ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

پۋتين جۇعىمدالۋشىمەن تىعىز جاناسقاندىعى سەبەپتى اۋاشالاندى

来源:央广网     |责编:古丽美热·霍孜汗|     发布日期: 2021-09-16 14:41

پۋتين جۇعىمدالۋشىمەن تىعىز جاناسقاندىعى سەبەپتى اۋاشالاندى

قۇرمەتتى تىڭدارمان قاۋىم، بۇگىن 9-ايدىڭ 15-كۇنى، سارسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر

您的浏览器不支持 audio标签

 

* وقۋ-اعارتۋ مينسترلىگى مەن ادام كۇشى جانە قوعامدىق قامتاماسىزداندىرۋ مينسترلىگى: مەكتەپتەن تىس تاربيەلەۋ قۇرىلىمدارىندا كاسىپپەن شۇعىلدانۋشىلاردىڭ «قارا تىزىمدىگىن» باسقارۋ ٴتۇزىمىن ورناتادى. 

 

* باستاۋىش مەكتەپ وقۋلىعىنىڭ مۇقاباسىندا نە ٴۇشىن ەكى بالانىڭ سۋرەتى ٴۇش بالانىڭ سۋرەتىنە وزگەرگەن؟ شەشەسى نەگە جاسانباعان؟ بۇل ٴۇش بالالى بولۋ ساياساتىمەن قاتىستى ما؟ دەگەن سۇراۋ كوپ تارادى. وسىعان قاراتا، حالىق وقۋ اعارتۋ باسپاسى اڭىس قايتارىپ: مۇقاباداعى بالالار كىشكەنتاي اعانىڭ جانە كىشكەنتاي اپەكەنىڭ سۋرەتى، بۇل سۋرەت بالالاردىڭ جاس ەرەكشەلىگى مەن تانىم ورەسىنە ۇيلەسەدى، -دەپ جاۋاپ قايتاردى. 

 

* جۇڭگو تۇتىنۋشىلار قوعامى «قوس مەرەكە» بايلانىسىمەن ەسكەرتۋ جاريالاپ: اي كۇلشە جانە قىسقىش شايان ساتىپ العاندا، الدامكوستەرگە الدانىپ قالماۋدى ەرەكشە ەسكەرتتى.

 

* جاساندى بۋىن جونىندەگى مەملەكەتتىك شوعىرلى ساتىپ الۋ ناتيجەسى جاريالاندى، ٴونىمنىڭ باعاسى ورتا ەسەپپەن 30 مىڭ يۋاننان 10 مىڭ يۋانعا ٴتۇسىرىلىپ، تومەندەۋ مولشەرى %80 كە جەتتى. 

 

* چۋانجوۋ چۋانگاڭ رايونى تۇتاس رايون بويىنشا پەشەتتەپ باسقارۋ، مەڭگەرۋ ٴادىسىن اتقاردى: تۇرعىنداردىڭ وسى رايونعا كىرۋىنە بولادى، شىعۋىنا رۇحسات جوق. 

 

* انحۇي ولكەلىك جوعارى حالىق سوتى مەكەمەسىنىڭ بۇرىنعى باستىعى جاڭ جيان ٴبىرىنشى سوتتا 15 جىلدىق جازاعا تارتىلدى. 

 

* پۋتين جاڭا تيپتى ايدارشا ۆيرۋسىمەن جۇعىمدالعان ناۋقاسپەن تىعىز جاناسقاندىعى سەبەپتى اۋاشالاندى. 

 

* حانگو اندرويد سەستيماسىنىڭ مەڭگەرۋ ورنىنان الباتى پايدالانعاندىعى سەبەپتى گۋگل كومپانياسىنا 177 ميلليون امەريكا دوللارىندىق ايىپ سالدى. 

 

* انگليانىڭ قىسقا ارالىققا جۇگىرۋ شەبەرىنىڭ نەسەبىن تەكسەرۋدە بولىمدى ناتيجە كورىلگەندىكتەن، انگليا كومانداسىنىڭ وليمپيادا سپورت جارىسىنىڭ ەرلەر كۇش جالعاپ جۇگىرۋ جارىسىندا العان كۇمىس مەدالى كۇشىنەن قالدىرىلاتىن بولدى، جۇڭگو كۇش جالعاۋ كومانداسى وليمپيادا سپورت جارىسىنىڭ مىس مەدالىنا يە بولۋى مۇمكىن.

