تۋىستارىن الداپ ارام پايداعا كەنەلگەن ەرلى-زايىپتى ۇستالدى
تۋىستارىن الداپ ارام پايداعا كەنەلگەن ەرلى-زايىپتى ۇستالدى
قۇرمەتتى تىڭدارمان قاۋىم، بۇگىن 9-ايدىڭ 27-كۇنى، دۇيسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر
您的浏览器不支持 audio标签
* 2020-جىلى جۇڭگونىڭ سيفرلى ەكونوميكاسىنىڭ كولەمى 39 تريلليون 200 ميلليارد يۋانعا جەتتى.
* «جىلجىمالى حالىقتىڭ جوسپارلى تۋىت قىزمەت ەرەجەسى» قاتارلى 3 اكىمشىلىك زاڭ – ەرەجە كۇشىنەن قالدىرىلدى.
* مەملەكەت مەرەكەسى دەمالىسىندا، بۇكىل ەل بويىنشا اقىلى تاسجولداردا 7 ورىندىقتان تومەن شاعىن تۇرپاتتى جولاۋشىلار اۆتوموبيلىنەن كولىك قاتىناۋ اقىسى الىنبايدى.
* 16 قالا «وقۋ رايونىنداعى ٴۇي» الىپساتارلىعى بىلىقپالىعىن قاتاڭ رەتكە سالا باستادى، كوپتەگەن قالالاردا «وقۋ رايونىنداعى ٴۇي» بازارى ساباسىنا ٴتۇستى.
* جيلين ولكەسى نەگىزگى حالىق تۇرمىسىنا قاجەتتى ەلەكتردەن پايدالانۋ قاجەتىن بار كۇشپەن قامتاماسىز ەتتى.
* گۋاڭدۇڭ ولكەسى توك ۇنەمدەۋ جايلى ۇندەۋ حات جاريالادى، قىزمەت ورىندارىندا 3 قاباتتان جوعارى قاراي ليفىت قولدانۋعا رۇحسات ەتىلەدى.
* دالي قالاسىنداعى A دارەجەلى كورىنىس رايوندارى بۇكىل ەلدەگى ساياحاتشىلارعا ٴبىر جىلعا ٴبولىپ بەلەت اقىسىن كەشىرىم ەتۋ شاراسىن اتقاردى.
* گەرمانيا زور سايلامى باستالعان كۇنى داۋىس بەرۋ ٴتۇيىنىنىڭ ماڭىنان بومبى بايقالىپ، كوپتەگەن داۋىس بەرۋ ورىندارى جابىلدى.
* جاپونيادا جانار تاۋ اتىلىپ، جانار تاۋ كۇلى تۇڭعىش رەت 5400 مەترگە دەيىن اتقىلاقتادى.
* تۇركيانىڭ كاراحان تاۋىنان بايقالعان بايىرعى ادامزات جۇرتتارى تۇڭعىش رەت جاريالاندى، بۇل بايىرعى جۇرتتار 12 مىڭ جىلعا جۋىق تاريحقا يە بولعان.
* ينديادا 90 جاستاعى كەيۋانا ماشينا ۇيرەنىپ، جۇرتتى تاڭعالدىردى. ونىڭ جىگەرىنە قاۋىم ەل تاڭداي قاعىپ، قول سوقتى.
* سىچۋاننىڭ يا-ان قالاسىندا نوسەر جاۋىپ، اپاتقا ايلاندى. قازىرگە دەيىن 3 ادام قۇتقارىلدى، 2 ادامنىڭ سۇيەگى تابىلدى، 12 ادام دەرەكسىز كەتتى.
* شىعىس سولتۇستىكتەگى كوپتەگەن جەرلەردە ەلەكتر شەكتەلەدى، مەملەكەتتىك ەلەكتر تورابىنىڭ قىزمەت وتەۋ ٴتۇيىنى: تۇرعىندارعا جاتپايتىن سالالارعا باعىتتالعان ەلەكتر شەكتەۋ شاراسى اتقارىلسا دا، ەلەكتر جەتىسپەۋ جاعدايى تۋىلعاندىقتان، تۇرعىنداردىڭ ەلەكتر ىستەتۋىنە شەكتەمە قويىلدى-دەپ تۇسىنىك جاسادى.
