ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

زەينەتكە شىعۋ جاسى قالاي ەسەپتەلەدى

来源:央广网     |责编:阿依娜|     发布日期: 2021-06-18 18:34

 

ازاماتتىق كۋالىك پەن ارحيۆتەگى جاسى بىردەي بولماسا، زەينەتكە شىعۋ جاسى قالاي ەسەپتەلەدى؟

توراپتاس «刘勇»: 

يكەمدى جۇمىستانۋ سپاتتاماسى ماتەريالىنىڭ نەندەي پايداسى بار؟ ولار قايسىلار؟ انىقتاما ماتەريالدارىن قاي جەردەن الۋ كەرەك؟

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جۇمىستانۋدى جەبەۋ مەڭگەرمەسى: 

 

ساياساتتىق بەلگىلەمە بويىنشا، كاسىپتەنۋى قيىن ادامدار، مەكتەپ بىتىرگەن 2 جىل ىشىندە كاسىپتەنبەگەن جوعارى مەكتەپ بىتىرگەن وقۋشىلار يكەمدى كاسىپتەنۋ ىسپاتتاماسى جانە قاتىستى ماتەريالدارىن دايىنداپ، يكەمدى كاسىپتەنۋ قوعامدىق قامسىزداندىرۋ قوسىمشا قاراجاتىن الۋدىءوتىنىش ەتۋىنە بولادى. 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك دامۋ جانە رەفورما كوميتەتى جانە قازىنا مينيسترلىگى قاتارلى ءۇش تاراۋ بىرلەسىپ باسىپ تاراتقان «الەۋمەتتىك جۇمىستانۋعا جان-جاقتىلى قىزمەت وتەۋدى ىلگەرىلەتۋ جونىندەگى جەتەكشى پىكىرگە» ساي، ەڭبەكشىلەردىڭ ازاماتتىق كۋالىگىن (نەمەسە قوعامدىق قامتاماسىزداندىرۋ كارتچكاسىن) الىپ، تۇراقتى قونىستانعان جەردەگى الەۋمەتتىك جۇمىستانۋعا قىزمەت وتەۋ قۇرىلىمدارىنا بارىپ، «جازباشا ۋادە» فورماسىمەن قاتىستى تىزىمگە الدىرۋ رەسمياتىن وتەۋىنە بولادى. 

 

ناقتىلى ءبىر جاقتىلى ەتەتىن ورىن مەن ءبىر جاقتىلى ەتۋ تاسىلىنە قاراتا جەرگىلىكتى ادام كۇشى بايلىعى جانە قوعامدىق قامتاماسىزداندىرۋ تاراۋلارىنان اقىل ـ كەڭەس سۇراۋىڭىزعا بولادى.

توراپتاس «石头»: 

ازاماتتىق كۋالىك پەن ارحيۆتەگى تۋىلۋ ۋاقىتى بىردەي بولماسا، كاسىپورىن جۇمىسشى-قىزمەتكەرلەرىنىڭ زەينەتكە شىعۋ جاسى قايسى بويىنشا ەسەپتەلىنەدى؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى زەينەتكەرلىك قامسىزداندىرۋ مەڭگەرمەسى: 

 

