فۋجياندا ىندەت بايقالدى، الداعى دەمالىستا ساپارلاۋعا بولاما؟

مەملەكەتتىك بىرلەسىپ ساقتانۋ بىرلەسىپ تىزگىندەۋ ماحانيزىمى اشىق تالاپ ەتپەگەن جاعدايدا، ءارقايسى جەرلەردەگى ىندەت جوق ورىندار ەكى مەرەكە تۇسىندا «قاجەتسىز جاعدايدا ولكەدەن (اۆتونوميالى رايون، قالا) اتتاپ شىقپاۋ» ساياساتىن جولعا قويسا، بۇل جونىندە كەڭ ويلانىپ تولعانۋ توتەنشە قاجەتتى. 

جۇڭچيۋ مەرەكەسى مەن 1-قازانداعى ۇزاق دەمالىس قارساڭىندا، فۋجيان ولكەسىندە ىندەت تارادى. بۇل جۇڭگولىقتاردىڭ ەكى مەرەكەنى قۋانىشپەن قارسى الماق بولعان كوڭىل-كۇيلەرىنە اسەرىن تيگىزدى، كوپ ساندى ادامداردا مىناداي سۇراق تۋىندادى: قوس مەرەكەدە، اسىرەسە، 1-قازان دەمالىسىندا سىرتقا ساياحاتتاۋعا بولاما؟ 

بۇعان ىندەت جاعدايىنىڭ ناقتى احۋالىنا قاراي جاۋاپ بەرۋگە تۋرا كەلەدى، الايدا، قازىرگى ىندەت كەڭ كولەمدە تارالماعان فۋجيان ولكەسىنىڭ احۋالىنان العاندا، وسىدان بۇرىنعى ءارقايسى جەرلەردىڭ ىندەتتى ءبىرجاقتى ەتۋ قارقىنىنا نەگىزدەلگەندە، ءبىزدىڭ 1-قازان ۇزاق دەمالىسىنداعى ساياحات ىستەرىنىڭ اشىق ۇستالۋىنا ءۇمىتتى پوزيتسيا ۇستاۋىمىزعا ابدەن بولادى. 

فۋجيانداعى وسى رەتكى ىندەت پۋتياننان بايقالىپ، شيامىن قاتارلى جەرلەرگە دەيىن كەڭەيدى، ىندەتتىڭ تارالۋ قارقىنى سالماقتى. دەسەدە، نانجيڭ قاتارلى جەرلەر دەلتا ۋلى تاياقشاسىنا قارسى تۇرۋدىڭ تاجىريبەسىن قالىپتاستىردى، ءارقايسى جەرلەردىڭ ىندەتتەن ساقتانۋ-تىزگىندەۋدەگى سەزگىرلىگى مەن قابىلەتى دەرلىك ارتتى، وسى رەتكى ىندەتتى ويداعىداي تىزگىندەي الاتىنىمىزعا بەرىك سەنىمدەمىز. 

فۋجيانداعى شيامىن، پۋتيان 9-ايدىڭ 14-كۇنى تۇتاس قالا بويىنشا نۋكلەين قىشقىلىن تەكسەرۋدى باستادى. سۋرەتتىڭ كەلۋ قاينارى: شيامىن گازەتىنىڭ ميكرو بلوگى

سول ءۇشىن، وسى جولعى فۋجيانداعى ىندەتكە باسا نازار اۋدارۋىمىز، ىندەتتىڭ تارالۋىنىڭ الدىن الۋىمىز كەرەك. بىزدە ءار جولى ىندەت بايقالعاندا توپتىق قارسى تۇرىپ، ىندەتتى توپتىق جويۋدىڭ ىسىلعان تاجىريبەسى بار، وسىنشاما ۇلكەن مەملەكەتتى فۋجياننىڭ ءىشىنارا وڭىرىندەگى ىندەت جاعدايى ۇرەيلەندىرە المايدى. كوپ ساندى ادامدار ىندەت جوق وڭىرگە ساياحاتتاپ بارۋعا باتىنا الماسا، بۇل قورىققانعا قوس كورىنگەندىك. 

اسىرەسە، ءارقايسى جەرلەردەگى باسشىلار اسىپ ساسپاۋى ءتيىس، «تۇرعان جەرىندە مەرەكە وتكىزۋ» دەگەن ۇستانىمدى دارىپتەۋگە اسىقپاعانى ءجون، اۋەلى، بۇنداي دارىپتەمەنى ءىس جۇزىندىك تالاپقا اينالدىرماۋى قاجەت. مەملەكەتتىك بىرلەسىپ ساقتانۋ بىرلەسىپ تىزگىندەۋ مەحانيزىمى تالاپ ەتپەگەن جاعدايدا، ىندەت جوق جەرلەر ەكى مەرەكە تۇسىندا «قاجەتسىز جاعدايدا ولكەدەن(اۆتونوميالى رايون، قالا) اتتاپ شىقپاۋ» ساياساتىن جولعا قويسا، بۇل جونىندە كەڭ ويلانىپ تولعانۋ اسا قاجەتتى.

