قۇرمەتتى تىڭدارمان قاۋىم، بۇگىن 6-ايدىڭ 16-كۇنى، سارسەنبى، الدىمەن ەل ٴىشى جانە حالىقارالىق حابارلار توپتاماسىن تىڭدايسىزدار، ونان سوڭ حالىقارالىق قولامتالى تۇيىنگە قۇلاق تۇرىڭىزدەر:

您的浏览器不支持 audio标签

@ ٴۇش تاراۋ: جوعارى قارقىندى تاس جولدا پارىقتى اقى الۋ ساياساتىن جاپپاي جالپىلاستىرىپ، اقى الۋ فورماسىن ساپالاندىرۋدى جولعا قويدى. 

 

@ وقۋ-اعارتۋ مينيسترلىگى مەكتەپ سىرتىنداعى تاربيەلەۋ ورىندارىن باقىلاۋ-باسقارۋ مەكەمەسىن قۇرىپ، ورتا، باستاۋىش مەكتەپ وقۋشىلارىنىڭ الەۋمەتتىك جارىسى سياقتى قيمىلداردى ارناعا تۇسىرەتىن بولدى.

 

@ ەلىمىزدىڭ نەگىزگى ەمدەۋ قامسىزداندىرۋىنا قاتىناسقان ادام سانى ٴبىر ميلليارد 360 ميلليونعا جەتىپ، قامسىزداندىرۋعا قاتىناسۋ مولشەرى %95 تەن استى. 

 

@ بيىل ەلىمىزدىڭ جەدەل جەتكىزۋ كاسىبىنىڭ مولشەرى 40 ميلليارد دانادان اسىپ، سەكنۋدىنا 3000 نان استام تەز جولداما جەتكىزىلدى.

 

@ توراپتا تىكە زات ساتۋ قيمىلىندا كوپتەگەن ماسەلەلەر بەلەڭ بەرۋدە، جالعان زات ساتقاندار ەڭ جوعارى بولعاندا 10 جىلعا سوتتالاتىن بولدى. 

 

@ حۋا چىن اۆتوموبيل توبىنىڭ بۇرىنعى پارتكوم شۋجيى، باس جوراسى چي يۇيمين پارتيادان ايدالدى. 

 

@ مەملەكەتتىك فۋتبول كومانداسى 1گە قارسى 3 ۇپايمەن سيريا كومانداسىن جەڭىپ الەمدىك فۋتبول كوزەسىنە تالاسۋ دايىندىق جارىسىنىڭ ازيا رايونىنداعى 12 مىقتى قاتارىنا كىردى. 

 

@ جاپونيا پارلامەنتىنىڭ قاۋىم پالاتاسى جيان ي-ۋي بيلىك كەڭسەسىنە سەنىم ارتپاۋ دەلوسىن ماقۇلدامادى.

 

@ فرانسيا ۇكىمەتى ەۆروپا ساۋىتىنا تالاسۋ جارىسى كەزىندە تۇنگى ٴجۇرىس-تۇرىسقا تيىم سالۋ شاراسىن قاتاڭداستىردى، تۇنگى ساعات 23 تەن كەيىن ۇيلەرىنە قايتپاعاندار اۋىر جازاعا تارتىلادى. 

 

@ حانگو مەملەكەت ىستەرى كەڭەسى جاڭادان زاڭ ماقۇلداپ، تاستاندى بالالار اكە-شەشەسىنىڭ مال-مۇلكىنە مۇراگەرلىك ەتە المايتىن بولدى. 

 

@ «دۇنيەدەگى ەڭ ۇلكەن وتباسى» اتانعان وتباسىنىڭ وتاعاسى قايتىس بولدى، ونىڭ 39 ايەلىنەن 94 بالا بار، وتىرعان ٴۇيى كەزەكتە كورىنىس رايونىنا اينالدى. 