جۇمىسشى-قىزمەتكەرلەردىڭ تۋىلعان ۋاقىتىنا قاراتا مەملەكەتتىڭ ايقىن ساياساتتىق بەلگىلەمەسى بار، «ەڭبەك جانە قوعامدىق قامتاماسىزداندىرۋ مينيسترلىگىنىڭ مەملەكەتتىڭ بەلگىلەمەسىنە قايشىلىق جاساپ، كاسىپورىن جۇمىسشى - قىزمەتكەرلەرىنىڭ مەرزىمىنەن بۇرىن زەينەتكە شىعۋىنا قاتىستى ماسەلەلەردى تەجەۋ جانە تۇزەتۋ جونىندەگى ۇقتىرۋىندا» (ەڭبەك مينيسترلىگى تاراتقان [1999] 8 - ءنومىرلى قۇجات) بىلاي دەپ بەلگىلەنگەن: «جۇمىسشى - قىزمەتكەرلەردىڭ تۋىلعان ۋاقىتىن تۇراقتاندىرۋىندا ازاماتتىق كۋالىگى مەن جۇمىسشى-قىزمەتكەرلەردىڭ ارحيۆىن ۇشتاستىرۋ شاراسى اتقارىلادى. ازاماتتىق كۋالىگى مەن ارحيۆتە جازىلعان تۋىلعان ۋاقىتى بىردەي بولماسا، ءوزىنىڭ ارحيۆىنە ەڭ الدىمەن جازىلعان تۋىلعان ۋاقىتى ولشەم ەتىلەدى.

توراپتاس «精奥维修»: 

مەن ەكى قالا-قالاشىق جۇمىسشى-قىزمەتكەرىنىڭ زەينەتكەرلىك قامسىزداندىرۋىن الدىم، ەندى قالاي ىستەسەم بولادى؟ قاراجاتتى قالاي قايتارۋىم كەرەك؟ قاراجاتتى تولىق قايتارۋىم كەرەك پە، الدە ەكى جەردىڭ قايتالاي الاتىن بولەگىن عانا قايتارۋىم كەرەك پە؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى زەينەتكەرلىك قامسىزداندىرۋ مەڭگەرمەسى: 

 

مەملەكەتتىڭ بەلگىلەمەسىنە ساي، 2010-جىلى 1-اي 1-كۇنىنەن كەيىن قالا-قالاشىق كاسىپورىندارىنداعى جۇمىسشى-قىزمەتكەرلەردىڭ نەگىزگى زەينەتاقىسىن قايتالاي العان قامسىزداندىرۋعا قاتىناسۋشىلاردىڭ ءوزى مەن قوعامدىق قامسىزداندىرۋدى وتەۋ قۇرىلىمى كەڭەسىپ، ولاردىڭ ىشىندەگى ءبىر زەينەتكەرلىك قامسىزداندىرۋ قاتىناسىن ساقتاپ قالۋدى ءارى جالعاستى مامىلە جاساۋدى بەلگىلەيدى، باسقا زەينەتكەرلىك قامسىزداندىرۋ قاتىناسىن اداقتاۋ، جەكە ەسەپ ءتۇرىنىڭ قالعان بولەگىن ءبىر جولدا وزىنە قايتارىپ بەرۋ، قايتالاي العان نەگىزگى زەينەتكەرلىك قامسىزداندىرۋ مامىلەسىن قايتارۋ كەرەك. 

 

ءوزى قايتارماسا، اداقتالعان زەينەتكەرلىك قامسىزداندىرۋىنىڭ جەكە ەسەپ قالدىعىنا دولايلاستىرىلادى. 

 

زەينەتكەرلىك قامسىزداندىرۋىنداعى جەكەلەر ەسەبىندەگى قالدىق قايتالاي الاتىن نەگىزدىك زەينەتكەرلىك قامسىزداندىرۋ مامىلەسىن دولايلاستىرۋعا جەتپەسە، جالعاستى تاراتىلعان نەگىزگى زەينەتاقى بەلگىلى سالىستىرما بويىنشا اي سايىن دولايلاستىرىلادى، ءتىپتى قايتالاي العان نەگىزگى زەينەتكەرلىك قامسىزداندىرۋ مامىلەسى تۇگەلدەي قايتارىلادى.

