جوعارى قارقىندى تاس جولدان پارىقتى اقى الۋدا ناقتى باعا شەشۋشى ءتۇيىن ەسەپتەلەدى

كەيبىر اقپارات مەديالارىنىڭ كەشەگى (6-ايدىڭ 15-كۇنگى) حابارىنا قاراعاندا، قاتىناس-تاسىمال مينيسترلىگى، مەملەكەتتىك دامۋ جانە رەفورمالاۋ كوميتەتى، قازىنا مينيسترلىگى «جوعارى قارقىندى تاس جولدا پارىقتى اقى الۋدى جاپپاي جالپىلاستىرۋدى اتقارۋ جوباسى» جونىندەگى ۇقتىرۋدى باسىپ تاراتقان. وسى اتقارۋ جوباسى بويىنشا ايتقاندا، جۇڭگونىڭ جوعارى قارقىندى تاس جولىندا اقى الۋدا الۋان ءتۇرلى جاعداي جارىققا شىعادى. 

جۇڭگو سياقتى جەر اۋماعى كەڭ، جەر ءتۇزىلىسى كۇردەلى، كليمات ءتۇرى الۋان ءتۇرلى ەلدە جوعارى قارقىندى تاس جول تورابى ەكونوميكالىق، قوعامدىق دامۋدا ماڭىزدى رول اتقارادى. ءوندىرىس فاكتورىنىڭ ورنالاسۋى مەن اينالىم كولەمى كوبىنەسە قاتىناس تورابىنىڭ قۇرىلىسى مەن كەڭەيۋىنە بايلانىستى بولادى. بۇل عانا ەمەس، فاكتوردى ورنالاستىرۋ، سونداي-اق بازار باعاسىنىڭ قالىپتاسۋى مەن جەتكىزىلۋى دا قاتىناس تورابىنىڭ كولەمى مەن ىركىلىسسىزدىگىنە بايلانىسىپ جاتادى. مۇنى جۇڭگونىڭ سوڭعى نەشە 10 جىلداعى ەكونوميكالىق، قوعامدىق جوعارى قارقىنمەن دامۋ بارىسى دالەلدەدى. 

وسىزامانعى ءوندىرىس جۇيەسىندە، مەيلى ءوندىرىس قۇرال-جابدىقتارى بولسىن، الدە تۇرمىستىق بۇيىمدار بولسىن، ونىڭ بازار باعاسىنىڭ قۇرىلىمىندا زات اينالىمىنىڭ وزىندىك قۇنى نەگىزگى قۇراۋشى بولەك سانالادى. قوعامدىق جۇمىس ءبولىسى شارت-جاعدايىندا، جۇمىس ءبولىسى تۋدىرعان فاكتوردىڭ بىرىگۋ كولەمى مەن ونىڭ سايكەسىمدىلىك دارەجەسى زات اينالىمىنىڭ شارپۋ كولەمى مەن باعاسىنىڭ جوعارى، تومەندىگىمەن تىعىز قاتىستى بولادى. تۇتاس ءوندىرىس تىزبەگىندە زات اينالىمىنىڭ وزىندىك قۇنى ءوندىرىس جۇيەسىنىڭ جوعارعى اعارىنداعى باعا بولىپ، تومەنگى اعارداعى ءوندىرىس بارىسىنىڭ باعاسىنا ىقپال جاسايدى. وسى ماعىنادان العاندا، جوعارى قارقىندى تاس جولدا پارىقتى اقى الۋ تۇتاس بازار باعاسى مەن ەكونوميكانىڭ دامۋىنا ىقپال جاسايدى. 

سۋرەتتە: 3-ايدىڭ 26-كۇنى تۇسىرىلگەن حاينان ــ شانحاي جوعارى قارقىندى تاس جولىنىڭ ۋجىشاننان باۋتيڭعا دەيىنگى بولەگى (ۇشقىشسىز ۇشاقپەن تۇسىرىلگەن سۋرەت). شينحۋا اگەنتتىگىنىڭ ءتىلشىسى گو چىڭ فوتوسى 

ارينە، مۇنداي ىقپال جوعارى قارقىندى تاس جولدا پارىقتى اقى الۋدىڭ دا نەگىزگى سەبەبى بولىپ تابىلادى. بۇل جوعارىدا ايتىلعان جوبانى جاساۋ سەبەبىن تۇسىندىرگەندە ايتقانىنداي: 2021-جىلعى «ۇكىمەت قىزمەتىنەن بايانداماداعى» ورنالاستىرۋلاردى، تالاپتاردى دايەكتىلەندىرىپ، تياناقتاندىرىپ، جوعارى قارقىندى تاس جول تورابىنىڭ قاتىناۋ ونىمدىلىگى مەن قىزمەت وتەۋ ورەسىن اناعۇرلىم جوعارىلاتىپ، زات اينالىمىنىڭ وزىندىك قۇنىن تومەندەتىپ، ونىمدىلىگىن ارتتىرۋدى جەبەۋ ءۇشىن، وسى جوبا جاسالدى. ارينە، بۇل ارادا جول تورابىنىڭ ونىمدىلىگى مەن قىزمەت وتەۋ ورەسىن جوعارىلاتۋ، زات اينالىمىنىڭ وزىندىك قۇنىن تومەندەتىپ، ونىمدىلىگىن ارتتىرۋدى جەبەۋ وسى جوبانى جاساۋدىڭ العاشقى ماقساتى بولىپ تابىلادى. ءىس جۇزىندە، بۇل دا وسى جوبانىڭ ءساتتى اتقارىلۋ-اتقارىلماۋىن، «ۇكىمەت قىزمەتىنەن بايانداماداعى» نەگىزگى ماقسات جۇزەگە اساتىن، جۇزەگە اسپايتىنىن تەكسەرۋدىڭ ءتۇبىرلى ولشەمى بولىپ تابىلادى. 

