ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

سۋعا شىلانعان 400 مىڭ كولىكتىڭ باعىتى قالاي بولماق

来源:央广网     |责编:古丽美热·霍孜汗|     发布日期: 2021-09-14 08:58

سۋعا شىلانعان 400 مىڭ كولىكتىڭ باعىتى قالاي بولماق

 

 

سۋعا شىلانعان 400 مىڭ كولىك بازارعا كىرسە، قانداي اسەر تۋدىرادى

 

 

ءبىر مەديانىڭ تاياۋداعى حابارىنا قاراعاندا، بيىل جازدا سۋ اپاتى تۋىلعاننان كەيىن، جىڭجوۋ قاتارلى جەردە سۋعا شىلانعان نەشە ءجۇز مىڭ اۆتوكولىكتىڭ سوڭعى ناتيجەسى جۇرت نازارىن بىردەن وزىنە اۋدارعان. بۇل حاباردا بىلاي دەلىنگەن: 7-ايدىڭ 17-كۇنىنەن 8-ايدىڭ 25-كۇنىنە دەيىن، حىنان ولكەسىنىڭ قامسىزداندىرۋ كاسىبى جيىنى 513 مىڭ 200 دانا تولەم دەلوسىن تاپسىرىپ الدى، اۆتوكولىكتىڭ جالپى تۇلعالىق بولشەك سانى مەن اۆتوكولىك قامسىزداندىرۋ بولشەگىنىڭ دەلونى اياقتاتۋ مولشەرى جەكە-جەكە %67 جانە %86 بولدى، تاعى ءبىر ءبولىم سۋعا شىلانعان اۆتوكولىك بازارعا تىكەلەي بەت الدى، «حىنان ولكەلىك اۆتوكولىك كاسىبى ساۋدا قوعامىنىڭ ساناعىنا قاراعاندا، جىڭجوۋ قالاسىنداعى سۋعا شىلانعان اۆتوموبيل 400 مىڭنان اسقان». 

سۋعا شىلانعان 400 مىڭ اۆتوكولىكتىڭ بازارعا بەت الۋى ەكىنشى قول اۆتوكولىك بازارىنا قانداي سوققى بەرەتىندىگى ايتپاساق تا تۇسىنىكتى. ماسەلەنىڭ بۇدان دا ماڭىزدى جاعى، بارلىعى سۋعا شىلانعان اۆتوكولىك بولعانىمەن، ءىس جۇزىندە اۆتوكولىكتىڭ ءبۇلىنۋ جاعدايى مۇلدە باسقاشا بولۋى مۇمكىن. ءدال وسىنداي ۇقساماستىق، ونىڭ ەكىنشى قول اۆتوكولىك بازارىنا جاساعان سوققىسىن كۇردەلىلەستىرىپ، بازاردا «كەرى باعىتتا تاڭداۋ» ناتيجەسىن قالىپتاستىرىپ، تۇتاس تۇلعالىق جاقتان ەكىنشى قول اۆتوكولىك ساۋداسىنا مەزگىلدىك زيان جەتكىزىپ قانا قالماستان، ەكىنشى قول اۆتوكولىك بازارىنا ۇزاق بولاشاقتىق زيان جەتكىزۋى ابدەن مۇمكىن. 

 

حابارعا قاراعاندا، كوپ ساندى سۋعا شىلانعان اۆتوكولىك قامسىزداندىرۋ سەرىكتەستىگى جاعىنان بۇكىلدەي زيانعا ۇشىرادى دەپ تۇراقتاندىرىلعان، قامسىزداندىرۋ سەرىكتەستىگى وزىنە قاراستى اۆتوكولىك شىرعالاڭىن ءبىر جاقتى ەتۋ سەرىكتەستىگىنە تاپسىرىپ، اۆتوكولىكتى ءبىر جاقتى ەتىپ بولعان سوڭ، اۆتوكولىك رەمونت كاسىپورىندارىنا باسەكەمەن ساتىلادى ەكەن. «جوندەۋگە جانە رەتتەۋگە بولاتىن سۋعا شىلانعان اۆتوكولىكتى زاۆودقا اپارىپ جوندەتكەننەن كەيىن، تاعى 2 رەت ەكىنشى قول اۆتوكولىك ساۋداگەرىنە ساتىپ بەرەدى، مۇنداي تۇردەگى ساۋدانىڭ بارلىعى ءوڭىر اتتاپ جۇرىلەتىن ساۋداعا جاتادى». مۇنىڭ ىشىندە «سۋعا شىلانۋ دەڭگەيى وتە تومەن اۆتوكولىك تالاسا، تارماسا ساتىپ الىنادى»، ويتكەنى، مۇنداي اۆتوكولىكتى «قالپىنا كەلتىرۋ مەرزىمى قىسقا، وزىندىك قۇنى تومەن، پايداسى مول»، سونداي-اق «قازىر سۋعا شىلانعان اۆتوكولىكتى جوندەۋ تەحنيكاسى وتە پىسىپ-جەتىلدى»، «ايتالىق، ەرتە كەزدە كومەسكى قاتەر وڭاي دەپ قارالعان ەلەكتروندىق جۇيەسى مەن بولشەكتەردىڭ بارلىعىن شوعىرلى چيپ ارقىلى ونداعى ماسەلەگە تۇجىرىم جاساۋعا جانە ونى جوندەۋگە بولادى». 

