ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

مەكسيكالىق ٴانشى التىن القادان شاش ەكتىردى

来源:央广网     |责编:古丽美热·霍孜汗|     发布日期: 2021-09-14 08:57

مەكسيكالىق ٴانشى التىن القادان شاش ەكتىردى

قۇرمەتتى تىڭدارمان قاۋىم، بۇگىن 9-ايدىڭ 13-كۇنى، دۇيسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر. 

您的浏览器不支持 audio标签

&ەكولوگيالىق ورتا مينيسترلىگى: جىلجىمالى لاستانۋ ٴىرى، ورتاشا قالالاردىڭ اۋاسىنىڭ بىلعانۋىنىڭ باستى قاينارىنا اينالدى،-دەدى.

 

& ورتالىقتىڭ قۋزاۋ-جەتەكشىلىك ەتۋ 16 گرۋپپاسى تۇگەلدەي تياناقتاندى، 31 اشكەرەلەۋ حات ساندىعى تۇڭعىش رەت شوعىرلى جاريالاندى. 

 

&«ساندۋ» اتتى كۇشتى تايفىڭ داۋىلى قۇرلىققا شىقتى، جىجياڭنىڭ كوپ جەرىندە ساباق توقتادى، كورىنىس رايوندارى جابىلدى، ٴىشىنارا پويەزدار توقتاتىلىپ، كەزەكشى ايروپلاندار كۇشىنەن قالدىرىلدى، شاڭحايداعى ورتا، باستاۋىش مەكتەپ جانە بالالار باقشاسى 9-ايدىڭ 13-،14-كۇندەرى ساباق توقتاتتى. 

 

& شيامىن ۋنيۆەرسيتەتىنە قاراستى 1-شيپاحانا داعدىلى تەكسەرۋ بارىسىندا، 3-جاق سەرىكتىكتىڭ ارتقى شەبىندەگى ٴبىر قىزمەتكەردىڭ نۋكلەين قىشقىلىن تەكسەرۋ ناتيجەسىنىڭ بولىمدى ەكەندىگىن بايقادى. شيپاحانا بۇگىننەن باستاپ تۇيىقتاپ باسقارۋدى جولعا قويىپ، ەمدەۋ قىزمەتىن ۋاقىتشا توقتاتتى. 

 

& اۋمىن ەرەكشە اكىمشىلىك رايونى 7-كەزەكتى زاڭ شىعارۋ كەڭەسى 26 پارلامەنت مۇشەسىن العاشقى ادىمدا تىكەلەي جانە جانامالاي سايلادى. 

 

& ەلىمىزدىڭ يادرولىق جاراقسىز ماتەريالداردى قاتىرۋ قۋاتى كەلەلى تابىستارعا قول جەتكىزىپ، راديواكتيۆتىك زاتتاردى مىڭ جىلدان استام ۋاقىت قاتىرا الادى. 

 

& ما لۇڭ مەملەكەتتىك سپورت جارىسىنىڭ ۇستەل دوپ باسەكەسىندە ەرلەر جەكە جارىس تۇرىنەن شەگىنىپ شىعىپ، جارىس تۇيىنىن قوس ادامدىق جانە توپتىق نىساندارعا شوعىرلاندىردى.

 

& افعانستانداعى تاليبان ۇيىمى: ۇكىمەت باسقارۋىنداعى ۋنيۆەرسيتەتتەردىڭ ٴبىر ٴبولىم ساباقتارىنىڭ كۇشىنەن قالدىرىلعاندىعىن جاريالادى.

 

& عارىش جاساۋ جانە كەڭىستىك تاسىمالىنا قىزمەت وتەيتىن SpaceX (سيپەيىس ايكىس) سەرىكتىگىنىڭ 4 ۇشاق قىزمەتكەرى SpaceX راكەتاسىنا وتىرىپ عارىش وربيتاسىنا جەتتى.