ىندەتتەن ۇزاق ۋاقىت ساقتانىپ تىزگىندەۋدى جولعا قويعان سايىن، سولعۇرلىم عىلىميلىقتى، دالمە-دالدىكتى دارىپتەۋ كەرەك. ساسقالاقتاپ قورقۋ سەبەبىنەن «الدىن الىپ ساقتانۋ» قىزمەتىن شەكتەن تىس داليتۋعا بولمايدى. ادامدارعا كۇندەلىكتى تۇرمىس كەرەك، ساياحاتپەن جانە قاتىستى قىزمەت وتەۋ كاسىبىمەن شۇعىلداناتىن كوپ ساندى ادامدارعا اقشا تابۋ توتەنشە قاجەتتى، سوندىقتان بۇنى ءبىر شىبىقپەن ايداۋعا بولمايدى. ءبىز، ءسوز جوق، بىركەلكىلىككە ۇمتىلۋىمىز قاجەت. ىندەتتى ديناميكالى (قوزعالىستى) كۇيدە تىزگىندەۋ بۇقارا تۇرمىسىن قورعاۋ دەگەن ءسوز، ياعني، كۇندەلىكتى تۇرمىس بولىمسىز توسقاۋىلعا ۇشىراعان جاعدايدا بۇكىلدەي حاۋىپسىزدىكتى ساقتاۋى كەرەك. 

ءبىز ىندەتتى ديناميكالى كۇيدە تىزگىندەۋدىڭ دالمە-ءدال ونىمدىلىگىن ۇزدىكسىز جوعارىلاتۋىمىز كەرەك، ماسەلەگە تاپ بولعاندا بايىپپەن ويلانىپ، قات-قابات تالاپتاردى شارت ەتىپ، كەڭ شەڭبەردە اينالسوقتاۋدان ساقتانۋىمىز قاجەت. ءار جولى ىندەتتى ەرتە بايقاپ، ىندەتتى جويۋدىڭ قارقىنىن اناعۇرلىم تەزدەتىپ، ىندەتتەن تۋىندايتىن قوعامدىق ىقپالدىڭ كولەمىن اناعۇرلىم كىشىرەيتە ءتۇسۋىمىز ءتيىس.

بىلايشا ايتقاندا، ىندەتتى ديناميكالى كۇيدە تىزگىندەي وتىرىپ ەكونوميكانىڭ جالپى تۇلعالىق جاقتان قالىپتى ارتۋىنا قول جەتكىزۋىمىز كەرەك، كوپ ساندى ازاماتتاردىڭ باسىم كوپ جاعدايدا تۇرمىسىنىڭ بۇرىنعىداي قالىپتى بولۋىن قامتاماسىز ەتۋىمىز قاجەت، بۇل جۇڭگوعا ءتان قابىلەت. ەگەر ءار جولى ىندەتتى ديناميكالى كۇيدە تىزگىندەۋ جولىندا بارلىق جەردى اۋرەگە سالساق، بۇكىل ەل بويىنشا وتە ۇلكەن كولەمدە قوعامدىق جاقتاردىڭ توقتاۋىنا سەبەپكەر بولساق، وعان اسا زور ەكونوميكالىق بوداۋ تولەنەدى، ارتى سىڭارجاقتىلىققا اپارىپ سوعادى. 

ءىشىنارا ورىندار «تۇرعان جەرىندە مەرەكە وتكىزۋ» دەگەن دارىپتەمەنى كوتەرە باستادى، فۋجيانداعى ىندەتتىڭ كەڭ كولەمدە مەملەكەتىمىزدىڭ باسقا رايوندارىنا تارالعانى جونىندە ەشقانداي ينفورماتسيا جاريالانباعان جاعدايدا وسىلاي ىستەۋ، مەملەكەت بويىنشا ابىرجىعان اۋقىمدى كۇشەيتەدى، 1-قازان ۇزاق دەمالىسىنداعى قوعامدىق تۇتىنۋ اسا ماڭىزدى، ءبىز ەلىمىزدەگى قۇزىرلى تاراۋلاردىڭ ءىشىنارا جەرلەردەگى وسىنداي نىسايدى ارناعا ءتۇسىرىپ جەتەكشىلىك ەتۋىن ءۇمىت ەتەمىز. 

ءبىر تۇتاس جوبالاۋ سونىمەن بىرگە ورنىقتى باسقارۋ، بۇل جۇڭگونىڭ كوپ ساندى مەملەكەتتەر ىستەۋگە ۇمىتلسادا جۇزەگە اسىرا الماعان باسىمدىلىعى. جاڭادان پايدا بولعان ءار جولعى ىندەت جاعدايىنا توتەپ بەرۋ جۇڭگونىڭ وسىنداي باسىمدىلىعىنا جاڭا سايىستار مەن باسەكە اكەلەدى. وسى رەتكى جۇڭچيۋ مەن 1-قازان دەمالىسىن ورنالاستىرۋ الدىمىزعا جاڭا سىناقتار قويۋدا. 

كوپشىلىك بۇرىن دايىندالعان ساياحات جوسپارلارىنا تاباندى بولىپ، ىندەت جاعدايى ورتا جوعارى دارەجەلى قاتەرلى رايوندارعا بارماي، جولدا اۋىزدارىنان ماسكى تاستاماي، ادامدار توپتاسقان جەرلەردەن وراعىتا ءوتىپ، ىندەتتەن ساقتانۋ-تىزگىندەۋدىڭ تالاپتارىن قاتاڭ اتقارۋى كەرەك، بۇل كوپ ساندى ەپيدەميولوگيا ماماندارىنىڭ گازەتىمىزدىڭ تىلشىلىگىن قابىلداعاندا بەرگەن ۇسىنىس-پىكىرى. 1-قازان دەمالىسىنان بۇرىن ىندەت اسا سالماقتى دارەجەدە تارالمايتىن بولسا، كوپشىلىكتىڭ ماماندار پىكىرىنە قۇلاق اسۋىن ءۇمىت ەتەمىز. 

اۋدارعان: قۋات جۇماش ۇلى

来源：中国新闻网

微信制作：阿依娜