ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ٴۇش جاستاعى بالا جازىم بولدى، اتا-اناسى جاۋاپكەرشىلىك ارقالاي ما

来源:央广网     |责编:古丽美热·霍孜汗|     发布日期: 2021-09-27 11:01

ٴۇش جاستاعى بالا جازىم بولدى، اتا-اناسى جاۋاپكەرشىلىك ارقالاي ما

كولىك ىشىندە ۇمىت قالعان 3 جاستاعى قىز بالا جازىم بولدى، اتا-اناسىنىڭ جاۋاپكەرشىلىگىن قۋزاستىرۋ كەرەك پە

«بالانىڭ جازىم بولۋى جونىندە، ەگەر ونىڭ اكە-شەشەسى تىكەلەي نەمەسە جانامالاي قاساقانا ىستەگەن بولسا، قاساقانا ادام ءولتىرۋ قىلمىسىنا شاتىلۋى مۇمكىن؛ ەگەر قاساقانا ىستەمەگەن نەمەسە اعاتتىق وتكىزبەگەن بولسا، توسىن ۋاقيعاعا جاتادى». 

 

تاياۋدا «3 جاستاعى قىز بالانىڭ وتاعاسى جاعىنان كولىكتە ءبىر كۇن قامالىپ قالىپ جازىم بولۋ» ءىسى قوعامنىڭ نازارىن جاپپاي اۋداردى. 

 

تاياۋ جىلدان بەرى، بالانى كولىك ىشىنە ۇمىت قالدىرۋدان بالانىڭ جازىم بولۋ ۋاقيعاسى ارت-ارتىنان تۋىلدى. ادامدار ەرىكسىز: مۇنداي تراگەديانىڭ جاۋاپكەرشىلىگىن كىم ارقالايدى؟ وسى رەتكى ۋاقيعادا، ەگەر وتاعاسىنىڭ جاۋاپكەرشىلىگى قۋزاستىرىلماسا، وتباسىنداعى باسقا بالانىڭ بولاشاق تۇرمىسىنا قالاي قامتاماسىز ەتۋگە بولادى؟ 

بەيجيڭ قالاسىنداعى تاڭەرتەڭگى قىزمەتكە شىعۋدىڭ قاۋىرت مەزگىلى 

 

بالادا توسىن جاعداي تۋىلسا، وتاعاسى جاۋاپكەرشىلىك ارقالاي ما؟ ادۆوكات: نەمەسە اعاتتىق جىبەرۋگە سايىپ، ادام ءولىمى كەلىپ شىقسا قىلمىس قالىپتاسادى

 

اقپارات قۇرالدارىنىڭ حابارىنا قاراعاندا، 9-ايدىڭ 21-كۇنى گۋاڭدۇڭ ولكەسىنىڭ شىنجىن قالاسىندا 3 جاستاعى ءبىر قىز بالانى وتاعاسى ءوز كولىگى ىشىندە ۇمىت قالدىرۋىنان جازىم بولعان. 

 

سول كۇنى بالانىڭ اكە-شەشەسى قالىپسىز جاعدايدى سەزبەگەن، بالانىڭ اعاسى قارىنداسىنىڭ كورىنبەي كەتكەنىن بايقاعان كەشكى ساعات 6 مولشەرىندە، وتاعاسى قىز بالاسىن ىزدەپ ءوز كولىگى ىشىنەن تاۋىپ العاندا، بالانىڭ ومىرىنە الدە قاشان حاۋىپ تونگەن ەدى، بالانى شيپاحاناعا شۇعىل جەتكىزسە دە، ەمدەۋ ءونىم بەرمەي بالا جازىم بولادى. 

 

اقپارات قۇرالدارى جاريالاعان كەسكىننەن قاراعاندا، اق ءتۇستى شاپان كيگەن ايەلدىڭ شيپاحانانىڭ كاريدورىندا وتىرعانىن، شيپاگەر وعان جاعدايدى ۇقتىرعاننان كەيىن، ونىڭ وكىرىپ جىلاعانىنان قاتتى قايعىرعانىن بىلۋگە بولادى. 