 

& جاپونيادا 8 ادام فۋكۋسيما ارالىنداعى يادرو شىرعالاڭىن ٴبىر جاقتىلى ەتۋگە قاتىناسۋ سەبەبىنەن راك اۋرۋىنا شالدىقتى.

 

& تايلاندتا ٴبىر جاستاعى بوبەكتى اكەسىنىڭ دوسى تاۋ ۇڭگىرىنە اپارىپ لاقتىرىپ تاستاعان، سۋ ىشەرى بار ٴسابي قىز 3 كۇننەن كەيىن تابىلىپ ولىمنەن امان قالعان.

 

& ەستىمەگەن ەلدە كوپ. مەكسيكادا بەلگىلى روكٴانشىسى باس سۇيەگىن بۇرعىلاپ، نەشە ون تال التىن القادان شاش ەكتىرگەن. 

 

&ورتالىق تەلەۆيزياسى hours 73، KISSCAT، honeyGIRl قاتارلى ماركالى رەزىڭكە كەبىستەردىڭ فتالەين قىشقىل ەستەر قۇرامىنىڭ ولشەمنەن اسىپ كەتكەندىگىن جاريالادى. بەلگىلى زەرتتەۋلەرگە نەگىزدەلگەندە، فتالين قىشقىل ەستەر تىنىس جولى جۇيەسى مەن تەرى ارقىلى دەنەگە ەنىپ، ىشكى سەكرەتسيا جۇيەسىن، ٴوسىپ-جەتىلۋ جۇيەسىن بۇلدىرەدى. 

 

& داليانداعى بەلگى سيپاتىندىق قۇرىلىس كايشۋان سارايىنىڭ جوعارى قاباتىنداعى ٴورت اپاتىنىڭ سەبەبى انىقتالىپ، قوس دوڭگەلەكتى ەلەكترلى كولىكتى زاريادتاۋدان تۋىلعان، قازىر ٴۇي-مۇلىك باسقارۋ سەرىكتىگىنىڭ زاڭدىق ۋاكىلى سۇڭ x پەن مەڭگەرۋشىسى يۋان x ٴورت ٴوشىرۋ جاۋاپكەرشىلىك شىرعالاڭى كۇمانىمەن قىلمىستىق ىستەر بويىنشا قاماۋعا الىندى؛ B عيماراتتاعى 1910-ٴنومىرلى ٴۇي يەسى ٴورت كەتۋ قىلمىسىنا قاتىستى بولعاندىقتان، قوعام حاۋىپسىزدىگى ورگانى دەلو تۇرعىزىپ، قىلمىستىق ىستەر بويىنشا بارلاۋ جۇرگىزىپ، تۇراعىندا باقىلاۋعا الۋ ماجبۇرلەۋ شاراسىن قولدانعان؛ ٴورت اپاتىنا قاتىستى ادامداردىڭ اكىمشىلىك باسقارۋ جاۋاپكەرشىلىگى تارتىپپەن تەكسەرىلۋدە.

 

& شاندۇڭداعى ەڭ تومەنگى تۇرمىسى قامتاماسىزداندىرىلاتىن ٴىشىنارا وتباسىلارىنان جول سالۋعا جىلۋ جيناعان، جەرگىلىكتى ورىن رەتتەۋ-تۇزەتۋ جۇرگىزۋ ارقىلى ولاردىڭ قارجىسىن قايتارىپ بەرگەن. 

 

& توراپ جەلىسىندە فۋجيان ولكەسى شيانيوۋ اۋداندىق ساقشى تاراۋلارىنىڭ ۆيرۋسپەن جۇعىمدالىپ، دياگنوزى انىقتالعانداردىڭ قولىنا كوزىر، اياعىنا كىسەن سالعان حابارى تارالعان، ساقشى جاق بۇل وسەك-اياڭدى تەرىسكە شىعارىپ، قىلمىس كۇماندىلارىنىڭ دەنساۋلىعىن تەكسەرۋگە ۇيىمداستىرعاندىعىن ايتىپ ٴىستىڭ شىن سىرىن تۇسىندىردى. 

