قۇرمەتتى تىڭدارمان قاۋىم، بۇگىن 7-ايدىڭ 23-كۇنى، جۇما، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر. 

您的浏览器不支持 audio标签

مەملەكەتتىك ەمدەۋ قامسىزداندىرۋ مەكەمەسى: ٴۇشىنشى بالالى بولۋ قاراجاتىن تۋىت قامسىزداندىرۋى مامىلەسىنىڭ تولەۋ كولەمىنە ەنگىزۋگە كەپىلدىك ەتىلەدى،-دەدى.

ورتالىق ۇيىمداستىرۋ ٴبولىمى حىناننىڭ تاسقىننان ساقتانۋ، اپاتتان قۇتقارۋ قىزمەتىن قولداۋعا ورتالىق كوميتەت اتىنان باسقارىلاتىن پارتيا جارناسىنان 20 ميلليون يۋان بولىنگەندىگىن مالىمدەدى.

بازار باقىلاۋ-باسقارۋ باس مەكەمەسى تىكە تاراتىلىم ارقىلى زات ساتۋ، تانىمال بلوگەرلەر ارقىلى كوزبوياۋشىلىق ىستەۋ سياقتى تاسىلدەردەن پايدالانىپ، توۆارىن تىقپالاپ ساتاتىن احۋالدارعا قاتاڭ سوققى بەرىلەتىندىگىن جاريالادى.

127 ميلليون زەينەتكەر يگىلىككە كەنەلدى! 2021-جىلعى وسكەن زەينەتاقى تۇگەلدەي تياناقتاندىرىلدى.

بۇكىل ەل بويىنشا قىزمەتكەر ەڭ تاپشى 100 كاسىپ قاتارعا تۇرعىزىلدى. بازارداعى تيجارات كاسىپتىك قىزمەتكەرلەرى الدىڭعى 10 كاسىپتىڭ قاتارىندا كورىندى.

2021-جىلدىڭ 2-توقسانىندا حالىق بانكەسى زاڭ بويىنشا ناق اقشا الۋدان باس تارتقان 18 ورىنعا جانە قاتىستى جاۋاپتى ادامعا ەكونوميكالىق جازا قولداندى، ايىپ سوماسى 1000 يۋاننان 100 مىڭ يۋانعا دەيىن بولدى. جازالانعان ورىندار الەۋمەتتىك قىزمەت وتەۋ قۇرىلىمدارى، شيپاحانالار، كورىنىس رايوندارى، اۆتوموبيل توقتاتۋ الاڭدارى جانە قامسىزداندىرۋ سەرىكتىكتەرى قاتارلىلاردى قامتيدى. 

نانجيڭ قالاسىندا جەرگىلىكتەن تاعى دا 2 ادامنىڭ دياگنوزى ايقىندالدى. اۋەجاي الەۋمەتتىك اۋماعىنىڭ ءبىر سەميالىقتار رايونى جۇعىمدالۋ قاتەرى ورتاشا رايون بولىپ بەلگىلەندى.

ورىنسىز ٴسوز-ارەكەتتەرى ايىپتاۋعا ۇشىراعان توكيو وليمپيادا سپورت جارىسىنىڭ اشىلۋ-جابىلۋ سالتىنىڭ رەجيسسەرى مىندەتىنەن قالدىرىلدى. 

انگليانىڭ ليۆەرپۋل قالاسىنداعى تەڭىز ساۋدا بازارى «دۇنيە جۇزىلىك مۇراعاتتار تىزىمدىگىنەن» شىعارىلدى. 

حانگو مەملەكەتى حانگو سۇرىلەنگەن كوكونىسىنىڭ حانزۋشا اتىن «سينچي» دەپ رەسمي اۋداردى. 

شۆەتسيادا 2 قىلمىسكەر 20 پيسسا قارماسىنا بولا تۇرمە ساقشىسىن 9 ساعات بارىمتالادى.

بيكيني جارىس شالبارىن كيۋدەن باس تارتقاندىقتان، نورۆەگيا ايەلدەر قايراڭ قول دوپ كومانداسىنا 1500 ەۆرو ايىپ سالىندى. 

جىڭجوۋدا نوسەرلى جاڭبىردا ٴۇي باعاسىن 2888 يۋانعا قىمباتتاتقان مەيمانحاناعا ورايدان پايدالانىپ باعانى ەرەپايسىز كوتەرمەلەگەن دەگەن كىنا تاعىلىپ، زاڭ بويىنشا 500 مىڭ يۋان ايىپ سالىندى. 

فۋجيان ولكەسىندەگى 19 جوعارى مەكتەپ ۇقتىرۋ شىعارىپ، تاسقىن اپاتىنا ۇشىراعان وقۋشىلارعا ۋاقىتتىق قيىنشىلىق كومەك قاراجاتىن تاراتتى.