 

ال، بۇل ۋاقيعادا وتاعاسى اۋىر دارەجەدە جاۋاپكەرسىزدىك ىستەگەن نەمەسە ىستەمەگەندىگى توراپتاستاردىڭ قىزۋ تالقىسىن قوزعادى: 

 

قامقورشى «بەيعامدىق ىستەگەنى» ءۇشىن جاۋاپكەرشىلىك ارقالاي ما؟ مۇنداي تراگەديا ارت، ارتىنان تۋىلدى، ىستەن كەيىن جاۋاپكەرشىلىكتى قۋزاستىرۋعا تولىق ءمان بەرىلمەي كەلە مە قالاي؟ 

 

بەيجيڭ قالالىق جۇڭۋىن ادۆوكات ىستەرى باسقارماسىنىڭ سەرىكتەسى جاڭ شيننيان ادۆوكات جۇڭگو اقپارات تورابى ءتىلشىسىنىڭ سۇحباتىن قابىلداعان كەزدە بىلاي دەدى: وسى رەتكى ۋاقيعا جونىنەن العاندا، قازىر ءۇش ءتۇرلى جاعدايعا بولۋگە بولادى: 

 

«بالانىڭ جازىم بولۋى جونىندە، ەگەر ونىڭ اكە-شەشەسى تىكەلەي نەمەسە جانامالاي قاساقانا ىستەگەن بولسا، قاساقانا ادام ءولتىرۋ قىلمىسىنا شاتىلۋى مۇمكىن؛ ەگەر قاساقانا ىستەمەگەن بولسا، ءبىراق قىلمىستىق ىستەر زاڭىنداعى سۋبيەكتيۆ اعاتتىق وتكىزۋىنەن بولسا، جازاتايىم ادام ءولتىرۋ قىلمىسى دەپ تانىلادى؛ ەگەر قاساقانا ىستەمەگەن نەمەسە اعاتتىق وتكىزبەگەن بولسا، توسىن ۋاقيعاعا جاتادى».

 

جاڭ شيننيان بىلاي دەدى: اتالعان ۋاقيعا جونىندە ءالى دە ءبىراز كۇدىك، كۇمان بار، ىشكەرىلەي تەكسەرۋگە تۋرا كەلەدى. قازىر مەديالار جاريالاعان حاباردان قاراعاندا، قالىپتى جاعدايدا اتا-انا مۇنداي بەيعامدىق ىستەمەيدى. بۇقارا ادەتتە اكە-شەشەسى ءوز بالاسىن ءوزى ولتىرمەيدى، اتاپ ايتقاندا، سۋبيەكتيۆ بوتەن نيەتى كەمشىل دەپ قارايدى، ءبىراق زاڭ تۇرعىسىنان ايتقاندا، ەگەر قىلمىستىق ىستەر زاڭىندا سۋبيەكتيۆ اعاتتىق بار دەپ تانىلسا، قىلمىستىق ىستەر جاۋاپكەرشىلىگىن قۋزاستىرۋدا گاپ جوق. 

 

ادۆوكات بىلاي دەدى: قىلمىستىق ىستەر زاڭىنداعى جازاتايىم قىلمىس دەپ ءوز ارەكەتىنىڭ قوعامعا زالال جەتكىزۋى مۇمكىن بولعان ناتيجەسىن بولجاي ءبىلۋى كەرەك، ويتكەنى، بەيعامدىق ىستەپ، بولجاي الماعاندىقتان نەمەسە بولجاۋعا سەلقوس قاراپ، ساقتانۋعا سەنىم ارتپاعاندىعىنان، وسى ناتيجە تۋىلعان. مۇنىڭ ىشىندە بەيعامدىق ىستەۋ جانە وزىنە تىم سەنىپ كەتۋ سىندى ەكى ءتۇرلى فورما بار. 

 

جۇڭگو اقپارات تورابىنىڭ ءتىلشىسى ۇكىم، كەسىم حات-قاتىناستارى تورابىنان تەكسەرۋ ارقىلى، كوپتەگەن بالانىڭ مەكتەپ كولىگىندە ۇمىت قالۋىنان جازىم بولۋ دەلوسىندا بالالار باقشاسىنىڭ ءىس جۇزىندىك جاۋاپتىسى، كولىككە ىلەسۋشى، مەكتەپ كولىگىنىڭ شوفەرى، كلاس جەتەكشىسى بالانىڭ جازىم بولۋى جونىنەن جاۋاپكەرشىلىك ارقالاعاندىعىن بايقادى. 

 

ۇكىم، كەسىم حات-قاتىناستارى تورابى وتكەن جىلى 12-ايدا جاريالاعان ءبىر ۇكىم قاعازىندا، ءمالىم بالالار باقشاسىنىڭ ءىس جۇزىندىك جاۋاپتىسى ياڭ XX وقۋشىلاردى مەكتەپ كولىگىنەن ءتۇسىرىپ العاننان كەيىن، مەكتەپ كولىگىن تەكسەرمەگەنى ءۇشىن، ءبىر بالا كولىكتە قالىپ قويىپ، بىرنەشە ساعاتتان كەيىن بايقالعان كەزدە، بالا الدە قاشان جازىم بولعان. 