 

@ ٴبىر ەر ادام اۆتوكولىكپەن سان -يا شىعاناعىنداعى قايراڭعا بارىپ تەڭىز كورىنىسىن تاماشالاعان، وكىنىشكە وراي، تەڭىز سۋى تولقىپ اۆتوموبيلى سۋ استىندا قالعان. 

 

@ قۋانىشتى حابار! شىنجوۋ 12-ٴنومىرلى عارىشقا ادام الىپ ۇشۋ مىندەتىنىڭ بەلگىسى رەسمي جاريالاندى. 

 

@ حالىق ساقشىسى جوعارى تەمپەراتۋرادا جالعاسى مىندەت وتەۋدە، اسەرلەنگەن كىشكەنتاي قىز بالا ولارعا قۇرمەت ٴبىلدىردى. 

 

@ 7 ەل توبى باسشىلار ٴماجىلىسىنىڭ مازمۇنداماسىنىڭ شينجياڭ، شياڭگاڭ سياقتى ماسەلەلەردە جۇڭگونى كولدەنەڭ تارتىپ جازعىرعان ىستەرىنە قاراتا، سىرتقى ىستەر مينيسترلىگى 6 -ايدىڭ 15-كۇنى: شينجياڭعا، شياڭگاڭعا، تايۋانعا ساياتىن ىستەر بۇكىلدەي جۇڭگونىڭ ىشكى ٴىسى، ٴارقانداي سىرتقى كۇشتەردىڭ وعان كيلىگۋىنە جول بەرىلمەيدى- دەپ ەسكەرتتى. 

 

 @ تاياۋدا شۇعىل جاعدايعا توتەپ بەرۋدى باسقارۋ مينيسترلىگى 6 قىزمەت گرۋپپاسىن بەيجيڭ، حىبەي، شاندۇڭ، جياڭسۋ سياقتى 14 ٴتۇيىندى ولكەگە جىبەرىپ، قاتەرلى حيميالىق زاتتاردى ساقتايتىن كاسىپورىندارعا ارناۋلى تەكسەرۋ جۇرگىزدى. 

 

@ بىرنەشە كۇننىڭ الدىندا «قار-مۇز سپورت الاڭدارىنا قولدانىلاتىن حاۋىپسىزدىك بەلگىسى» مەملەكەتتىك بازار باقىلاۋ-باسقارۋ باس مەكەمەسى، مەملەكەتتىك ولشەمدەندىرۋدى باسقارۋ كوميتەتىنىڭ بەكىتۋىمەن جاريالاندى، 2021-جىلى 9-ايدىڭ 1-كۇنىنەن باستاپ رەسمي اتقارىلادى. 

 

 @ 6-ايدىڭ 15-كۇنى بۇرىنعى ەرىكتىلەر ارمياسى 15-كورپۋسى 45-دۆيزياسى 135-تۋانى 7-روتاسىنىڭ باستىعى، «شاڭگانليڭ» فيلىمىندە سۇرەتتەلگەن روتا باستىعى جاڭ جيفا 95 جاسىندا قايتىس بولدى. 

 

 @ دۇنيە ٴجۇزى بويىنشا جاڭا تيپتى ايدارشا ۆيرۋسىمەن جۇعىمدالعان وكپە قابىنۋىنا دۋشار بولعان ناۋقاس سانى الدىڭعى كۇندەگىدەن 283 مىڭ 487 ادام كوبەيىپ، 175 ميلليون 987 مىڭ 176 ادامعا جەتكەن؛ وسى اۋرۋدان ولگەن ادام الدىڭعى كۇندەگىدەن 7 مىڭ 814 ادام كوبەيىپ، جيىنى 3 ميلليون 811 مىڭ 561 ادام كوز جۇمعان.

