىردى. 

* جۇقپالى اۋرۋ جاعدايىندا ينديانىڭ ٴبىر شتاتى ۇكىمەت ٴمانساپتىلارىنا قىمبات باعالى 32 اۆتوكولىك ساتىپ الىپ، قاتاڭ سىنعا ۇشىرادى. 

* ا ق ش ەرەكشە قوسىنىنداعى ٴبىر اسكەر جاپونيا نيسسان اۆتوموبيل سەرىكتىگىنىڭ بۇرىنعى باس جوراسى گوننىڭ جاپونيادان قاشىپ كەتۋىنە كومەكتەسكەندىگىن مويىندادى. ونىڭ ايتۋىنشا، ول ادامدى ساندىققا جاسىرىپ قويعان. اقىسىنا ٴبىر ميلليون 300 مىڭ امەريكا دوللارىن ياعني شامامەن 8 ميلليون 320 مىڭ يۋان حالىق اقشاسىن العان. 

* سالاۋاتىن جاسىرعان ٴبىر الارمان 7 مينۋتقا جەتپەيتىن ۋاقىتتا 28 ميلليون امەريكا دوللارى ياعني شامامەن 179 ميلليون يۋان حالىق اقشاسىمەن امازونكا كومپانياسىنىڭ قۇرۋشىسى بيزوسكيمەن بىرگە عارىشقا ۇشۋ مۇمكىندىگىن ساتىپ الدى.

* جياڭشي ولكەسى ارناۋلى كۇرستان تولىق كۇرسقا ٴوتۋ ەمتيحانىندا قارالىق ىستەۋگە قاتىستى ٴىستى حابارلاندىردى: ىسكە قاتىستى، كوپتەگەن جوعارى مەكتەپ وقىتۋشىسى تۇتقىندالدى، ەمتيحان سۇراۋى كۇنى بۇرىن اشكەرە بولماعاندىعى انىقتالعاندىقتان، ەمتيحان كۇشكە يە بولدى. 

* سانشي ولكەسى دايشيان اۋدانىنىڭ تەمىر كەنىندە سۋ ٴوتۋ شىرعالاڭى تۋىلىپ، قۇتقارۋ بارىسىندا 3 ادامنىڭ مۇردەسى بايقالدى. 

* گۋاڭدۇڭ ولكەسىنىڭ ۋچۋان قالاسىندا بەلگىلەمەگە قايشىلىق جاساپ، پەشەتتەلگەن رايوننان كەمەمەن قاشىپ كەتكەن 4 ادام ۇستالىپ، 7 كۇن اكىمشىلىك جاقتان قاماي تۇرۋ جازاسى بەرىلدى.

* تەگىن تاماق ٴىشۋ ٴۇشىن، ٴىشىپ وتىرعان تاماعىنا تاراقان تاستاپ جىبەرىپ، 24 ساعات ىشىندە ەكى اسحانانى الداپ سوققان ٴبىر ەر ادام ۇستالىپ، الدامشىلىق ىستەۋ قىلمىسى بويىنشا قولعا الىندى.

* جياڭسۋدىڭ سۋ جوۋ قالاسىندا ٴبىر ايەل الدانىپ قالا جازدادى، حالىق ساقشىسى ونى 20-قاباتقا دەيىن قۋالاپ جەتىپ، اقشا اۋدارماقشى بولىپ تۇرعان قولفونىن تارتىپ الدى، سونىمەن 180 مىڭ يۋاندىق شىعىننان امان الىپ قالدى. 

* جۇڭگوداعى تۇڭعىش جارناگەر ياڭ بايۋان 71 جاسىندا قايتىس بولدى، ول ٴومىر بويى جارنا بازارىنا قارجى قوسۋمەن اينالىسقان. 

* شي-ان قالاسىندا ٴبىر سەرىك ويىنىندا توپتى قاسقىردى ساحناعا الىپ شىققان جاعدايعا قاراتا، بەيجيڭ كەشكى گازەتى ماقالا جاريالاپ، كوركەمونەردىڭ شىنايىلىعىن باس اماندىعىنان جوعارى قويۋعا بولمايدى،-دەپ ەسكەرتۋ ايتتى.

* حىنانداعى ٴبىر كورىنىس رايونى 3000 قياق كۇرىشتەن ايداھار ٴمۇسىندى قايىقتىڭ ٴپىشىنىن جاساپ شىقتى ٴارى قياق كۇرىشتى ساياحاتشىلارعا تەگىن ۇلەستىرىپ، حالىققا حىنان ولكەسىنىڭ قياق كۇرىش مادەنيەتىن سەزىندىردى.

* بەلگيانىڭ برۋسسەل قالاسىندا وراق ايدىڭ جانىنان ۇشىپ وتكەن ٴبىر ايروپلاننىڭ كورىنىسى كورەرمەندەردىڭ كوز ايىمىنا اينالدى.

