ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

چەمودانعا ولىك سالعان قىلمىس كۇماندىسى تۇتقىندالدى

来源:央广网     |责编:古丽美热·霍孜汗|     发布日期: 2021-09-15 10:19

چەمودانعا ولىك سالعان قىلمىس كۇماندىسى تۇتقىندالدى

قۇرمەتتى تىڭدارمان قاۋىم، بۇگىن 9-ايدىڭ 14-كۇنى، سەيسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر.

您的浏览器不支持 audio标签

 

ونەركاسىپ جانە ينفورماتسيالاندىرۋ مينيسترلىگى «سىرتقى توراپتى شەكتەۋ» جونىندە جاۋاپ قايتارىپ، بۇل ماسەلە باسقىش بويىنشا ساتىعا ٴبولىپ شەشىلەدى،-دەدى.

 

ەلىمىزدە جاساۋ كاسىبىنىڭ ارتقان قۇنى ٴۇرتىس 11 جىل دۇنيە ٴجۇزى بويىنشا 1-ورىندى يەلەپ، دۇنيەدە ۇستايتىن سالىستىرماسى %30 كە تايادى. 

 

بارلىق ادامداردىڭ نۋكلەين قىشقىلىن تەكسەرۋدى ۇيىمدى اتقارۋدىڭ جاڭا نۇسقاداعى باعدارناماسىندا: 5 ميلليوننان استام جان سانى بار قالا 3 كۇن ىشىندە نۋكلەين قىشقىلىن تەكسەرىپ بولۋى كەرەك،-دەلىندى. 

 

سىچۋان ولكەسى: پارتيا، ۇكىمەت ورگاندارىنداعى، ٴىسورىندارداعى قىزمەتكەرلەر الەۋمەتتىك ورىنداردا، ٴسوز جوق، ورتاق ٴتىلدى قولدانۋى ٴارى ورتاق ٴتىل دەڭگەيى 3A دارەجەگە جەتۋى كەرەك،-دەگەن جاڭا بەلگىلەمە جاريالادى. 

 

شيامىندا بۇكىل قالاداعى الەۋمەتتىك رايوندار جابىق باسقارىلاتىن بولدى، ەرەكشە قاجەت بولماسا تۇرعىنداردىڭ شيامىننان كەتۋىنە بولمايدى.

 

داليانداعى «10-قىركۇيەك» جانار گاز پارتىلاۋ ۋاقيعاسىندا 8 ادام قازا بولىپ، 5 ادام جارالاندى، داليان شۇعىل جاعدايعا توتەپ بەرۋ مەكەمەسى پارتكومىنىڭ شۋجيى، مەكەمە باستىعى تۇگەلدەي مىندەتىنەن قالدىرىلدى. 

 

ب م ۇ استىق، اۋىل شارۋاشىلىق ۇيىمى 36 ميلليون امەريكا دوللارىن جيناپ، افعانستان ديقاندارىنىڭ ٴبيداي ەگۋىنە كومەكتەسۋگە ۇندەدى. 

 

رەسەي بانكىرىنىڭ جىلۋىن قابىلداعاندىقتان، انگليانىڭ پاتشا مۇراگەرى چارليز حانزادانىڭ قور قوعامى تەكسەرۋگە الىندى. 

 

نيگەريانىڭ كىجي شتاتىندا ٴبىر ۋاقىتتىق قاماي تۇرۋ ورتالىعى شابۋىلعا ۇشىراپ، 240 ادام ماجبۇري بوساتىلدى. 

 

افريكاداعى ەكۆاتور مەملەكەتىنىڭ كامەرۋن قالاسىندا سيرەك كەزدەسەتىن قار جاۋدى، تۇرعىندار قاردا اسىر سالىپ وينادى. 

 

جاپونيانىڭ شىننايچۋان قالاسىنداعى تەڭىز قايراڭىندا جۇپار كيتتىڭ مۇردەسى بايقالدى، ونىڭ دەنەسىنىڭ ۇزىندىعى 14 مەترگە جەتەدى. 