 

@ ا ق ش تا 2020-جىلدىڭ باسىندا جينالعان 24 مىڭ ۇلگىگە تەكسەرۋ جۇرگىزگەندە، كەم دەگەندە 9 ادامنىڭ قانىندا ايدارشا ۆيرۋسى انتيدەنەسى بار بولعان، بۇل: جاڭا تيپتى ايدارشا ۆيرۋسىنىڭ 2019-جىلى 12-ايدان باستاپ-اق ا ق ش-نىڭ جەر-جەرىندە تومەن دەڭگەيدە تارالعاندىعىن تۇسىندىرەدى.

 

@ جەرگىلىكتى ۋاقىت 6-ايدىڭ 15-كۇنى تۇندە، ا ق ش-نىڭ چيكاگو قالاسى مەن الاباما شتاتىنىڭ ەبەرتۆيل قالاسىندا جەكە-جەكە وق شىعارۋ ۋاقيعاسى تۋىلىپ، 7 ادام ٴولىپ، 6 ادام جارالاندى. جىل باسىنان بەرى ا ق ش تا وق شىعارۋ ۋاقيعاسى كوپ رەت تۋىلدى.

 

您的浏览器不支持 audio标签

ون نەشە جىل ويقاستاعان نيتانياحۋ يزرايلعا جانە دۇنيەگە نە سيلادى؟

 

جەرلىك ۋاقىت 6-ايدىڭ 13 -كۇنى كەشتە يزرايل پارلامەنتى جاڭا كەزەكتى ۇكىمەتكە سەنىمدىلىك داۋىس بەردى، نيتانياحۋعا قارسى 8 ساياسي پارتيادان قۇرالعان بىرلەسكەن ۇكىمەت ەڭ سوڭىندا پارلامەنتتە كوپ ساندى قولداۋعا يە بولدى. سونىمەن يزرايلدا 2009-جىلدان قازىرگە دەيىن ٴۇرتىس 12 جىل، بۇدان بۇرىن 1996-جىلدان 1999-جىلعا دەيىنگى ارالىقتا تاعى دا زۇڭلي بولعانىن قوسا ەسەپتەگەندە جيىنى ىلگەرىندى-كەيىندى 15 جىل زۇڭلي بولىپ يزرايلدا جانە حالىقارالىق ساحانادا ورتەكەدەي ويناقتاعان نيتانياحۋ رەسمي تاقتان ٴتۇسىپ، بيلىكسىز پارتيانىڭ كوسەمىنە اينالعاندىعىن الەم كوردى. 

 

دۇنيە ادامدارى جونىنەن ايتقاندا، ۇزاق ۋاقىت حالىقارالىق ساياسي ساحنادا ورتاعا شىعىپ ويقاستاپ، ون نەشە جىل داۋرەندەگەن يزرايلدىڭ وسىناۋ ورتەكە زۇڭليى ونشا بەيتانىس ەمەس دەۋگە بولادى. وينامالى زاماندا ورتا شىعىستا وت كوسەپ، پالەكەت قازانىن قايناتقان نيتانياحۋدىڭ ٴوز باسى وردادان كەتكەنىمەن، پالەستين حالقىنا جانە حالىقاراعا سالماقتى ساياسي ىقپال جاسادى. بۇلار مىنا جاقتاردان بەينەلەنەدى: 

 

ەڭ اۋەلى، يزرايل تۇرعىسىنان قاراعاندا، يزرايل «بەيبىتشىلىك» پەن دامۋ تەل وركەندەگەن 10 جىلدى باستان كەشىردى. 

