باتىس بولەك وڭىردەگى 100 ەگەي اۋدان (قالا) تىزىمدىگىنەن شينجياڭنىڭ 13 قالاسى ورىن الدى

9-ايدىڭ 23-كۇنى باسەكەلىك قۋات اقىل-پاراسات قويماسى، جۇڭگو ەكونوميكا جەتەكشى گازەتى مەكەمەسى، بەيجيڭ جۇڭشين قالا جوباسىن جوبالاۋ-زەرتتەۋ ورنى قاتارلى قۇرىلىمدار بىرلەسىپ «جۇڭگونىڭ باتىس بولەك وڭىرىندەگى اۋدانداردىڭ دامۋىن باقىلاۋ-تەكسەرۋ بايانداماسىن 2021-جىلعى» (تومەندە قىسقارتىلىپ «بايانداما» دەلىنەدى) جاريالادى. 

2021-جىلعى جۇڭگونىڭ باتىس بولەگىندەگى 100 ەگەي اۋدان، قالانىڭ تىزىمدىگى

«باياندامادا» «2021-جىلعى جۇڭگونىڭ باتىس بولەك وڭىرىندەگى 100 ەگەي اۋدان، قالانىڭ» تىزىمدىگى جاريالاندى، شينجياڭنان شىحىزى قالاسى قاتارلى 13 قالا وسى تىزىمدىك قاتارىنان ورىن الدى. 

شىحىزى قالاسى 9-ورىندى يەلەدى 

جاسىل جەلەك جامىلعان شىحىزى قالاسىنىڭ كوركەم كورىنىسى 

كورلا قالاسى 10-ورىندى يەلەدى 

كورلا قالاسى اققۋ وزەنى كورىنىس رايونى 

سانجى قالاسى 14-ورىندى يەلەدى 

سانجى قالاسىنىڭ ءبىر بۇرىشى

كۇشار قالاسى 26-ورىندى يەلەدى 

كۇشار قالاسىنىڭ قالا تۇرعىنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ تاقىرىبىنداعى كورىنىس تاقتاسىنىڭ الدىندا سۋرەتكە ءتۇسىپ ەستەلىك قالدىردى. 

فۋكاڭ قالاسى 43-ورىندى يەلەدى 

فۋكاڭ قالاسى جەرىندەگى تيانشان بوعدا كولى كورىنىس رايونى

قۇلجا قالاسى 47-ورىندى يەلەدى 

قۇلجا قالاسىنداعى «ينتەرنەتتە، ءسوز جوق، باراتىن جەر» اتانعان التى ٴشارى  كوشەسى

ۋجياچۇي قالاسى 58-ورىندى يەلەدى 

ۋجياچۇي قالاسىنداعى جىڭعىلدا كولى كورىنىس رايونى

اقسۋ قالاسى 61-ورىندى يەلەدى 

اقسۋ قالاسىنداعى تۇرپان ــ حوتان جوعارى قارقىندى مەملەكەت تاس جولى 3012-لەنياسى مەن مەملەكەت تاس جولى 219-لەنياسىنىڭ ايقاسپالى كوپىرى 

كۇيتۇن قالاسى 63-ورىندى يەلەدى 

كۇيتۇن قالاسىنىڭ كەشكى كورىنىسى

قاشقار قالاسى 65-ورىندى يەلەدى

قاشقار كونە قالاسىنىڭ كەشكى كورىنىسى

قورعاس قالاسى 70-ورىندى يەلەدى 

قورعاس شەكارا وتكەلىنە جينالعان جۇڭگو ــ ەۆروپا كەزەكشى پويەزدارى 

ارال قالاسى 77-ورىندى يەلەدى 

ارال قالاسى 359-لۇيىنىڭ تىڭ يگەرۋ ەسكەرتكىش سارايى 

بۇراتالا قالاسى 97-ورىندى يەلەدى 

تۇنىق سۋ، جاسىل جەلەكپەن قورشالعان بۇراتالا قالاسى 

مۇنىڭ ىشىندە قورعاس قالاسى مەن بۇراتالا قالاسى تۇڭعىش رەت سارالانىپ، «جۇڭگونىڭ باتىس بولەك وڭىرىندەگى 100 ەگەي اۋدان، قالانىڭ» جاڭا مۇشەسىنە اينالدى. 

«باياندامادا» كورسەتىلۋىنشە، 2021-جىلعى جۇڭگونىڭ باتىس بولەك وڭىرىندەگى 100 ەگەي اۋدان، قالا 11 ولكەگە (اۆتونوميالى رايون، توتە قاراستى قالاعا) ورنالاسقان، سىچۋان ولكەسىنەن جوعارىداعى تىزىمدىكتەن 26 اۋدان (قالا) ورىن يەلەپ، باتىس بولەكتەگى ولكەلەردە ءبىرىنشى ورىندا تۇردى، ونان قالسا، ىشكى موڭعۇلدان 13، شينجياڭنان 13، يۇنناننان 13، گۇيجوۋدان 10، شانشيدەن 9، گۋاڭشيدەن 6، چۇڭچيڭنان 6، نيڭشيادان 2، گانسۋدان ءبىر، چيڭحايدان ءبىر اۋدان (قالا) بار. 