 

& چىڭدۋداعى 31 جاستاعى ٴبىر ايەل جالعىز ٴوزى سەربياعا ساياحاتتاي بارىپ دەرەكسىز كەتكەن، ونىڭ وتباسىنداعىلار ساقشى جاقتىڭ بۇل ٴىستى تەكسەرۋگە ارالاسقاندىعىن ايتتى. 

 

& توراپتا ۋحانداعى گۇييۋان بۇتحاناسىنا سوپى قابىلداپ، ايىنا 15 مىڭ يۋان بەرەتىندىگى جايلى حابار تارالعان، كەزەكتە ۇكىمەت بۇل وسەك-اياڭدى تەرىسكە شىعاردى.

 

& جياڭسۋدىڭ ليانيۇنگاڭ قالاسىنداعى ٴبىر كولشىكتە «پەريزات ٴپىشىندى شايان» بايقالعان، ماماندار بۇل جونىندە وسى شاياننىڭ دينوزاۆرمەن زامانداس سۋدا وسەتىن ساۋىتتى جانۋار ەكەندىگىن، 200 ميلليون جىلدىڭ الدىندا پايدا بولعاندىعىن ايتتى. 

 

&تايشان تاۋىنداعى نەشە ونداعان جۇك تاسۋشى اۋىر تۇرپاتتى جابدىقتاردى تاۋ توبەسىنە شىعارۋدا، ايبىندى كورىنستەن كوز ايىم بولعان توراپتاستار ولاردى تايشان تاۋىنداعى ”قايىسپاس قارا نارلار“ دەپ القادى.

 

& لاسا قالاسى لينجوۋ اۋدانى سۇڭپان اۋىلىنداعى ديقاندار جالاڭاش ارپا ورۋدا.

 

 & كۇزدىڭ سالقىن سامال ەسكەن جانعا جايلى مەزگىلىندە، سانشي ولكەسى لينفىن قالاسى جيشيان اۋدانىنداعى حۋاڭحى حۋكۋ سارقىراماسىنىڭ سۋى تاسىپ جوڭكىلە اعىپ، شاشىراعان سۋ تۇماندارى كۇن نۇرىمەن شاعىلىسىپ، كەمپىرقوساق قالىپتاستىرىپ، كورىنىسى كوز سۇرىندىردى.

 

& مەملەكەتتىك سپورت جارىسىنىڭ ايەلدەردىڭ 10 مەترلىك تەكشەدەن سۋعا سەكىرۋ جارىسىندا ولىمپيك سپورت شەبەرى چۋان حۇڭچان التىن مەدال ەنشىلەپ، اعا جۇلدەگەر بولدى. 

您的浏览器不支持 audio标签

ا ق ش-نىڭ شەتەلدەگى سوعىسىنىڭ ادامزاتقا اكەلگەن زاردابى جان تۇرشىكتىرەدى 

 

ا ق ش تاياۋ جىلداردان بەرى اتالمىش «دەموكراتيا»، «ادامدىق ۇقىق» دەگەن جەلەۋمەن باسقا ەلدەردىڭ ىشكى ىسىنە بەتالدى كيلىگىپ، شەتەلدە تولاسسىز سوعىس قوزعاپ، بەيكۇنا بۇقارانى ەسەپسىز قىرعىندادى جانە جارالادى، سان-ساناقسىز وتباسىلارى توز-توزى شىعىپ، تەنتىرەپ كەتتى، باسقا ەلدەر مەن رايونداردىڭ بەيبىتشىلىگى مەن ورنىقتىلىعى اۋىر دارەجەدە ٴبۇلدىرىلدى. 20 جىلدان بەرى ا ق ش سيريا، يراق، افعانستان، يەمەن، سومالي، پاكيستان، ليۆيا قاتارلى مەملەكەتتەردە كەمىندە 91 مىڭ رەت اۋەدەن شابۋىل جاسادى، جازىقسىز قازا بولعان جاي حالىق كەمىندە 22 مىڭعا جەتەدى. ا ق ش-نىڭ اۋە شابۋىلىندا تەك 2003-جىلدىڭ وزىندە از دەگەندە 5500 جاي بۇقارا قازا بولدى. 