ۋيچات دوستىق شەڭبەرىندە اپاتقا ۇشىراعان بۇقارانى قورلاعان ەر ادام قىلمىستىق ىستەر بويىنشا قاماۋعا الىندى. 

حىنان ولكەسى شينمي قالالىق دامۋ-رەفورما كوميتەتىنىڭ ورىنباسار مەڭگەرۋشىسى ۋاڭ جۇنجيە اپات جاعدايىن تەكسەرۋ بارىسىندا باقىتقا قارسى قازا بولدى.

ەسىك الدىنا توقتاتىلعان اۆتوكولىككە بىيىكتەن تاس لاقتىرعان شاڭحايداعى 60 جاستاعى اجەي قىلمىستىق ىستەر بويىنشا قاماۋعا الدى. 

كۇيەۋىمەن بىرگە قابىر توناعان جۇكتى ايەل ۇرلىق قىلمىسى بويىنشا قامالدى. 

حىناننىڭ شيڭياڭ قالاسىندا نوسەرلى جاڭبىردا قيراندىنىڭ استىندا ٴبىر كۇن، ٴبىر ٴتۇن جاتقان نارەستە امان-ەسەن قۇتقارىلدى، قازىر بالا ەمحانادا ەمدەلۋدە، شەشەسى باقىتقا قارسى قازا بولدى. 

تاياۋدا «قۇتقارۋ قىزمەتكەرلەرىنىڭ ينفورماتسياسى» اتتى سيستەما حىنانداعى كوپتەگەن اپاتقا ۇشىراعان بۇقاراعا كومەكتەسۋدە ەرەكشە رول اتقاردى، كوپشىلىك توراپتا قۇتقارۋ ينفورماتسياسىن كەمەلدەندىردى. بۇل سيستەمانى جاساۋشى لي رۇي شاڭحاي قازىنا-ەكونوميكا داشۋەسىنىڭ وقۋشىسى. حىناندىق ول 30 نەشە ساباقتاسىمەن بىرگە وسى سيستەمانى رەتتەپ شىققان. ول بىلاي دەدى: مەن حىناننان شىققان ستۋدەنتپىن، اۋىلىما ۇلەس قوسۋ بۇلتارماس بورىشىم. 

حىناندىق اپاي قامالىپ قالعان شوفەرعا قولايلى كەسپە ۇسىنىپ،ٴبىر كەسە جەتپەيدى، ەكى كەسە جەي عوي دەپ جالىبراقتادى. 

您的浏览器不支持 audio标签

 جۇڭگونىڭ التىن قاقپاسى ايقارا اشىلادى

«جۇڭگو كوممۋنيستىك پارتياسى بەيبىتشىلىكتى سۇيەتىن بارلىق ەلدەرمەن جانە حالىقپەن بىرگە بەيبىتشىلىك، دامۋ، تەڭدىك، ادىلدىك، دەموكراتيا، ەركىندىك سىندى بۇكىل ادامزاتتىق ورتاق قۇندى ساۋلەلەندىرىپ، سەلبەسۋدە تاباندى بولۋ، قارسىلاسۋمەن شۇعىلدانباۋ؛ ەسىك اشۋدا تاباندى بولۋ، قۇرساۋلاۋمەن شۇعىلدانباۋ؛ ٴوزارا پايدا جەتكىزە ورتاق يگىلىكتەنۋدە تاباندى بولۋ، مۇلدە جاراسپاۋمەن شۇعىلدانباۋ؛ زورەكەرلىككە جانە وكتەمدىك ساياسيعا قارسى تۇرۋ ارقىلى تاريح تەگەرشىگىنىڭ نۇرلى نىساناعا قاراي العا باسۋىن ىلگەرىلەتەدى!» ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە «ەسىك اشۋعا تاباندى بولۋ، قۇرساۋلاۋمەن شۇعىلدانباۋ» دەگەن دارىپتەمەنى اسقاق ۇنمەن الەمگە جار سالا جاريالاپ، جۇڭگونىڭ سىرتقا ەسىك اشۋدى تاباندىلىقپەن كەڭەيتۋ سەنىمى مەن بەكىمىن ايگىلەدى. 