* سىچۋان ولكەسى لۋجوۋ قالاسىنداعى ٴبىر ورتا مەكتەپتە جوعارى كلاستا وقيتىن قىزدار جاتاقحانا تازالىعىن تەكسەرۋ بارىسىندا، ۇساق-تۇيەك تاعامدار بايقالعاندىقتان، تومەن كلاستاعى قىز وقۋشىنى 150 رەت تىزەرلەتىپ جازالاعان، سونىڭ سالدارىنان وسى قىز بالانىڭ اياعى زاقىمدالىپ مۇگەدەك بولىپ قالعان، زاقىمدالۋشىنىڭ وتباسى: بالا قورىققانىنان رۋحاني ازاپ شەگۋدە، قازىرشە مەكتەپ جاقپەن تولەم ماسەلەسىن اقىلداسۋعا اسىقپايمىز،-دەدى.
* فوشان قالاسىندا اراق ٴىشىپ ەسىنەن ايىرىلعان قىز بالانى ۋلاپ ولتىرگەن باستىعى ۇستالىپ، باسقىنشىلىق ىستەۋ دەلوسى بويىنشا ايىپتالدى.
*حىنان ولكەسىندە جۇكتى بولعانىنا 7 اي بولعان ٴبىر ايەل قىزمەتتەن توقتاتىلدى، سەرىكتىك: شتاتتان تىس قىزمەتكەردە تۋىت دەمالىسى بولمايدى،-دەپ تۇسىنىك جاسادى.
* سۋجوۋ قالاسىندا ٴبىر ەرلى-زايىپتى تۋىس-تۋعان، دوس-جاراندارىنان 32 ميلليون يۋان اقشانى الداپ ارباپ قولعا تۇسىرگەن، دەلوعا قاتىستى جالپى اقشا مولشەرى 432 ميلليون يۋانعا جەتكەن.
* حۋبەيدا ٴبىر كيلومەتردەي قاشىپ ۇلگەرگەن ٴبىر قۇمارپازدى ساقشى قۋىپ جەتىپ، الىپ سوققان. ۇعىسۋعا قاراعاندا، بۇل حالىق ساقشىسى مەملەكەتتىڭ 2-دارەجەلى سپورتشى ٴارى سايىسكەرلىك ونەرىن ۇيرەنگەن ەكەن.
* لياۋنيڭنىڭ جينجوۋ قالاسىندا ٴبىر قىز ستۋدەنت ساباقتاستارىنىڭ الدىندا ٴوزىن تانىستىرىپ: قوقىر-قوقىسىق جيناپ كۇنەلتەمىز، اكە-شەشەم قاتتى شارشادى! مەنىڭ ارمانىم شەشەمە ۇلكەن ساياجاي ساتىپ الۋ،-دەدى. توراپتاستار: وزىنە سەنىمى زور بويجەتكەننىڭ ەڭ سۇلۋ بويجەتكەن-دەپ القادى.
* حىبەي ولكەسىندە ٴبىر ادام حايۋاناتتى قۇتقارۋ نيەتىندە، تىمساقتىڭ بالاسىن سۋ قويماسىنا زاڭسىز قويا بەرگەن ٴارى سۋعا ۇيرەنبەگەن تىمساق ٴولىپ قالعان. بۇل جونىندە شين جيڭ گازەتى ساراپتاما جاساپ: حايۋاناتتارعا جاناشىرلىق ىستەگەندە دە، اقىلعا قاراي ٴىس كورۋ كەرەك-دەپ كەڭەس بەردى.
* 13-كەزەكتى جۇڭگو اۆياتسيا كورمەسى اشىلۋ قارساڭىندا، جويىمپاز-20 تۇرپاتتى سوعىس ۇشاعى جۋحاي تەڭىزىنەن ۇشىپ ٴوتىپ جاتتىعۋىن جۇرگىزدى.
* جيلين ولكەسى شۋلان قالاسى جينما قالاشىعىندا التىن سارى ٴتۇستى كۇرىش اتىزى، كەڭ كوسىلگەن تاۋ، سارقىراپ اققان وزەن قىستاق كەلبەتىن كورىكتەندىرىپ، تاماشا كارتينا قالىپتاستىردى.
* 16 جاستاعى ورتالاۋ مەكتەپ وقۋشىسى ليۋ چيڭ-ي مەملەكەتتىك سپورت جارىسىندا ناجاعاي ءبيىنىڭ اعا جۇلدەگەرى بولدى.
