kazakcnr 中国哈萨克语广播CNR

بۇگىن 9-ايدىڭ 16-كۇنى، بەيسەنبى، الدىمەن ەل ٴىشى جانە حالىقارالىق قىسقا حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر: 

您的浏览器不支持 audio标签

 

※وقۋ-اعارتۋ مينيسترلىگى ورتا كۇز جانە مەملەكەت مەرەكەسى دەمالىسىندا وقىتۋشى-وقۋشىلاردى تۇرعان جەرىندە مەرەكە وتكىزۋگە شابىتتاندىردى. 

 

※سۋلياۋ بىلعانىشتاردى جونگە سالۋ ارەكەت جوباسى جاريالاندى، 2025-جىلعا بارعاندا ەلەكتروندى ساۋدا جۇيەسىندەگى جەدەل جولدامالار ەندىگارى 2-رەت قوراپتالمايدى. 

 

※قۋانىشتى حابار! قانتتى نەسەپ اۋرۋى، نەسەپپەن ۋلانۋ سياقتى سوزىلمالى اۋرۋلاردى ەمدەۋ قاراجاتىن ولكە اتتاپ ەسەپتەن كوتەرۋ تۇيىندە سىناق ەتىلەدى.

 

※2024-جىلدان باستاپ گانسۋدىڭ جوعارى مەكتەپ ەمتيحانى جاراتىلىستىق، قوعامدىق ٴپان دەپ بولىنبەيدى. 

 

※بەيجيڭ قالاسىنىڭ چاۋياڭ رايونى ٴبىر ادامنىڭ جۇتقىنشاق سۇيىقتىعى ۇلگىسىنىڭ العاشقى تەكسەرۋدە بولىمدى بولعاندىعىن حابارلاندىردى، الايدا جاڭا تيپتى ايدارشا ۆيرۋسپەن جۇعىمدالماعان.

 

※سىچۋان ولكەسى لۋجوۋ قالاسىنىڭ لۋشيان اۋدانىندا بۇگىن تاڭ سارىدە 6 بال جەر سىلكىندى. چىڭدۋ، چۇڭچيڭ قاتارلى كوپتەگەن جەردە سىلكىنىس ىقپالى كورنەكتى بولدى، لۋجوۋ قالاسى 1-دارەجەلى شۇعىل جاعدايعا توتەپ بەرۋ ۇندەۋىن باستادى. 9-ايدىڭ 16 -كۇنى ساعات 5 كە دەيىن لۋشيان اۋدانى فۋجي قالاشىعى ساۋبا قىستاعىنان 2 ادام قازا بولىپ، 3 ادام جارالاندى.

 

※حانگو مەدياسىنىڭ حابارىنا قاراعاندا، چاۋشيان تۇبەكتىڭ شىعىس تەڭىز ايدىنىنا 2 وق جولدى باسقارىلمالى بومبى اتقان.

 

※ب م ۇ افعانستاندا ميلليونداعان بالانىڭ اشارشىلىق پەن ٴولىم-جىتىمگە تاپ بولۋى مۇمكىن ەكەندىگىن ەسكەرتتى.

 

※جاپونيانىڭ فۋكۋسيما ارالىنداعى يادرولىق لاس سۋدى سۇزەتىن 25 جابدىقتىڭ 24 ى بۇزىلدى، ال مۇنىڭ سەبەبىن توكيو ەلەكتر قۋاتى سەرىكتىگى تەكسەرگەن جوق. 

 

※بيرما ورتالىق بانكەسى بيىل 144 ميلليون 800 مىڭ امەريكا دوللارىن اينالىمعا ٴتۇسىردى، بيرما اقشاسىنىڭ سىندىرىلىمى تاريحتان بەرگى ەڭ تومەنگى دەڭگەيگە ٴتۇستى. 

 

※يرانعا يادرو جانە باسقارىلمالى بومبى جوسپارىنا ىستەتىلەتىن جابدىقتاردى ەكسپورت ەتكەندىگى ٴۇشىن، گەرمانياداعى يران تەكتى ٴبىر ەر ادام قولعا الىندى. 