1978-جىلى جۇڭگو رەفورما جاساپ، ەسىك اشۋ دابىلىن قاقتى. 40 نەشە جىلدان بەرى، جۇڭگو باستان-اياق مەملەكەت قاقپاسىن بارعان سايىن ايقارا اشىپ، قۇرىلىس جۇرگىزىپ، تۇيىقتالۋدان، جارتىلاي تۇيىقتالۋدان جالپى بەتتىك ەسىك اشۋعا دەيىنگى تاريحي بۇرىلىستى ٴساتتى جۇزەگە اسىردى. ٴاماليات مىنانى دالەلدەدى: بۇرىن جۇڭگو ەكونوميكاسىنىڭ دامۋى ەسىك اشۋ شارت-جاعدايىندا قولعا كەلدى، بولاشاقتا جۇڭگو ەكونوميكاسىنىڭ جوعارى ساپالى دامۋىن جۇزەگە اسىرۋدا، ٴسوز جوق، اناعۇرلىم ايقارا ەسىك اشۋ شارت-جاعدايىندا جۇرگىزىلەتىن بولۋ كەرەك.

ەسىك اشۋعا تاباندى بولۋ سەنىمى تابىستى ٴامالياتتان كەلەدى. ەكونوميكالىق ەرەكشە رايون قۇرعاندىقتان، شىنجىن بۇرىنعى يەن دالاداعى بالىقشىلىق قىستاقتان ومىرشەڭدىك كۇشى تاسقىنداعان حالىقارالىق قالاعا اينالدى؛ جۇڭگو دۇنيە جۇزىلىك ساۋدا ۇيىمىنا كىرگەن سوڭ، دۇنيە جۇزىلىك كاسىپ تىزبەگىمەن جەدەل توعىسىپ، بۋىرقانعان يمپورت-ەكسپورت قوزعاۋشى كۇشىمەن دۇنيە جۇزىلىك ەكونوميكا-ساۋدا جاعدايىن قايتا سومدادى؛ جاڭالىق جاراتۋ ٴتۇزىلىسىن ورناتىپ، شەتەل ساۋداگەرلەرىن قارجى قوسۋعا باۋراۋدا شەتەلدەن قارجى ەنگىزۋ جانە شەتەلگە قارجى قوسۋدى باسقارۋ ٴتۇزىمى بىرتىندەپ كەمەلدەندى؛ ساۋدا ورتاسى ۇزدىكسىز ساپالاندى؛ ەسىك اشۋ جۇيەسى كەڭەيىپ، 21 ەركىن ساۋدا سىناق رايونى تەڭىز جاعالاۋىندا، شەكارا بويىنداعى، وزەن جاعالاۋىنداعى جانە ىشكى قۇرلىقتاعى ورتالىق قالالارداعى ەسىك اشۋ تەرەزەلەرىنە اينالدى؛ حاينان ولكەسى جۇڭگوشا ەركىن ساۋدا پورتى رەتىندە جەلكەن جايىپ ساپارعا اتتاندى؛ ەسىك اشۋ تەكشەلەرى تەگىس قۇرىلىپ، «ءبىر بەلدەۋ، ءبىر جولدى» ورتاق قۇرۋ دارىپتەمەسى ورتاعا قويىلدى. 8 جىلدا 140 مەملەكەتپەن قاتىستى سەلبەستىك كەلىسىم جاسالدى...ەسىكتى ايقارا اشۋ ارقىلى مىنە وسىنداي جۇڭگو ناتيجەلەرىن جاراتتى. 

اشىق ۇستالۋعا تاباندى بولىپ، ٴداۋىردىڭ جالپى جاعدايىنا تۇجىرىم جاسالدى. ەكونوميكانىڭ جەر شارىلانۋ داۋىرىندە ەسىك اشۋ، توعىسۋ-بوگەۋ بەرمەس تاريحي بەتالىس، كەيبىرەۋلەردىڭ «قورعان سالۋ»، «قول ٴۇزۋ» ارقىلى ەكونوميكالىق زاڭدىلىققا جانە بازار ەرەجەسىنە قايشىلىق جاساۋى وزگەنى زيانداۋمەن قويماي، وزىنە دە پايدا جەتكىزبەيدى. جۇقپالى اۋرۋ، كليمات وزگەرىسى، باياندى دامۋ سياقتى الەمدىك سىن-سايىستار تۇسىندا، ٴارقانداي ەل ٴوز الدىنا دەربەس ٴومىر ٴسۇرىپ كەتە المايدى. جۇڭگو ب م ۇ، 20 ەل توبى، ازيا-تىنىق مۇحيت ەكونوميكالىق سەلبەستىك ۇيىمى، شاڭحاي سەلبەستىك ۇيىمى، تەبىندى ەلدەر توبى سياقتى كوپ جاقتى تەكشەلەردە باستان-اياق ٴبىر مايداندا تاباندى بولىپ كەلەدى، ياعني كوپ جاقتىلىقتى قورعاپ جانە ٴامالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش قوسىپ كەلەدى. ب م ۇ-نىڭ باس حاتشىسى گۋتتەرەس جۇڭگونىڭ حالىقارالىق سەلبەستىك پەن كوپ جاقتىلىقتىڭ تىرەگىنە اينالعاندىعىن القادى.