 

حىبەي ولكەسى پيڭشان اۋداندىق پارتكوم ساياسي-زاڭ كوميتەتىنىڭ شۋجيى قالا تۇرعىندارىنىڭ كەلتە حاتىنا «جوعال كوزىمنەن» دەپ جاۋاپ قايتارعان، ۇكىمەت جاق حابارلاندىرۋ شىعارىپ، بۇل كادر كەلتە حاتتى تەلەگراف الدامشىلىق ينفورماتسياسى دەپ جاڭساق ٴتۇسىنىپ قالعان، ول قاتاڭ سىندالدى ٴارى ٴوزىن ىشكەرىلەي تەكسەرۋگە بۇيىرىق بەرىلدى،-دەدى. 

 

حۋبەيدە ٴبىر ادۆوكات جۇمىس جۇرگىزۋ بارىسىندا باقىتقا قارسى قاستاندىققا ۇشىراپ قازا بولدى، جۇڭحۋا مەملەكەتتىك ادۆوكاتتار قوعامى ادۆوكاتتارعا قاستاندىق جاساۋ قىلمىستىق ارەكەتىن قاتاڭ جازعىردى. 

 

جياڭشي ولكەسىنىڭ پروكۋراتۋرا جاعى: «چەمودانعا ولىك سالۋ» دەلوسىنداعى قىلمىس كۇماندىسى شيە فاميليالىنىڭ قولعا الىنعاندىعىن حابارلادى.

 

بەيجيڭ ۋنيۆەرسيتەتىنىڭ ۇستەل دوپ ساباعى دۋمانعا بولەندى، ساباق وتەتىن مۇعالىم ۋ في توكيو وليمپيك سپورت جارىسىنىڭ تورەشىسى، ال ديڭ نيڭ كومەكشى وقىتۋشى. 

 

شىنجىندا 4 ايلىق بوبەك تۇتقيىل شەتىنەگەننەن كەيىن، ونىڭ بۇيرەگى 15 جاستاعى بالاعا اۋىستىرىلىپ، وسى ٴوسپىرىم قۇتقارىلدى. 

 

شاندۇڭ ولكەسى دىجوۋ قالاسىنداعى 67 جاستاعى قارت شوفەرلىك كۋالىكتىڭ 3-ەمتيحانىن 4-رەت بەرگەن كەزدە ەسىنەن تانىپ قالدى، قاتىستى ماماندار: پسيحيكالىق قىسىم زور، جۇرەك اۋرۋى بولعاندىقتان، ەسىنەن تاندى،-دەپ تۇجىرىم جاسادى. 

 

گۇيجوۋدىڭ گۇيياڭ قالاسىندا 5 جاستاعى بالا 2 جاستاعى بالانى تاۋىپ الىپ، ونى ساقشىلارعا تاپسىرىپ بەردى. 

 

«حالىق گازەتى» «چۇڭچيڭ قالاسى يۇيجۇڭ قوعام حاۋىپسىزدىگى بولىمشە مەكەمەسىنىڭ <حالىق ساقشىلارىنىڭ باسقالاردى زاڭعا قايشى شاقىرتۋىنا> كەشىرىم سۇراۋى» جونىندە شولۋ جاريالاپ: زاڭ اتقارۋشىلار زاڭعا قايشىلىق جاساعاندا كەشىرىم سۇراۋمەن شەكتەلمەۋى كەرەك،-دەدى.

 

جۇڭگو حالىق بانكەسى جۇڭگو مەن پاكيستاننىڭ ديپلوماتيالىق قاتىناس ورناتقاندىعىنىڭ 70 جىلدىعىنا ارنالعان التىن-كۇمىس ەستەلىك تەڭگەسىن تاراتتى.

 

قارۋلى ساقشى شينجياڭ باس اترەتى بەلگىلى تارماق اترەتىنىڭ پويەزدا بارىمتالاۋعا قارسى تۇرۋ جاتتىعۋى. 