بۇدان سۋعا شىلانعان اۆتوكولىكتى ءبىر جايلى ەتۋ بىرنەشە ءتارتىپ ارقىلى ەكىنشى قول اۆتوكولىك بازارىنا جەتىپ، ەڭ سوڭىندا تۇتىنۋشىلاردىڭ قولىنا تيەتىندىگىن اڭعارۋعا بولادى. مۇنىڭ ىشىندە ءاربىر بۋىن ساۋدالاسقان ەكى جاقتىڭ سايىسۋ بارىسىنان وتەدى. الايدا، وسى بارىستا ەڭ سوڭعى بۋىن ـــ تۇتىنۋشى مەن ەكىنشى قول اۆتوكولىك ساتۋشى اراسىنداعى باسەكە بارىسىندا ينفورماتسيا تەپە-تەڭدىگىنىڭ بۇزىلۋى ەڭ زور بولۋى مۇمكىن. جوعارىدا ايتىلعانداي، «كومەسكى قاتەرى بار ەلەكتروندىق جۇيەسى مەن بولشەك»، سونداي-اق «شوعىرلى چيپ ارقىلى اۆتوكولىكتە ساقتالعان ماسەلەگە تۇجىرىم جاساۋ جانە جوندەۋ» سياقتىلاردىڭ بارلىعىن تۇتىنۋشى بىلە بەرمەيدى، تۇسىنە دە، تەكسەرە دە المايدى. ال بىرنەشە رەتكى كەرى شەگىنۋ، ونىڭ ۇستىنە «ءوڭىر اتتاپ ساۋدالاسۋ» بارىسى تۇتىنۋشىلاردى ءتىپتى دە ءتيىمسىز كۇيگە تۇسىرەدى، ونىڭ ۇستىنە ۇقىق، مۇددەسىن قورعاۋى، دالەل، ىسپات كورسەتۋى قيىنعا سوعادى. 

 

تۇتىنۋشىلاردىڭ ەكىنشى قول اۆتوكولىك ساتىپ الۋىنان بۇرىنعى ساۋدا بۋىنىنداعى ءارقايسى جاق ءوز مۇددەسىن بارىنشا كۇيتتەيتىندىكتەن، ينفورماتسيا نەگىزىندە تۋىلۋى مۇمكىن بولعان مۇددەسى الدىن الا ساۋدالانىپ، ونان سوڭ ينفورماتسيانىڭ كەمدىگىنەن تۇراقتى باعاعا اينالدىرۋدى تۇتىنۋشىلار قابىلداۋعا ءماجبۇر بولعان ساۋدا شارتى ەتۋ تاعى دا «قالىپتى» ءىس بولىپ تابىلادى. وسىدان، ەكىنشى قول اۆتوكولىك بازارىندا «كەرى باعىتتاعى تالعام» تابيعي تۇردە جارىققا شىعىپ، «جارامسىزدارى جارامدىسىن بىرتىندەپ ىعىستىرۋ» ونىمدىلىگىن قالىپتاستىرىپ، تۇتاس بازاردىڭ باعا جۇيەسىن بىلىقتىرادى. بۇل دا امەريكالىق ەكونوميست جورج اكروۆتىڭ ەكىنشى قول اۆتوكولىك بازارى ينفورماتسياسىنىڭ سايكەسسىزدىگىنە زەرتتەۋ جۇرگىزۋ ارقىلى شىعارعان قورىتىندىسىمەن (گۋاڭميڭ تورابى شولۋشىسىنىڭ ماقالاسى: «ۇقىقتى قورعاۋعا قوش ايتۋ ءۇشىن، ‹ليمون زاڭىنا› سۇيەنۋ كەرەك) ۇقساپ كەتەدى. بۇل جونىندە بازاردى باقىلاۋ-باسقارۋ جانە تۇتىنۋشىلار قوعامى ۇيىمى جاۋاپكەرشىلىك ارقالاۋى، سۋعا شىلانعان وسى 400 مىڭ اۆتوكولىكتىڭ جالپى تۇلعالىق ساۋدا جاعدايىنا نازار اۋدارۋى كەرەك. 

 

كەزەكتە، سۋعا شىلانعان اۆتوكولىكتى ساتۋعا بولاتىن، بولمايتىندىعى جونىندە ايقىن بەلگىلەمە جوق. ارينە، ەگەر بەلگىلەمە دە بولماسا، قاتىستى ساۋدادا داۋ-شار تۋىلسا، ىڭ، جىڭسىز كەلىسۋ قيىنعا سوعادى. 

 

اۋدارعان: ساعىنبەك رابات ۇلى

来源:光明日报

 

 

编辑、制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

سۋعا شىلانعان 400 مىڭ كولىكتىڭ باعىتى قالاي بولماق

بازاردا «كەرى باعىتتا تاڭداۋ» ناتيجەسىن قالىپتاستىرىپ، تۇتاس تۇلعالىق جاقتان ەكىنشى قول اۆتوكولىك ساۋداسىنا مەزگىلدىك زيان جەتكىزىپ قانا قالماستان، ەكىنشى قول اۆتوكولىك بازارىنا ۇزاق بولاشاقتىق زيان جەتكىزۋى ابدەن مۇمكىن.