توراپتاس «开心泡泡»:

جۇمىسشى-قىزمەتكەرلەردىڭ زەينەتكەرلىك قامسىزداندىرۋى مەن ورگان، ءىسورىندارىنىڭ زەينەتكەرلىك قامسىزداندىرۋىن قالاي جوتكەۋ، جالعاستىرۋ كەرەك؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قوعامدىق قامسىزداندىرۋ ىستەرىن باسقارۋ ورتالىعى: 

 

«ورگانءىسورىنداردىڭ نەگىزدىك زەينەتكەرلىك قامسىزداندىرۋ قاتىناسى جانە كاسىپتىك جىلدىق قوردى جوتكەۋ، جالعاستىرۋعا قاتىستى ماسەلەلەر جونىندەگى ۇقتىرۋداعى» (ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ بەلگىلەمەسى [2017] 1-ءنومىرلى) «ورگان ءىسورىنداردىڭ نەگىزدىك زەينەتكەرلىك قامسىزداندىرۋ قاتىناسى مەن كاسىپتىك جىلدىق قوردى جوتكەۋ، جالعاستىرۋدى اتقارۋ ەرەجەسىن (ۋاقىتشا اتقارىلادى) باسىپ تاراتۋ جونىندەگى ۇقتىرۋداعى» (ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تاراتقان [2017] 7-ءنومىرلى قۇجات) بەلگىلەمەگە ساي، قامسىزداندىرۋعا قاتىناسۋشىلار ورگان ءىسورىندارمەن كاسىپورىندار اراسىندا جىلجىمالى كاسىپتەنگەن كەزدە، قامسىزداندىرۋعا قاتىناسۋشىلار جاڭادان كاسىپتەنگەن ورىن نەمەسە ءوزى تۇرعان جەردەگى قوعامدىق قامسىزداندىرۋدى ءبىتىرۋ قۇرىلىمىنا اۋىسادى. جوتكەلگەن جەر مەن جوتكەلەتىن جەردەگى قوعامدىق قامسىزداندىرۋدى وتەۋ قۇرىلىمى كەيىنگى جوتكەۋ رەسمياتىن سەلبەسىپ بىتىرەدى.

توراپتاس «普普通通»: 

نوپوسى تۇرعان جەردەن تىسقارى جەردە قامسىزداندىرۋعا قاتىناسقانىنا 10 جىل تولىپ، زەينەتكە شىققان كەزدە قامسىزداندىرۋعا قاتىناسقان جەردەن زەينەتاقى الۋ كەرەك پە، الدە نوپوسى تۇرعان جەردەن الۋ كەرەك پە؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قوعامدىق قامسىزداندىرۋ ىستەرىن باسقارۋ ورتالىعى: 

 

«قالا-قالاشىق كاسىپورىندارىنداعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ قاتىناسىن جوتكەۋ، جالعاستىرۋدىڭ ۋاقىتتىق ادىسىندەگى» (مەملەكەتتىك كەڭەس كەڭسەسى تاراتقان [2009] 66 - ءنومىرلى) بەلگىلەمەگە ساي، ولكە اتتاپ جىلجىمالى كاسىپتەنگەن قامسىزداندىرۋعا قاتىناسۋشىلار مامىلە جاساۋ شارتىنا جەتكەن كەزدە، مىنانداي بەلگىلەمەلەر بويىنشا ونىڭ مامىلەسىن الاتىن جەر بەلگىلەنەدى: 

 

1) نەگىزگى زەينەتكەرلىك قامسىزداندىرۋ قاتىناسى نوپوسى تۇرعان جەردە بولسا، نوپوسى تۇرعان جەر مامىلە الۋ رەسمياتىن وتەۋگە جاۋاپتى بولىپ، نەگىزگى زەينەتكەرلىك قامسىزداندىرۋ مامىلەسىنەن يگىلىكتەنەدى. 

 

2) نەگىزگى زەينەتكەرلىك قامسىزداندىرۋ قاتىناسى نوپوسى تۇرعان جەردە ەمەس، قايتا ونىڭ نەگىزگى زەينەتكەرلىك قامسىزداندىرۋ قاتىناسى تۇرعان جەردە اقى تاپسىرعان جىل شەگى 10 جىلعا تولسا، سول جەردە مامىلە جاساۋ، الۋ رەسمياتىن وتەپ، سول جەردىڭ نەگىزگى زەينەتكەرلىك قامسىزداندىرۋ مامىلەسىنەن يگىلىكتەنەدى. 