 

بىرتىندەپ سالدانۋ اۋرۋىمەن اۋىرعان بالاسىنىڭ ارمانىن جۇزگە اسىرۋ ٴۇشىن، اكەسى بالاسىن شي-ان سىرتقى ىستەر شۋەيۋانىنىڭ وقۋ باستاۋ سالتىنا دوڭگەلەكتى اربامەن الىپ باردى. 

 

您的浏览器不支持 audio标签

 

 وداقتاستاردى زيانداۋ اق ش-ىن ەۆروپالىق اعايىنداردان الىستاتتى

 

بايدەن ا ق ش پرەزيدەنتى بولعاننان بەرى، «ا ق ش حالىقارالىق ساحناعا قايتىپ كەلۋ» ۇرانىن كوتەرىپ، ەۆروپاداعى وداقتاستاردى وزىنە جان سالا تارتتى، ونىڭ بۇل جاعىنداعى ٴبىر قىدىرۋ بەلسەندى ارەكەتتەرى ا ق ش مەن ەۆروپانىڭ قاتىناسىن ترامپ كەزىندەگىدەن ٴبىراز جاقسارتتى. الايدا، ەۆروپا ەلدەرى ا ق ش-نا ٴالى دە سەنىم ارتا الماي وتىر، ەۆروپانىڭ دەربەس، ٴوز-وزىنە قوجايىن بولۋعا ۇمتىلۋ تىلەگى كورنەكتى كۇشەيۋدە. افعانستاندا ويسىراي جەڭىلگەننەن كەيىن، ا ق ش-نىڭ ەۆروپاداعى ىقپال كۇشىنىڭ تومەندەۋ بەتالىسى ٴتىپتى دە كورنەكتى بولدى. 

 

حالىق اۋانىنا قاراعاندا، ەۆروپانىڭ جالپى تۇلعالىق جاقتان ا ق ش – قا ىقىلاسى ٴسال دە بولسا جاقسارعانىمەن، كوپتەگەن ەۆروپا ەلدەرى ا ق ش – نا سەنىمسىزدىك كوزقاراستا بولىپ وتىر. ونىڭ ۇستىنە تاياۋدان بەرى افعانستان جاعدايى ناشارلاپ كەتتى. ا ق ش وداقتاس ەلدەرمەن اقىلداسپاعان جاعدايدا، افعانستاندا تۇراتىن اسكەرىن ٴوز بىلگەنىنشە شەگىندىرىپ اكەتتى، افعانستان سوعىسىنا كوپ قارجى قوسقان ەۆروپالىق وداقتاستار ساندارىن سوعىپ قاپى قالدى. گەرمانيا، فرانسيا، يسپانيا، يتاليا قاتارلى ەلدەر حاۋىپسىزدىك جاعىن ەسكەرە وتىرىپ، شەگىنۋ ارەكەتىن اسىعىس اياقتاتۋعا ٴماجبۇر بولدى. 

 

ا ق ش-نىڭ سىڭار جاقتىلى شەشىمدەرى ەۆروپالىق وداقتاستارىن نازالاندىردىٴارى اق ش-نىڭ وداقتاعى باسشىلىق قۋاتى مەن بەدەلىنە كۇمان تۋدىرىپ، نۇقسان جەتكىزدى، ا ق ش-نىڭ ٴوزى ٴۇمىت ەتكەن جانە جوبالاعان ا ق ش-ەۆروپا قاتىناسىن قالپىنا كەلتىرۋ اياق الىسىنا اۋىر كولەڭكە ٴتۇسىردى. فرانسيا پارلامەنتىنىڭ مۇشەسى، بۇرىنعى ەۆروپا ىستەرى مينيسترى ناتالي لۋاسسو بىلاي دەدى: ٴبىز قيسىنسىز قيالعا سالىنىپپىز، ٴبىز ا ق ش حالىقارالىق ساحناعا قايتىپ كەلدى دەپ ويلاپپىز، ٴبىراق ٴىس جۇزىندە ا ق ش شەگىندى. 

