شينجياڭدىق سپورتشىلاردان كەزەكتى وليمپيادا جارىسىنا قاتىناسقان ساڭلاقتار

جۇڭگو سپورت ۋاكىلدەر ۇيىرمەسى وليمپيادا جارىس مايدانىنا قايتا ورالدى. العاش 1980-جىلعى Lake Placid قىسقى وليمپيادا جارىسىن تاماشالاعانىمەن، ەلىمىزدەگى جانكۇيەرلەردى وليمپيادا ويىندارىندا جالت قاراتقانى لوس-انجەلەس وليمپياداسىنداعى شۇي حايفىڭنىڭ نىسانا اتۋ جارىسى ەكەنى تالاسسىز شىندىق ەدى. انىعىندا، سول رەتكى وليمپيادا جارىسىندا جۇڭگو ۋاكىلدەر ۇيىرمەسىندە ەكى شينجياڭدىق سپورتشى بار بولاتىن. 

 زىڭ بو مەن ساپتاستارى دوستىق جارىسىندا

شاپشال سىبە اۆتونوميالى اۋدانىنداعى ساداق اتۋ شەبەرى با يۇڭشان مەن ۆەلەسيپەد ءمىنۋ شەبەرى زىڭ بو وليمپيادا سپورت جارىسىنا قاتىناسقان. ولار شينجياڭدىق ساڭلاقتاردىڭ مەملەكەتتىك كوماندادا قۇلشىنا كۇرەسكەندىگىنىڭ ناقتى ايعاعى. بۇل كۇندە ورتا جاسقا كەلگەن زىڭ بونىڭ ەسكە الۋىنشا، زىڭ بو جانە ونىڭ ساپتاسى جۇڭگولىقتاردىڭ 100 كيلومەترلىك توپتىق ۋاقىت ەسەپتەپ ۆەلەسپەت ءمىنۋ جارىسىندا ەڭ تاماشا ناتيجە جاراتقانىمەن، الايدا وزگە ەلدىڭ سپورتشىلارىمەن ارا پارقى اسا زور ەكەن. 

كوكتوعاي اۋدانىنان كەلگەن ليۋ يانفەي 1988-جىلعى، 1992-جىلعى، 1994-جىلعى قىسقى وليمپيادا ويىندارىنا قاتىناسىپ، 1994-جىلعى ليللەحاممەر قىسقى وليمپيادا سپورت جارىسىندا اشىلۋ مۇراسىمىنداعى جۇڭگو ۋاكىلدەر ۇيىرمەسىنىڭ تۋ ۇستاۋشىسى بولعان. 

2008-جىلى بەيجيڭ وليمپيادا سپورت جارىسىندا مەملەكەتتىك كومانداعا كىرگەن شينجياڭدىق سپورتشىلاردىڭ سانى ارتىپ ساپاسى جوعارىلادى. ىلەدەن كەلگەن شۋە حايفىڭ ەكىنشى رەت وليمپيادا سپورت جارىسىنا قاتىناسۋ ورايىندا ساپتاسىمەن بىرگە ەرلەر ساداق اتۋ جارىسىنىڭ توپتىق جارىسىندا مىس مەدالدى ەنشىلەدى. 

ۋاڭ جيە (وڭدا) جانە تيان جيا

جاعاجاي ۆالەيبولشىسى ۋاڭ جيە مەن ساپتاسى تيان جيا ايەلدەر جاعاجاي ۆالەيبول جارىسىندا جۇلدەگەر بولىپ، جۇڭگو جاعاجاي ۆالەيبول تاريحىنداعى ەڭ تاماشا وليمپيادا جارىس ناتيجەسىنە يە بولدى. 

ۋاڭ جيە جارىستا

2012-جىلعى لوندون وليمپياداسىندا شينجياڭ مەن حىنان بىرلەسە وتىرىپ ىشتانكى كوتەرۋ سپورتشىسى لي شۋەيىڭدى تاربيەلەپ، ايەلدەردىڭ 58 كيلوگرامدىق ىشتانكى كوتەرۋ جارىسىندا باس جۇلدەگەرلىكتى ەنشىلەيدى. شينجياڭ باسەكە سپورتى تۇڭعىش رەت وليمپيادا سپورت جارىسىنىڭ التىن مەدالىن الادى. 

توكيو وليمپياداسى 2021-جىلى 7-ايدىڭ 23-كۇنى رەسمي باستالادى. شينجياڭدىق 6 سپورتشى جۇڭگو سپورت ۋاكىلدەر ۇيىرمەسى قۇرامىنا تاڭدالعان. 

ايەلدەر اراسىنداعى كۇرەستىڭ الەم چەمپيوناتى رۇڭ نيڭنيڭ

رۇڭ نيڭنيڭ

ەرلەر اراسىنداعى كۇرەس شەبەرى ۋاليقان سەرىك ۇلى، جاعاجاي ۆالەيبولشىسى شيا شين-ي، بوكسشى توقتاربەك تاڭاتقان ۇلى قاتارلىلار وليمپياداعا تولىق دايىندالىپ، ۇزدىك ناتيجەگە قول جەتكىزۋگە قۇلشىنۋدا. 

 شيا شين-ي / ۋاڭ فان

2022-جىلعى بەيجيڭ قىسقى وليمپياداسىندا قايراتى تاسقىنداعان شينجياڭدىق قار-مۇز سپورتشىلارى جاپالى جاتتىعۋعا قاتىناسۋدا، ولار سول جىلى ەلىمىزدە وتكىزىلەتىن ءدۇبىرلى دودادا ۇزدىك ناتيجەگە قول جەتكىزىپ وتانعا داڭق اپەرۋدى ارماندايدى. 

قانە، بارلىعىمىز جۇڭگو وليمپيادا ۋاكىلدەر ۇيىرمەسىندەگى شينجياڭدىق سپورتشىلارعا بارەكەلدى ايتايىق، ولارعا جەڭىس تىلەيىك! 

حانزۋشادان اۋدارعان: قۋات جۇماش ۇلى

来源：新疆日报

监制，审稿：叶力夏提

翻译 : 胡阿提

微信制作：阿依娜