 

نيتانياحۋ بيلىك جۇرگىزگەن كەزدە يزرايل ەكى رەت ٴبىرشاما كولەمدى بولعان گازا ٴوڭىرى اسكەري قاقتىعىسىن، پالەستين ٴىسلام قارسىلىق قوزعالىسى حاماسپەن، پالەستين حالقىمەن، سونداي-اق ليۆان-ٴتاڭىر پارتياسىمەن كوپ رەت شاعىن كولەمدى قاقتىعىستى باستان كەشىرگەنىمەن، وتكەن عاسىردىڭ باس شەنىندەگى سياقتى يزرايل مەن توڭىرەكتەگى ەلدەردىڭ كەڭ كولەمدى سوعىسى، پالەستين مەن يزرايلدىڭ جالپى جۇزدىك قاندى قاقتىعىسى مۇلدە تۋىلعان جوق. بۇدان سىرت، يزرايلداعى جاي بۇقاراعا باعىتتالعان اۆتوموبيل بومبى شابۋىلى، جانكەشتى ادام بومبى شابۋىلى، ايروپلان بارىمتالاۋ تەررورلىق شابۋىلى سياقتى وقيعالار نيتانياحۋ بيلىك جۇرگىزگەن كەزدە تۋىلعان جوق.

 

مۇندا، بىرىنشىدەن، نيتانياحۋ مەملەكەت حاۋىپسىزدىگى جانە پالەستين-يزرايل ماسەلەسىندە قاتاڭ ساياساتتىق جولدا تاباندى تۇردى، يزرايلدىڭ اقپار توپتاۋ جانە حاۋىپسىزدىك قۇرىلىمى ۇكىمەتتىڭ پارمەندى قارجىلاي قولداۋىنا يە بولدى، تەررورلىققا قارسى تۇرۋ تاسىلدەرى ۇزدىكسىز قاتايدى، وسىنداي جوعارى قىسىم ۇستەمدىگىندە ۇشقارى ۇيىمدار مەن ۇشقارى ەلەمەنتتەردىڭ يزرايل قوعامىنا باعىتتالعان تەررورلىق شابۋىل ارەكەتتەرى ىسكە اسپادى. ەندى ٴبىر جاعىنان، نيتانياحۋدىڭ ٴوزى دە يزرايلدىڭ ديپلوماتيالىق قىزمەتىنە ۇزاق ۋاقىت جاۋاپتى بولدى، سونداي-اق ا ق ش-نىڭ ساياسي سالاسىندا تەرەڭ تامىر تارتتى، ونىڭ ۇستىنە 2010-جىلعى «اراب كوكتەمى» قوزعالىسىنان كەيىن يزرايلمەن جاۋلاسقان ەلدەر ارت-ارتىنان ىشكى بىلىقپالىققا تاپ بولدى، وسىنداي وڭتايلى جاعداي ايلاسى مول، امالى كوپ نيتانياحۋ يزرايلعا نەداۋىر بەيبىت توڭىرەكتىك ورتا جاراتتى. 

 

يزرايل نيتانياحۋ داۋىرىندە، مەيلى سىرتقى ورتا بولسىن، الدە ىشكى قوعامدىق جاقتا بولسىن، تۇگەلدەي رەسپۋبليكا قۇرىلعاننان بەرگى ەڭ بەيبىت، ورنىقتى 10 جىلدى باستان كەشىردى دەۋگە بولادى. 

 

ەكىنشىدەن، يزرايل قوعامىندا وڭشىلدىق ويقاستادى. 

 

