شينجياڭدىق توقتاربەك بوكستان التىن مەدال الدى

9-ايدىڭ 21-كۇنى 14-كەزەكتى مەملەكەتتىك سپورت جارىسىنىڭ بوكس تۇرىندە ەرلەردىڭ 75 كيلوگرامدىق شەشۋشى جارىسىندا شينجياڭ كومانداسىنداعى توقتاربەك تاڭاتقان ۇلى 5:0 ۇپايمەن بەيجيڭ كومانداسىنداعى ۇلپار قارقىن ۇلىن جەڭىپ، شينجياڭ كومانداسىنىڭ قورجىنىنا 1 التىن مەدال سالدى. 

9-ايدىڭ 21-كۇنى، شينجياڭ كومانداسىنداعى توقتاربەك تاڭاتقان ۇلى (وڭدا) جاتتىقتىرۋشىسى ابدۇشۇكىر ميجيتپەن بىرگە سيلىق ساحناسىندا. سول كۇنى، شانشي يۇيليندە وتكىزىلگەن 14-كەزەكتى مەملەكەتتىك سپورت جارىسى بوكس ءتۇرىنىڭ 75 كيلوگرام سالماقتاعىلاردىڭ شەشۋشى جارىسىندا، شينجياڭ كومانداسىنداعى توقتاربەك تاڭاتقان ۇلى 0 گە قارسى 5 ۇپايمەن بەيجيڭ كومانداسىنداعى ۇلپار قارقىن ۇلىن جەڭىپ، اعا جۇلدەگەر بولدى. 

توقتاربەك تاڭاتقان ۇلى−قانات ءسىلام ۇلى جانە مامەتتۇرسىن چوڭنان كەيىنگى شينجياڭنان 3-رەت جۇڭگوعا ۋاكىل بولىپ وليمپيك سپورت ساحناسىندا جارىسقا تۇسكەن بوكس شەبەرى. 

7-ايدىڭ 29-كۇنى، توقتاربەك تاڭاتقان ۇلى (سولدا) جارىستا

1998-جىلى 11-ايدىڭ 18-كۇنى، التاي ايماعى التاي قالاسى الاقاعاق قالاشىعىندا، توقتاربەك تاڭاتقان ۇلى دۇنيەگە كەلدى، ول ۇيدەگى ۇلدىڭ ەكىنشىسى. 

اعاسى جاقىپپەك تاڭاتقان ۇلىنىڭ ەسىندە قالۋىنشا، ءىنىسىنىڭ كىشكەنتايىنان دەنەسى شىمىر بولىپ، تەز جۇگىرەتىن، كوپ قيمىلدايتىن بالا. مەكتەپتىڭ دەنە-تاربيە جارىسىندا، ءىنىسى توقتاربەك الدىنا جان سالمايدى، ءۇيىنىڭ ماڭىنداعى جاسىل الاڭدا كۇرەسكەندەرىن الىپ ۇرادى. 

2008-جىلعى وليمپيادا جارىسىندا، توقتاربەك تاڭاتقان ۇلى مامەتتۇرسىن چوڭنىڭ جارىسىن تاماشالاعان. «ءىنىم ماعان سول سياقتى سپورتشى بولعىم كەلەدى دەدى!» جاقىپبەك تاڭاتقان ۇلىنىڭ ايتۋىنشا، ءىنىسى وسى ءسوزدى ايىتقاندا جانىنداعى كىشكەنە دوستارى مازاقتاپ كۇلىپتى. 

مەملەكەتتىك سپورت جارىسىنداعى «كىشكەنە بەك» توقتاربەك تاڭاتقان ۇلى

كۇندەردىڭ بىرىندە، التايداعى العاشقى بوكس جاتتىقتىرۋشىسى مۇرات بوشاي ۇلى توقتاربەك تاڭاتقان ۇلىنىڭ ٴۇيىنىڭ جانىنا كەلەدى. «بويى 1 مەتر 30 سانتيمەتر شاماسىنداعى بالانىڭ دوپ تەۋىپ تۇرعانىن الىستان كوزىم شالدى، ونىڭ قارقىنى مەن كۇشىنىڭ وتە جاقسى ەكەنىن بايقادىم، سونىمەن جانىما شاقىردىم.» مۇرات بوشاي ۇلى سول كەزدە 12 جاستاعى توقتاربەك تاڭاتقان ۇلىنا بىلاي دەيدى: «بوكس تۋرالى بىلەسىڭ بە؟» «بىلەمىن، مامەتتۇرسىن چوڭنىڭ جارىسىن تاماشالاعانمىن.» «بوكسقا ماشىقتانعىڭ كەلەمە؟» «توتەنشە قىزىعامىن!» ۇستاز بەن شاكىرتىنىڭ العاشقى ديالوگى وسىنداي قاراپايىم ەدى. 

مۇرات بوشاي ۇلىنىڭ تالابى بويىنشا، توقتاربەك تاڭاتقان ۇلى وڭ جانە سول قولىمەن الىسقا كەزەك تاس لاقتىرۋ سىناعىن اياقتايدى. مۇرات بوشاي ۇلى مىنا بالانىڭ بوكسقا سۇرانىپ تۇرعانىن بىردەن بايقايدى. 

15 كۇننەن سوڭ، توقتاربەك تاڭاتقان ۇلى ۇيىنەن اتتانىپ، 100 كيلومەتردەن ارتىق الىستاعى قابا اۋدانىنداعى 1-باستاۋىشقا ءتۇسىپ وقيدى. قابا اۋدانىنداعى ورتالاۋ مەكتەپتىڭ (قازىرگى قابا اۋداندىق 1-ورتا مەكتەپ) جاتاعىندا جاتىپ، مەكتەپتەگى بوكس اترەتىندەگىلەرمەن بىرگە ماشىقتانادى. 

13 جىل وتە شىقتى، بولاشاقتا باتىر بولۋدى ارمانداعان جاس جىگىت حالىقارالىق بوكىس مايدانىنا كوتەرىلىپ، جۇڭگو بوكىس سالاسىنداعى تاڭداۋلى ساڭلاققا اينالدى. 

شينجياڭدىق «كىشكەنە بەككە» قولداۋ كورسەتىڭىزدەر!

اۋدارعان: قۋات جۇماش ۇلى

来源: 天山网

微信制作：古丽美热