اشىق ۇستالعان جۇڭگو دۇنيە جۇزىندە بارعان سايىن ماڭىزدى رول اتقارۋدا. دۇنيە جۇزىلىك ساۋدا ۇيىمىنا كىرگەن 20 جىلدا جۇڭگونىڭ دۇنيە ٴجۇزى ەكونوميكاسىنىڭ ارتۋىنا قوسقان جىلدىق ورتاشا ۇلەس مولشەرى %30 كە تايادى؛ جۇڭگودا ٴبىر ميلليارد 400 ميلليون جان سانى، 400 ميلليوننان استام ورتاشا كىرىستەگى قاۋىم بار، ەرەكشە كەڭ بازار كومەسكى كۇشىنە يە؛ جۇڭگو مەن «ٴبىر بەلدەۋ، ٴبىر جول» بويىنداعى ەلدەردىڭ زات ساۋداسىنىڭ جالپى سوماسى 9 تريلليون 200 ميلليارد امەريكا دوللارىنا جەتتى، جۇڭگو جەلى بويىنداعى ەلدەرگە 136 ميلليارد دوللار تىكەلەي قارجى قوستى... اشىق ۇستالعان جۇڭگو دۇنيە ٴجۇزى دامۋىنىڭ ورنىقتىرعىشىنا جانە قوزعاۋشى كۇش قاينارىنا اينالۋدا. 

جۇقپالى اۋرۋدىڭ سوققىسىنا جانە ەكونوميكانىڭ جەر شارىلانۋ بارىسىنداعى تەرىس اعىمعا ٴدوپ كەلگەن كۇننىڭ وزىندە دە، جۇڭگونىڭ ەسىكتى ايقارا اشۋ قادامى ٴباز باياعىسىنداي بەكەمدەلە ٴتۇستى. 2020-جىلى 11-ايدىڭ 15-كۇنى جۇڭگو باسقا 14 ەلمەن وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنە قول قويىپ، دۇنيە جۇزىندەگى كومەسكى كۇشى ەڭ زور ەركىن ساۋدا رايونىنا جۇڭگو كۇشىن قوستى. 2020-جىلى تۇتاس جىلدا جۇڭگونىڭ شەتەل قارجىسىن باۋراۋى قيىنشىلىق قىسپاعى جاعدايىندا ارتۋ ارىنىن ساقتاپ، ا ق ش-نان اسىپ ٴتۇسىپ، دۇنيە ٴجۇزى بويىنشا شەتەل قارجىسىن باۋراۋداعى ەڭ ءىرى ەلگە اينالدى. 2021-جىلدىڭ الدىڭعى ەكى ماۋسىمىندا جۇڭگونىڭ ناقتى پايدالانعان شەتەل قارجىسى 607 ميلليارد 840 ميلليون يۋان بولىپ، ۇقساس مەزگىلدەگىدەن %28.7 ارتتى. جۇمىستى، ٴوندىرىستى قالپىنا كەلتىرۋ جانە جۇقپالى اۋرۋدان ساقتانۋ-تىزگىندەۋ نەگىزىندە، جۇڭگو سىرتقا كومەك بەرۋدى بەلسەنە ورىستەتتى. قازىرگە دەيىن جۇڭگو دۇنيە جۇزىندەگى 100 دەن استام مەملەكەت پەن حالىقارالىق ۇيىمدى 500 ميلليون دانا جاڭا تيپتى ايدارشا ۆيرۋسقا قارسى ۆاكسينامەن جانە اۋەلگى ماتەريال سۇيىق دارىسىمەن قامدادى، بۇل ساندىق شاما كەزەكتەگى بۇكىل جەر شارىنداعى جاڭا تيپتى ايدارشا ۆيرۋسقا قارسى ۆاكسينا جالپى ٴونىم مولشەرىنىڭ التىدان ٴبىر ۇلەسىنە تۋرا كەلەدى. 

جۇڭگونىڭ اشقان ەسىگى جابىلمايدى، قايتا بارعان سايىن ايقارا اشىلادى. جۇڭگو دۇنيە جۇزىندەگى ٴار ەلمەن بىرگە ورتاق پايداعا كەنەلۋدىڭ، ورتاق يگىلىكتەنۋدىڭ نۇرلى بولاشاعىن اشادى.

来源：中央广播电视总台

新闻速递翻译：夏力哈尔 播音：热得力

世界报道翻译：哈那提别克  播音：古丽江

微信制作：阿依娜