 

3) نەگىزگى زەينەتكەرلىك قامسىزداندىرۋ قاتىناسى نوپوسى تۇرعان جەردە بولماسا ءارى ونىڭ نەگىزگى زەينەتكەرلىك قامسىزداندىرۋ قاتىناسى تۇرعان جەردە اقى تاپسىرعان جىل شەگى 10 جىلعا تولماسا، ونىڭ نەگىزگى زەينەتكەرلىك قامسىزداندىرۋ قاتىناسىن اقى تاپسىرعان جىل شەگىنە 10 جىلعا تولعان بۇرىنعى قامسىزداندىرۋعا قاتىناسقان جەرگە قايتارىپ بەرىپ، مامىلە جاساۋ رەسمياتىن وتەپ، نەگىزگى زەينەتكەرلىك قامسىزداندىرۋ مامىلەسىنەن يگىلىكتەنەدى. 

 

4) نەگىزگى زەينەتكەرلىك قامسىزداندىرۋ قاتىناسى نوپوسى تۇرعان جەردە بولماسا ءارى ءاربىر قامسىزداندىرۋعا قاتىناسقان جەردەگى جالپى اقى تاپسىرۋ جىل شەگى 10 جىلعا تولماسا، ونىڭ نەگىزگى زەينەتكەرلىك قامسىزداندىرۋ قاتىناسى مەن سايكەستى قارجىسىن نوپوس تۇرعان جەرگە جيناقتاپ، نوپوسى تۇرعان جەردە بەلگىلەمە بويىنشا مامىلە جاساۋ رەسمياتىن وتەپ، نەگىزگى زەينەتكەرلىك قامسىزداندىرۋ مامىلەسىنەن يگىلىكتەنەدى.

توراپتاس «万物皆数»: 

ولكە ىشىندەگى باسقا قالالارداعى كاسىپورىندار اراسىنداعى جىلجىمالى قوعامدىق قامسىزداندىرۋ كارتىچكاسىن قايتادان اشۋ قاجەت پە؟ ولكە ىشىندە جاپپاي قولدانۋعا بولا ما؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ينفورماتسيا ورتالىعى: 

 

قازىر باسىم كوپ ساندى ولكەلەر قوعامدىق قامتاماسىزداندىرۋ كارتىچكاسىنىڭ ولكە ىشىندە ايماق، قالا اتتاپ جالپىلاسۋىن جۇزەگە اسىردى، كارتوچكا اۋىستىرۋدىڭ قاجەتى جوق، قاي جەردە بولساڭىزدا 12333 عا تەلەفون شالىپ، كەڭەس سۇراۋىڭىزعا بولادى. 

 

توراپتاس «Cao Xiao ling»: 

زەينەتكە شىعۋ جاسىنا تولعانىمەن، زەينەتاقى الۋ شارتىن ازىرلەمەگەن، قىزمەت ىستەمەگەندەردىڭ جۇمىسسىزدىق قامسىزداندىرۋ قاراجاتىن الۋىنا بولا ما؟ 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىسسىزدىقتى قامسىزداندىرۋ مەڭگەرمەسى: 

 

جۇمىسسىزدىق قامسىزداندىرۋىنا قاتىناسقانىنا ءبىر جىل تولعان، ونىڭ ۇستىنە ءوز ەركىنەن تىس كاسىپسىز قالعان جۇمىسسىزدار زەينەتكە شىعۋ جاسىنا تولسا دا، زەينەتاقى الۋ شارتىن ازىرلەمەسە ءارى قىزمەتى بولماسا، جۇمىسسىزدىقتى قامسىزداندىرۋ قاراجاتىن الۋدى ءوتىنىش ەتۋىنە بولادى.