* 7 جاسار قىز بالانىڭ تەڭىز ورگانيزىمدەرىنىڭ جەپ قويۋىنان الاڭداپ، تەڭىز جاعالاۋىنداعى قوقىسىقتاردى جيناستىرىپ جۇرگەن كورىنىسى توڭىرەكتەگىلەردى اسەرلەندىردى. 

您的浏览器不支持 audio标签

ا ق ش-نىڭ بالا جۇمىسكەرلەر جاعدايى جان تۇرشىكتىرەدى!

حالىقارالىق ەڭبەكشىلەر ۇيىمى مەن ب م ۇ بالالار قور قوعامى تاياۋدا عانا وتكەن 6-ايدىڭ 12-كۇنگى «دۇنيە جۇزىلىك بالا جۇمىسكەر جالداماۋ كۇنى» كەلۋ ورايىندا، تەكسەرۋ جۇرگىزۋ ارقىلى جاريالاعان ەڭ جاڭا مالىمەتتە كورسەتىلۋىنشە، 2021–جىلى دۇنيە جۇزىندەگى بالا جۇمىسكەرلەر سانى 20 جىلدان بەرى تۇڭعىش رەت قايتادان كوبەيۋ باسقىشىنا وتكەن. سونىمەن بىرگە، جەنەۆادا وتكىزىلىپ جاتقان 109-كەزەكتى حالىقارالىق ەڭبەكشىلەر جينالىسىنىڭ بەينە-ەكران ماجىلىسىندە ا ق ش-نداعى زورلىقپەن ەڭبەككە جەگۋ جانە بالا جۇمىسكەر جالداۋ سياقتى ماسەلەلەر ماجىلىسكە قاتىناسۋشىلاردىڭ تەگىس سىنداۋىنا ۇشىرادى. كوپتەگەن ساراپشىلار بىلاي دەپ قارادى: ا ق ش دۇنيە ٴجۇزىنىڭ بالا جۇمىسكەر جالداۋ ماسەلەسىن اسقىندىردى، بۇعان جاۋاپكەرشىلىك ارقالاۋدان بۇلتارا المايدى. 

ا ق ش-نىڭ كەيبىر ساياسي الاياقتارى ۇنەمى «ەرەجە» دەگەندى اۋزىنان تاستامايدى، سونداي-اق باسقا ەلدەرگە «زورلاپ ەڭبەككە جەكتى»، «ادامدىق ۇقىققا قول سۇقتى» دەگەن سياقتى قالپاق كيگىزەدى. الايدا، ٴىس جۇزىندە، حالىقارالىق ەرەجەنى كوزگە ىلمەيتىن، ادامدىق ۇقىققا قول سۇعاتىن ٴدال ا ق ش-نىڭ ٴوزى. ا ق ش دۇنيە جۇزىندەگى «بىرلەسكەن مەملەكەتتەر ۇيىمىنىڭ بالالار ۇقىعى شارتىن» بەكىتپەگەن بىردەن-ٴبىر مەملەكەت. بۇدان مەيلى ەڭبەك ۇقىعى بولسىن، الدە بالالاردى قورعاۋ بولسىن، سان-ساناقسىز بالا جۇمىسكەرلەر مەن ەڭبەككە جەگىلگەندەردىڭ «ا ق ش-نىڭ ەرەجەدەن قاعىس الۋداي» ەرەكشەلىگىنىڭ قۇرباندىعىنا اينالعاندىعىن كورۋگە بولادى. 

ا ق ش-ندا بالا جۇمىسكەر جالداۋ قۇبىلىسى جان تۇرشىكتىرەدى. ا ق ش فوتوگرافى لۋيس كايەن 100 نەشە جىلدىڭ الدىندا تۇسىرگەن ا ق ش-نداعى بالا جۇمىسكەردىڭ سۋرەتى تاياۋدا دۇنيە نازارىن تاعى ٴبىر رەت اۋداردى. قاتەرلى كەن قۇدىعىنان تەمەكى ەگىس الاڭىنا دەيىن، ا ق ش-نداعى بالا جۇمىسكەرلەردىڭ بارلىعى ايانىشتى ٴومىر كەشىرەدى. ولاردىڭ ىشىندە جاسى ەڭ كىشىسى نە بارى ٴۇش جاستا عانا. قاتىستى قۇرىلىمداردىڭ ساناعىنا قاراعاندا، ا ق ش-ىندا قازىر ٴالى دە 500 مىڭ بالا جۇمىسكەر اۋىل شارۋاشىلىق ەڭبەگىمەن شۇعىلدانادى، مۇنىڭ ىشىندە تەمەكى ٴوندىرىسى سالاسىندا بالا جۇمىسكەر جالداۋ توتەنشە جالپىلاسقان. «ۆاشينگتون پوچتا گازەتىنىڭ» حابارىنا قاراعاندا، 2003-جىلدان 2016-جىلعا دەيىن ا ق ش-ندا 452 بالا جۇمىسكەر جۇمىس ۇستىندە جارالانىپ ولگەن، مۇنىڭ ىشىندە 237 بالا جۇمىسكەر اۋىل شارۋاشىلىق ٴوندىرىس شىرعالاڭىندا قازا بولعان. وسى قاتىگەز تاريحي شىندىقتار مەن سۇركەيلى سيفرلاردى مويىنداۋدان وزدەرىن «ادامدىق ۇقىق قورعاۋشىسى» دەپ اتاعان ا ق ش ساياسي الاياقتارى نەگە قاشقالاقتايدى؟