بىلايشا ايتقاندا، مەيلى اتقارۋ جوباسىندا كورسەتىلگەن جول بولەكتەرى بويىنشا پارىقتى اقى الۋ، اۆتوكولىك تۇرپاتىنا (تۇرىنە) ءبولىپ پارىقتى اقى الۋ، ۋاقىت كەزەڭىنە قاراي پارىقتى اقى الۋ بولسىن، الدە شىعار اۋىز نەمەسە كىرەر اۋىزعا ءبولىپ پارىقتى اقى الۋ، باعىتقا قاراي پارىقتى اقى الۋ، بولەك اقشا تولەۋ ءتاسىلى بويىنشا پارىقتى اقى الۋ بولسىن، ونىڭ جارامدى بولۋ، بولماۋى، قۇرىلۋ نەمەسە قۇرىلماۋى ءارى جالعاستىرۋ ولشەمى بولسىن نەمەسە بولماسىن، جول تورابىنىڭ ونىمدىلىگى مەن قىزمەت وتەۋ ورەسىن جوعارىلاتۋ، زات اينالىمىنىڭ وزىندىك قۇنىن تومەندەتىپ، ونىمدىلىگىن ارتتىرۋدى جەبەۋ سىندى ولشەمنەن باسقاسىنىڭ كوك تيىندىق قۇنى جوق.

ەگەر مۇنىڭ ىشىندە ءمالىم نەمەسە كەيبىر شارالار اتقارىلعاننان كەيىن، جول تورابىنىڭ ونىمدىلىگى كەرىسىنشە تومەندەپ، قىزمەت وتەۋ ورەسى السىرەپ، زات اينالىمىنىڭ وزىندىك قۇنى كەرىسىنشە جوعارىلاسا، وندا مۇنداي شارالاردىڭ ورنىن، ءسوز جوق، رەتكە سالۋ، كۇشىنەن قالدىرۋ نەمەسە باسقا دا جول تورابىنىڭ ونىمدىلىگى مەن قىزمەت وتەۋ ورەسىن جوعارىلاتۋعا بولاتىن، زات اينالىمىنىڭ وزىندىك قۇنىن تومەندەتىپ، ونىمدىلىگىن ارتتىرۋدى جەبەيتىن شارالار باسۋى كەرەك.

سۋرەتتە: باۋتۋ ـــ ماۋميڭ جوعارى قارقىندى تاس جولىنىڭ شانشي ولكەسى يان-ان قالاسىنىڭ لوچۋان اۋدانى جەرىندەگى بولەگى. شينحۋا اگەنتتىگىنىڭ ءتىلشىسى ليۋ شياۋ فوتوسى 

جوعارىدا ايتىلعان جوبا اتقارىلعاننان كەيىن، جوعارى قارقىندى تاس جولدا اقى الۋدىڭ كۇردەلىلىگى ارتادى، جول بولەگى، اۆتوموبيل تۇرپاتى، ۋاقىت كەزەڭى، شىعار اۋزى نەمەسە كىرەر اۋزى، باعىت، بولەك تولەۋ ءتاسىلى ۇقسامايدى، اقى الۋ دا ۇقسامايدى. وسىنداي تۇرلىشە ولشەمنىڭ بەلگىلەنۋى، قاتىناۋ قاراجاتى مەن زات اينالىمىنىڭ وزىندىك قۇنىن ەسەپتەگەندە، تاس جولدان پايدالانۋشىلار، اسىرەسە، جوعارى قارقىندى تاس جولدان ۇنەمى پايدالانۋشىلار جونىنەن العاندا، وڭاي، وسپاق ءىس ەمەس. سول ءۇشىن بۇل جوبانىڭ اتقارىلۋى باعانى اشىق بەلگىلەپ، بولەكتەرگە ءبولىپ تەكسەرۋدى قاجەت ەتەدى، ونى وسى جوبانىڭ نەگىزگى تۇيىنىنە اينالدىرۋ كەرەك. بۇل جوبانىڭ ءساتتى بولعان، بولماعاندىعىن تەكسەرۋدىڭ قاجەتتى العى شارتى. 

اۋدارعان: ساعىنبەك رابات ۇلى

来源：中国经济网

微信制作：阿依娜