 

※نانتۇڭ قالاسىنىڭ كوركەيتۋ رايونىنداعى ٴبىر قالا باسقارۋ قىزمەتكەرى دورەكىلىكپەن زاڭ اتقارىپ، كوكونىس ساتاتىن ٴبىر كاريانى جۇلقىپ تۇرعىزىپ جەرگە جىققان، ساقشى جاعىنداعىلار بۇل ٴجايتتى، قاساقانا جارالاۋ، دەپ قاراپ، اكىمشىلىك جازا بويىنشا قالا باسقارۋشىنى 15 كۇندىك قاماققا الدى جانە وعان مىڭ يۋان ايىپ سالدى. 

 

※جىڭجوۋ قالالىق 6-حالىق شيپاحاناسى قاتارلى 10 شيپاحانانىڭ ەمدەلۋ قامسىزداندىرۋ اقىسىن الداپ الۋ، بەلگىلەمەگە قيعاشتىق جاساۋ جايتتەرى اشكەرەلەندى. 

 

※حاڭجوۋ قالاسىنداعى تۇڭ يجيا قوناقسارايىندا «بەيتانىس ٴبىر ەردىڭ ەسىكتى اشىپ كىرۋ» ٴجايىتى تاعى بەلەڭ بەرىپ، ولكەلىك مادەنيەت-ساياحات مەڭگەرمەسى وسى قوناقسارايدى رەتتەۋ ـ تۇزەتۋگە بۇيىردى.

 

※حىبەي ولكەسىنىڭ باۋديڭ قالاسىندا ٴبىر ەر ادام ٴسابي بالانى 29-قاباتتان سىرتقا لاقتىرعانىمەن قويماي، بالانىڭ شەشەسىن پىشاقتاعان، ساقشى جاعىنداعىلار انالى-بالالى ەكەۋىنىڭ دە جان ۇزگەندىگىن، ەر ادامنىڭ قولعا الىنعاندىعىن مالىمدەدى. 

 

※ازىق-تۇلىك ىشكابىندا تىشقاندار ٴورىپ جۇرگەن زى-يان تاۋىق تاعامدارى دۇكەنىنىڭ ٴبىر بولىمشەسى قاۋىمنان كەشىرىم سۇرادى، قازىر وسى دۇكەننىڭ تيجاراتى توقتاتىلدى. 

 

※جياڭسۋدىڭ سۋچيان دەگەن جەرىندە ٴبىر 80 جاستاعى كاريا جولدان اداسىپ قالعان، باعىنا جاراي قاتىناس ساقشىسى ٴۇش دوڭگەلەكتى اربامەن كەشقۇرىم ونى ۇيىنە جەتكىزىپ تاستادى.

 

※حۋنان ولكەسىنىڭ يۋەياڭ قالاسىندا ٴبىر ەر ادام قىزىنىڭ تاپسىرما ورىنداۋىنا قۋزاۋشىلىق ەتۋ بارىسىندا رەنجىگەن كوڭىل-كۇيىن باسا الماي جاق سۇيەگى ٴتۇسىپ كەتكەن، توراپتاستار: بۇل ناعىز رەالدىق،-دەدى.

 

※«حالىق گازەتىندە» باسشىنىڭ بۇقارانىڭ ارىز-ارمانىنا «جوعال ارى!» دەپ جاۋاپ قايتارىپ، قىزمەتتەن توقتاتىلعاندىعى جونىندە: قاي ـ قاشان دا ٴسوز-ارەكەتتە اباي بولىپ، حالىقشىلدىقتى جادىنان شىعارماۋى كەرەك،-دەپ شولۋ جاسالدى. 

 

※2022-جىلعى مىسىق ايۋدىڭ سۋرەتى باسىلعان التىن تەڭگە ٴپىشىنى جاريالاندى، وندا قىسقى وليمپيادا سپورت جارىسى نەگىزگى تاقىرىپ ەتىلگەن. 

 

※ەۆروپا عارىش مەكەمەسىنىڭ الىسقا جورىق 65-ٴنومىرلى ۇشۋ جابدىعىنىڭ ينجەنەرى حالىقارالىق كەڭىستىك پۋنكيتىندە ەرەكشە جارىق بەلدەۋىنىڭ كوركەم كورىنىسىن سۋرەتكە ٴتۇسىردى. 