 

* ٴولى تەڭىزدىڭ ماڭىنداعى ٴبىر كول اياق استىنان قىپ-قىزىل تۇسكە بويالىپ كەتكەندىكتەن، يوردانيا ۇكىمەتى «قۇپيانى شەشۋ» ارناۋلى ماماندار گرۋپپاسىن جىبەردى. 

 

* اۆستراليادا ٴبىر ۇشقىشسىز ۇشۋ قۇرىلعىسىنا ساۋىسقاندار قاپتاپ، قۇلاتتى. 

 

* شيامىن قالالىق 3-شيپاحانادا 200 دەن استام ادامنىڭ نۋكلەين قىشقىلىن تەكسەرۋ ناتيجەسى بولىمدى بولدى دەگەن توراپ قاۋەسەتىنە قاراتا، قاتىستى جاقتار اڭىس قايتارىپ: وسەك-اياڭ تاراتۋشىلاردىڭ اكىمشىلىك جاقتان قامالعاندىعىن مالىمدەدى.

 

* دايە قالاسى حۋاجۇڭ مەكتەبىندەگى ٴبىر مۇعالىم مەكتەپكە قولفون الىپ كىرگەن وقۋشىنىڭ تەلەفونىن تارتىپ الىپ، جەرگە ىلاقتىرىپ كۇل پارشاسىن شىعارعان جانە وسى جاعدايدى كامەراعا ٴتۇسىرىپ وقۋشىنىڭ اكە شەشەسىنە جولداپ بەرگەن، توراپ بەينەبايانىنا قاراتا مەكتەپ جاق تۇسىنىك جاساپ: كەسكىننىڭ تاربيە ٴۇشىن ارنايى تۇسىرىلگەن الەۋمەتتىك جارناما ەكەندىگىن، تەلەفوننىڭ مۇعالىمنىڭ ەسكى تەلەفونى ەكەندىگىن راستادى. 

 

* ورتالىق تەلەۆيزياسى بادىك ينفورماتسيا تاراتۋ ەرەكشە ٴىرى دەلوسىن اشكەرەلەدى. ايتۋعا قاراعاندا، كورىلىمىنە قاراي اقى الاتىن بادىك توراپ بەكەتىنىڭ زاڭسىز تاپقان پايداسى 3 ميلليون يۋاننان اسقان، توپ مۇشەلەرىنىڭ كوبى «90-جىلداردان كەيىن» تۋىلعان جاستار بولعان. 

 

* «شاڭحايداعى ماڭداي الدى توراپتا تانىمال رەستوران» اتالعان ٴبىر رەستوران تۇتىنۋشىلاردى الداعانىن مويىنداپ كەشىرىم سۇرادى، قاتىستى تاعامجاي جۇمىستان توقتاتىلدى.

 

* حۋنان 1-شيپاحاناسىنىڭ بۇرىنعى باستىعى CT دياگنوز قاعازىن 1300 رەتتەن استام جالعاننان جاساپ، ەمدەۋ قامسىزداندىرۋىن الداپ العاندىقتان، 3 جىل 2 ايلىق قاماق جازاسىنا ۇكىم ەتىلدى.

 

* فۋجياننىڭ فۋجوۋ قالاسىنداعى ٴبىر ۇل وقۋشى «ۋىتتان ساقتانۋ ماسكاسىن» تاعىپ، ساباق تىڭداپ وتىرعان سۋرەت توراپتا تارادى. توراپتاستار: ٴبىر قاراعاندا حيميا ساباعىن وقىپ وتىرعانعا ۇقسايدى ەكەن-دەپ پىكىر قالدىردى.

 

* بەيجيڭ حۋانچيۋ كينوتاقىرىپتىق باقشاسى ٴىشىنارا تەز جەتكىزۋ تاپسىرىسى جونىندە كەشىرىم سۇرادى.

 

* شي-ان وليمپيادا سپورت ورتالىعى سارايى شىراقتارىن جاعىپ، مەملەكەتتىك سپورت جارىسىنىڭ باستالۋىنا دايىندىق كوردى.

 

* حۋبەيدىڭ حىڭشۇي كولى جاعاسىنداعى قۇبا ٴتۇزدىڭ سۋلى اتىزىندا اق قۇتاندار سامعاپ ۇشتى، 2000 نان استام اق قۇتان كوركەم كورىنىس قالىپتاستىردى. 

 

* 90-جىلداردىڭ تۇلەگى، ايەل اسكەر داي شياۋديە دۇنيە جۇزىلىك اسكەري سپورت جارىسىندا ارت-ارتىنان ٴۇش التىن، ٴبىر كۇمىس مەدال الدى.