您的浏览器不支持 audio标签
باتىستىڭ شينجياڭعا ساياتىن دۇنيە ٴجۇزىن الدايتىن وتىرىگى اشكەرەلەندى
جۇڭگو ۇكىمەتى 9-ايدىڭ 26-كۇنى «شينجياڭنىڭ جان سانى دامۋى» اتتى اق تىستى كىتاپتى جاريالاپ، ناقتى ساندى مالىمەتتەر ارقىلى شينجياڭنىڭ جان سانى دامۋ جاعدايىن تانىستىرىپ، دۇنيە جۇزىنە جۇڭگو سىندى بىرلىككە كەلگەن كوپ ۇلتتى مەملەكەتتىڭ از ۇلت جان سانىنىڭ اقاۋسىز دامۋىن جەبەۋدەگى تابىستى ۇلگىسىن ايگىلەدى. شىندىق الدىندا، باتىستاعى جۇڭگوعا قارسى كۇشتەر ويدان شىعارعان شينجياڭعا ساياتىن، دۇنيە ٴجۇزىن الدايتىن ٴتۇرلى وتىرىكتەر اشكەرەلەنىپ، ولاردىڭ شينجياڭدى بىلىقتىرۋ؛ جۇڭگونى شاۋجايلاۋ سۇرقيا قاسكۇنەمدىگى كۇيرەدى.
شينجياڭ جۇڭگونىڭ باتىس سولتۇستىگىنە، ازيا-ەۆروپا قۇرلىعىنىڭ كىندىگىنە ورنالاسقان، كوپ ۇلت شوعىرلى قونىستانعان ٴوڭىر. ونىڭ جان سانىنىڭ دامۋى ونەركاسىپتەنۋ، قالا-قالاشىقتانۋ، وسىزاماندانۋ اياق الىسىنا ىلەسە، تۋىلۋ سالىستىرماسى تومەن، ٴولۋى تومەن، جان سانىنىڭ ارتۋى باياۋ بولۋعا قاراي بۇرىلىس جاسالۋدا، مۇنداي بۇرىلىس ەكونوميكالىق، قوعامدىق دامۋ، ۇيلەنۋ، بالالى بولۋ كوزقاراسىندا بۇرىلىس بولۋ سياقتى كوپ ٴتۇرلى فاكتورلاردىڭ جالپىلىق رولىنىڭ ناتيجەسى دەۋگە ولادى، دۇنيە ٴجۇزى جان سانى دامۋىنىڭ جالپىلىق زاڭدىلىعىنا ۇيلەسەدى.
2020-جىلعى ساندى مالىمەتتە مىناداي دەپ انىق كورسەتىلگەن: 10 جىلدا شينجياڭنىڭ جان سانىنىڭ ارتۋ قارقىنى مەملەكەت بويىنشا 4-ورىندى يەلەدى، جان سانىنىڭ ارتۋ مولشەرى مەملەكەت بويىنشا 8-ورىندى يەلەدى. سونىمەن بىرگە، ۇيعۇر ۇلتىنىڭ جان سانى جالپى جاقتان ٴبىرشاما جوعارى ارتۋ دەڭگەيىن ساقتاپ، 2000-جىلعى 8 ميلليون 345 مىڭ 600 ادامنان 2020-جىلى 11 ميلليون 623 مىڭ 300 ادامعا جەتىپ، جىلىنا ورتا ەسەپپەن %1.67 ارتىپ، ۇقساس مەزگىلدەگى بۇكىل ەلدەگى از ۇلتتار جان سانىنىڭ ارتۋ ورەسىنەن الدەقايدا جوعارى بولدى. بۇدان سىرت، اق تىستى كىتاپتا الداعى ٴبىر مەزگىلدە شينجياڭنىڭ جان سانى، اسىرەسە، از ۇلت جان سانى ورنىقتى ارتادى دەپ انىق ايتىلدى. ەندەشە، جان سانى ۇزدىكسىز ارتىپ وتىرعان ۇلتتىڭ ايتىلمىس «ناسىلدىك قۇرتۋ» دەگەن وسەكپەن نەندەي قاتىسى بولسىن؟