 

※14-كەزەكتى مەملەكەتتىك سپورت جارىسىنىڭ اشىلۋ سالتىندا وليمپيادا سپورت جارىسىنىڭ اعا جۇلدەگەرى ياڭ چيان نەگىزگى الاۋدى تۇتاندىردى. 

 

您的浏览器不支持 audio标签

 

شاڭحاي سەلبەستىك ۇيىمىنا 20 جىل

 

شاڭحاي سەلبەستىك ۇيىمىنا مۇشە ەلدەر باسشىلارىنىڭ القالار كەڭەسىنىڭ 21- رەتكى ءماجىلىسى 9-ايدىڭ 16-، 17-كۇندەرى تاجىكستاننىڭ استاناسى دۋشانبەدە وتكىزىلەدى. بيىل شاڭحاي سەلبەستىك ۇيىمى قۇرىلعاندىعىنىڭ 20 جىلدىعى، بۇل رەتكى ٴماجىلىس شاڭحاي سەلبەستىك ۇيىمىنىڭ دامۋ تاريحىندا بەلەستىك مانگە يە.

 

20 جىلدان بەرى شاڭحاي سەلبەستىك ۇيىمى «شاڭحاي رۋحىن» باتىل ساۋلەلەندىرىپ، ٴوڭىردىڭ ٴىس جۇزىندىك جاعدايىنا ساي كەلەتىن، ٴار جاقتىڭ قاجەتىنە ۇيلەسەتىن سەلبەستىك جولىمەن ٴساتتى ٴجۇرىپ، ٴوڭىردىڭ حاۋىپسىزدىگى مەن ورنىقتىلىعىن قورعاۋداعى جانە دامۋدى كوركەيۋدى جەبەۋدەگى ماڭىزدى سىندارلى كۇشكە اينالىپ، ادامزاتتىڭ تاعدىرلاس ورتاق تۇلعاسى مەن جاڭاشا حالىقارالىق قاتىناس ورناتۋدى ىلگەرىلەتۋ جولىندا ماڭىزدى امالياتتىق ىزدەنىس جاسالدى. 

 

2001-جىلى 6-ايدىڭ 15-كۇنى شاڭحاي سەلبەستىك ۇيىمى شاڭحايدا قۇرىلدى، قۇرۋشى مۇشە ەلدەر جۇڭگو، رەسەي، قازاقستان، قىرعىزستان، تاجىكستان جانە وزبەكستان بولدى. 2004-جىلى شاڭحاي سەلبەستىك ۇيىمى حاتشىلار باسقارماسى مەن وڭىرلىك تەررورلىققا قارسى تۇرۋ قۇرىلىمىن قۇردى، بۇل قۇرىلىم جەكە-جەكە بەيجيڭ مەن وزبەكستاننىڭ استاناسى تاشكەنتتە تۇردى. 2017-جىلى شاڭحاي سەلبەستىك ۇيىمىنىڭ قازاقستاننىڭ استاناسىندا بولعان باسشىلار باس قوسۋىندا ينديا مەن پاكيستانعا مۇشە ەلدىك ورىن بەرۋ ۇيعارىلدى. وسىعان دەيىن شاڭحاي سەلبەستىك ۇيىمىنا 8 مۇشە ەل، 4 باقىلاۋشى ەل جانە 6 سۇحپاتتاستىق سەرىك مەملەكەت قابىلداندى. 

 

قازىر شاڭحاي سەلبەستىك ۇيىمىنا مۇشە 8 ەلدىڭ تەرريتوريا كولەمىنىڭ قوسىندىسى ەۆروپا-ازيا ۇلى قۇرلىعىنىڭ بەستەن ٴۇش بولەگىنەن اسادى، حالىق سانى دۇنيە ٴجۇزىنىڭ تەڭ جارىمىنا جۋىعىن يەلەيدى، ىشكى ٴوندىرىس جالپى ٴونىم قۇنى دۇنيە ٴجۇزىنىڭ %20 تەن استامىن ۇستايدى، ٴسويتىپ، بۇل ۇيىم قازىرگى دۇنيە جۇزىندە قامتىعان جەرى ەڭ كەڭ، جان سانى ەڭ كوپ ۋنيۆەرسال وڭىرلىك ۇيىمعا اينالدى. سونىمەن بىرگە، شاڭحاي سەلبەستىك ۇيىمى ب م ۇ، شىعىس وڭتۇستىك ازيا وداعى، تاۋەلسىز ەلدەر دوستاستىعى سياقتى حالىقارالىق جانە وڭىرلىك ۇيىمدارمەن كەڭ كولەمدى سەلبەستىك ورىستەتىپ، كوپ ساتىلى، كەڭ سالالى، سترەولدى سەرىكتەستىك قاتىناس تورابىن قۇرىپ، «دوستار شەڭبەرىن» ۇزدىكسىز كەڭەيتىپ، ىقپال كۇشىن بارعان سايىن زورايتتى.