 

您的浏览器不支持 audio标签

 

«قۇيىرشىق سوت» شۇرقانى دۇنيە ٴجۇزىنىڭ تەررورلىققا قارسى تۇرۋ ناتيجەسىن اياق استى ەتكەندىك

 

جەرلىك ۋاقىت 9-ايدىڭ 13-كۇنى اتالمىش «ۇيعۇرلار ەرەكشە سوتى» دەگەن قۇيىرشىق سوتتىڭ 2-رەتكى ىسپاتتاۋ ٴماجىلىسى انگليادا اياقتادى. ٴىستىڭ شىن سىرىنان حابارسىز ادامدار مۇنى شىنىندا ٴبىر سوت ەكەن دەپ قالۋى مۇمكىن، ونىڭ ەشقانداي حالىقارالىق زاڭدىق نەگىزى جوق جانە كۇشكە يە ەمەس، ول تەك قانا سوت دەگەن وسى زاڭدىق كاتەگورياسىندىق لاۋازىمدى ۇرلاعان قۇيىرشىق سوت؛ ايتىلمىش «ىسپاتتاۋ ٴماجىلىسى» دەگەن ٴماجىلىس ەشقانداي ٴادىليالىق ٴتارتىپ كاتەگورياسىنا كىرمەيدى، تەك قانا قۇيىرشىقتار وزدەرى رەجيسسور، وزدەرى اكتيور بولعان جۇڭگوعا قارسى ارام نيەتتى ويىن عانا.

 

«ۇيعۇر ەرەكشە سوتى» دەپ ات قويىپ العان وسى اتالمىش سوتتىڭ قالاي قۇرىلعانىنا ٴساپ سالايىق. اشىق حابارلارعا نەگىزدەلگەندە، ول جەكەلىك كەپىلدىكتەگى شەكتى سەرىكتىك فورماسىمەن انگليادا قۇرىلعان جاي عانا ۇيىم، قاراجاتىن نەگىزىنەن بولشەكتەۋشىلىكتى ۋاعىزدايتىن جۇڭگوعا قارسى ۇيىم «دۇنيە جۇزىلىك ۇيعۇرلار قوعامى» قامدايدى. ال «دۇنيە جۇزىلىك ۇيعۇرلار قوعامى» دۇنيەگە كەلگەن كۇننەن باستاپ ب م ۇ جاعىنان تەررورلىق ۇيىم دەپ تۇرانتاندىرعان «شىعىس تۇركستان» تەررورلىق ۇيىمىنىڭ «شىعىس تۇركستان يسلام قوزعالىسىمەن» ىشتەسىپ كەتكەن ٴارى شينجياڭدا زورلىقتى كۇش تەررورلىق بولشەكتەۋ ارەكەتىن جوسپارلايدى. تاعى دا ىشكەرىلەي ٴساپ سالار بولساق، اتالمىش «دۇنيە جۇزىلىك ۇيعۇرلار قوعامى» ا ق ش مەملەكەتتىك دەموكراتيا قور قوعامىنىڭ قولداۋىنا يە بولعان. وسى قور قوعامنىڭ رەسمي توراپ ماتەريالىنا نەگىزدەلگەندە، 2016-جىلدان بەرى بۇل قوعام اتالمىش«دۇنيە جۇزىلىك ۇيعۇرلار قوعامى» سياقتى «شىعىس تۇركستان» ۇيىمدارىنا بەرەتىن قارجىلاي كومەگىن ۇزدىكسىز مولايتىپ، شينجياڭداعى بولشەكتەۋشى كۇشتەردىڭ قۇتىرتقىش يەسىنە اينالدى.

 