ەڭ سەنىمدى وداقتاسى انگليا ا ق ش-نىڭ سىڭار جاقتىلى ارەكەتىنە قاتتى نارازى بولدى. انگليانىڭ قورعانىس ٴۋازىرى ۆارەس بىلاي دەدى: ا ق ش-نىڭ افعانستاننان اسكەر شەگىندىرۋ شەشىمى «اۋىر قاتەلىك» بولىپ، افعانستاننىڭ حاۋىپسىزدىك جاعدايىن ۋشىقتىرادى، تۇتاس حالىقارالىق قوعامدا اۋىر زارداپ تۋدىرۋى مۇمكىن. 

 

فرانسيا حالىقارالىق قاتىناس جانە ستراتەگيا زەرتتەۋ ورنىنىڭ باستىعى پاسكار بونيفاس بىلاي دەدى: ا ق ش-نىڭ افعانستاننان شەگىنىپ شىعۋى مەن تاليبانداردىڭ بيلىكتى قايتادان ۇستاۋى ا ق ش-نىڭ ويسىراي جەڭىلگەندىگى دەۋگە بولادى ٴارى ول ا ق ش-نىڭ الەۋمەتتىك سەنىمدىلىگىنە سىلەيتە سوققى بەردى. 

 

گەرمانيانىڭ دەپلوماتيا زەرتتەرمەنى جۋلي-ان ميللەر-كاللەر بىلاي دەپ قارادى: حالىقارالىق جاعدايدا شۇعىل وزگەرىس تۋىلدى، اتلانت مۇحيت اتتاعان قارىم-قاتىناستا ترامپتىڭ ويلاعانىنداي بۇرىنعى داۋىرگە قايتا ورالۋ شىندىققا جاناسپايدى، ەكى جاق بولاشاققا مۇقيات ويلانۋ كەرەك. 

 

سوڭعى جىلداردان بەرى دۇنيە ٴجۇزى جاعدايىنداعى تەرەڭ وزگەرىستەرگە بايلانىستى، ەۆروپا ەكونوميكا-ساۋدا، حاۋىپسىزدىك سياقتى سالالاردا ا ق ش-مەن سەلبەستىكتەن جانە ونىڭ قورعاشتاۋىنان قول ۇزە الماعانىمەن، ا ق ش-نىڭ شەشىمىنە قارسى شەشىم جاساۋ، قارسى تۇرۋ ىڭعىلدارى كورنەۋگە شىعا باستادى، ەۆروپانىڭ ىشكى بولەگىندەگى ستراتەگيالىق دەربەستىك قاراستىرۋ ٴۇنى بارعان سايىن كۇشەيدى.

 

وداقتاستىق جۇيەنى بەكەمدەۋ، كوپ جاقتى ساحناعا قايتا ورالۋ-ەۆروپانىڭ ا ق ش-نا قويعان ەڭ ۇلكەن تىلەگى. بايدەن ۇكىمەتى اتلانت مۇحيت اتتاعان سەرىكتەستىك قاتىناستىڭ ماڭىزدىلىعىن اۋىز جۇزىندە دارىپتەگەنىمەن، ٴبىراق ا ق ش شەشۋشى ساتتە وداقتاستارعا بولعان جاۋاپكەرشىلىكتەن بەزىپ، «ا ق ش-ىن ەڭ الدىمەن ويلاستىرۋ» جولىمەن ٴجۇرىپ، ەۆروپالىق وداقتاستارىنىڭ سەنىمىن سەلگە كەتىردى. اماليات مىنانى دالەلدەدى: ا ق ش اۋىز جۇزىندە عانا سارناعان ايتىلمىش كوپ جاقتىلىق كوبىنەسە ٴوزىنىڭ باسا بيلەۋشىلىگىن بەكەمدەۋدىڭ قۇرالى بولۋدان باسقا ەشقانداي ٴمانى قالعان جوق. 