توراپتاس «苗美然»: 

قوعامدىق قامسىزداندىرۋ كارتىچكاسىن بانكە وزگەرتە الا ما؟ ونى قالاي وزگەرتۋ كەرەك؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ينفورماتسيا ورتالىعى: 

 

قوعامدىق قامسىزداندىرۋ كارتىچكاسىنا فينانس يقۋاتى قوسىلىپ، قوعامدىق قامسىزداندىرۋ جانە فينانس يقۋاتى ءبىر ۋاقىتتا ازىرلەنەدى، بانكە كارتچكاسىن بايلاماسا، كارتىچكانى تولىقتاپ اۋىستىرعاندا، قازىر ءشىنارا ولكەلەر قوعامدىق قامسىزداندىرۋ كارتىچكاسىن تاراتقان بانكەنى وزگەرتۋىنە جول قويادى. ناقتىلى جاعدايدى 12333 گە تەلەفون شالىپ، اقىل - كەڭەس سۇراۋىڭىزعا بولادى.

توراپتاس«甜心»:

جۇمىسقا بارا جاتقان جولىندا كولىك شىرعالاڭىنا ۇشىراۋ جۇمىس ۇستىندە جارالانۋعا جاتا ما؟ 

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىس ۇستىندە جارالانعانداردى قامسىزداندىرۋ مەڭگەرمەسى: 

 

«جۇمىس ۇستىندە جارالانعانداردى قامسىزداندىرۋ ەرەجەسىنىڭ» 14-تارماعىنىڭ 6-مازمۇنىنداعى بەلگىلەمەگە ساي جۇمىسقا بارا جاتىپ، جۇمىستان قايتقان جولىندا ءوزىنىڭ نەگىزگى جاۋاپكەرشىلىگى جوق قاتىناس شىرعالاڭىنا نەمەسە قالا وربيتاسىنداعى قاتىناس شىرعالاڭىنا، جولاۋشى تاسىمالى، پويەز شىرعالاڭىنا ۇشىراپ جارالانسا، جۇمىس ۇستىندە جارالانعان دەپ تانۋ كەرەك. 

 

جۇمىسقا بارا جاتىپ، جۇمىستان قايتقان جولىندا كولىك اپاتىنا ۇشىراۋ جاعدايى جايىندا «جۇمىسقا بارا جاتىپ، جۇمىستان قايتقان جولدا» باستى جاۋاپكەرشىلىك وزىنە ارتىلماۋ سياقتى شەشۋشى فاكتورلاردى اناعۇرلىم ايقىنداۋ قاجەت. 

 

«ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ >جۇمىس ۇستىندە جارالانعانداردى قامسىزداندىرۋ ەرەجەسىن< اتقارۋ جونىندەگى ءبىرقانشا ماسەلە جونىندەگى پىكىرىنىڭ» 2-تارماعىندا بىلاي دەپ ايقىن بەلگىلەنگەن: «ەرەجەنىڭ» 14-تارماعىنىڭ 6 - مازمۇنىندا بەلگىلەنگەن «ءوزى ارقالامايتىن باستى جاۋاپكەرشىلىكتى» تۇراقتاندىرۋدا ءادىليا ورگاندارىنىڭ كۇشكە يە زاڭدىق قۇجاتتارىن نەمەسە قورىتىندى پىكىرىن نەگىز ەتۋ كەرەك. 

 

«ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ> جۇمىس ۇستىندە جارالانعانداردى قامسىزداندىرۋ ەرەجەسىن «اتقارۋ جونىندەگى ءبىرقانشا ماسەلە جونىندەگى پىكىرىنىڭ (2)»6-تارماعىندا بىلاي دەپ ايقىن بەلگىلەنگەن: جۇمىسشى - قىزمەتكەرلەردىڭ جۇمىستان ءتۇسىپ-شىعۋى بارىسىندا، ۇيلەسىمدى ۋاقىت ىشىندە قىزمەت ورنى مەن تۇرعان جەرى اراسىنداعى ۇيلەسىمدى جول لەنياسى قىزمەتكە بارۋ، جۇمىستان قايتۋ جولى ەسەپتەلەدى. 