 

تەررورلىققا، ۇشقارىلىققا، بولشەكتەۋشىلىككە سوققى بەرىپ، ٴوڭىردىڭ بەيبىتشىلىگىن، حاۋىپسىزدىگىن جانە ورنىقتىلىعىن قورعاۋ جانە كۇشەيتۋ-شاڭحاي سەلبەستىك ۇيىمىنا مۇشە ەلدەردىڭ ماڭداي الدى مىندەتى. 20 جىلدان بەرى شاڭحاي سەلبەستىك ۇيىمىنا مۇشە ەلدەر ىلگەرىندى-كەيىندى «تەررورلىققا، بولشەكتەۋشىلىككە جانە ۇشقارىلىققا سوققى بەرۋ شاڭحاي شارتىنا»، «شاڭحاي سەلبەستىك ۇيىمىنىڭ تەررورلىققا قارسى تۇرۋ شارتىنا» جانە «شاڭحاي سەلبەستىك ۇيىمىنىڭ ۇشقارىلىققا قارسى تۇرۋ شارتىنا» قول قويىسىپ، «ٴۇش ٴتۇرلى كۇشكە»، ەل اتتاعان قىلمىستارعا، ەسىرتكى ساۋداسىنا، اتكەزشىلىككە سوققى بەرۋدى ماڭىزدى مىندەت ەتىپ، حاۋىپسىزدىك سەلبەستىگىن مەحانيزمدەندىرۋ جانە زاڭداندىرۋ قۇرىلىسىن ورنىقتى ىلگەرىلەتتى. اماليات شاڭحاي سەلبەستىك ۇيىمىنىڭ ەۆروپا-ازيا ٴوڭىرىنىڭ حاۋىپسىزدىگى مەن ورنىقتىلىعىنىڭ ماڭىزدى تىرەگىنە اينالعاندىعىن دالەلدەدى. 

 

ەكونوميكا سالاسىندا شاڭحاي سەلبەستىك ۇيىمىنا مۇشە ەلدەر ناقتى سەلبەستىكتى ۇزدىكسىز كۇشەيتىپ، دامۋ ستراتەگياسىن ۇشتاستىرۋ، ٴوندىرىس قۋاتى جاعىندا ٴوزارا ٴتيىمدى سەلبەستىك جاساۋ، وڭىرلىك ساۋداعا قارجى قوسۋدى قولايلىلاندىرۋ جانە گۋمانيتارلىق اۋىس-كۇيىستى ىلگەرىلەتۋ سياقتى جاقتاردا بەلسەندى ىلگەرىلەۋشىلىككە قول جەتكىزدى. تاياۋ جىلداردان بەرى، جۇڭگو-قىرعىزستان-وزبەكستان حالىقارالىق تاس جول زات تاسىمالى تۇتاس لەنيا بويىنشا ىسكە قوسىلدى، جۇڭگو-ورتا ازيا تابيعي گاز قۇبىرى جانە جۇڭگو-قازاقستان، جۇڭگو-رەسەي مۇناي قۇبىرلارى سالىنىپ، ىسكە قوسىلدى، جۇڭگو-ەۆروپا كەزەكشى پويەز قاتىناۋى ۇدايىلاندىرىلىپ، جوعارى ونىمدىلىكپەن قاتىنادى، شاڭحاي سەلبەستىك ۇيىمى وڭىرىندە تاس جول، مۇناي-گاز قۇبىرى لەنياسى جانە تەمىر جولدى قامتىعان كۇردەلى نەگىزدىك قۇرىلعى تورابى العاشقى ادىمدا قالىپتاستى، مۇشە ەلدەر اراسىنداعى مۇددە دانەكەرى ونان ارى نىعايا ٴتۇستى. 