 

ا ق ش-نىڭ شەشۋشى ۇرىمتال تۇستاعى سىڭار جاقتىلىعىنا باعىتتاي، ەۆروپا وداعىنىڭ سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلى بورەلي تاياۋدا ەۆروپانى ا ق ش-نان اۋلاقتانىپ، دەربەس اسكەري ىستەر قابىلەتىن دامىتۋعا ۇندەدى. 

 

ا ق ش-تىڭ اقىل-پاراسات قويماسىنىڭ زەرتتەرمەنى بەرگمان بىلاي دەپ قارادى: افعانستان جاعدايىنداعى بۇرىلىس ا ق ش-نىڭ شەشىم جاساعاندا وداقتاستارىنىڭ مۇددەسىنە نەمقۇرايدى قارايتىندىعىن كورسەتتى، ەۆروپا وداعىنا ساقتىق دابىلىن قاقتى. ول بىلاي دەپ باسا دارىپتەدى: ەۆروپالىقتار ا ق ش-نان ەندىگارى ٴۇمىت كۇتپەۋ كەرەك، قازىر ستراتەگيالىق دەربەستىكتى جۇزەگە اسىراتىن كەز كەلدى. 

 

گەرمانيا بىرلەسكەن وداق پارتياسىنىڭ زۇڭلي كانديداتى راشيت بىلاي دەدى: افعانستاننان اسكەر شەگىندىرۋ-ناتو قۇرىلعاننان بەرگى ەڭ زور جەڭىلىس بولدى، مۇنىڭ استارىندا ساقتاندىرۋ ٴمانى جاتىر. ٴبىز، ٴسوز جوق، ەۆروپانى قۇدىرەتتەندىرۋىمىز كەرەك، سوندا عانا بارلىق ىستە اق ش-نا يەك سۇيەمەيتىن بولامىز. 

 

قازىرگى ا ق ش-ەۆروپا قاتىناسىنداعى وزگەرىستەر ەۆروپالىق وداقتاستاردىڭ ا ق ش-نىڭ شەشىم جاساۋىنا كەرى ىقپال جاساۋدا ەكەندىگىن اڭعارتادى. جۇڭگو حالىقارالىق ماسەلەلەر زەرتتەۋ ورنى دۇنيە ٴجۇزى ەكونوميكاسى مەن دامۋىن زەرتتەۋ ورنى باستىعىنىڭ ورىنباسارى ۋاڭ رۇيبين بىلاي دەدى: قازىر ا ق ش-ەۆروپا قاتىناسىنداعى وزگەرىستەر ا ق ش مەن ەۆروپانىڭ قوس باعىتتا قايتا قۇرۋ بارىسىنا اينالۋدا، مىسالى، تاياۋدا ەۆروپا وداعى مەن ا ق ش-نىڭ ساۋدا جانە تەحنيكا كوميتەتى سىندى ەۆروپا مەن ا ق ش-نىڭ عىلىم-تەحنيكا جانە ساۋدا ساياساتىن سايكەستىرەتىن جاڭا تەكشە قۇرۋ ۇسىنىسىن ەۆروپا وداعى ورتاعا قويىپ وتىر. 

 

来源:中央广播电视总台

 

 

新闻速递翻译:古丽努尔 播音:古丽娜尔

世界报道翻译:哈那提别克  播音:热德力

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

چەمودانعا ولىك سالعان قىلمىس كۇماندىسى تۇتقىندالدى

بارلىق ادامداردىڭ نۋكلەين قىشقىلىن تەكسەرۋدى ۇيىمدى اتقارۋدىڭ جاڭا نۇسقاداعى باعدارناماسىندا: 5 ميلليوننان استام جان سانى بار قالا 3 كۇن ىشىندە نۋكلەين قىشقىلىن تەكسەرىپ بولۋى كەرەك،-دەلىندى