 

ادامدىق ۇقىق جاعدايىن باقىلاۋ ۇيىمى ازيا رايون مەڭگەرۋشىسىنىڭ ورىنباسارى گوسمان تاياۋدا جاريالاعان ماقالاسىندا بىلاي دەدى: تالاي جىلدان بەرى ا ق ش ارمياسىنىڭ افعانستانداعى اۋە شابۋىلىندا قىرۋار جاي بۇقارا جارالاندى جانە جازىم بولدى. مىسالى، 2003-جىلى جەلتوقساندا گادز قالاسىندا ا ق ش ارمياسىنىڭ A-10 تۇرپاتتى شابۋىلداۋشى ايروپلانى ٴبىر كۇندە 9 بالانى بومبىلاپ ٴولتىردى. 2009-جىلى ا ق ش ارمياسىنىڭ فارا ولكەسىندەگى ٴۇرتىس زور كولەمدى اۋەدەن شابۋىلىندا جۇزگە جۋىق جاي حالىق قازا بولدى، مۇنىڭ كوبى بالالار. ترامپ ۇكىمەتى كەزىندە ا ق ش ارمياسى اۋە شابۋىلىن جان سالا ۇدەتتى، سونىمەن بىرگە تۇرعىن ۇيلەردى بومبىلاۋعا تيىم سالۋ بۇيرىعى كۇشىنەن قالدى ٴارى نىسانا تاڭداۋ كولەمى كەڭەيدى، اۋە شابۋىلىندا جاي جارالانعان، ولگەن حالىق سانى بارىنشا ارتتى. الايدا ا ق ش ارميا جاعى وسى جاعىنداعى قاتىستى تەكسەرۋلەردەگى تولىق مازمۇندى جاريالاۋدان ۇنەمى باس تارتىپ كەلدى.

 

«نيۋ-يورك ۋاقىت گازەتىنىڭ» 2019-جىلى 7-ايداعى حابارىنا قاراعاندا، 2019-جىلدىڭ العاشقى جارىمىندا ا ق ش ارمياسىنىڭ بومبىلاۋىنان افعانستاندا 363 جاي بۇقارا قازا بولعان، مۇنىڭ ىشىندە 89 بالا قامتىلادى. كابۋل ۋنيۆەرسيتەتى ماماندارىنىڭ باعالاۋىنا نەگىزدەلگەندە، افعانستان سوعىسى كەزىندە ورتا ەسەپپەن كۇنىنە 250 ادام جارالانعان جانە ولگەن، شامامەن 60 ميلليون امەريكا دوللارىندىق ەكونوميكالىق زيان تۋىلعان. 

 

2003-جىلى ا ق ش يراقتا كەڭ كولەمدى قىرعىنداعىش قارۋ بار دەگەندى سىلتاۋ ەتىپ، يراق سوعىسىن قوزعاپ، يراق حالقىن تاۋسىلماس ازاپقا سالدى، مەجەگە قاراعاندا، 200 مىڭ دا 250 مىڭ جاي بۇقارا قازا بولدى. بۇدان سىرت، ا ق ش ارمياسى حالىقارالىق ادامگەرشىلىك پرينسيپىنە اۋىر قايشىلىق جاساپ، تالاي رەت تۇتقىنداردى جابىرلەۋ ۋاقيعاسىن تۋدىردى. ا ق ش باستاعان بىرلەسكەن ارميا يراقتا ٴالى دە ٴار الۋان بومبىلاردى ىستەتىپ، جاي حالىقتى زاقىمداۋىن توقتاتقان جوق. بىرلەسكەن مەملەكەتتەر ۇيىمىنىڭ مەجەلەۋىنشە، قازىر يراقتا 25 ميلليون دانا مينا جانە باسقا دا قالدىق قوپارىلىس زاتتاردى تازالاۋ قاجەت بولىپ وتىر.