 

حالىق سوتى مەكەمەسى بىلاي دەپ قارادى: ياڭ XX بالالار باقشاسىنىڭ ءىس جۇزىندىك جاۋاپتىسى بولا تۇرا، كولىكپەن كەلگەن بالالاردى ءتۇسىرىپ الۋ بارىسىندا، كولىكپەن بىرگە جۇرگەن بالالاردىڭ كولىكتەن ءتۇسۋ جاعدايىن باقىلاۋ، تەكسەرۋ بورىشى بار، ول بەيعامدىق ىستەپ مۇقيات تەكسەرمەگەنى ءۇشىن، بالانىڭ مەكتەپ كولىگىندە ىستىق ءوتىپ جازىم بولۋى كەلىپ شىققان، ونىڭ ارەكەتى جازاتايىم ادام ءولۋ قىلمىسىنا جاتادى. سونىمەن ياڭ XX ەكى جىلدىق مەرزىمدى قاماۋ جازاسىنا ۇكىم ەتىلىپ، 3 جىل كەشىكتىرىپ اتقارۋ جازاسى بەرىلدى. 

وقۋشى ساباقحانادا ويىن ويناۋدا

 

بالاسى جازىم بولىپ قايعىدان قان جۇتقان وتاعاسىنا جازا كەسۋ كەرەك پە؟

 

ايتا كەتۋگە تاتيتىنى، وسىدان بۇرىن كەيبىر مەديالار بالانى كولىك ىشىندە ۇمىتىپ كەتكەن شىرعالاڭ جونىندە، ەگەر ءىس مەكتەپ كولىگىندە تۋىلعان بولسا، جاۋاپتى ادام بولعان بالالار باقشاسىنىڭ باستىعى، بالالاردى اكەلەتىن، اپاراتىن مۇعالىم، شوفەر قاتارلى ءبارىنىڭ سايكەستى جاۋاپكەرشىلىگى قۋزاستىرىلعان، ەگەر اكە-شەشەسىنىڭ بەيعامدىق ىستەۋى سەبەبىنەن جەكە كولىك ىشىندە ۇمىت قالىپ، بالا جازىم بولعان كۇندە دە، قامقورشى بولعان اكە-شەشەسىنىڭ بىردە-ءبىرىنىڭ قىلمىستىق ىستەر جاۋاپكەرشىلىگى قۋزاستىرىلماعان. 

 

جاڭ شيننيان بىلاي دەدى: زاڭنان تىس، اتا-انانىڭ قامقورشى بولۋ مىندەتى جونىندە، قوعامدا، جالپى العاندا، اكە-شەشەسىنىڭ ءوز بالاسىن زاقىمداۋى مۇمكىن ەمەس، ءسوز جوق، بەيعامدىق ىستەگەن بولۋى مۇمكىن. اكە-شەشەنىڭ بالانى باعىپ، ەسەيتۋ بارىسىندا تارتقان ازابىن ويلاپ، بالاسىنان ايىرىلعاننان كەيىن دە قىلمىستىق ىستەر جاۋاپكەرشىلىگىن قۋزاستىرۋ ادامنىڭ جالپى بەتتىك سۇيىسپەنشىلىگىنە قايشى كەلۋى مۇمكىن دەپ قارايدى. بۇل وي جالپى ادامگەرشىلىككە ۇيلەسكەنىمەن، «بەيعامدىق ىستەۋ» زاڭ جاعىنداعى جازاتايىم قىلمىس قالىپتاستىرۋى مۇمكىن ەكەندىگىن ەسكەرۋسىز قالدىرادى. 

 

بەيجيڭ دىشياڭ ادۆوكات ىستەرى باسقارماسىنىڭ مەڭگەرۋشىسى، بەيجيڭ قالالىق ادۆوكاتتار قوعامى ازاماتتىق ىستەر زاڭى ارناۋلى كوميتەتىنىڭ ورىنباسار مەڭگەرۋشىسى ان شياڭ دا جۇڭگو اقپارات تورابىنىڭ تىلشىسىنە بىلاي دەدى: بۇرىنعى ءادىليا امالياتى بارىسىندا وتباسى مۇشەلەرى اراسىندا قالىپتاسقان زاقىمداۋ ارەكەتىندە، شىنىندا، «جۇمساق قولدىلىق» ىستەۋ جاعدايى ءومىر ءسۇرىپ كەلدى. بۇرىنعى دەلو مىسالدارىندا اتا-انانىڭ كوبى تەك ءمورال جاعىنان عانا ايىپتالعان، وتباسى مۇشەلەرىنىڭ زاڭعا قايشى قىلمىسقا شاتىلعان ارەكەتتەرى جاعىندا، «سىرت ادامدى» زاقىمداعانداي قاتاڭ ءبىر جاقتى ەتىلمەي كەلگەن بولاتىن. 