 

جۇمىسقا بارا جاتقان جولىندا كولىك اپاتىنا ۇشىراسا، جوعارىداعى بەلگىلەمەلەرگە ءبىر ۋاقىتتا ۇيلەسكەندە عانا جۇمىس ۇستىندە جارالانعاندىق دەپ تۇراقتاندىرۋعا بولادى.

توراپتاس «我往北追»: 

سىرت جەردە ءىس ساپارعا شىققاندا، ءوزىنىڭ نەگىزگى جاۋاپكەرشىلىگى جوق قاتىناس شىرعالاڭى تۋىلسا، جۇمىس ۇستىندە جارالانعان سانالاما؟

 

 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىس ۇستىندە جارالانعانداردى قامسىزداندىرۋ مەڭگەرمەسى: 

 

«جۇمىس ۇستىندە جارالانعانداردى قامسىزداندىرۋ ەرەجەسىنىڭ» 14-تارماعىنىڭ 5-مازمۇنىنداعى بەلگىلەمەگە نەگىزدەلگەندە، جۇمىس سەبەبىنەن سىرتقا شىققان كەزدە، قىزمەت سەبەبىنەن زاقىمدالسا نەمەسە شىرعالاڭ تۋىلىپ ءىز-دەرەكسىز كەتسە، جۇمىس ۇستىندە جارالانعان دەپ تانۋ كەرەك. 

 

سىرتقا ءىس ساپارعا شىققاندا، ءوزىنىڭ نەگىزگى جاۋاپكەرشىلىگى جوق قاتىناس شىرعالاڭى تۋىلۋ جاعدايى جونىندە، باستىسى، جۇمىسشى-قىزمەتكەرلەردىڭ سىرتقا شىققاندا ادام ىستەتۋشى ورىن جىبەرگەن-جىبەرمەگەندىگىنە، جۇمىس سەبەبىنەن سىرتقا شىعارعان-شىعارماعاندىعىنا، شىرعالاڭنان تۋىلعان زاقىمدالۋدىڭ قىزمەت سەبەبىنەن بولعان -بولماعاندىعىنا قاراۋ كەرەك. 

 

جۇمىس سەبەبىنەن سىرت جەرگە ءىس ساپارعا شىققاندا، ءوزىنىڭ نەگىزگى جاۋاپكەرشىلىگى جوق قاتىناس شىرعالاڭى تۋىلعاندا، قىزمەتپەن قاتىسى بار بولسا، قىزمەت سەبەبىنەن جۇمىس ۇستىندە جارالانعاندىق دەپ تانۋ، شىرعالاڭ جاۋاپكەرشىلىگىمەن قاتىسسىز دەپ قاراۋ كەرەك. 

 

جۇمىسشى-قىزمەتكەرلەر جۇمىس سەبەبىمەن سىرتقا شىققان كەزدە قىزمەتكە قاتىسسىز جەكە قيمىلدارمەن شۇعىلدانىپ زيانعا ۇشىراسا، جۇمىس ۇستىندە جارالانعان دەپ تۇراقتاندىرۋعا بولمايدى.

 

اۋدارعان: مۇقامادي ءشارىپ ۇلى 

来源:中国政府网

 

 

微信制作:阿依娜

 

中央广播电视总台 央广网 版权所有

زەينەتكە شىعۋ جاسى قالاي ەسەپتەلەدى

يكەمدى جۇمىستانۋ سپاتتاماسى ماتەريالىنىڭ نەندەي پايداسى بار؟ ولار قايسىلار؟ انىقتاما ماتەريالدارىن قاي جەردەن الۋ كەرەك؟