ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

زاڭعا قايشىلىق ىستەگەن 61 ادامدى تۇتقىندادى

来源:央广网     |责编:达吾力别克|     发布日期: 2021-07-17 12:27

نۋكلەين قىشقىلىن تەكسەرتۋ دوكلاتى ۋاقىتىن وزگەرتكەن 61 ادام قولعا الىندى!

ءتىلشىنىڭ 7-ايدىڭ 14-كۇنى يۇننان ولكەسى دىحۇڭ دايزۋ جيڭپو اۆتونوميالى وبلىسى لياڭحى اۋدانى قوعام حاۋىپسىزدىگى مەكەمەسىنەن ۇعىسۋىنشا، 6-ايدىڭ 18-كۇنىنەن 7-ايدىڭ 13-كۇنىنە دەيىن، لياڭحى ساقشى جاعى لياڭحى شەكارا تەكسەرۋ پۋنكتى، حىشي شەكارا تەكسەرۋ پۋنكيتى قاتارلى ەكى ورىنمەن بىرلەسىپ تەكسەرۋ بارىسىندا جالعان جاساعان نەمەسە جالعان جاساعان تەكسەرۋ دوكلاتى انىقتاماسىن پايدالانعان 43 اكىمشىلىك دەلونى تەكسەرىپ، زاڭعا قايشىلىق ىستەگەن 61 ادامدى تۇتقىنداعان، دەلوعا قاتىستى ادامدارعا تۇگەلدەي اكىمشىلىك قولدا ۇستاۋ شاراسى اتقارىلدى.

سۋرەت قاينارى: شينحۋا اگەنتتىگى

 

لياڭحى اۋدانى يۇننان ولكەسى دىحۇڭ وبلىسىنىڭ شىعىس سولتۇستىگىندە، ماڭشى قالاسى، لۇڭليڭ اۋدانى، لۇڭچۋان اۋدانى، يىڭجياڭ اۋدانى قاتارلى اۋدان قالالارمەن، بيرما مەملەكەتىمەن شەكارالاسادى. ىندەتتەن ساقتانۋ-تىزگىندەۋ قىسىمى ءبىرشاما اۋىر. جاڭا تيپتى ايدارشا ۆيروس وكپە قابىنۋ ىندەتىنەن ساقتانۋدىڭ ۇنەمىلىك قىزمەتىن جاقسى ىستەۋ، ىندەتتەن ساقتانۋ تىزگىندەۋ قىزمەتىنە ورالعى بولاتىن ءىس-ارەكەتتى زاڭ ارقىلى تەكتەۋ ءۇشىن، لياڭحى ساقشى جاعى وسى رەتكى  بىرلەسكەن ارەكەتتى ورىستەتكەن بولاتىن. ساقشى جاق تاياۋدا كوپ رەتكى دەلو جاعدايىنىڭ ءمان-جايىن جاريالادى.

 

6-ايدىڭ 22-كۇنى، زاڭعا قايشى قىلمىس كۇماندىسى فان XX اۆتوكولىكتى جالعىز جۇرگىزىپ لياڭحى اۋدانىنان تىڭچۇڭ قالاسىنا بارادى. لياڭحى اۋدانى شەكارا تەكسەرۋ پۋنكيتىندە نۋكلەين قىشقىلىن تەكسەرۋ دوكلاتىنىڭ قاعاز نۇسقاسى جانىمدا جوق دەپ وتىرىك ايتىپ، حالىق ساقشىسىنا ۇيالى تەلەفونعا ساقتاعان دوكلات سۋرەتىن كورسەتەدى.

 

تەكسەرۋدەن كەيىن، حالىق ساقشىسى فان XX  كورسەتكەن نۋكلەين قىشقىلىن تەكسەرتۋ دوكلاتىنىڭ ۋاقىتى يۇننان سالاماتتىق نومىرىندەگى ۋاقىتپەن سايكەس كەلمەيتىنىن بايقايدى. قىلمىس كۇماندىسى كۋالىكتى جالعان جاساعان قىلمىسىن بۇلتارماي مويىندايدى. «جۇڭحۋا حالىق رەسپۋبليكاسى قوعام اماندىعىن باسقارۋ جازا زاڭىنىڭ» 52-تارماعى 2-مازمۇنىنداعى بەلگىلەمە بويىنشا، لياڭحى ساقشى جاعى فان XX تى 7 كۇن اكىمشىلىك جاقتان قولدا ۇستاۋ جازاسىنا بۇيىرادى.

 

7-ايدىڭ 9-كۇنى، زاڭعا قايشى قىلمىس كۇماندىسى گو XX اۆتوكولىك جۇرگىزىپ يىڭجياڭ اۋدانىنان باۋشان قالاسىنا بارادى. لياڭحى اۋدانى حىشي شەكارا تەكسەرۋ پۋنكيتىندە تەكسەرۋ بارىسىندا، كەزەكشى حالىق ساقشىسى ونىڭ نۋكلەين قىشقىلىن تەكسەرتۋ دوكلاتىنىڭ ۋاقىتىن وزگەرتكەنىن بايقايدى.

 

سۇراپ انىقتاۋدا،    گو XX تەكسەرۋگە توتەپ بەرۋ ءۇشىن ۋاقىتى وزگەرتىلگەن تەكسەرتۋ دوكلاتىن پايدالانعانىن مويىندايدى. «جۇڭحۋا حالىق رەسپۋبليكاسى قوعام اماندىعىن باسقارۋ جازا زاڭىنىڭ» 52-تارماعى 2-مازمۇنىنداعى بەلگىلەمە بويىنشا، لياڭحى ساقشى جاعى گو XX تى 14 كۇن اكىمشىلىك جاقتان قولدا ۇستاۋ جازاسىنا بۇيىرادى.

 

ساقشى جاعىنىڭ ەسكەرتۋى: ىندەتتەن ساقتانۋ-تىزگىندەۋدىڭ ۇنەمىلىك جاعدايىندا، زاڭ بويىنشا جاۋاپكەرشىلىكتى قاتاڭ اتقارۋ، قوعام حاۋىپسىزدىگى ورگانىنىڭ ىندەتتەن ساقتانۋ-تىزگىندەۋ قىزمەتىنە بەلسەندى سايكەسۋ ءاربىر ازاماتتىڭ وتەۋگە ءتيستى بورىشى. ساقشى جاعى ۇكىمەت قۇجاتىن، كۋالىكتەردى، انىقتامالاردى جالعان جاساعان، وزگەرتكەن زاڭعا قايشى ءىس-ارەكەتتى تۇبەگەيلى تەكسەرىپ انىقتاپ، باتىل سوققى بەرەدى.

 

اۋدارعان: قۋات جۇماش ۇلى

 

 

    中央广播电视总台 央广网 版权所有

    زاڭعا قايشىلىق ىستەگەن 61 ادامدى تۇتقىندادى

    نۋكلەين قىشقىلىن تەكسەرتۋ دوكلاتى ۋاقىتىن وزگەرتكەن 61 ادام قولعا الىندى!