 

ءبىر ادۆوكات جۇڭگو اقپارات تورابىنىڭ تىلشىسىنە بىلاي دەدى: ەگەر اكە-شەشەسىنەن باسقا ادام بالاسىن كولىك ىشىندە ۇمىت قالدىرىپ جازىم ەتسە، سايكەستى قىلمىستىق ىستەر جاۋاپكەرشىلىگى قۋزاستىرىلادى؛ ال اتا-انانىڭ جاۋاپكەرشىلىگىن قۋزاستىرعاندا، «زاڭنان تىس جاناشىرلىق ىستەۋ» قۇبىلىسى ءومىر ءسۇرىپ كەلەدى. 

 

ان شياڭ بىلاي دەپ قارادى: اماليات بارىسىندا مۇنداي نىسايلار دارىپتەلمەۋگە ءتيىس. ازاماتتىق ىستەر زاڭناماسىندا، ازامات جاسىنا تولماعانداردى قورعاۋ زاڭىندا ايقىن بەلگىلەنگەن زاڭدىق قامقورشى رەتىندە، اكە-شەشەسىنىڭ بالانى قورعاۋى تەك وتباسى شارۋاسى عانا ەمەس، قايتا زاڭ بويىنشا بورىشىن وتەۋ بارىسى. زاڭدا جازىم بولعان ادام تۋعان بالاسى بولسا بولعانى، زاڭنان تىس جاناشىرلىق ىستەۋگە بولادى دەپ بەلگىلەنبەگەن. 

 

ان شياڭ بىلاي دەپ قارادى: سىرت اداممەن سالىستىرعاندا، زاڭ وتباسى مۇشەلەرى اراسىندا ءتىپتى دە ايقىن زاڭدىق بورىش جونىندە بەلگىلەمە جاسايدى. بۇدان سىرت، ادەتتەگى زاقىمدالۋ ارەكەتىمەن سالىستىرعاندا، قامقورشىنىڭ قامقورلىققا الىنۋشىنىڭ زاقىمدالۋى اكە- شەشەسى مەن بالالارى اراسىنداعى نەگىزگى ادام تالابىنا قايشى كەلەدى، سول ءۇشىن اتا-انانىڭ زاقىمداۋى قامقورشى بولۋ جاعىنداعى زاڭدىق ءتۇزىمنىڭ جوباسىنا ونان ارى زيان جەتكىزىپ، قاتاڭ ءبىر جاقتىلى ەتۋ كەرەك.

 

اقپارات قۇرالدارىنىڭ حابارىنا قاراعاندا، وسى رەتكى ۋاقيعاداعى قىز بالانىڭ تاعى ءبىر اعاسى بار ەكەن، كەيبىر توراپتاستار اكە-شەشەسىنىڭ جازاعا تارتىلۋىنان الاڭداسا، بالانى قورعاۋ ماسەلەسىنە ىقپال جاسايدى ەكەن. 

 

ان شياڭ بىلاي دەپ قارادى: قىلمىستىق ىستەر جاۋاپكەرشىلىگىن قۋزاستىرۋ قىلمىسىن تۇراقتاندىرۋ جانە جازا بەلگىلەۋ دەپ بولىنەدى، مۇنداي ۋاقيعالار جونىندە، ەڭ اۋەلى، ءبىر ءتۇرلى ارەكەتتىڭ قىلمىستىق ارەكەت ەكەندىگىن ايقىنداپ الۋ كەرەك، ونان سوڭ جازا بەلگىلەۋ بارىسىندا وتباسىنىڭ ناقتى جاعدايىن ويلاستىرىپ، جازا ولشەمى جاعىندا سالىستىرمالى ەگجەي-تەگجەيلى قىزمەت ىستەۋگە، ويلانۋعا تۋرا كەلەدى

 

اۋدارعان: ساعىنبەك رابات ۇلى

来源 : 中国新闻网

 

 

编辑、

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

ٴۇش جاستاعى بالا جازىم بولدى، اتا-اناسى جاۋاپكەرشىلىك ارقالاي ما

تاياۋدا «3 جاستاعى قىز بالانىڭ وتاعاسى جاعىنان كولىكتە ءبىر كۇن قامالىپ قالىپ جازىم بولۋ» ءىسى قوعامنىڭ نازارىن جاپپاي اۋداردى