 

ب م ۇ توراپ بەكەتىندە تاياۋدا جاريالانعان حۇجاتتا بىلاي دەپ اشىق ايتىلدى: ا ق ش-نىڭ حالىقارالىق قىلمىستىق ىستەر سوت مەكەمەسىنىڭ ٴمانساپتىلارىن جازالاۋى كوپتەگەن ەلدىڭ سىنىنا ۇشىرادى. حالىقارالىق قىلمىستىق ىستەر سوت مەكەمەسىنىڭ ارىز-شاعىم سوت بولىمشەسى 2020-جىلى 3-ايدا پروكۋرورلارعا سوت مەكەمەسىنىڭ قاراستىلىعىندا، اق ش-ىن قامتىعان افعانستان قاقتىعىسىنداعى ٴارقايسى جاقتارمەن قاتىستى قىلمىستارعا تەكسەرۋ جۇرگىزۋگە ۇقىق بەرۋدى ٴبىر اۋىزدان ۇيعاردى. 2020-جىلى 6-ايدا جوعارىداعى كەسىمدەرگە جاۋاپ رەتىندە، سول كەزدەگى ا ق ش پرەزيدەنتى ترامپ اكىمشىلىك بۇيرىققا قول قويىپ، ا ق ش ارمياسىنىڭ افعانستان سوعىسىنداعى ارەكەتتەرىن تەكسەرۋگە قاتىناسقان حالىقارالىق قىلمىستىق ىستەر سوت مەكەمەسىنىڭ قىزمەتكەرلەرىنە جانە ولاردىڭ وتباسىنداعىلارعا ەكونوميكالىق جازا جانە شەكارادان كىرۋ شەكتەمەسى اتقارىلاتىندىعىن جاريالادى. ب م ۇ-نىڭ ادامدىق ۇقىق ماماندارى بىلاي دەدى: ا ق ش-نىڭ بۇل قۇقايى حالىقارالىق قىلمىستىق ىستەر سوت مەكەمەسىنىڭ دەربەستىگىنە ورىنسىز كيلىگۋ بولىپ تابىلادى، سونداي-اق ادامدىق ۇقىقتى قورعاۋشىلارعا، حالىقتىق قوعامدىق ۇيىمدارعا جانە زيانكەستىككە ۇشىراۋشىلارعا جاسىرىن تۇردە ٴتيىمسىز ىقپال جاساۋى مۇمكىن. 

 

يراق ۋنيۆەرسيتەتى زاڭ عىلىمىنىڭ پروفەسسورى جۇپاري بىلاي دەدى: ا ق ش ادامدىق ۇقىق ماسەلەسىندە قوس ولشەم قولداندى، ٴىس جۇزىندە ادامدىق ۇقىقتى ٴوزىنىڭ باسا بيلەۋشىلىك ۇقىعىن قورعاۋدىڭ قۇرالى ەتىپ كەلەدى. ليۆيانىڭ ساياسي ساراپشىسى تيكىبالي بىلاي دەپ قارادى: ا ق ش شەتەلدە سوعىس ٴورتىن تۇتاندىردى، باسقا ەلدەرگە بيلىك ايتىپ، بۇيرىق سوعۋ ارەكەتتەرى ا ق ش-نىڭ ادامدىق ۇقىققا قول سۇعۋ قىلمىسىن ٴتىپتى دە انىق اشكەرەلەيدى، ا ق ش بۇدان اشتى ساباق الۋ ٴتيىس.

 

来源:中央广播电视总台

 

 

新闻速递翻译:库兰 播音:叶里肯不拉

世界报道翻译:哈那提别克  播音:古丽江

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

مەكسيكالىق ٴانشى التىن القادان شاش ەكتىردى

ورتالىقتىڭ قۋزاۋ-جەتەكشىلىك ەتۋ 16 گرۋپپاسى تۇگەلدەي تياناقتاندى، 31 اشكەرەلەۋ حات ساندىعى تۇڭعىش رەت شوعىرلى جاريالاندى.