 

گۋمانيتارلىق سالادا شاڭحاي سەلبەستىك ۇيىمىنا مۇشە ەلدەردىڭ «مادەنيەت جىلى»، «ساياحات جىلى» سياقتى قيمىلدارى تارتىمدى وتكىزىلىپ، دەنساۋلىق ساقتاۋ، وقۋ-اعارتۋ، ورتانى قورعاۋ، جاستار ىستەرى، ايەلدەر ىستەرى، اقىل-پاراسات قويماسى، ارحەولوگيا جانە ەجەلگى ەسكەرتكىشتەردى قالپىنا كەلتىرۋ سياقتى سالالاردا اۋىس-كۇيىس، سەلبەستىك ۇزدىكسىز ورىستەتىلدى. توسىن تۋىلعان جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جاعىندا، «شاڭحاي سەلبەستىك ۇيىمى ۇلى شاڭىراعى» ٴتىپتى دە ٴبىر-بىرىنە قارايلاسىپ، قيىنشىلىقتى ورتاق كۇش سالا جەڭدى. 

 

وزبەكستان شاڭحاي سەلبەستىك ۇيىمى حالىقتىق ديپلوماتيا ورتالىعىنىڭ مەڭگەرۋشىسى سابيلوۆ بىلاي دەدى: شاڭحاي سەلبەستىك ۇيىمى حاۋىپسىزدىك سەلبەستىگىنەن باستاپ، حاۋىپسىزدىك سەلبەستىگى جانە ەكونوميكالىق سەلبەستىك سىندى «ەكى شەڭبەرگە» دەيىن كەڭەيدى، وسىدان كەيىن حاۋىپسىزدىك سەلبەستىگى، ەكونوميكالىق سەلبەستىك جانە گۋمانيتارلىق سەلبەستىك سىندى «ٴۇش ۇلكەن تىرەككە» اينالدى. شاڭحاي سەلبەستىك ۇيىمىنا مۇشە ەلدەر دوستىق بارىس-كەلىس پەن گۋمانيتارلىق اۋىس-كۇيىستى جان-جاقتى ورىستەتىپ، ٴار ەل حالقىنىڭ ٴوزارا ٴتۇسىنىسۋى مەن ٴداستۇرلى دوستىعىن نىعايتىپ، وسى ۇيىمنىڭ دامۋىنداعى قوعامدىق حالىق رايى نەگىزىن بەكەمدەدى، مۇنىڭ ٴوزى شاڭحاي سەلبەستىك ۇيىمىنىڭ بەيبىت دامۋىن ىلگەرىلەتەتىن ماڭىزدى قوزعاۋشى كۇش سانالادى.

20 جىلدىق بارىسقا قايىرىلا قاراساق، شاڭحاي سەلبەستىك ۇيىمىىنىڭ دامۋ اياق الىسى ورنىقتى بولىپ، اۋىس-كۇيىس، سەلبەستىك ۇزدىكسىز كەڭەيىپ، شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسى قۇرىلىسى ۇزدىكسىز ىلگەرىلەدى. وسى بارىستا جۇڭگو توتەنشە ماڭىزدى رول اتقاردى.

 

وزبەكستان اقپارات جانە بۇقارالىق مەديا ۋنيۆەرسيتەتىنىڭ پروفەسسورى تۇرسىنالى كوزەۆ بىلاي دەپ قارادى: جۇڭگو جاق شاڭحاي سەلبەستىك ۇيىمىنىڭ تاعدىرلاس ورتاق تۇلعاسى تانىمىن العا قويدى، بۇل تانىم شاڭحاي سەلبەستىك ۇيىمىنا وراسان زور ۇلەس بولىپ قوسىلدى ٴارى شاڭحاي سەلبەستىك ۇيىمىنا قىرعي قاباقتىق وي جەلىسىنەن، مۇلدە جاراسپاۋدان جانە وركەنيەت قاقتىعىسىنان مۇلدە اۋلاق وزىق ۇستانىم ازىرلەدى. 

 

来源：中央广播电视总台

 

 

新闻速递翻译：阿曼太 播音：巴拉番

世界报道翻译：哈那提别克  播音：古丽江

微信制作：古丽美热