 نيتانياحۋ بيلىك جۇرگىزگەن كەزدە يزرايل قوعامىندا اسىرە وڭشىلدىق بەتالىسقا بەيىمدەلۋ تەزدەپ كەتتى. يزرايلدىڭ وڭشىلدىق نىسايىنىڭ ناقتى بەينەسى پالەستين-يزرايل ماسەلەسىنەن جانە مەملەكەت حاۋىپسىزدىگى ماسەلەسىندەگى ايتاعالسىن قاتالدىقتان كورىنەدى. بۇدان تىس، تاعى ٴبىر جاقتان ايتقاندا، ٴدىني كونسەرۆاتيۆ كۇشتەردىڭ ۇزدىكسىز زورايۋى دا وڭشىلدىققا مۇرىندىق بولدى. ٴدىني كونسەرۆاتيۆ كۇشتەردىڭ ىشىندەگى ەۆرەيلەردىڭ جان سانى ٴوسۋى وتە تەز بولعاندىقتان، ولاردىڭ يزرايل قوعامىنداعى جان سانى سالىستىرماسى جەدەل جوعارىلادى، ال، ەندى ٴبىر جاعىنان، نيتانياحۋ ٴوز بيلىك كەڭسەسىندەگى ىشكى ىستەر مينيسترى، وقۋ-اعارتۋ مينيسترى سىندى يزرايل قوعامىنىڭ دامۋىنا قاتىستى وسى ەكى ماڭىزدى تاراۋدى ٴدىني ساياسي پارتيانىڭ مەڭگەرۋىنە تاپسىرىپ بەرۋ ارقىلى ٴدىني ساياسي پارتيانىڭ وزىنە دەگەن ادالدىعى مەن قولداۋىنا يە بولدى.

 

ٴۇشىنشىدەن، پالەستين-يزرايل بەيبىتشىلىك اياق الىسى كەرى شەگىندى. 

 

نيتانياحۋ ۋاكىلدىك ەتكەن وڭ قانات ٴدىني ساياسي وداعى پالەستين-يزرايل ماسەلەسىندە قاتال مايداندا بولدى. سوندىقتان نيتانياحۋ تاققا شىققاننان بەرى پالەستين-يزرايل بەيبىتشىلىك اياق الىسى توقىراۋ كۇيگە ٴتۇستى، ٴتىپتى اۋىر دارەجەدە كەرى شەگىندى. مۇنىڭ ناقتى بەينەسى يزرايلدىڭ پالەستين تەريتورياسىن اسكەري كۇشپەن باسىپ الۋدى ۇدەتۋى، پالەستيندىكتەردى باقىلاۋعا الۋ جانە بولشەكتەۋ، پالەستيندىكتەردىڭ ٴۇيىن كۇشپەن بۇزۋ، شىعىس يەرۋساليم قالا اكىمشىلىگىن باسقارۋدى كۇشەيتۋ، سونداي-اق ەۆرەي وتىرىقتانۋ تۇيىندەرىن ىرگە كەڭەيتتىرۋ قاتارلى جاقتاردان بەينەلەنەدى.

 

تورتىنشىدەن، «يران يادرو ماسەلەسى» كۇردەلىلەستى.

 

نيتانياحۋدىڭ حالىقارالىق ساحنادا ەڭ جاقسى كورەتىن ماركاسى-«يراننىڭ يادرو ماسەلەسى» ماركاسى. نيتانياحۋ يراننىڭ يادرولىق قارۋعا يە بولۋى يزرايل مەملەكەتىنىڭ ٴومىر سۇرۋىنە حاۋىپ ٴتوندىردى دەگەندى سىلتاۋ ەتىپ، حالىقارالىق قوعامدا «يران حاۋىپى» ايتىلىمىن بارىنشا ۋاعىزداپ، امالىن تاۋىپ يراننىڭ يادرو قۇرىلعىلارىن ٴبۇلدىرىپ، يران عالىمدارى مەن جوعارى جىكتەگى قايراتكەرلەردىڭ كوزىن جوعالتتى. بۇلاردىڭ بارلىعى يراننىڭ ٴارقايسى ٴىرى ەلدەرمەن، اسىرەسە ا ق ش-مەن بولعان يادرو ماسەلەسى كەلىسسوزىنە كوپتەگەن بۇلدىرگىشتىك فاكتورلار پايدا قىلىپ، «يران يادرو كەلىسسوزىن» ٴتىپتى دە كۇردەلىلەستىردى جانە شەشۋدى قيىنعا سوقتىردى.

 

来源：中央广播电视总台

 

 

新闻速递翻译：那扎尔 播音：古丽娜尔

世界报道翻译：哈那提别克   播音：巴拉番

微信制作：古丽美热