جۇڭگونىڭ باتىس بولەك وڭىرىندەگى 100 ەگەي اۋدان، قالانىڭ تىزىمدىگىندە 6 «جاڭا مۇشە» بار، ولار مىنالار: شينجياڭنىڭ قورعاس قالاسى، يۇنناننىڭ جيانشۇي اۋدانى، شينپيڭ اۋدانى، شينجياڭنىڭ بۇراتالا قالاسى، ىشكى موڭعۇلدىڭ ۇلانحوت قالاسى، گۋاڭشيدىڭ ليڭشان اۋدانى. 

9-ايدىڭ 23-كۇنى كۇشار قالاسى ۇشوستەڭ اۋىلى توقچي قىستاعىنىڭ قىستاق تۇرعىندارى جەمىس باعىندا تىكە تاراتۋ ارقىلى جەمىس ساتۋدا

«باياندامادا» كورسەتىلۋىنشە، 2021-جىلعى جۇڭگونىڭ باتىس بولەك وڭىرىندەگى 100 ەگەي اۋدان، قالانىڭ تۇراقتى جان سانى ورتا ەسەپپەن 556 مىڭ 300 ادام؛ وڭىرلىك ءوندىرىس جالپى ءونىم قۇنى ورتا ەسەپپەن 35 ميلليارد 647 ميلليون يۋان بولىپ، ورتا ەسەپپەن %3.3 ارتتى؛ ادەتتەگى الەۋمەتتىك مەجە ەسەپ كىرىسى ورتا ەسەپپەن 2 ميلليارد 275 ميلليون يۋان بولىپ، ورتا ەسەپپەن %3.5 ارتتى؛ كولەمدەنگەن ونەركاسىپ كاسىپورىندارى ورتا ەسەپپەن 95 كە جەتىپ، كولەمدەنگەن ونەركاسىپتىڭ جالپى ءونىم قۇنى ورتا ەسەپپەن 38 ميلليارد يۋان؛ تۇراقتى مۇلىككە قوسىلعان قارجى ورتا ەسەپپەن %11.6 ارتتى؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى ورتا ەسەپپەن 11 ميلليارد 22 ميلليون يۋان بولىپ، ورتا ەسەپپەن %2.6 تومەندەدى؛ قالا-قالاشىق تۇرعىندارىنىڭ جان باسىندىق ءبولىس ەتۋگە بولاتىن كىرىسى ورتا ەسەپپەن 38 مىڭ 680 يۋان بولىپ، ورتا ەسەپپەن %4.3 ارتتى؛ اۋىل-قىستاق تۇرعىندارىنىڭ جان باسىندىق ءبولىس ەتۋگە بولاتىن كىرىسى ورتا ەسەپپەن 18 مىڭ 380 يۋان بولىپ، ورتا ەسەپپەن %8.3 ارتتى؛ قالا، اۋىل تۇرعىندارىنىڭ جان باسىندىق امانات اقشاسى ورتا ەسەپپەن 54 مىڭ 200 يۋان؛ اۋا ساپاسىنىڭ جاقسى بولۋ مولشەرى ورتا ەسەپپەن %90.6 بولدى؛ قۇرىلعان رايونداردىڭ جاسىلدانۋ مولشەرى ورتا ەسەپپەن %40.4 بولدى. 

ۇعىسۋعا قاراعاندا، جۇڭگونىڭ باتىس بولەك وڭىرىندەگى اۋدانداردىڭ دامۋىن باقىلاۋ-تەكسەرۋ، باعالاۋ وبيەكتىسى باتىس بولەك وڭىردەگى 12 ولكەنىڭ (اۆتونوميالى رايون، توتە قاراستى قالانىڭ) بارلىق اۋدان كولەمىندەگى ورىندارى بولىپ، ەكونوميكالىق كولەمى، حالىق تۇرمىسى، ەكونوميكالىق ومىرشەڭدىك كۇشى، دامۋ ساپاسى سىندى 4 جاقتان باعالانادى، 4 تۇردەگى كورسەتكىشتى بىرىكتىرۋدەن باسەكەلىك قۋات كورسەتكىشى بارلىققا كەلەدى، باسەكەلىك قۋات كورسەتكىشىنىڭ الدىڭعى 100 ى جۇڭگونىڭ باتىس بولەك وڭىرىندەگى 100 ەگەي اۋدان، قالا تىزىمدىگىنە كىرەدى ەكەن.

اۋدارعان: ساعىنبەك رابات ۇلى

来源：天山网

编辑、制作：古丽美热