مىنە بۇل اتالمىش «ۇيعۇر ەرەكشە سوتى» دەگەن قۇيىرشىق سوتتىڭ شىنتۋايتىندا تەك قانا جۇڭگوعا قارسى قۇرال ەكەندىگىنە كوز جەتكىزۋگە بولادى. اتالمىش «ىسپات ٴماجىلىسى» دەگەننىڭ ٴوزى «شينجياڭعا ساياتىن سۋايتتىق تىزبەكتى» ويىنى عانا. ياعني، ويىندى ويناۋشىلار ٴبىر توپ «ارتيستەردى» تاۋىپ الادى دا، وتىرىگى ونە بويىنان مەنمۇندالاپ كورىنىپ تۇرعان سۋايتتىق اڭگىمەلەردى باياندايدى. شينجياڭعا مۇلدە بارىپ كورمەگەن ٴبىر توپ «مامانسىماقتار» شينجياڭ ىستەرىنە كيلىگىپ اۋىزىنا كەلگەنىن كوكيدى. ولار ارسىزدىقپەن جانە شىمىرىكپەستەن «ٴماجبۇري ەڭبەك ىستەتۋ»، «ناسىلدىڭ تۇقىم قۇرتۋ» دەگەن سياقتى جالالاردى ويدان قۇراپ شىعادى... مۇنىڭ بارلىعى شىلعي وتىرىك جانە وسەك-اياڭ تاراتاتىن ويىندار عانا ٴارى تۇپتەپ كەلگەندە باتىستىڭ جۇڭگوعا قارسى كۇشتەرىنە قۇيرىعىن بۇلاڭداتىپ جاعىمسۋدان باسقا دانەڭە ەمەس. مۇنداي وسەك اياڭ ويىنداردا قانداي سەنىمدىلىك بولسىن؟! 

 

جۇڭگو ۇكىمەتى حالىقتىڭ ٴومىرى مەن مال-مۇلكىنىڭ حاۋىپسىزدىگىن قورعاۋ ٴۇشىن شينجياڭدا تەررورلىققا قارسى تۇرۋ جانە ۇشقارىلىقتى الاستاۋ پارمەندى شارالارىن اتقارىپ، كورنەكتى ونىمدىلىككە قول جەتكىزدى. قازىر شينجياڭ رايونىندا ٴۇرتىس 4 جىلدان استام ۋاقىت زورلىقتى كۇش تەررورلىق ۋاقيعاسى تۋىلمادى، ەكونوميكالىق، قوعامدىق دامۋ مەن ادامدىق ۇقىقتى قامتاماسىزداندىرۋ جاعىندا بۇرىن-سوڭدى بولماعان تابىستارعا قول جەتتى. انگليانىڭ ادۆوكاتى، حالىقارالىق تورەشى گرەيام پەري تاياۋدا بىلاي دەپ اشىق ايتتى: شينجياڭدا «ناسىلدىك تۇقىم قۇرتۋ» دەگەن ٴىس مۇلدە جوق، ٴبىز قازىرگە دەيىن جۇڭگونىڭ شينجياڭىنان كەلگەن ۇيعۇر بوسقىنداردى كورمەدىك، «ناسىلدىك تۇقىم قۇرتۋ» دەگەندى دالەلدەيتىن ەشقانداي سۋرەت نەمەسە سەنەرلىك دالەل ـ ىسپات جوق. 

 

دۇنيە ٴجۇزى ايتىلمىش «ۇيعۇر ەرەكشە سوتى» قۇيىرشىق سوتتىڭ شىنتۋايتىندا ا ق ش مەن باتىس كۇشتەرىنىڭ ساياسي ويىنىنان باسقا دانەڭە ەمەس ەكەندىگىنە ابدەن كوز جەتكىزىپ وتىر. ولار قالاي بەزەپ كورسەتسە دە بۇل ارەكەتتەرىنىڭ «جالعان سوت» بولعان جالعاندىقٴمانىن وزگەرتە المايدى. ولار مەيلى قانشا مايدان اتالمىس «ىسپاتتاۋ ٴماجىلىسىن» وتكىزىپ جانتالاسسا دا، شينجياڭنىڭ كوركەيۋ، دامۋ اياق الىسىنا كەدەرگى بولا المايدى. «قۇيىرشىق سوتتىڭ» قۋىرشاق ويىنى اياقتايتىن كەزى كەلدى! تەررورلشىلدارعا تىرەك بولعان باتىستىڭ جۇڭگوعا قارسى كۇشتەرى ەندىگارى قۇر ارامتەر بولماسىن.

 

来源:中央广播电视总台

 

 

新闻速递翻译:夏力哈尔 播音:巴拉番

世界报道翻译:哈那提别克  播音:古丽娜尔

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

پۋتين جۇعىمدالۋشىمەن تىعىز جاناسقاندىعى سەبەپتى اۋاشالاندى

وقۋ-اعارتۋ مينسترلىگى مەن ادام كۇشى جانە قوعامدىق قامتاماسىزداندىرۋ مينسترلىگى: مەكتەپتەن تىس تاربيەلەۋ قۇرىلىمدارىندا كاسىپپەن شۇعىلدانۋشىلاردىڭ «قارا تىزىمدىگىن» باسقارۋ ٴتۇزىمىن ورناتادى