بالالاردىڭ تاعدىرى ا ق ش-نىڭ ادامدىق ۇقىققا سۇعاناقتىق جاساۋ ماسەلەسىندەگى كوزگە اشىق كورىنگەن كىشكەنتاي ٴبىر بولەگى عانا. قاتىستى قۇرىلىمداردىڭ ساندى مالىمەتىندە كورسەتىلۋىنشە، ٴار جىلى شەكارا سىرتىنان اتكەزدىك تاسىلمەن ا ق ش-نا اكەلىنىپ زورلىقپەن ەڭبەككە جەگىلەتىن حالىق سانى 100 مىڭعا جەتەدى. وتكەن 5 جىلدا بۇكىل ا ق ش-ندا 50 شتاتتا جانە كولۋمبيا ەرەكشە رايونىندا اتكەزدىك تاسىلمەن اق ش-نا اكەلۋ جانە زورلىقپەن ەڭبەككە جەگۋ دەلوسى مالىمدەلگەن. 

وزدەرىن تۇيسىنبەستەن بۇكىل جەر شارىنىڭ ادامدىق ۇقىق باعدار شامى دەپ اشەكەيلەپ كورسەتكەن ا ق ش-ندا نە ٴۇشىن «شامنىڭ ٴتۇبى قاراڭعى» بولۋ قۇبىلىسى ٴومىر ٴسۇرىپ كەلەدى؟ ا ق ش-نىڭ مەملەكەت تاريحىنا نازار سالعاندا، مۇنى ٴتۇسىندىرۋ قيىن ەمەس. سوناۋ 18-عاسىردىڭ باسىندا قىرۋار قارا ناسىلدىلەر سولتۇستىك امەريكا وتارلارىنىڭ ماقتا باقشاسىنا قۇلدىققا ساتىلىپ، زورلاپ ەڭبەككە جەگىلەتىن قۇلدىق ٴتۇزىمنىڭ العاشقى تۋىندىلارى بولعان. قازىرگە دەيىن بالا جۇمىسكەر جالداۋ، شەتەلدىك نوپوسسىزداردى ەڭبەككە ٴماجبۇرلەۋ، ادام اتكەزشىلەۋ جاقتارىنداعى دەلولارمەن بىرگە، وسى تۇردەگىلەرگە باعىتتالعان ەڭبەك ۇقىق-مۇدەسىنە جۇيەلى سۇعاناقتىق جاساۋ قۇبىلىستار، مىنە وسىلاردىڭ بارلىعى ەڭبەككە جەگۋ سىندى تاريحي زاھاردىڭ ناقتى كورىنىسى بولىپ تابىلادى. 

تالاي جىلدان بەرى، حالىقارالىق ەڭبەكشىلەر ۇيىمى ا ق ش-نىڭ بالا جۇمىسكەر جالداۋ ماسەلەسىنە كوپ رەت ەسكەرتۋ بەرىپ، ا ق ش ۇكىمەتىن زورلاپ ەڭبەككە جەگۋ ماسەلەسىن شەشۋگە قۋزادى. ٴبىراق ا ق ش بۇعان قۇلاق اسقان جوق، كەرىسىنشە جۇڭگونىڭ شينجياڭىنا «زورلاپ ەڭبەككە جەگۋ» قۇبىلىسى بار دەگەن جالا جاۋىپ، اقساقتى تىڭداي، وتىرىكتى شىنداي ەتىپ كورسەتۋگە ۇرىنىپ، جۇڭگونى قارالاۋ جانە قىسىم جاساۋ قاسكۇنەمدىگىنە سالىندى. 

باسقا ەلدەرگە جالا جابۋ ا ق ش-نىڭ ٴوز ماسەلەسىن شەشە المايدى. ا ق ش-نىڭ كەيبىر ساياسي الاياقتارى «ادامدىق ۇقىق قارىزىن» قالاي قايتارۋ جونىندە تولعانۋى، حالىقارالىق ەڭبەكشىلەر شارتىن قالاي اتقارىپ، ەڭبەككە زورلاۋ ماسەلەسىن شەشىپ، ا ق ش حالقىنىڭ زاڭدى ۇقىق-مۇددەسىن قامتاماسىز ەتۋدى ويلاستىرۋى كەرەك. ايتىلمىس «ادامدىق ۇقىق باعدار شامى» دەگەندى بارلىق جەرگە جاعۋعا جانىن سالعان ا ق ش-نىڭ ەندى وسى شاممەن وزىنە جارىق تۇسىرەتىن كەزى جەتتى. 

来源：中央广播电视总台

新闻速递翻译：夏力哈尔 播音：古丽江

世界报道翻译：哈那提别克   播音：热德力

微信制作：古丽美热