فاكىتتەر بۇل عانا ەمەس، تولىپ جاتىر. ب م ۇ ورتاعا قويعان ادامزاتتىڭ دامۋ دەڭگەيىن ولشەيتىن ولشەم سانالاتىن ادامزاتتىڭ دامۋ كورسەتكىشى بويىنشا ساراپقا سالعاندا، مەجەلى عۇمىر، وقۋ-اعارتۋ دەڭگەيى جانە تۇرمىس ساپاسى سىندى 3 ٴتۇرلى نەگىزدىك فاكتوردىڭ شاما وزگەرىسى جاعىندا، شينجياڭداعى از ۇلت حالقى جالپى دامۋ جاعىندا ارشىندى قاداممەن العا باستى. شينجياڭنىڭ جان سانىنداعى 2019-جىلعى ورتاشا مەجەلى عۇمىر 74.7 جاس بولىپ، 2010-جىلداعىدان 2.35 جاس جوعارىلادى. ۇيعۇر ۇلتىنىڭ ٴار 100 مىڭ ادامنىڭ ىشىندە ۋنيۆەرسيتەت ماعلۇماتىنا يە جان سانى 8944 ادام بولىپ، 2000-جىلداعىمەن سالىستىرعاندا 6540 ادام ارتتى. تاياۋدا ب م ۇ-نىڭ ادامدىق ۇقىق القالار كەڭەسىنىڭ 48-كەزەكتى ماجىلىسىندە شينجياڭنىڭ اقسۋ ايماعىنداعى ۇيعۇر بۇقاراسى تۇرسىن ٴوز كەشىرمەسى ارقىلى كاسىپتەنۋ حيكاياسىن باياندادى. ول بىلاي دەدى: مەنىڭ سىرتقا شىعىپ جۇمىس ىستەۋىم ٴتىپتى دە كوپ اقشا تابۋ، ٴتىپتى دە جاقسى ٴومىر كەشىرۋ ٴۇشىن بولىپ تابىلادى، ال، شەكارا سىرتىنداعى كەيبىرەۋلەر شينجياڭداعى از ۇلتتارعا جالا جاۋىپ، «ٴماجبۇري ەڭبەك» دەگەندەرى بارىپ تۇرعان سوراقىلىق وسەكتەن باسقا دانەڭە ەمەس.
شينجياڭنىڭ جان سانى دامۋى شينجياڭنىڭ ادامدىق ۇقىق ىستەرىنىڭ العا باسۋىنىڭ ٴبىر بەينەسى. بۇل دامۋ قوعام ورنىقتىلىعى يگىلىگىنىڭ ۇزدىكسىز كورنەكتىلەنۋىنىڭ ارقاسىندا ىسكە اسىپ وتىر ٴارى جۇڭگو ۇكىمەتى قولدانعان تەررورلىققا قارسى تۇرۋ شارالارىنىڭ كورنەكتى ونىمدىلىك جاراتقاندىعىن ايگىلەيدى. الايدا، باتىستاعى جۇڭگوعا قارسى كۇشتەر فاكت پەن شىنايىلىقتى كورمەسكە سالىپ، اتالمىش «ٴماجبۇري ەڭبەك»، «تۋىتتان ٴماجبۇري شەكتەۋ»، «مادەنيەت قۇرتۋ» دەگەن سياقتى عاسىرىمنىزدا بولماعان وتىرىكتەردى ويدان ويدىرىپ جاساپ شىقتى، سونداي-اق وتىرىككە نەگىزدەلىپ، شينجياڭنىڭ ماقتا، پاميدور جانە فوتوۆولت سىندى 3 ٴىرى كاسىبىنە ىركەس-تىركەس اۋرەلەر تۋدىردى، ولاردىڭ مۇنداعى ماقساتى-شينجياڭداعى ٴار ۇلت بۇقاراسىن ەڭبەك ۇقىعى مەن دامۋ ۇقىعىنان ماحرۇم ەتىپ، شينجياڭدى توماعا-تۇيىق، مەشەۋ كەدەيلىك كۇيگە ٴتۇسىرۋ، شينجياڭدا بىلىقپالىق تۋدىرىپ، جۇڭگونىڭ دامۋىنا بوگەت بولۋ.
وتىرىك شىن سىردى جاسىرا المايدى. ساندى مالىمەتتەر شينجياڭنىڭ جان سانى ىستەرى بۇرىنعى ٴارقانداي تاريحي كەزەڭمەن سالىستىرۋعا بولمايتىنداي دارەجەدە دامىعاندىعىن دالەلدەدى. باتىستاعى جۇڭگوعا قارسى كۇشتەر ويدان شىعارعان شينجياڭعا ساياتىن ساندىراقتار حالىقارالىق قوعامدى الداي المايدى، شينجياڭنىڭ وسىزاماندانۋعا بەت الۋ اياق الىسىن بۇلدىرە المايدى، جۇڭگونىڭ دامۋىنا، العا باسۋىنا ٴتىپتى دە بوگەت بولا المايدى!
来源：中央广播电视总台
新闻速递翻译：夏力哈尔 播音：热德力
世界报道翻译：哈那提别克 播音：古丽娜尔
微信制作：古丽美热
： ， 。 视频 小程序 赞 ，轻点两下取消赞 在看 ，轻点两下取消在看
